في ما يخص انقطاع أخوية، التفاصيل هنا

**Hus** · 16/03/2006

تحية و بعد ،
وحشتونا

_كتير

_

اخوية ادارة وهيئة فنية منعتذر جدا عن الإنقطاع المفاجئ و الغير متوقع ، من حيث لم يكن بالإمكان حل الموضوع بالظروف القائمة ،

-- الأسباب
توسع اخوية الأفقي المتسارع بالفترة الأخيرة اودى لضغط كبير على سيرفرات اخوية من حيث لم يكن متوقع ونقصد هنا زيادة الضغط المتناغمة و زيادة العدد والمشاركات والتفاعل ، والي كانت عم بتصير بمتوالية هندسية سريعة، .. الضغط الكبير الي كان حاصل كان واضع اخوية سيرفرز بحالة عدم استقرار ، بمعنى اخر كانت عم تجهد السيرفرات بشكل كبير، .. لكن لغاية هنا فلا مشكلة، من حيث عم بنقوم بتحسين السيرفرات و إعداد سيرفرات اقوى تتناسب وحجم الضغط القائم والمتوقع بالفترة القادمة ،

لكن كان الضربة القاضية (ان صح التعبير) هو ما يسمى ب DDos attack -Distributed Denial of Service Attack-

يحدث هذا من قبل جماعة من المخربين يتفقون بوقت واحد لتشغيل برمجية من نوع خاص تقوم بإرسال كميات هائلة من الطلبات للسيرفر (سيرفر معين) بحيث ان اجتمع 1000-5000 شخص و شغلو بوقت واحد هال البرنامج ووجهوه لموقع معين او سيرفر معين فيقوم هذا البرنامج من كل جهاز من اجهزة المخبربين بإرسال كميات كبيرة _جدا_ من الطلبات تعادل دخول 200-500 الف شخص للموقع بلحظة واحدة و تنفيز طلبات تستهلك موراد كبيرة من السيرفر، (هناك برامج كثرة لهذا الشأن وتصنف عربيا ضمن خانة الجهاد الإلكتروني ، حتى هناك برنامج على ايامنا كان الأشهر واسمه" مدفع القسّام "

الأمر هذا بالحالة الطبيعية لا يؤثر على الموقع والسيرفر من حيث
- السيرفرات معدة لصد هذا النوع من الهجوم
- السيرفر قادر على استحمال هذي الكمية من الضغط دون اي مشاكل،

لكن كون السيرفر الخاص بأخوية اساسا عليه لود عالي (ضغط عالي جدا) فكان الى حد ما واقف على شعرة ، مجرد مضاعفة الضغط لمرتين او ثلاث سينهار السيرفر (انهيار السيرفر تقنيا هي تعبير عن عدم قدرة السيرفر -المخدم- على تلبية والإستجابة للطبات والمهام الموكلة ليه فيتوقف عن العمل ، (شي شبيه بإنك تفتح عدد كبيييييير جدا من البرامج مرة واحدة على جهازك فبيتنح الجهاز -بيهنج- هيك بيصير بالسيرفرات ونتيجة لنفس الوضع ، الي هوي كمية طلبات كبيرة جدا ، )

هذا كله اودى لتوقف السيرفر الإسبوع الماضي، بنفس اليوم بعد توقف بضعة ساعات ، حاولنا اعادة تشغيله عدة مرات ـ، لكن كان الضغط لا يزال مستمر لدرجة مجرد يشتغل السيرفر بعد دقائق بسيطة يوقف ، اكبر مرة صمد فيها في ذلك اليوم كانت 5 ساعات ، ومن ثم كان التوقف النهائي (الي بإرادتنا هون كان من حيث كان لا يمكن للموقع ان يعمل لأكثر من دقائق او بضعة ساعات متواصلة و من ثم يتوقف) ،
فقمنا بإيقاف الموقع من حيث كنّا كما اشرنا سابقا ، نعد العدة للنقل لسيرفر بمواصفات خاصة، وفقا لحساباتنا كان لا بد من النقل ليه بسبب الضغط الكبير على السيرفر الحالي،
لكن الهجوم المشار لم يكن بالحسبان ، فمتل ما اتقولو باغتونا

وهيك وقفنا الموقع للنقل للسيرفر الي كنا عم بنعده (كان غير جاهز من حيث لم يكن بالحسبان الهجمة المشارة ،وحتى الآن لم يجهز بالشكل الكامل ، بمعنى هو جاهز وسننتقل اليه بوقت قصير جدا (خلال الأيام القادمة)، وانما جاري الآن روداج ليه واشوية اختبارات خاصة بحيث لمن ننتقل يكون الموضوع 100%

نضيف وما يرجع يصير معنا مشاكل)

الأن لا زلنا ولا زالت اخوية على سيرفرها الحالي (القديم ان صح التعبير) ، جرى تعزيزه الى حد ما، لكن النقلة لا بد منها ، ومنه ، قد يتوقف الموقع مجددا لبعض الوقت ، وعلى امل يكون التوقف هذا قصير جدا ، و الأخير انشاء الله ..

بودنا لو كان فينا نحب على جبين كل عضو و نستسمحو

،
منقدر جدا انزعاجكم من الي صار ، ومنطمح و منطمع بأن تشملونا بكرم عفوكم ، وتتسع صدروكم لمسامحتنا،

هذا وتقبلو منا فائق المحبة والإحترام

أخويّة

**Hus** · 16/03/2006

تقبل المباركات و التهاني هووووووووووون

SAD · 16/03/2006

مبروك العودة للجميع

صياد الطيور · 16/03/2006

بما أنو ما فهمت شي .....

