لماذا يتزوج الرجل باخرى؟؟؟

[Abu ToNi]

أولاً : القدرة على الإنفاق
ثانياً : توفير العدل بين الزوجات

طب فين المشكلة اذا قدرت المراة تحقق هي الشروط القدرة على توفير الرعاية لمنزلين وتلبية الشروط الجنسية والمنزلية بالعدل والمساواة بين الزوجين فين المشكلة ؟! ومن ناحية التعداد اللي انت جايبه رجاء اعمل تحديث لمعلوماتك سبق وقلت انه تعداد الاناث يعادل تقريبا 51 % ففين شفت لي الضعف وفين شفت لي المنطق بالارقام وحتى وان كانت تبلغ النسبة 75 % هاد مانها حجة حتى يتحول الشذوذ إلى قاعدة بالمجتمع واذا مستغرب من كلمة شذوذ بحب اخبرك العلاقات المثلثة ( رجلين + امراة أو امراة + رجلين ) يصنفوا تحت باب الشذوذ الجنسي حتى وان ما كانت العلاقة قائمة بنفس الوقت بيكفي انها متزامنة .

[Abu ToNi]

لأن المفروض ينحط الظروف الي دفعت الرجل للزواج بأمراءه تانيه
مشان يكون الرد صحيح وعليه كل حاله الها تقيمها الأنساني

وبرايك في ظروف بتسمح بهاد الشي

وان كان في ظروف بتسمح زواج الرجل من اكثر من امراة ما لازم يكون في ظروف مقابلة بتسمح زواج المراة من اكثر من رجل ؟!

[Abu ToNi]

كاتب النص الأصلي : Donald Duck

انا يا غابي ما ذكرت انو لازم يكون في زواج ثاني وبس ..

يعني بجوز يصير طلاق من اسباب معينة ..

وقسم منها بصير من الانجاب ..

يعني شو ذنب الرجل ما يشوف ابنة .. او شو ذنب المرأة ما تشوف ابنها ..

بس كل التعليقات الي كانت .. اخذت كلمتين من ردودي وبس ..

انا ما اخدت كلميتن انا اخدت الرد متل ما هوي لا نقصت منه ولا زدت

بس انه بدي حدا يفهمن انه ليش مافي تعدد ازواج ؟! يا اخي طالما متقبلين فكرة تعدد الزوجات ضمن شروط حلو هاد الحكي حط الشروط اللي بدك ياها وكيف ما بدك وعلى شو ما بدك بنيها بس اعطيها للمرأة الحق اللي انت حاصل عليه لا اكتر ولا اقل .

اذا حسيت حالك ستهان اذا زوجتك قالت عنك ضعيف جنسيا ومافيك تلبي حاجاتها وانه من حقها تتخلى عنك او اتجيب لك ( ضر) لتلبية حاجاتها بتكون بديت لك شوي تعرف شعور المراة المتزوج عليها ما بعتقد في رجل شرقي بيقدر ( يفكر ) بالنقطة هي ومع هاد الشي على مبدا العدل والمساواة الشي اللي ما بيرضاه لحاله يعتبر من واجب غيره يتقبله وبتقولوا لي المراة ىخدة حقوقها لك متل ما قلت لكم يا ريت ما دخلت على الموضوع من اوله لأني رجعت قرفت الوضع وقرفت البلد وقرفت الشعب الفهمان اللي ساكن بهاد البلد .

يعني بجوز يصير طلاق من اسباب معينة ..

انتبه على الحكي بديت تدخل بغير قصص نحن ما عمنحكي على الطلاق مع انه كمان ذل للمراة بكل معنى الكلمة انه بكلمة من اربع احرف ( طالق ) بيتغير كل مجرى حياتها وبينهدم كل شي بس ما عمنحكي على الطلاق هون فخلينا بتعدد الاطراف في العلاقات الزوجية وبلا ما نسرح ونمرح بعيد عن الموضوع .

[ماغنوم56]

كاتب النص الأصلي : gabriel

وبرايك في ظروف بتسمح بهاد الشي وان كان في ظروف بتسمح رزواج الرجل من اكثر من امراة ما لازم يكون في ظروف مقابلة بتسمح زواج المراة من اكثر من رجل ؟!

