أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > منتديات عامة > الصـــــــــــالون

إضافة موضوع جديد  إضافة رد
 
أدوات الموضوع
قديم 04/05/2009   #1
شب و شيخ الشباب i m sam
عضو
-- زعيـــــــم --
 
الصورة الرمزية لـ i m sam
i m sam is offline
 
نورنا ب:
Jul 2008
مشاركات:
1,245

افتراضي ان هم قصّروا ... فنحن نستطيع


قدمت الطفلة (جورجينا ماريا شامير) الطفلة الهولندية الأب والسورية الأم درساً في الانتماء, والترويج السياحي عن سوريا, ببراءة تشابه طفولتها, أمام زملائها في مدرستها بإحدى ولايات هولندا. الطفلة ذات الثمانية أعوام أصرت أن تقدم في الوقت المخصص لها,- والذي تعطيه المدّرسة لطلاب لتقديم عرض عن أي شيء يحبونه – أصرت أن تقدم لأصدقائها لمحة عن سوريا واختارت عنواناً لعرضها "سوريا جميلة وهذه حقيقة.... أما لماذا هي غير معروفة فهذا هو الشيء المستغرب...؟".
"maar waarom het niet bekend is , dat is raar “Syrie is mooi, dat is waar"
(جينا) كما يناديها أصدقاؤها اختارت بنفسها هذا العنوان بعدما لاحظت أن الأغلبية العظمى ممن تتحدث معهم عن سوريا لا يعرفون عنها شيئاً.!!!!!
وبالرغم من صغر سنها فإنها تصر على أن يكون تواجد سوريا محسوساً يومياً في حياتها بطريقة أو بأخرى (مع أنها زارت سوريا مرات قليلة فقط) ومع هذا فهي ترفض مثلاً أن يقال عنها أنها طفلة هولندية فقط, وتصر على استكمال الوصف بحيث يقال أن (جينا هولندية سورية) حيث تعتبر نفسها سورية حتى العظم.
اليوم السوري الذي نظمته (جينا) بمساعدة أهلها ومدرّسيها جاء مميزاً جداً, حيث تضمن عرض لبوسترات لأماكن أثرية من سوريا, إضافة للعديد من البروشورات وألبومات الصور التي تغطي سوريا بكاملها من أماكن سياحية وطبيعية, كما نشرت الأعلام السورية في أنحاء القاعة الرئيسية في مبنى المدرسة, وهذا جاء مترافقاً مع عرض مقاطع فيديو وصور توضيحية عن سوريا عبر شاشة عرض كبيرة.
بدأ العرض بصورة كبيرة لخارطة العالم للدلالة على موقع سوريا بالنسبة لهولندا, تلاه عرض خارطة سوريا للتعريف بها, وإظهار موقع العاصمة دمشق ومدينة حمص منها, وموقع قرية والدة جينا (مشتى عازار) في الريف الحمصي من الخارطة السورية.
