مقلاية أخوية ( ( 4 ))

[قهوة دايمي]

مسا الخير Nirvana ..
اليوم كان شوب كتير عشان هيك رح أختصر بالأسئلة !! يعني بيكفي حم المقلاية !!
شو بالنسبة للقهوة !؟
والشوكولا .؟
والريجيم ؟؟
الشعر ؟.
السفر ؟
الناس ؟
الفقر ؟
الزيت وزعتر ؟
الدين ؟
و آخر شي .. شكرا جدا جزيلا !!

[بسومة]

مسا النور حبيبتي نيرفانا
كيفك

رح ثقل دم وأسألك كام سؤال

شو أكتر شي بتحبيه بها الدني وشو أكتر شي بتقرفي منو؟؟؟
انتي بتحبي الدراسة ولا لأ؟؟؟

لو بايدك تغير شي بحالك شو بتغيري يعني بشخصيتك

سـلام

[Nirvana]

كاتب النص الأصلي : يمان Rooooonaldo

من جديد


هدول الاغاني وزعن علاعضاء تنشوف
المشكلة اني ما بعرف كل الأغاني مشان هيك بوزعهم حسب مطلع الغنية بس صعبة يعني كلها أغاني حب وهيك من وين بدي جيب أعضاء حطلك شي للصداقة .. سياسة .. يعني ..


تعا تعا كرمالي Paranois

يا ستي يا ختيارة Majood مع انها مو كبيرة بالعمر

عالهوارة الهوارة costa

يا سي السيد Hus

اللي فاكرني ما حدا

يوم الوداع Paranois

ارضى بالنصيب لكل الأعضاء مع اني ضد هالمبدأ

فطومة الي لاني بحب هالاغنية كتير

حبك عزاب ما حدا

صابر وراضي للكل

اتاخرت كتير يا حبيبي ما حدا

حنينك حنيني ما بعرف الأغنية

بستنا باليوم واليومين ما حدا

اجمل احساس Paranois

بنت الايه ما حدا

اخدني معك ما بعرفها

عينيك كدابين ما شفت عيون حدا بالمنتدى

قولي لبوكي ما حدا

لون عيونك كمان Paranois

اتحدى العالم أنا والأعضاء البنات

يانور عيني Paranois

احساس جديد ما حدا

اسفة أي عضو غلطت معو بأي شكل من الأشكال

التنورة الي

بعيونك كلام ما حدا

خلص الدمع لالي ولكل اللي بيبكو بسرعة وكتير متلي

كوني انا كمان الي

وهزلي لهزلكايه هاي من وين ما بعرفها



حاجتك هلا والي اي الي عودة

ما حسيت حالي زبطت بهالسؤال .. يمكن صفر من عشرة ..

بس شكرا كتير لالك

[يمان Rooooonaldo]

Paranois

مين هاد

[Nirvana]

كاتب النص الأصلي : fofo besset syria

اسئلتي المعتادة :
اول شي ... كيفك مع المقلاية؟ قلبتلي راسي ما فكرتها هالقد صعبة

طمنينا كيف الوضع هنيك؟ حريقة

تاني شي..شكرا عرأيك فيني وانشاله تصير بيناتنا ردود ..الايام جاية وأنا بتمنى هالشي



وهلأ اسالتي المعتادة الخفيفة الظريفة..

1. شو الشي الي ما فيكي تعيشي بدونه؟ الناس

2.ازا عندك الصلاحيات انك تغيري شي واحد بسوريا شو ما كان...شو بتغيري وليش؟ سؤال كتير صعب بس بعطي الناس حريتهم، لانو الانسان اذا كانت عندو الحرية بيقدر يزبط اي شي تاني بالبلد .