بظن جبريل ان الموضوع والسؤال لماذا الرجل يتزوج امراءه اخرى
مش اهل يحق لرجل الزواج بمراءه اخرى وهل من حق المراءه تعدد الأزواج
بس تحط موضوع بهل الخصوص حاضر بجاوبك ع سوألك

[Reemi]

الأنسان الاجتماعيه والعقائديه والتربويه ؟؟؟؟
لأن اذا تجرد الأنسان من كل هدول اصبح رأي الجميع متل بعض

ما عم افهم عليك!

يعني انا اذا ما عندي دين استند الو ما عندي راي!؟!؟!؟

ما فيني ابني رايي من عقلي وتجربتي وشو شفت من هالدنيا بدون ما روح بحبش شو كان راي الرسول والله بالقصه مشان امشي ع رايهون! شو ما بيقلولي بدي اعمل!

[Abu ToNi]

كاتب النص الأصلي : ماغنوم56

بظن جبريل ان الموضوع والسؤال لماذا الرجل يتزوج امراءه اخرى
مش اهل يحق لرجل الزواج بمراءه اخرى وهل من حق المراءه تعدد الأزواج
بس تحط موضوع بهل الخصوص حاضر بجاوبك ع سوألك

وبظن وقت بدنا نحط فكرة تعدد الزوجات كفكرة منطقية ونناقش حالاتها واحكامها كمان لازم من باب العدل نشوف هل من حق المرأة تتزوج اكتر من رجل ولا لا ؟!!؟
ومشان حضرتي مع اني اكتر من مرة قلت لك لا تحكي معي بهاد الاسلوب بس برجع بقول لك حضرتي مانه فاضي حتى يوجع راسه بهيك قصص كون القصة فالج لا تعالج المرأة بدها اتم مربوطة بكلمة وحيتم الذل مكتوب على جبينها فما بده يتغير شي بس كون القصة انفتحت وانفتحت ارتقت حضرتنا نحكي بالقصة ولا تحسبني مبسوط لأن فعلا قرفان من التخلق اللي عمنتناقش فيه حاليا .

[Donald Duck]

كاتب النص الأصلي : gabriel

انا ما اخدت كلميتن انا اخدت الرد متل ما هوي لا نقصت منه ولا زدت

بس انه بدي حدا يفهمن انه ليش مافي تعدد ازواج ؟! يا اخي طالما متقبلين فكرة تعدد الزوجات ضمن شروط حلو هاد الحكي حط الشروط اللي بدك ياها وكيف ما بدك وعلى شو ما بدك بنيها بس اعطيها للمرأة الحق اللي انت حاصل عليه لا اكتر ولا اقل .

اذا حسيت حالك ستهان اذا زوجتك قالت عنك ضعيف جنسيا ومافيك تلبي حاجاتها وانه من حقها تتخلى عنك او اتجيب لك ( ضر) لتلبية حاجاتها بتكون بديت لك شوي تعرف شعور المراة المتزوج عليها ما بعتقد في رجل شرقي بيقدر ( يفكر ) بالنقطة هي ومع هاد الشي على مبدا العدل والمساواة الشي اللي ما بيرضاه لحاله يعتبر من واجب غيره يتقبله وبتقولوا لي المراة ىخدة حقوقها لك متل ما قلت لكم يا ريت ما دخلت على الموضوع من اوله لأني رجعت قرفت الوضع وقرفت البلد وقرفت الشعب الفهمان اللي ساكن بهاد البلد .



انتبه على الحكي بديت تدخل بغير قصص نحن ما عمنحكي على الطلاق مع انه كمان ذل للمراة بكل معنى الكلمة انه بكلمة من اربع احرف ( طالق ) بيتغير كل مجرى حياتها وبينهدم كل شي بس ما عمنحكي على الطلاق هون فخلينا بتعدد الاطراف في العلاقات الزوجية وبلا ما نسرح ونمرح بعيد عن الموضوع .

يا غابي ..

بس بدي اتجاوبني على هالسؤال ..

يعني اذا رجل زوجته ما بتجيب اولاد .. في هذه الحالة شو يعمل ..