الصورة الثالثة كانت للعلم العربي السوري, تلاها صورة للرئيس الدكتور بشار الأسد, وهنا لم تنس (جينا) أن تذكر أن الفرصة كانت قد اتيحت لها في إحدى زياراتها إلى سورية للقاء الدكتور بشار وعائلته الكريمة مصادفة في أحد المطاعم في مدينة حمص, حيث دخل السيد الرئيس مع العائلة فجأة وكان قمة في التهذيب واللطافة مع كل الموجودين دون استثناء اللذين تقدموا لمصافحته وإلقاء التحية عليه. وقد قامت بإلقاء التحية وتبادلت أطراف
الحديث معه وكم وجدته إنساناً لطيفاً ومتواضعاً, كما ذكرت أن السيد الرئيس كان قد طلب منها تعلم اللغة العربية, وهي الآن تحاول ذلك على الرغم من صعوبة ذلك بالنسبة لها لعدم وجود مدرسة لتعليم اللغة العربية في هولندا. (جينا) لم يفتها أن تكتب بعض الكلمات البسيطة على اللوح التعليمي للتوضيح والشرح, مع توالي الصور ومقاطع الفيديو القصيرة التي غطت معظم مناحي الحياة المختلفة في سوريا سياحياً واجتماعياً وثقافياً.
والدة (جينا) الصديقة (إيفيت طرية شامير) التي نقلت ما فعلته ابنتها بفرح غامر وفخر, تمنت أن يكتمل لولا بعض الأشياء الصغيرة والبسيطة, ومنها أن (جينا) أصرت أن تقدم لأصدقائها الطعام السوري (حديثاً ومشاهدة) حيث عرضت عليهم تذوق الخبز السوري (والذي يختلف طبعاً عن الخبز المعروف في الغرب) وبما أن الخبز لوحده غير كافٍ طلبت أن يقدم معه (المكدوس) الحمصي الذي تحضّره جدتها خصيصاً لها, غير أن هذا الخيار لم يحظَ بالموافقة من ذويها ليتم استبداله في أخر لحظة بالزيتون (حيث أن الكثير من الهولنديين وخاصة الأطفال منهم لا يعرفونه) وهنا كانت المفارقة أن الزيتون الوحيد الموجود (لديهم) هو الزيتون المستورد من أسبانيا (مع أن سورية من أوائل الدول بزراعة الزيتون في العالم) لذلك لاقى الأمر رفضاً من قبل والدها, لكون الزيتون ليس سوري المنشأ, ومع إصرار جينا على تقديم الزيتون السوري لأصدقائها وتعريفهم به, قبل والدها بالأمر, على شرط أن توضح (جينا) للجميع أن الزيتون الذي تقدمه مستورد من أسبانيا وليس من سورية - وذلك للأمانة- ولكنه شبيه بالزيتون السوري تماماً, وهكذا كان.
(جينا) ليست موظفة حكومية, ولم تكن مندوبة رسمية لوزارة السياحة, ولم تتقاضى أجراً على ما فعلته, لأنها كانت تؤمن أن سورية بلدها كما هولندا بلدها, وما أقدمت عليه كان بملء إرادتها وقناعتها, بأن ثمة حقيقة وهي "سورية جميلة... أما لماذا هي غير معروفة فهذا هو الشيء المستغرب.؟؟ ".
السؤال الذي ننقله عن جينا إلى من يهمهم الأمر.
المقال منقول من موقع شوكوماكو
ما يهم هو ان أنبه لشيء واحد و هو اذا الوزارات مقصرة للترويج للسياحة او تبيان مدى طيبة اهل سوريا وجمالها فنحنا منقدر....

