|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
09/03/2009
|
#1 | ||||
|
عضو
-- أخ لهلوب --
|
في كل عائلة كبيرة.. هههههه
يقولك اصابعك مو زي بعضها بس لابد إلا تلاقي تشابه في نمطية الشخصيات في كل عيلة يعني لازم تلاقي أشخاص بيتكررو ******************** الشخص الخفيف الدم اللي بيسلي القعدة و عادة بيكون لسانه زفر شوي و مسموحله يحكي شو ما بده طول ما هوة عم بيضحك بالبشر و هوة اللي خالد لما يخطب لميا بيحكيلها عنه لو تشوفي ابن عمي زياد نهفة بموتك ضحك و بيجي زياد عالقعدة نافخ ريشه لانه عارف شو بينحكى وراه و شو ما حكي زياد الكل بيضحك حتى لو حكى صباح الخير *** كاتب العيلة او شاعر القعدة بيكون عادة زلمة شوي كبير بالعمر من اللي بيعرفوا شو يعني كتب و قرأة الزغار بيشوفوه ممل لانهم مش فاهمين شو بيحكي و الكبار بيقعدوا حوالية متظاهرين انهم مهتمين و مبسوطين بس بيكونوا يتمنوا لو زياد يجي *** نمامة العيلة و هاي عادة بتكون زوجة احد الاعمام او اولاد العمام ما بعرف ليش ما تسالوني هاي اللي عندها الاخبار دايما و اخبارها لازم تشيل نصها و تصدق نص اللي شلته عشان توصل للحقيقة بتبهر و بتفلفل على خاطرها و بتضيف من عندها بيحبوها النسوان و بيكرهوها و بنفس الوقت بخافوا منها بتحس هيه باهميتها لما حدا يسألها شو الاخبار و بتفرد حالها و بتبلش تذيع و بالاخر بتقولك بالله ما تجيبي سيرة اني قلت لك انا شو خصني بتعرفيني بمشي الحيط الحيط و بقول يا رب السترة ( او الجاكيت *** غنية العيلة كل عيلة فيها واحد بيكون اغنى من الكل و بكل عيلة بتكون مرته مركز نظر النساوين شو لبست ووين راحت و شو عملت و بتكون نمامة العيلة زي الدنب الها عشان تجيبلهم الخبر اليقين بتحكي من طرف مناخيرها و بتقعد عطرف الكرسي كانها قرفانة و اذا بتضيفها اشي او بترفضة او بتاخده بس ما بتاكله ع اساس انها شبعانة ببيتها كلامها و احاديثها لا تتعدى شو عملت الفلبينية و كيف تخانقت مع السيرلنكية و اديش الشوفير منشف دمها يعني كمان شوي بتحزن عليها **** مصرف العيلة بيقولك كل عيلة زي الحمام اله مصرف ( مش بنك بلاعة) و مصرف العيلة هوة الشخص اللي بيجيب العار للعيلة بعمايله السودا بيستعروا منه بس برضه بخافوا منه لانه بايعها و مش فارقة معه بيكون عادة صحبة مع زياد اللي بيشوف فيه مصدر هام للتنكيت *** كبير العيلة و هذا اللي بدك تسد بوزك و تسمعه و هوة بيعيد القصة مرة ورا مرة بحكيلك قصص ايام الحصيدة و الثلجة الكبيرة و لما كان بالجيش نص قصصة كذب بكذب مش بقولو ما اكذب من شاب تغرب الا ختيار ماتت اجياله؟ كان رح يشتري نص عبدو ن والشميساني إنعرض علية بالف ليرة لما كان كيلو اللحمة بعشرين قرش *** متغرب العيلة كل عيلة فيها على الاقل واحد بالخليج بيجي بالصيف و الكل بيكون يستنى الهدايا لما يوصل بيلاقي الكل متجمع و الكل بيسلم علية و بتكون امه عامليتله ورق و كوسى و شباب العيلة بينلموا و اشتقنالك يا ابو الزوز و شوفلنا شغل معاك و الله اخوك مش لاقي يحلق كانه المسكين صاحب شركة هناك طبعا العرط بيشتغل من طرفه و بحكيلك عن سيارته البورش و بيته و بيكون عايش مع تلاته بغرفة بعد يومين بتلاقيه قاعد عالبلكونة بالفانلة لحاله