حمد لله على رجعت الأخوية ( هادا المختصر المفيد )

sari · 16/03/2006

يعطيكن العافية
و الله لا يضر عبادوا
بس صار في قلة أدب من أحد المشاركين
ففضلت ان خفف مشاركاتي شوي

Reemi · 16/03/2006

انا فهمت عليك بما اني بدرس كمبيوتر.......

هدول اكيد الاعداء الي عملونا علينا هيك هجووم ..لانو بما انو منتدانا مميز فالحسد و ضيقة العين و التخريب لا بد منهاااااااااا............

بس وين فايتيين بهالزحمه ما بيعرفوا انو نحنا عنا ابطال

الله يقويكن.......

.......تحياتي...!

me2 · 16/03/2006

"
يحدث هذا من قبل جماعة من المخربين يتفقون بوقت واحد لتشغيل برمجية من نوع خاص تقوم بإرسال كميات هائلة من الطلبات للسيرفر (سيرفر معين) بحيث ان اجتمع 1000-5000 شخص و شغلو بوقت واحد هال البرنامج ووجهوه لموقع معين او سيرفر معين فيقوم هذا البرنامج من كل جهاز من اجهزة المخبربين بإرسال كميات كبيرة _جدا_ من الطلبات تعادل دخول 200-500 الف شخص للموقع بلحظة واحدة و تنفيز طلبات تستهلك موراد كبيرة من السيرفر، (هناك برامج كثرة لهذا الشأن وتصنف عربيا ضمن خانة الجهاد الإلكتروني ، حتى هناك برنامج على ايامنا كان الأشهر واسمه" مدفع القسّام "

مخبرين ولا مخربين ؟؟؟؟؟؟ في فرق كبير ....

د. حسام : سؤال ببالي من زمان و أجا وقتو ... الأخوية شغالة على لينوكس ولا مايكروزفت ؟؟؟

سؤال تاني : أنتو كيف بتدفعو اجرة الموقع ؟ يعني بتقبلو "تبرعات" أو تقدمات متل مثلا سيرفر جديد ؟؟

الحمدلله على السلامة ...

ولى العهد · 16/03/2006

اقتباس:

كاتب النص الأصلي : SAD

مبروك العودة للجميع

من اخوكم ولى العهد
الف مبروك العودة
افتقدناكم كثيراً
وافتقدت اخوتى
اهلاً بالحبايبببببببببببببببببب ببببببببببببببببببببببببب ببببببببببببببببببببببببب ببببببببببببب

Haifa · 16/03/2006

لإرسال البرقيات اتصل على 443

للتهنئة و المباركة
ألف مبروك

RAMI 1up · 16/03/2006

و كأنو في بعض الناس يلي زاعجهم وجود مكان متل أخوية .. و عميوجعهم راسهم وقت بيشوفو أنو في ناس متفاهمين ..

على كلن صدق من قال الضعفاء أعداء كل تفوق ..

انا فرحان على رجعة المنتدى ... ^_*

القلب المنادي · 16/03/2006

مبروك للجميع

وانا من جهتي مسامحيتكم بس لانكم اعتزرتو (ال يعني)

بس الحمدلله انو بانهاية رجع المنتدى

فيروزة · 16/03/2006

الحمد لله على السلامة

المنتدى الو وحشة كبيرة

لا تعيدوها

هههههههههه

ابن سورياااا · 16/03/2006

مسا الخير
اول شى مبروك على رجعه المنتدى
بس لازم بدل ما نقعد ونقول عنهم مخربين ندور على الاسباب انا برأيى الى دفعت ليصير هالشى
يعنى بمعنى اخر انه ينشال الظلم الى بصير بالمنتدى
وانا بعرف اخويه (ديمقراطيه ) بهالحاله لازم الديمقراطيه تسمح بالرأى والرأي الاخر
واكيد الى عملو هالشى الهم غايه من ورا هالشى
وياريت تتفادوا هالتمييز الى بصير بالمنتدى
لانه الى عملها اول مرة اكيد بيقدر يعملها مرة تانيه
لاتزعلو من كلامى لانه كلام حق
يعنى يا اما بينسمح الشتايم والتجريح للجميع
او بينمنع من الجميع
على العموم انا حبيت عرف بشخصيتى انا اسمى القديم مطرود من المنتدى
واكيد عارفينه الشباب اسم مشتاق لسوريا
تحياتى بتمنى ما يلتغى الرد متل العادة عشان يكون فيه شويه ديمقراطيه

toocoolfriend · 16/03/2006

ما في غير السعوديين السعادين عمل هالشغلة
يعني مش صدفة انو بعد منع الموقع بالسعودية بفترة قصيرة فجأة يتوقف الموقع

المهم انهم انبع*و وما رح يطلع من أمرن شي. الله محيي المصلحين والادارة الفنية كلها

ابن سورياااا · 16/03/2006

اقتباس:

كاتب النص الأصلي : toocoolfriend

ما في غير السعوديين السعادين عمل هالشغلة
يعني مش صدفة انو بعد منع الموقع بالسعودية بفترة قصيرة فجأة يتوقف الموقع

المهم انهم انبع*و وما رح يطلع من أمرن شي. الله محيي المصلحين والادارة الفنية كلها

لا حول ولا قوة الا بالله يعنى شو عرفك انه السعودين
ولا متل قصه الحريري علطول عرفتو انه نحنا السوريين الى عملناها
لاتزعلو انا عبناقش