مواطنين داخل سوريا وذلك بالاهتمام بأدق تفاصيل الواجبات تجاه الوطن تجاه الارض بالتعامل... بالنظافة بـ....بـ....
وخارج سوريا كلّ حسب قدرته ومعرفته واستطاعته. المهم ان نعطي أجمل انطباع عن بلدنا

اذا لم نعش جميعا متآخين كشعب واحد ....
فان كل واحد منا سيموت وحيدا

بجيب الريح تتلعب معك

www.3tbatt.blogspot.com
  رد مع اقتباس
قديم 04/05/2009   #2
شب و شيخ الشباب i m sam
عضو
-- زعيـــــــم --
 
الصورة الرمزية لـ i m sam
i m sam is offline
 
نورنا ب:
Jul 2008
مشاركات:
1,245

افتراضي


رح احكي شغلة عني انا ليست تفاخرا انما لبيان أهمية الأمور الصغيرة وبنفس الوقت عسى اذا قرأ غافل ان ينتبه:
عادة انا برمي صفوة السيجارة بالطريق واذا طفيتها برميها بالحاوية, فمرة كنت مع عائلتي"زوجتي وبناتي " بسوق المهن اليدوية والتكية عم نتمشى فاستحييت ارمي الصفوة قدام بناتي " على أساس قدوة حسنة وما بيصير نبههن عن النظافة وانا وسّخ بالأرض" فحملت محرمة صرت أنفض فيها , شوي وبيطلع بوجهنا جروب سياح , فصاروا يلاعبو ا بنتي ويبوسوها , شافوني عم انفض بالمحرمة ابتسموا بوجهي, انا حسيت وكاني عملت شي عظيم بينما انا عملت شي بسيط واقل من الواجب كمان.
لذلك ارجو انو كلنا ننتبه لهيك امور .
  رد مع اقتباس
قديم 04/05/2009   #3
شب و شيخ الشباب ..Jimy
عضو
-- قبضاي --
 
الصورة الرمزية لـ ..Jimy
..Jimy is offline
 
نورنا ب:
Aug 2006
المطرح:
بمدينة الياسمين..بس حياتي بالوادي
مشاركات:
731

افتراضي


اقتباس:
كاتب النص الأصلي : i m sam عرض المشاركة
وموقع قرية والدة جينا (مشتى عازار) في الريف الحمصي من الخارطة السورية.
جارتنا..جارتنا

شفتو بنات الوادي كيف بيشتغلو.. تعلمو..



مشان الموضوع يعني..
بذكر مرة كنت مع بيي بدبي.. وكان في شباب ميحطو بروشورات حلوي عمسّاحات السيارات..
جيت انا وشلت يلي كانت عسيارتنا وشفت عليها صور لشواطئ ومتاحف ومناظر طبيعية..

فسألتو لبابا أنو مين هيدول.. ألي أنو هيدول الشباب من السفارة الإسبانية..

إلتلو أنو وين شباب السفارة السورية.. فاطلع فيي وابتسم..ابتسامي مو متعود عليها..
مافهمت وئتها ليش
.. بعدين فهمت لحالي..

At the end everything will be OK..
If it's not OK..
So...it's not the end.

"Sa'do I Trust In U"
It's Kind Of Revolution
A m a r t a
  رد مع اقتباس
قديم 05/05/2009   #4
شب و شيخ الشباب saman
عضو
-- مستشــــــــــار --
 
الصورة الرمزية لـ saman
saman is offline
 
نورنا ب:
Aug 2006
المطرح:
اليأس !
مشاركات:
2,220

إرسال خطاب MSN إلى saman إرسال خطاب Yahoo إلى saman
افتراضي


اقتباس:
كاتب النص الأصلي : ..Jimy عرض المشاركة
جارتنا..جارتنا

شفتو بنات الوادي كيف بيشتغلو.. تعلمو..



مشان الموضوع يعني..
بذكر مرة كنت مع بيي بدبي.. وكان في شباب ميحطو بروشورات حلوي عمسّاحات السيارات..
جيت انا وشلت يلي كانت عسيارتنا وشفت عليها صور لشواطئ ومتاحف ومناظر طبيعية..

فسألتو لبابا أنو مين هيدول.. ألي أنو هيدول الشباب من السفارة الإسبانية..

إلتلو أنو وين شباب السفارة السورية.. فاطلع فيي وابتسم..ابتسامي مو متعود عليها..
مافهمت وئتها ليش.. بعدين فهمت لحالي..
فهيم ..
طالعلي

-------------------------------------

المهم .. ما بعرف ليش نبأ الحس الوطني فيني فجأة .. وخصيصاً بموضوع النظافة .. وهادا الشي من سنتين .. ما بعرف ازا حس وطني ولا حضاري . المهم نبأ هالحس نبئ
بس اكره شي بموضوع النظافي العامة بالشام .. انو تشوف شخص مطقم و مرتب وراكب سيارة بي ام دبليو (يلي على اساس للاكابر) .. بكل بساطة بيفتح الشباك وبيرمي محرمة او سيجارة ...
والشي المتواجد بحلب وبيقولوا عليه كتير من الحلبية يلي بعرفهن .. انو الحاويات الخضر يلي عالعواميد مفتوحة من تحت ... وحيات ربي شي غريب !
انو هاد مو هجوم ع الحلبية منشان ما يفكر ابو طوني انو بدأت الحرب ... بس عم احكي بمنطلق عام .. يعني نحنا بالشام على اساس احسن .. والله الوضع أسوأ وأسوأ بمليون مرة