3.ازا كنت لحالك عجزيرة لحالك و بدك تضلي معزولة عن الناس واي شي خارج الجزيرة لمدة سنة و فيكي تاخدي معك شخص واحد و3 اشياء من اغراضك الخاصة شو بتاخدي وليه؟ (ما فيكي تاخدي موبايل او تلفزيون او كمبيوتر او اي وسيلة اتصال مع العالم)وطبعا مو اكل وشرب وهاي الاشيا لأنه اعتبريها مأمنة الك بس بدك تاخدي شي بعز عليكي وبعنيلك انه يضل معك
مجموعة جبران، قلم، دفتر .. والشخص .. اذا لهلا ما عرفتو يعني اسمحولي لانو أكيد

4.شو تعريف الغربة بالنسبة الك؟
ما عم بقدر اشرحلك بالكلمات .. بس اقرب ما يكون هوي (الحرمان) ..
ويسلمو وحظ موفق بالمقلاية ..يلا هانت

شكرا كتير الك

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[abosleman]

كاتب النص الأصلي : Nirvana

بتعرف سؤالي وهو أهم سؤال السؤال إلك هلئ

رأيك بالتحشيش؟
ورأيك بأبو حشيشة؟


وشو بتحب تعملي بحياتك وما قدرتي لهلا تعمليه؟

وشكراً..

بما انو انتي بالمقلاية مافي حدا يسالك هالسؤال
لهيك جاوبي انتي لحالك ع سؤالك

موفقة بالمقلاية

[Nirvana]

كاتب النص الأصلي : يمان Rooooonaldo

مين هاد

ايه هاد يا يمان .. عضو انا عرفتو على المنتدى وما بشارك كتير.. بس كان رفيقي السابق وحبيبي الدائم وصديقي العزيز حالياً.

[abosleman]

[quote=Nirvana;649870]

كاتب النص الأصلي : Abu Guzef

abosleman بحسو فهمان ورايق ..

كلك زوء

[Abu Guzef]

نيرفانا انا هلق فضيتلك يلا بنبلش
1 شو ابشع موقف مريتي فيه
2 شو ابيخ موقف مريتي فيه
3 ايمت حسيتي حالك انك صرتي صغيرة وطلعتي بالخجلة
4 شو نمرة رجلك
5 شو لون شعرك
6 شو رأيك بابووديع جورج وسوف الكبير
7 مين ابيخ فنان وفنانة عندك
8 لمين بتسمعي اكتر شي
9 قديش عمرك
10 اي فترة من عمرك حسيتيها احلى شي
11 بتدخني ولا بس حشيش
12 شو مشان الجريدة يعني بدنا اخبار
13 شو بتحبي بالشام
14 شو اكلتك المفضلة
15 شاي ولا قهوة
16 جينز ولا قماش
17 شو لون المفضل عندك
18 برجعلك بعدين

[Abu Guzef]

هدول الأسئلة بس لتحمى المقلاية قاعدلك للصبح

[Nirvana]

كاتب النص الأصلي : butterfly

منبدا بالسؤال المعتاد بكلمة وشو بتعنيلك :

1. الأنسان كل شي
2. الله ولا شي
3. الوطن بيسكني
4. الروح بحسها بس بشك فيها
5. أخوية شلة الأنس
6. الجنس متعة وتواصل بس بشكل آخر بيختلف عن التواصل اللي بالكلمة أو بالمشاعر أو .. الخ
   
7. الثقة ما بعطيها بسهولة
   
8. الحب موجود بحياتي ولازم يكون موجود
9. الفشل أسوأ شعور
10. الأحمر بحبو باللبس .. لون دافي ومغري بنفس الوقت
11. الأسود ملك الألوان
12. الأبيض أبيض زيادة عن اللزوم
13. اليد ما بقدر استغني عنها
14. الجسد بحترمو
15. الفم الطريق إلى الانسان
16. التفوق بتمنى اقدر اوصلو
17. الطبيعة الأضداد : رقيقة وقاسية
18. المال وسيلة
19. الموسيقى بتأثر فيها بسرعو ولهيك احيانا بفضل ما اسمعها
20. الأبداع أروع إمكانيات الإنسان
21. الاختلاف البشر
    
22. الأنوثة أنا
23. الذكر بنجذبلو
24. الأمومة أكتر شي بيدفعني للزواج وبحس بحاجتي لالها وللاحساس فيها يمكن غريزة ..
25. النمو بكل شي
    
26. الحياة ما بحاول أفهمها .. بس بحاول اعيشها
27. الموت بخاف منو كتير
28. الصحافة قوة بس نحنا ما بنعرف نستخدمها.
    