وكمان اذا الزوجة زوجها ما بجيب اولاد .. في هذه الحالة شو تعمل ..

انا لما احكيت كمان راعيت امور الدين ..

يعني من حق الزوجة كمان تطلب الطلاق .. لانو ما بجوز تتزوج من رجل ثاني من ناحية منطقية ودينية ..

[ماغنوم56]

كاتب النص الأصلي : Reemi

ما عم افهم عليك!

يعني انا اذا ما عندي دين استند الو ما عندي راي!؟!؟!؟

ما فيني ابني رايي من عقلي وتجربتي وشو شفت من هالدنيا بدون ما روح بحبش شو كان راي الرسول والله بالقصه مشان امشي ع رايهون! شو ما بيقلولي بدي اعمل!

يا ريمي عم تئوليني الي ما التو
انتي اذا ما عندك دين فا انت علمانيه واذا علمانيه بدك تبني رأيك ع علمانيتك الي هي عقيدتك
وع خلفيتك الأجتماعيه وخلفيتك التربويه
طيب بجي معك وبرد ع سؤالك ....ما فيكي تبني رأيك من عقلك؟؟؟؟ ......فيكي ليش ما فيكي
بس عقلك نوجد براسك عمرو عشرين سنه ولا مر بمراحل
من التربيه والتعلم والأكتساب والتجربه والمجتمع المحيط
لحتى صار عمرو عشرين سنه وتبلور فيه الأساسيات والخطوط العريضه
انا هاد هون قصدي
وبعدين انا ما ذكرت رسول او دين مشان تئوليلي رأي الرسول

[Abu ToNi]

يعني اذا رجل زوجته ما بتجيب اولاد .. في هذه الحالة شو يعمل ..

وكمان اذا الزوجة زوجها ما بجيب اولاد .. في هذه الحالة شو تعمل ..

بحسب مفهوم الزوج بيرجع عندك بس اكيد ما الحل هوي الزواج من اخرى

طالما النظر للمراة على انها ( مفرخة ) واللي ما بتجيب هي قطعة ( مضروبة ) ومن حقي اتخلى عنها بتكون عبتحط المراة بنفس مرتبة السيكارة بس ما تخلص منها بتكبها ما بعرف شو هوي مفهوم الزواج عندك بس الزواج اللي بصنفه على انه علاقة مشتركة وشراكة بين كائنين اقسموا على الحياة من اجل بعض وبذل كل شي في سبيل الحفاظ على هي الشراكة او العلاقة اللي بتحمل بنفس الوقت قيمة عظيمة من المشاعر والعواطف . يعني مانها قصة انجاب ولقمة عيش في الها امتدادات كتير كبيرة بعتقد الانجاب جزء منها لكن مانه محور اساسي فيها .

[ماغنوم56]

كاتب النص الأصلي : gabriel

وبظن وقت بدنا نحط فكرة تعدد الزوجات كفكرة منطقية ونناقش حالاتها واحكامها كمان لازم من باب العدل نشوف هل من حق المرأة تتزوج اكتر من رجل ولا لا ؟!!؟
ومشان حضرتي مع اني اكتر من مرة قلت لك لا تحكي معي بهاد الاسلوب بس برجع بقول لك حضرتي مانه فاضي حتى يوجع راسه بهيك قصص كون القصة فالج لا تعالج المرأة بدها اتم مربوطة بكلمة وحيتم الذل مكتوب على جبينها فما بده يتغير شي بس كون القصة انفتحت وانفتحت ارتقت حضرتنا نحكي بالقصة ولا تحسبني مبسوط لأن فعلا قرفان من التخلق اللي عمنتناقش فيه حاليا .

مشان نضل ضمن سياق الموضوع
بتمنى عليك تئرا ردي مره تانيه وتئولي وين التلك حاضرتك؟؟؟؟

[Abu ToNi]

كاتب النص الأصلي : ماغنوم56

مشان نضل ضمن سياق الموضوع
بتمنى عليك تئرا ردي مره تانيه وتئولي وين التلك حاضرتك؟؟؟؟

هاد اللي فهمته من كل الرد ؟!؟!