بس بالفعل خطوة جريئة وحلوة كتير من "جورجينا" .. بحييها من كل قلبي
وبتمنى لو شعبنا كلو "جورجينا"


الكلُّ سفّاح و ابنُ سفّـاح
.
القومُ أبناء القومِ يا صــاح
.
عندهم الدّينُ زهقُ أرواح
.
والذّبحُ للنّاس نهجُ إصْلاح
  رد مع اقتباس
قديم 05/05/2009   #5
شب و شيخ الشباب i m sam
عضو
-- زعيـــــــم --
 
الصورة الرمزية لـ i m sam
i m sam is offline
 
نورنا ب:
Jul 2008
مشاركات:
1,245

افتراضي


اقتباس:
كاتب النص الأصلي : ..Jimy عرض المشاركة
جارتنا..جارتنا

شفتو بنات الوادي كيف بيشتغلو.. تعلمو..

عم قووووووووووول لحالي

مشان الموضوع يعني..
بذكر مرة كنت مع بيي بدبي.. وكان في شباب ميحطو بروشورات حلوي عمسّاحات السيارات..
جيت انا وشلت يلي كانت عسيارتنا وشفت عليها صور لشواطئ ومتاحف ومناظر طبيعية..

فسألتو لبابا أنو مين هيدول.. ألي أنو هيدول الشباب من السفارة الإسبانية..

إلتلو أنو وين شباب السفارة السورية.. فاطلع فيي وابتسم..ابتسامي مو متعود عليها..
مافهمت وئتها ليش
.. بعدين فهمت لحالي..
بالنسبة للسياحة هي موضوع تسويقي بحت طبعا نحنا بسوريا عنا كل مقوماتها والخامات المطلوبة " طبيعة آثار قديمة سياحة دينية " لكن للاسف ما عنا التسويق الصح والاهتمام بالمنشآت تبعها
  رد مع اقتباس
قديم 05/05/2009   #6
شب و شيخ الشباب i m sam
عضو
-- زعيـــــــم --
 
الصورة الرمزية لـ i m sam
i m sam is offline
 
نورنا ب:
Jul 2008
مشاركات:
1,245

افتراضي


اقتباس:
كاتب النص الأصلي : saman عرض المشاركة
فهيم ..
طالعلي

-------------------------------------

المهم .. ما بعرف ليش نبأ الحس الوطني فيني فجأة .. وخصيصاً بموضوع النظافة .. وهادا الشي من سنتين .. ما بعرف ازا حس وطني ولا حضاري . المهم نبأ هالحس نبئ
بس اكره شي بموضوع النظافي العامة بالشام .. انو تشوف شخص مطقم و مرتب وراكب سيارة بي ام دبليو (يلي على اساس للاكابر) .. بكل بساطة بيفتح الشباك وبيرمي محرمة او سيجارة ...
والشي المتواجد بحلب وبيقولوا عليه كتير من الحلبية يلي بعرفهن .. انو الحاويات الخضر يلي عالعواميد مفتوحة من تحت ... وحيات ربي شي غريب !
انو هاد مو هجوم ع الحلبية منشان ما يفكر ابو طوني انو بدأت الحرب ... بس عم احكي بمنطلق عام .. يعني نحنا بالشام على اساس احسن .. والله الوضع أسوأ وأسوأ بمليون مرة

بس بالفعل خطوة جريئة وحلوة كتير من "جورجينا" .. بحييها من كل قلبي
وبتمنى لو شعبنا كلو "جورجينا"