وأكيد رح أرجع

ط ط ط .. طيب

وشكرا كتير لالك

[Nirvana]

كاتب النص الأصلي : قهوة دايمي

مسا الخير Nirvana .. مسا النور
اليوم كان شوب كتير عشان هيك رح أختصر بالأسئلة !! يعني بيكفي حم المقلاية !! ما بتصدق قديه
شو بالنسبة للقهوة !؟ بحبها واذا ما شربتها الصبح ما بصحى وبسطل وبصيبني وجع راس..
والشوكولا .؟ م م م م م وخصوصا البيضا بس ما بكتر منها .. بقنع بسرعة
والريجيم ؟؟ ما بفكر فيو .. بحب حالي متل ما انا .. مو بحاجتو هلا ..
الشعر ؟. اذا الشَعر بحبو طويل وبيلفت نظري، أما اذا قصدت الشِعر فانا بعشق الكلمة والشِعر أحد ابداعات الكلمة ..
السفر ؟ بحب السفر لاني بحب اتعرف على ثقافات جديدة بس مو ضلني شغالة على الخط
الناس ؟ كل شي .. الناس هني الحياة .. بقلك المتل الجنة بدون ناس ما بتنداس .. والموت مع الناس رحمة ..
الفقر ؟ لو كان رجلا لقتلته .. كتير بنأذى نفسيا بس شوف ناس بتعاني من الفقر ..
الزيت وزعتر ؟ طيّب م م م .. يا سلام ليش زكرتني بالمناقيش
الدين ؟ ما بعنيلي شي .. كلو سياسة ..
و آخر شي .. شكرا جدا جزيلا !!

شكرا جزيلا لك

[Government]

نسخت السؤال اللي بسالو كل مرة مشان احطو بس رجعت صفحة لورا لاقيت اب جوزيف حاطو ..



مالنا بالطيب نصيب .

[Nirvana]

كاتب النص الأصلي : besouma

مسا النور حبيبتي نيرفانا مسا الخير
كيفك منيحة

رح ثقل دم وأسألك كام سؤال بالعكس تفضلي

شو أكتر شي بتحبيه بها الدني وشو أكتر شي بتقرفي منو؟؟؟ بحب حالي اكتر شي ومشان هيك بحب كل شي،
وأكتر شي بقرف منو الحشرات وخصوصا الصراصير .. ييع ..
انتي بتحبي الدراسة ولا لأ؟؟؟ بحبها اذا مو مضطرة ابذل جهد فيها وتكون مادة بحبها

لو بايدك تغير شي بحالك شو بتغيري يعني بشخصيتك سذاجتي وحساسيتي الزايدة

سـلام

شكرا الك كتير

[Nirvana]

كاتب النص الأصلي : GOVERMENT

نسخت السؤال اللي بسالو كل مرة مشان احطو بس رجعت صفحة لورا لاقيت اب جوزيف حاطو ..



مالنا بالطيب نصيب .

بسيطة خيرها بغيرها ..

[Nirvana]

كاتب النص الأصلي : abosleman

بما انو انتي بالمقلاية مافي حدا يسالك هالسؤال
لهيك جاوبي انتي لحالك ع سؤالك

موفقة بالمقلاية

ههههه .. قوية وشكرا كتير لالك

رأيك بالتحشيش؟ الحرية اللي ما عم نقدر نحصل عليها على الواقع
ورأيك بأبو حشيشة؟ رمز هالحرية المسلوبة


وشو بتحب تعملي بحياتك وما قدرتي لهلا تعمليه؟ بحب أغير العالم .. أو حتى جزء بسيط منو .. أعمل شي الو اثر أو قيمة تفيد لو شخص بهالدنيا ... وما قدرت اعملو لهلأ .. ما حسيت اني انجزت شي ..

[Nirvana]

كاتب النص الأصلي : Abu Guzef

نيرفانا انا هلق فضيتلك يلا بنبلش

وانا رح غيظك وكفي الاجوبة بعدين ... هههه

خليني ارتاح .. بدي هاي مو مقلاية هاي النار نفسها ..

[Abu Guzef]

كاتب النص الأصلي : GOVERMENT

نسخت السؤال اللي بسالو كل مرة مشان احطو بس رجعت صفحة لورا لاقيت اب جوزيف حاطو ..



مالنا بالطيب نصيب .

لك حبيب انا حطيتو مشانك لانك انت وصيتني ولا نسيت ولو