جعجع أمام القضاء الشهر المقبل...

[L.A.]

من جديد.. جعجع أمام القضاء الشهر المقبل...

المحامية مي الخنسا : القضيةَ لم تَسقط بمهلةِ المرور الزمني وعقوبتُها الإعدام

بعد عرض قناة المنار تقريرينِ عن قضية اعدام القوات اللبنانية سمير زينون بامرِ وحضورِ رئيس الهيئة التنفيذية في القوات اللبنانية سمير جعجع، حددَ القضاءُ اللبناني موعدَ الثالثِ والعشرينَ من الشهر المقبل جلسةً لاستجوابِ جعجع. واشارت وكيلةُ الادعاء المحامية مي الخنسا الى ان القضيةَ لم تَسقط بمهلةِ المرور الزمني وعقوبتُها الإعدام.
فيما يواصل قائد القوات اللبنانية سمير جعجع زيارته لأسابيع في الولايات المتحدة الأميركية، سلكت قضية إعدامه القائد العسكري للقوات في الشمال سمير زينون في العام 1988، الطريق القضائية مع تحديد قاضي التحقيق الاول في جبل لبنان جوزيف قزي الثالث والعشرين من الشهر المقبل، موعدا لاستجواب جعجع باعتباره هو من اصدر الأمر آنذاك بإعدامه.
وتقول المحامية مي الخنساء وكيلة الادعاء في قضية اعدام سمير زيون لقناة المنار : "ان سمير جعجع هو نفسه شكل مدعي عام وهو نفسه شكل نفسه رئيس محكمة وهو من ثم صادق على الحكم . واحد الاشخاص الذين اتصلوا بي قال لي انه حسب ما شاهد هو رصاصة الرحمة اطلقت من سمير جعجع".
القضية التي تعتبر الاخطر على جعجع بعد صدور العفو الخاص عنه، لم تسقط بالمهل الزمنية، وبحسب المحامية مي الخنسا، فان عقوبة هكذا جريمة الإعدام وفي أحسن الأحوال السجن المؤبد.
وتقول الخنسا في هذا الاطار: "بالنسبة لقانون العفو الاول والذين يقولون هم انه قد يشمله ، هذا القانون اولاً عندما يقوم أي انسان بارتكاب جريمة ثانية يسقط عنه قانون العفو ، وثانياً في حال ثبت انه فعلاً قانون العفو يشمله فتخفف العقوبة من الاعدام الى المؤبد، يعني في كل الاحوال لن يفلت من العقاب حتى لو كانوا يريدون اعتبار انه قد خرج بقانون العفو فهو سيظل ملاحقاً امام قاضي التحقيق لان هناك اشخاصاً آخرين لا ينطبق عليهم نهائياً القانون هذا".
الخنسا التي نصبت كاميرات تصوير في منزلها بعد تلقيها تهديدات سابقة حول قضية توكلت فيها، تستند على مجموعة وثائق تثبت تورط جعجع وقيادة القوات بالتوقيع على إعدام زينون بما لا يقبل الشك.
وتقول المحامية الخنسا في هذا الاطار: "الحقيقة اولا هناك مجلة المسيرة وهذا المجلة تابعة لهم مباشرة وفيها نوع من التفاصيل ، يعني فيها تفاصيل كاملة عدة صفحات تقول كيف تمت عملية الاعدام وما هي الاجراءات التي اتخذت والمراحل التي تمت فيها هذه الاجراءات. يعني هذا انه اصبح هناك تفاصيل كاملة حتى انه كان هناك تحقيق قد جرى مع الدكتور جعجع عندما كان في السجن، ورغم ذلك فانه لم يجب على أي سؤال ، وكان بعد كل سؤال يطرح عليه اعتذر عن الاجابة ، لكنه لم ينفي علمه بهذا الموضوع. وحتى لو نفى الامر هذا النفي فيه امر ثابت انت تعلم عندما يكون هناك اقرار ومجلة وثيقة ثابتة بانه هو اخذ قرار الاعدام واضافة الى الشهود الموجودون فهنا لا يوجد مجال للتملص من هذا القضية".
ولفتت الخنسا الى انها لم تستطع الحصول على نسخة من ملف القضية بذريعة سريته، لكنها تمكنت من الاطلاع عليه. مشيرة الى انه يحق لجعجع في الجلسة الاولى ان يوفد الى التحقيق من يمثله وتقديم الدفوع الشكلية، لكن بعد ذلك يجب ان يحضر والا سطرت بحقه مذكرات توقيف، والأمر في عهدة القضاء.