بشكل عام منقدر نلاحظ فرق بنظافة الشارع بين قبل كم سنة وبين هلق اولا واخيرا النظافة العامة هي امور تبدا من الأشخاص يعني كل واحد ولازم يبدأ بنفسو .وأرجو يكون المستقبل أحسن .
هلق كل انسان بينظر للنظافة من منظارو يعني مثلا ناس بتقول النظافة من الايمان ناس بتقول نظافة شخصية وتربية وحضارة. بس جربوا مرة وحدة انو نفكر لما نعمل هيك أشياء على انو واجب تجاه الوطن بس هيك فكر انت وعم تعمل شي انو هي كرمال سوريا كرمال الوطن وشوف كيف شعورك رح يكون بطعم آخر.
تحية لجوجينا كمان وتحية الك سامان
  رد مع اقتباس
قديم 05/05/2009   #7
صبيّة و ست الصبايا jovia
عضو
-- زعيـــــــم --
 
الصورة الرمزية لـ jovia
jovia is offline
 
نورنا ب:
Apr 2009
المطرح:
احلا بلد عربي الامارات
مشاركات:
1,402

افتراضي


اقتباس:
كاتب النص الأصلي : i m sam عرض المشاركة
.
أما لماذا هي غير معروفة فهذا هو الشيء المستغرب.؟؟ ".
السؤال الذي ننقله عن جينا إلى من يهمهم الأمر.

انا بقلك ليش لانو الوزارات وغيرها يمكن متفضيين لامور تانية يمكن شخصية اكتر ما تكون وطنية يعني بالمختصر السوري ببلدو مو حاسس بالنعمة اللي هو فيها بالتالي ما بيحس بالنعمة الا اللي فقدها والمسؤولين بيجوز عندون حب الذات ابدى من حب الوطن
اقتباس:
كاتب النص الأصلي : i m sam عرض المشاركة
ما يهم هو ان أنبه لشيء واحد و هو اذا الوزارات مقصرة للترويج للسياحة او تبيان مدى طيبة اهل سوريا وجمالها فنحنا منقدر....
اقتباس:
كاتب النص الأصلي : i m sam عرض المشاركة
كلامك بياكد اللي حكيتو بدايتا ثم بدي قلك شغلة اتريك المواطن بهمو والله مو ناقصو المواطن السوري عايف حالو خلئة مو ليكون وطنو عم يعطيه اللي بدو ياه بامانة لحتى يخدمها ويعطيها من قلب ورب

انـــــا آســــف لأنــــــي ما كنـــش غصـــب عنـــي.... بيـــن الســـحاب ادوب وارحـــــل بين الدروب
...... وعــــن حبــــك اتـــوب.. وانســـى انـــــ كنتـــــي منـــــي .... ماكنـــش غصــب عنـــي مــا كنش غصـــب عني


انـــــــــا آســــــف
  رد مع اقتباس
قديم 05/05/2009   #8
صبيّة و ست الصبايا sona78
عضو
-- مستشــــــــــار --
 
الصورة الرمزية لـ sona78
sona78 is offline
 
نورنا ب:
Jun 2008
مشاركات:
1,993

افتراضي


حلوة هالتجربة من البنوتة .... يمكن لو كانت وزارة السياحة مشاركة فيها كانت مسختها بدل ما اتحسنها هههههه

للصراحة نحنا كمان حاولنا كتير نعطي صورة ايجابية عن سورية ... وكانت محاولتنا ناجحة لدرجة انو لما سافرنا اصر اصدقاء النا يسافرو معنا ليتعرفو عليها .... كانت الرحلة من ناحية كتير موفقة لانو كتير عجبتون سورية وكانت مفاجاة الهون ( اتوقعوها ان بس صحرا وجمال !!! ) ويعني ما ضل شي ما عجبون الا شغلة الزبالة .. يعني شافو اكتر من مرة حدا ماشي بالشارع وعم يرمي بالطريق ايا شي ومرة صدفت انو واحد فتح باب البيت رما كيس الزبالة ع الكريق ودخل ... صديقتنا اندهشت كتي ع هيدا الموقف وكان فعلا احراج كبير .. بس شو رح نعمل

