ليش العرب متخلفين؟؟

[عطر البرتقال]

أحلى تحية لكل الأعضاء الموجودين

واحد من أبناء الحي الذي أعيش فيه.....عاد من أميركا بعد رحلة دامت أربع سنوات....سافر هناك عندما كان عمره أربع وعشرون سنة
طبعا عاد وهو يتقن اللغة الانجليزية بطلاقة وهذا امر رائع.....لكن الغريب هو اللغة الجديدة وهي كما يسميها البعض ((العربنجليزية)) , المشكلة انه يتحدث عربي وانجليزي....يساله الناس:"ليش هيك بتحكي...نص عربي ونص انجليزي؟؟" جاوب:"الحياة تغيرت وتطورت وهالايام الكل صار يحكي انجليزي وهاللغة مهمة",ردوا عليه:"يا زلمة انك تستخدم اللغة للشغل شغلة وانك لما تحكي معنا نص عربي ونص انجليزي شغلة تانية"أجابهم :"انا رحت هناك أربع سنين وتعودت"

أخواني....أن أسافر الى أمريكا وأعمل هناك أتعلم لغة جديدة وأتقنها أمر رائع....لكن أن أتخلى عن لغتي و أنسى من أنا أمر مرفوض.

يا ترى هل الأربع سنوات كفيلة بأن تغير هذا الشخص الذي عاش على هذه البقعة وبين العرب....أم هل تراه قلل من قيمة الأربع وعشرون عاما عاشهم هنا.

شباب اليوم ((أمل المستقبل))....أذهب للجامعة وأتحدث مع زملائي وزميلاتي...لا أسمع منهم سوى مصطلحات انجليزية...الكل يتحدث هذه اللغة ((العربنجليزية)) أسألهم : "ليش هيك بتحكوا،ما احنا عرب؟؟"يردون علي:"الحياة تطورت وخليكي كووووووووووول".....لكن أن أتقن اللغة الانجليزية وأستفيد منها بالدراسة والعمل شيء...وأن أنبهر بها وأتحدث بها مع الكل شيء آخر....وهل التطور هو أستخدام مصطلحات كهذه(hi,buy,what are you doing,so,but,sorry,i think,please ))
هل فقدت اللغة العربية جمالها....أم لم يعد هناك من يقدرها؟؟

ما الذي حدث....لماذا يتخلى العرب اليوم عن لغتهم....هل نحن ضحايا نظرية تأثير حضارات الشعوب المتقدمة على الشعوب المتخلفة؟!
لقد فقدنا الكثير....ونحن الآن نفقد لغتنا...ماذا سنفقد بعد ذلك؟؟
متى سنسترجع ما فقدناه...
أسمع كل يوم المقولة الشهيرة التي تكاد أن تصبح مثل شعبي (ويقلك ليش العرب متخلفين؟))
يا ترى ليش العرب متخلفين؟؟

[zerocold hacker]

والله انو هاد وضع سيء كتير بس شو بتقدر تعمل؟؟؟؟

هاد هوي الوضع
انا ما عم دافع بس كمان هي اللغة المتداولة متل ما قلت واذا ما كنت متل الباقيين بيقولو عليك بلدي وعتيق

الله لا يوفق اللي كان السبب

تحياتي

[W.E.G.A]

والله السبب بهاد الشي اعتقد خجلنا من كوننا عرب

لان بصراحة صار شي بيخجل

اما ليش العرب متخلفين

لان التخلف مفروض عليهن فرض

[ابو ريتا]

هدا عمل متل ماعمل ابن عمي ، هاد صرلو هون أربع سنين ، لك البراد بالعربي نسيه ، وكتير كلمات بدو شوي لحتى يتذكرا بالعربي و خاصة أسماء الأشياء

[مالك الحلبي]

اتس نات بربلم مان
عادي
بتعرف اش المشكلة
لأنه أبتعدنا عن شي أسمه
أقرأ
لو الشعب كله عطا وقت للقرائة
كنت لاقيت الشعب غير شعب
أما هذا الي عبتحكي عنه
هذا لسا
هزيتيت يعني مترددخخخخخخخخخخخخ