شام برس

[بنفسجة]

هالمرة بدو يطلع منها شي هالدعوى
لنشوف شو التطورات التحررية يلي طرات على الجسم القضائي بلبنان بعد التحرر من الضغوط المخابراتية السورية

[باشق مجروح]

تاريخ اجرامي ودموي.
بستغرب من أنصارو
على كل انشالله يطلع من أمر هالمحاكمة شي.

[عمرو الحسيني]

بكره بيطلع براءة

وبكره بدو يحترق لبنان

وبكره بدون يذبحو بعضهون وعلمو على كلامي

الدم ما بيصير مي

وكلمات الحب والمعانقة والتبويس أمام الكاميرات نفااااااااااااااااااااااا ااااااااااااااق

[بنفسجة]

كاتب النص الأصلي : عمرو الحسيني

بكره بيطلع براءة

وبكره بدو يحترق لبنان

وبكره بدون يذبحو بعضهون وعلمو على كلامي

الدم ما بيصير مي

وكلمات الحب والمعانقة والتبويس أمام الكاميرات نفااااااااااااااااااااااا ااااااااااااااق

للاسف انا شايفة نفس الشي

[Donald Duck]

اغلب الموجوديين اليوم من السياسيين اللبنانيين اشتركوا في الحرب الاهلية الدموية ..

وخصوصا جعجع وجنبلاط ..

[MadMax]

كاتب النص الأصلي : L.A.

الأميركية، سلكت قضية إعدامه القائد العسكري للقوات في الشمال سمير زينون في العام 1988،

نطالب بمحكمة دولية للتحقيق في اغتيال القائد العظيم سمير زينون

[saman]

نطالب بمحكمة دولية للتحقيق في اغتيال القائد العظيم سمير زينون

على قولة كونداليزا معوض : نطالب بالمحكمة ..نطالب بالمحكمة ...نطالب بالمحكمة ....

[منشد2006]

يا عمي لبنان عمرها ما تزبط قديش في خلافات ومشاكل بفلسطبن إلا إنو أطراف المشكلة معروفين وبدون شرح بس لبنان غير شكل عالعموم يجب إعدام الشخص هاد لأنو إزا فلت منها معناتها إقرا على لبنان السلام

[بنفسجة]

كاتب النص الأصلي : منشد2006

يا عمي لبنان عمرها ما تزبط قديش في خلافات ومشاكل بفلسطبن إلا إنو أطراف المشكلة معروفين وبدون شرح بس لبنان غير شكل عالعموم يجب إعدام الشخص هاد لأنو إزا فلت منها معناتها إقرا على لبنان السلام

اي بس حطو بمعلومكون انو جعجع وراه مؤيدين كتير
ومش رح ينسمح باعدامو بهي السهولة
ولهيك دائما بينرفع عليه دعوى وبتسقط
ولو

[L.A.]

مشكووورين على ردودكون و تعليقاتكون الحلوة

بس أنا عندي رأي تاني و خدوني على قد عقلي لأنو بحب اعمل حبكة بين أفكاري :

1_ما بتصوّر إنو التقريرين اللي انعرضو كانو مأرشفين بالمنار.... لأن القناة ما كانت موجودة و حدن قدملهون الوثائق بعد اختيار الوقت المناسب

2_بتتزكرو لمّا سوريا طلبت من الإنتربول القبض على وليد جنبلاط بتهمة التحريض لقتل الرئيس بشار الأسد ؟؟؟ ممكن بالوقت المناسب يرجعوا يطالبوا باعتقالو

3_ما بتتوقعوا إنو كمان بالوقت المناسب حدن بدو ايطالب بمحاكمة سعد الحريري بتهمة الخيانة الوطنية العظمى و سرقة اموال الدوله و سرقة املاك الدولة البحرية و غير البحرية ؟؟؟