بس من ناحية تانية التزمنا نحنا فيهون طل الوقت وما قدرنا نشوف الاهل والاصحاب .... وكانت النتيجة كارثية ع الصعيد الشخصي بكل المعاني ..... يعني ما طلعنا من سورية وحدا حابب يحكينا لانو ما فضينا لحدا

للصراحة ما بتوقع عيدهامرة تانية .. الا لما برجع بستقر هونيك ..

قلي لي احبك
كي تزيد قناعتي اني امرأة
قلي احبك
كي اصير بلحظة .. شفافة كاللؤلؤة
  رد مع اقتباس
قديم 05/05/2009   #9
شب و شيخ الشباب i m sam
عضو
-- زعيـــــــم --
 
الصورة الرمزية لـ i m sam
i m sam is offline
 
نورنا ب:
Jul 2008
مشاركات:
1,245

افتراضي


اقتباس:
كاتب النص الأصلي : jovia عرض المشاركة
[/color]

[size=3][color=black][size=2]
كلامك بياكد اللي حكيتو بدايتا ثم بدي قلك شغلة اتريك المواطن بهمو والله مو ناقصو المواطن السوري عايف حالو خلئة مو ليكون وطنو عم يعطيه اللي بدو ياه بامانة لحتى يخدمها ويعطيها من قلب ورب
أنا ما عم اطلب منو يعمل شي فوق طاقتو, أو ياخد منو وقت أنا يلي عم اطلبو ان كل انسان يعمل واجبو وفقط واجبو بأكمل وجه .
زكرتيني مرة صديق مهندس كان يشتغل بألمانيا بفترة السبعينيات فنظام العمل عندهم انو في ساعتين غداء وبعدين بيكملو شغل كان معو مهندس الماني يرتاح ساعة ويشتغل الساعة التانية فسألو انو ليه هيك وانت مارح تاخد أجار هالساعة , قام جاوبو الألماني : أنا عم اشتغل العشر ساعات الي وباخد اجارهم بس هي الساعة لألمانيا وما بدي اجرتها.
وانا ما رح طالب حدا بهالساعة هي ان كل يلي بدي اياه انو الساعات يلي عم ياخد اجارهم يشتغلهم بأمانة وبحق وبس.
تحياتي لك
  رد مع اقتباس
قديم 05/05/2009   #10
شب و شيخ الشباب i m sam
عضو
-- زعيـــــــم --
 
الصورة الرمزية لـ i m sam
i m sam is offline
 
نورنا ب:
Jul 2008
مشاركات:
1,245

افتراضي


اقتباس:
كاتب النص الأصلي : sona78 عرض المشاركة
حلوة هالتجربة من البنوتة .... يمكن لو كانت وزارة السياحة مشاركة فيها كانت مسختها بدل ما اتحسنها هههههه
تماما وهالشي نوقش مرة وصار مقارنة بين مهرجان الزبداني يلي تحت اشراف وزارة السياحة وبين مهرجان مشتى الحلو"او احدى ضيع الوادي ما عدت اذكر بالظبط وأنا بعتذر" وهالمهرجان بيقومو فيه الاهل وشوفي الفرق وعدد الوافدين للحضور.
اقتباس:
للصراحة نحنا كمان حاولنا كتير نعطي صورة ايجابية عن سورية ... وكانت محاولتنا ناجحة لدرجة انو لما سافرنا اصر اصدقاء النا يسافرو معنا ليتعرفو عليها .... كانت الرحلة من ناحية كتير موفقة لانو كتير عجبتون سورية وكانت مفاجاة الهون ( اتوقعوها ان بس صحرا وجمال !!! ) ويعني ما ضل شي ما عجبون الا شغلة الزبالة .. يعني شافو اكتر من مرة حدا ماشي بالشارع وعم يرمي بالطريق ايا شي ومرة صدفت انو واحد فتح باب البيت رما كيس الزبالة ع الكريق ودخل ... صديقتنا اندهشت كتي ع هيدا الموقف وكان فعلا احراج كبير .. بس شو رح نعمل