لا بجد شي بيزعل
الغزو الفكري مو مشكلة طريقة غزوه
بس المشكلة بالدفاعات المهترئة عند بعض
الرخويات

[sallohs]

أنا بظن هدول الناس الي بيحكو عربيزي بظن عندون عقدة نقص ومو تمام
والله أنا أكتر شي بعتز فيه لغتي العربية لأنو خيو العرب ما صفيلون شي يعتزو فيه
لا صناعة لا اقتصاد لا تكنولوجيا لا قوة فأقل منها نعتز بلغتنا يعني ما صفيلنا غيرها اذا تخلينا عنها
معناتا يعطيك العافية ما صفي شي نعتز فيه....
وهاد الشب تبع الأربع سنين بأميركا هاد الشب عقلاتو بيخضو وبينطبق عليه المتل عديم وقع بسلة تين قام عقلو ما حملو

[مالك الحلبي]

كاتب النص الأصلي : sallohs

والله أنا أكتر شي بعتز فيه لغتي العربية

كلياتنا منعتز باللغة العربية
وببعروبتنا
بس النقطة بممارستها
أقل شي القرائة
لأنه كل شئ يحتاج إلى عمل
كل شئ
وبتقدر تسرح بخيالك بأي شئ
بتلاقيه بيحتاج إلى عمل

[whiterose]

ازا كمان مامشي الحال


انكشلكون الموضوع

[yass]

الرابط هنا

المفروض هيك يفتح من كل النطاقات

[whiterose]

انا حطيت نفسه يلي انت حطيته ياس

بس مافتح عنده

[ابو ريتا]

طولي بالك ، اللينك التاني فتح

[yass]

كاتب النص الأصلي : whiterose

انا حطيت نفسه يلي انت حطيته ياس

بس مافتح عنده

أنا ما حطيت رابط انما حطيت رقم الموضوع بطريقة الروابط اللي موجودة بموضوع مثبت بالفهرس.. يعني المفروض انو يفتح معو بنفس الرابط اللي عم يستخدمو هو

يعني عندك طلع بالرابط اللي عم تستخدميه, عندي يطلع أخوية نت... الخ. هالطريقة تدعم كل النطاقات و هي أحسن طريقة لوضع لينك داخل أخوية

سلام

[whiterose]

ايووووووووووووووووى

[عطر البرتقال]

كاتب النص الأصلي : whiterose

ايووووووووووووووووى

انا ما شفت موضوعك ولا قريته
يعني انا لما كتبت هالموضوع ما اعرف انه حد كاتب فيه
يعني حلو انه انا وياكي شاغليتنا نفس الفكرة يمكن عرضنا الفكرة بطريقتين مختلفين
بس انا اسفة ما اعرف انك كاتبة هالموضوع
وانا هدفي من هالموضوع لو تعمقتي فيه شوي انتي وكل الي قراوه
مش بس اللغة العربية.......اشياء كتير خسرناها وعم نخسرها ويا رب ما نخسر كمان
وشو تتوقعي من شب منبهر بالغرب ويفكر انه بطريقة كلامه رح يكون افضل....شو تتوقعي رح يكون شاغله
ما رح تشغله القضية ولا هموم العرب ولا وضعنا الي بحاجة لشباب واعي جدي ثابت
وهلا الشي الي عم نخسر فيه هو لغتنا
انا بآمن بفكرة لدرجة كبيرة....هي الاصلاح....وما نخسر اكثر من الي خسرناه
وخلينا نوقف مزبوط ونكون قد حالنا ونعمل شي مفيد...حتى لو كان صغير بس رح يكون اله تاثير

يعني الي بدي وصله مش بس يلي حكيته عنه بموضوعك وبس

شكرا لمرورك وشكرا لكل يلي مرو

[عطر البرتقال]

كاتب النص الأصلي : ويجا

والله السبب بهاد الشي اعتقد خجلنا من كوننا عرب

لان بصراحة صار شي بيخجل

اما ليش العرب متخلفين

لان التخلف مفروض عليهن فرض

الخجل مش من كوننا عرب ولا التخلف مين قلك انو مفروض علينا فرض
احنا يلي جبناه لحالنا
واحنا بايدنا نقدر نغير من وضعنا....انت عم تحكي بشي ما رح يزيدنا الا تشاؤم ورجوع لورا اكتر
ما كانو قبل متخلفين....بالعكس زمان كانو على قمة التقدم
ما بدي احكي بالماضي بس بدي قلك انه التخلف هو سبب تقاعسنا وكسلنا واسباب كتيييييير