بيشرب شاي ولا حدا سائل فيه و امه بالمطبخ بتعمل مجدرة **** شقفة العيلةاحلى بنت بالعيلة بتكون محط انظار اولاد العم و الخال بس هيه نظرها بعيد شوي بتمشي يا ارض اشتدي ما عليكي قدي و بتقعد مع نساوين العيلة عشان يصيروا يمدحوا جمالها برضة متل دون جوان العيلة ما بعجبها العجب و بتطول لتتجوز اذا تجوزت اصلا ما بتكون صحبة مع بنات العيلة و بتلاقيها دايما في الاعراس بتتلقط عريس من بعيد من مبدأ نفسي فيه و تفو عليه *** دكتور العيلة و هذا المسكين اللي ما بتهنى بقعدة بس يوصل لمحل بنلموا علية و يا ميمتى خواصري بيجعنني و شوف يابا مبارح و انا لما ( و بيصير يوشوش و اللي بتنادي ابنها تعال ورجي الدكتور حلقك هاتي معلقة يا غدير خلية يشوف زلاعيم اخوكي و اللي بيعرض علية روشتات دكاترة تانية و اللي بيجيبله صور اشعة و االلي بقولوا شوفلي ظغطي طبعا كل القاعدين بفحصوا ضغطهم بعده و كل حياته بتكون هيك بغض النظر ان كانت زيارة او عرس او حفلة طبعا هوة ما بيقصر و ممكن يصير يقولك مين الحمار الي اعطاك هذا الدوا ارميه و بكتبلك غيره *** كمبيوترجي العيلة هذا طبعا بعد طفرة الكمبيوتر صار له اهمية كبيرة بالاول كان الفاشل التافه اللي ما بيعرف اشي وضعه متل دكتور العيلة و بتقول امه بكل خيلاء بس يجي علاء بيزبطلك الكومبيوتر و الله ما في اشطر منه مبارح خلانا نشوف عمرو دياب و بيجي علاء المسكين شوف كمبيوتر ابن خالتك ريم اللعبة ما بتشتغل و بيجي حمودة ابن ريم و بيقعد يتفرج على علاء مثله الاعلى بالحياة و هوة بيشغّل الكومبيوتر و ينبهر حموده و بيفهمه علاء انه عشان تقدر تلعب اللعبة لازم بالاول تشغّل الكومبيوتر *** طفل العيلة الموهوب هذا اللي بكل لمة بنادوه يغني تعال عبود غني لعمو اغنية اليسا لو تشوفو كيف بغنيها و طبعا في نوعين من عبود في عبود اللي بستحيش و بتلاقي قرفك و هوة بيعيد بالاغنية و امه فرحانه فية و كل شوي بتقول ما شاء الله كأنه ما حدا خلّف غيرها او النوع اللي بتطلع روحك و امه بتقنعه يغني و ياللا ورجي العمو اديش انت شاطر و بتصير انت بدك تخلص بتقوله غني حبيبي بعطيك شوكولاطة و بيكون بجيبتك شوكولاطة مفعصة من عرس قديم بتورجيه اياها كنوع من الاغراء و في حالة كان دكتور العيله قاعد بيجي التهديد المباشر اذا ما بتغني الدكتور بضربك ابرة بتلاقيه صار يغني و نص اصابيعه بتمه و بتصير امه تعطي اعذار و بتعصب عليه عاد بالبيت طول نهارك تغني روح تخيب من وجهي  |
||||
|
|
09/03/2009
|
#2 | ||||||
|
عضو
-- أخ لهلوب --
|
بزمتي احلى شي قريتو لحد هلاء
.....ضحكت ضحك رهيب ,يعطيكي العافية يابنت حارتي مافيني اخفي اعجابي الشديد جدا جدا جدا ب الأسم يلي اخترتيه الله يحميكي يابنت المهاجرين 
وينك ياملاك ضايع بين البشر
***روحي فاقدة لروحك *** ************ ********* ****** اشتقتلك ياشـــــــــــــــام |
||||||
|
|
|
09/03/2009
|
#3 | ||||
|
عضو
-- أخ لهلوب --
|
ميرسي لإلك كلك زوق على هالرد الحلو
نورتي الموضوع بمرورك |
||||
|
|
|
10/03/2009
|
#4 | |||||||
|
مشرف متقاعد
|
اقتباس:
فااااااااااااااظيعة فاااااااااااااااااظيعة
إذا أنصت قليلاً ........ فسوف تسمع صوت السنافر
عفكرة ... حمص أنا حاميها |