بس من ناحية تانية التزمنا نحنا فيهون طل الوقت وما قدرنا نشوف الاهل والاصحاب .... وكانت النتيجة كارثية ع الصعيد الشخصي بكل المعاني ..... يعني ما طلعنا من سورية وحدا حابب يحكينا لانو ما فضينا لحدا

للصراحة ما بتوقع عيدهامرة تانية .. الا لما برجع بستقر هونيك ..
تماما للاسف هي نظرة الناس لالنا وحتى بيجخافو يجو لعنا من خوفهم من القتل او الاختطاف طبعا في حال كانو بيعرفو دولة اسمها سورية
ويعطيكي العافية على واجب الضيافة يلي قمتي فيه هاد طيبة روحنا ما ممكن نلاقيها وين ما كان قليل مين بيعمل هيك على حساب شخصو واهلو
  رد مع اقتباس
قديم 05/05/2009   #11
شب و شيخ الشباب ..Jimy
عضو
-- قبضاي --
 
الصورة الرمزية لـ ..Jimy
..Jimy is offline
 
نورنا ب:
Aug 2006
المطرح:
بمدينة الياسمين..بس حياتي بالوادي
مشاركات:
731

افتراضي


اقتباس:
كاتب النص الأصلي : i m sam عرض المشاركة
عم قووووووووووول لحالي
شو عم تقول ..وضارب بوز كمان..
  رد مع اقتباس
قديم 05/05/2009   #12
صبيّة و ست الصبايا jovia
عضو
-- زعيـــــــم --
 
الصورة الرمزية لـ jovia
jovia is offline
 
نورنا ب:
Apr 2009
المطرح:
احلا بلد عربي الامارات
مشاركات:
1,402

افتراضي


اقتباس:
كاتب النص الأصلي : i m sam عرض المشاركة
أنا ما عم اطلب منو يعمل شي فوق طاقتو, أو ياخد منو وقت أنا يلي عم اطلبو ان كل انسان يعمل واجبو وفقط واجبو بأكمل وجه .
زكرتيني مرة صديق مهندس كان يشتغل بألمانيا بفترة السبعينيات فنظام العمل عندهم انو في ساعتين غداء وبعدين بيكملو شغل كان معو مهندس الماني يرتاح ساعة ويشتغل الساعة التانية فسألو انو ليه هيك وانت مارح تاخد أجار هالساعة , قام جاوبو الألماني : أنا عم اشتغل العشر ساعات الي وباخد اجارهم بس هي الساعة لألمانيا وما بدي اجرتها.
وانا ما رح طالب حدا بهالساعة هي ان كل يلي بدي اياه انو الساعات يلي عم ياخد اجارهم يشتغلهم بأمانة وبحق وبس.
تحياتي لك
الحق معك بس والله يا سام لازم يكون في بوادر خير والله انا بزعل عالمواطن وعالدروايش اللي عم يشتغلو متل ال.. وبالاخير مو ملاقيين حتى لقمة يومهن بس كلامك مية بالمية صح وانا بوافقك
  رد مع اقتباس
قديم 06/05/2009   #13
شب و شيخ الشباب i m sam
عضو
-- زعيـــــــم --
 