[Donald Duck]

كاتب النص الأصلي : gabriel

بحسب مفهوم الزوج بيرجع عندك بس اكيد ما الحل هوي الزواج من اخرى

طالما النظر للمراة على انها ( مفرخة ) واللي ما بتجيب هي قطعة ( مضروبة ) ومن حقي اتخلى عنها بتكون عبتحط المراة بنفس مرتبة السيكارة بس ما تخلص منها بتكبها ما بعرف شو هوي مفهوم الزواج عندك بس الزواج اللي بصنفه على انه علاقة مشتركة وشراكة بين كائنين اقسموا على الحياة من اجل بعض وبذل كل شي في سبيل الحفاظ على هي الشراكة او العلاقة اللي بتحمل بنفس الوقت قيمة عظيمة من المشاعر والعواطف . يعني مانها قصة انجاب ولقمة عيش في الها امتدادات كتير كبيرة بعتقد الانجاب جزء منها لكن مانه محور اساسي فيها .

غابي انا كمان جبت عن المرأة .. الظاهر ما انتبهت عليه ..

يعني كمان المرأة من حقها تتخلى عن الزوج اذا ما بجيب اولاد ..

انا لما احكيت ما احكيت عن نفسي ..

احكيت عن الناس الطبيعين ..

الي بكون بدو ولد بأي ثمن ..

وبكون بستنى في الثانية الي يصير عنده ولد ..

مو كل الناس غابي .. وما بهمهم انجاب اطفال ..

وانا ما قولت المرأة مثل السيجارة ..

لانو كمان جبت مثال للمرأة انو تترك زوجها من اجل الاطفال ..

وكل واحد من حقة الطبيعي يشوف اولادة ..

ان كان رجل وا مرأة ..

[مالك الحلبي]

بتمنى تعيدوا قراءة ردي قراءة تمحيصية عقلانية
بتوقع كان رد كافي ووافي
ولي عودة بأذن الله
واطلب تثبيتي

[suryoyo]

بالنتيجة ........

ما وصلنا الى تفاهم


و بدل ما نحكي بالمثاليات .... خلي نشوف الواقع و التطبيق و مدى امكانية التطبيق بالاساس


و بالنهاية برايي .. اللي متزوج و مرته عايشة معه ... و يرجع يتزوج مرة ثانية ........ هو يظلم الاولى و يظلم نفسه

و اللي يرجع يقول .. مشاكل و عدم تفاهم

اقول ل ه.. ما ممكن معالجة مشكلة بالهروب الى مشكلة ثانية لان كل بساطة قد يكون العيب ف طباع الزوج لا الزوجة !!!

[معرف]

اللي متزوج و مرته عايشة معه ... و يرجع يتزوج مرة ثانية ........ هو يظلم الاولى و يظلم نفسه

هو اكيد رح يظلم نفسه
لاسباب كثيره
منها انو مارح يحسن يعدل بينهم

وممكن كمان يكون الغلط منو مافي اي شك
ومع هيك
يبقى الزواج الثاني افضل من الطلاق

[Marooshe]

كاتب النص الأصلي : معرف

هو اكيد رح يظلم نفسه
لاسباب كثيره
منها انو مارح يحسن يعدل بينهم

وممكن كمان يكون الغلط منو مافي اي شك
ومع هيك
يبقى الزواج الثاني افضل من الطلاق

ليش يعني... لتكون بتتسجلو بدفتر الحسنات وبيكسب عليها ثواب!!!

[مالك الحلبي]

بتمنى يكون النقاش هادف وعقلاني لنصل إلى حلول

[The morning]

كاتب النص الأصلي : معرف

يبقى الزواج الثاني افضل من الطلاق

مابعرف كـيف بتـشوف الزواج الثاني افـضل من الطلاق ؟؟!!
الزواج الثاني = ايجاد مشكله
الطلاق = حل مشاكل ..
الزواج الثاني هو غالبا سـبب وجـيه للطلاق و كتـير انتـقاص من كـرامه الزوجه بـينما الطلاق هو حـل لمـشاكل مـعينه بين الزوجين فكيف الزواج التاني ممكن يكون احسن من الطلاق ؟