|||||||
|
|
|
10/03/2009
|
#5 | |||||||
|
عضو
-- زعيـــــــم --
|
اقتباس:
 |
|||||||
|
|
|
10/03/2009
|
#7 | ||||||
|
شبه عضو
-- اخ حرٍك --
|
حلو كتير و ميرسي الك بنت المهاجرين
انا و عم اقرا بصير اتذكر حدا بينطبق عليه هيك مواصفات تقولي نقس الكلام كأنك ناقلتيه نقل و صير اضحك من كل قلبي  كنت حابب عبر اكتر عن اعجابي بالنص لكن بخاف اطلع بشبه شي حدا من اللي حكيتي عنهم 
من اجل عينيك عشقت الهوى بعد زمان كنت فيه الخلي
و أصبحت عيني بعدالكرى تقول للتسهيد لا ترحل يا فاتنا لولاه ما هزني وجد و لا طعم الهوى طاب لي هذافؤادي فامتلك أمره و اظلمه إن أحببت أو فاعدل من بريق الوجدفي عينيك أشعلت حنيني و على دربك أنى رحت أرسلت عيوني |
||||||
|
|
|
10/03/2009
|
#8 | ||||
|
مسجّل
-- اخ طازة --
|
شقفة العيلةاحلى بنت بالعيلة بتكون محط انظار اولاد العم و الخال بس هيه نظرها بعيد شوي بتمشي يا ارض اشتدي ما عليكي قدي و بتقعد مع نساوين العيلة عشان يصيروا يمدحوا جمالها برضة متل دون جوان العيلة ما بعجبها العجب و بتطول لتتجوز اذا تجوزت اصلا هي احلى وحدة هههههههههههه يسسلمو هالانااامل .. |
||||
|
|
|
10/03/2009
|
#9 | |||||||
|
عضو
    |
اقتباس:
 |
|||||||
|
|
|
10/03/2009
|
#10 | ||||
|
عضو
-- أخ لهلوب --
|
انبسطت برسم الابتسامه على وشكم
حتى ولو انو في بالموضوع معاناة بعض الاشخاص مع عيلتهم بس خلتهم يبتسمو ويقولو اي والله مزبوط. شكرا على مروركم الطيب.. |
||||
|
|
|
11/03/2009
|
#12 | ||||||
|
عضو
|
[quote=بنت المهاجرين;1232771]
يقولك اصابعك مو زي بعضها بس لابد إلا تلاقي تشابه في نمطية الشخصيات في كل عيلة يعني لازم تلاقي أشخاص بيتكررو ******************** الشخص الخفيف الدم اللي بيسلي القعدة و عادة بيكون لسانه زفر شوي و مسموحله يحكي شو ما بده طول ما هوة عم بيضحك بالبشر و هوة اللي خالد لما يخطب لميا بيحكيلها عنه لو تشوفي ابن عمي زياد نهفة بموتك ضحك و بيجي زياد عالقعدة نافخ ريشه لانه عارف شو بينحكى وراه و شو ما حكي زياد الكل بيضحك حتى لو حكى صباح الخير *** يعطيكي العافية عنجد شي حلو كتييييير موضوع بضحك تقبلي مروري |
||||||
|
|
|
11/03/2009
|
#13 | ||||
|
عضو
-- أخ لهلوب --
|
شكرا لمروركم..
|
||||
|
|
|
17/04/2009
|
#14 | ||||
|
مسجّل
-- اخ حرٍك --
|
مو تبيعي.. مو تبيعي يا بنت المهاجرين شو انك نهفة..
هادا حساب اخي عم اكتبلك منو ... تئبلي مني فائق احترامي وتقديري الك.. الكاتبة: بنت الحكواتي الشمسية |
||||
|
|
|
17/04/2009
|
#15 | ||||
|
عضو
-- أخ لهلوب --
|
اهلا وسهلا فيكي
بتمنى تعملي حساب لحالك شكرا على مرورك.. |
||||
|
|
|
18/04/2009
|
#18 | ||||
|
عضو
-- أخ لهلوب --
|
هههههه
أكتر شي ضحكني انو الموضوع اساسو مكتوب بإيد اردنيه واستدليت ع هالشي من ( عبدون والشميساني ) هدول اسماء احياء راقية عنا بعمان انو انا من عيله كبيره بس ماكنت لاقي اشخاص ينطبق عليهم الحكي يسلمو ايديكي بنت المهاجرين
أحبك صافيتا
أحبك لانك بلاد من أحب فلتبقي بخير دائما |
||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 14:57 (بحسب عمك غرينتش الكبير +3)