طيب إزا المستفيد من محاكمتون معروف و المقابل معروف....كلامي معقول لمّا لا ؟؟؟؟؟

[عمرو الحسيني]

ما بتصور فيكي تقيسي الموضوع بهالشكل

بخصوص جعجع في ألو أعداء كتير داخل لبنان قبل ما يكون عندو مشكلة مع سورية

عندك جماعة طرابلس والرئيس عمر كرامي لأنو جعجع انحبس بتهمة قتل رشيد كرامي

عندك المسيحيين من الفئات الأخرى وحادثة تفجير كنيسة النجاة

عندك جرائم الحرب الأهلية اللي معروف أنو القوات كان إلها يد فيها وعناصرها هنن المسؤولين عنها

موضوع زينون أحد المواضيع وأنا الصراحة نسيان هالقصة وما بتذكرها
وبخصوص الأوراق والوثائق هالأوراق والوثائق كلها معروفة ومكشوفة وقضية إبرازها واللعب فيها متل اللي عم يلعب طرنيب بيضل مخبي أوراقه القوية ليلعب فيها وقت الحاجة

في ناس بتحرق وراقها بالوقت غير المناسب أو بتعرض اللي عندها كنوع من التخويف والتهديد في مساومة سياسية أو شي من هالقبيل

[بنفسجة]

كاتب النص الأصلي : L.A.

مشكووورين على ردودكون و تعليقاتكون الحلوة

بس أنا عندي رأي تاني و خدوني على قد عقلي لأنو بحب اعمل حبكة بين أفكاري :

1_ما بتصوّر إنو التقريرين اللي انعرضو كانو مأرشفين بالمنار.... لأن القناة ما كانت موجودة و حدن قدملهون الوثائق بعد اختيار الوقت المناسب

2_بتتزكرو لمّا سوريا طلبت من الإنتربول القبض على وليد جنبلاط بتهمة التحريض لقتل الرئيس بشار الأسد ؟؟؟ ممكن بالوقت المناسب يرجعوا يطالبوا باعتقالو

3_ما بتتوقعوا إنو كمان بالوقت المناسب حدن بدو ايطالب بمحاكمة سعد الحريري بتهمة الخيانة الوطنية العظمى و سرقة اموال الدوله و سرقة املاك الدولة البحرية و غير البحرية ؟؟؟



طيب إزا المستفيد من محاكمتون معروف و المقابل معروف....كلامي معقول لمّا لا ؟؟؟؟؟

هلا بالنسبة للفكرة الاولى مش كتير مهم اذا كانت المنار موجودة بهداك الوقت ولا لا
عملية جمع الادلة مش صعبة على قناة المنار
واذا في دليل ملموس فما يهم اذا في ارشيف ولا لا
بالنسبة للفكرة التانية سوريا طلبت من الانتربول بوقتها اعتقال وليد جنبلاط بسس اتفاقيات معقودة بين البلدين ولبنان ما استجاب واذا عندون ادلة دامغة على تورطو وقدرو يعتقلوه فما رح يقصرو وهيك جعجع
الفكرة التالتة المنار عرضت تقارير مصورة عن يلي عم يعملو سعد الحريري وشركاتو واذا فيون رفعو عليه دعوى فما رح يقصرو كمان
اما انو المستفيد معروف والمقابل معروف بتوقع قصدك عن احتمال حصول صفقة ما واللعب بهي الاوراق كل واحد وشطارتو
فكلشي ممكن

[مايسترو]

دخيلكن لا لا تعدموه بكرة بيقولوا انو الموضوع نحنا اللي عاملينو


مايسترو

[بنفسجة]

كاتب النص الأصلي : مايسترو

دخيلكن لا لا تعدموه بكرة بيقولوا انو الموضوع نحنا اللي عاملينو


مايسترو

دخيلك على اساس كتير ماثر
عم نتسلى بارغوز وعواظ

[مايسترو]

ما بعرف بيجوز بس انو مو ناقصنا ...


مايسترو