شكرا لمرورك

[whiterose]

كاتب النص الأصلي : عطر البرتقال

بس انا اسفة ما اعرف انك كاتبة هالموضوع

يحرق حشيشك علىشو عم تعتزري
مافي داعي عادي تتشابه المواضيع ولايهمك

[ناصرشكري]

صدقني هادا نقص مش اكتر يعني الراجل تعلم في امريكا وما في حدا متلوفي كتير هيك شباب....

[Marooshe]

وانا هدفي من هالموضوع لو تعمقتي فيه شوي انتي وكل الي قراوه
مش بس اللغة العربية.......اشياء كتير خسرناها وعم نخسرها ويا رب ما نخسر كمان

بالنسبة لخسارتنا اشياء كتيرة وعلى مختلف الاصعدة... انا موافقة معك...
حسب رايي كتير مهم... مش بس احنا كعرب... بل انو السعوب والحضارات بشكل عام تحافظ على "قيمها"... وهنا المقصود ب"القيم" اي الاشياء القيمة يلي بتميزنا نحنا كعرب... الاشياء يلي منتمنا انو تكون عند شعوب تانية لافتقارهن الها... ولكن من المهم جدا انو ننتبة انو مش كل الاشياء يلي ورثناها عن اجدادنا هيي قيم...
وهون بشوف الربط مع الجملة المتداولة يلي بتقول انو "العرب متخلفين"...
تعو تنعترف شوي انو احنا احدى الشعوب المتخلفة والمتأخرة نسبيا لتقدم باقي العالم...
والاسباب كتيرة... لا تعد ولا تحصى... بس احدى هاي الاسباب انو نحنا مصرين نبقى متقوقعين وعايشين بالفقاعة تبعتنا... مختبئين خلف الموروثات البالية يلي منسميها عادات وتقاليد... يا رييييييييييييييييت لو منحافظ عنجد على عاداتنا وتقاليدنا..... لانو نحنا كعرب بشوف انو بتميزنا كتير اشيا حلوة... بس للاسف كلها تخلينا عنها... وبعدنا بالمقابل متشبثين بموروثات يلي هيي بالاساس ما بتقدمنا... وانما العكس... بس بتأخرنا...
مثلا... خذو مثال "الحرية" يلي بعضنا صرلو ما بعرف كام عقد بينادي فيها... وبعدون لهلأ ما قدرو يتحرروا... ومن مين؟ من قيود وهمية... ما حدا ربطهن فيها اصلا... بعدهن لهلأ ما قدرو يفهمو انو الانسان الحر.... مش الانسان يلي بيقلد الغرب بكل شي... وانما الانسان الحر هوي يلي نفسو حرة... هوي يلي فكرو حر... هوي يلي خيالو حر ومتحرر من اي ضغوطات بتقوم بتوجيهو على ارض الواقع... هوي كتير اشيا ما راح نفهمها طالما اهتمامنا بس بالقشور وبالشكليات...
هاي القشور هيي يلي بتخلينا ما نقدر نوصل للداخل... يعني ل "اللب"... بالعكس بتخلينا دايما علقانين بالخارج... شاغلين حالنا طول الوقت بالاشيا السطحية... بدل ما ننشغل بالاشيا المهمة والمفيدة... هاي العلقة البرانية هيي يلي بتخلي كل العالم يسبقونا لجوا...
احنا كعرب بتميزنا اشيا من اجمل ما بكون... ازا كنقدر نحافظ على هاي العادات القيمة يلي عنا وبالمقابل نطلع من فقاعتنا ونحاول نتقدم مع التطور البناء... كان ما منستحي بحالنا ولا منكون متخلفين ولا منكون مقلدين حدا... واللة كان العالم هيي يلي بتقلدنا وبتحسدنا....
بس صدق عمكون يلي قال... كتبنا الحرف, كتبنا الكلمة, ومن وقتا ما حكينا ولا كلمة....