الصورة الرمزية لـ i m sam
i m sam is offline
 
نورنا ب:
Jul 2008
مشاركات:
1,245

افتراضي


اقتباس:
كاتب النص الأصلي : ..Jimy عرض المشاركة
شو عم تقول ..وضارب بوز كمان..
عم قول لحالي البنت طالعة محبة لبلدها وذكية لانها جارتك
وهي وردة لعيونك الزعلانين
  رد مع اقتباس
قديم 06/05/2009   #14
شب و شيخ الشباب i m sam
عضو
-- زعيـــــــم --
 
الصورة الرمزية لـ i m sam
i m sam is offline
 
نورنا ب:
Jul 2008
مشاركات:
1,245

افتراضي


اقتباس:
كاتب النص الأصلي : jovia عرض المشاركة
الحق معك بس والله يا سام لازم يكون في بوادر خير والله انا بزعل عالمواطن وعالدروايش اللي عم يشتغلو متل ال.. وبالاخير مو ملاقيين حتى لقمة يومهن بس كلامك مية بالمية صح وانا بوافقك
وانا معك ... بس لازم كل واحد فينا يشعل شمعة شمعة صغيييييييرة وشوي شوي بتضوي الدنيا كلها صدقيني
  رد مع اقتباس
قديم 06/05/2009   #15
صبيّة و ست الصبايا jovia
عضو
-- زعيـــــــم --
 
الصورة الرمزية لـ jovia
jovia is offline
 
نورنا ب:
Apr 2009
المطرح:
احلا بلد عربي الامارات
مشاركات:
1,402

افتراضي


كلامك حلو وياريت كل انسان يطبئ هالفكرة البسيطة بفعلها بس المشكلة انو الكل عم يتبع اللامبالاة لانو شايف الدنية كلها خربانة واكيد حيقول على نمط العبارة (ازا انا بادرت الكل ما عم يعمل شي وما لح غير شي بهالمجتمع )
ورداتي الك سام
  رد مع اقتباس
قديم 06/05/2009   #16
شب و شيخ الشباب i m sam
عضو
-- زعيـــــــم --
 
الصورة الرمزية لـ i m sam
i m sam is offline
 
نورنا ب:
Jul 2008
مشاركات:
1,245

افتراضي


اقتباس:
كاتب النص الأصلي : jovia عرض المشاركة
كلامك حلو وياريت كل انسان يطبئ هالفكرة البسيطة بفعلها بس المشكلة انو الكل عم يتبع اللامبالاة لانو شايف الدنية كلها خربانة واكيد حيقول على نمط العبارة (ازا انا بادرت الكل ما عم يعمل شي وما لح غير شي بهالمجتمع )
ورداتي الك سام
ان شاء الله الكل رح يصير يطبق أملي كبير بالخير الموجود بالناس
والك تحيتي واجمل الياسمين
  رد مع اقتباس
قديم 06/05/2009   #17
صبيّة و ست الصبايا nour333
عضو
-- زعيـــــــم --
 
الصورة الرمزية لـ nour333
nour333 is offline
 
نورنا ب:
Nov 2006
مشاركات:
1,010

افتراضي


بصراحه اللي عملتو هالبنوته كتير خطوة حلوة
بقول د. بسام الشماع شيخ المرشدين السياحيين انو افضل دعاية سياحية اللي بتم عن طريق الكلام من قبل اشخاص زارو منطقة معينة ورجعو حكو لأصدقائهم عنها
لهيك لو كل مغترب عمل نفس خطوة الطفلة كتير رح تزدهر السياحة بسوريا .

*هنا يرقد جبر من بطن امو للقبر

*بحب اللي بحبو المنسف
  رد مع اقتباس
قديم 07/05/2009   #18
شب و شيخ الشباب almohajr
مسجّل
-- اخ طازة --
 
الصورة الرمزية لـ almohajr
almohajr is offline
 
نورنا ب:
Apr 2009
مشاركات:
6

افتراضي


ياهيك الأطفال يابلا طبعا" لازم يكون في دعم من الأهل
الله يعطيك العافية
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 18:03 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.16040 seconds with 14 queries