قطورة ريمي...

[VivaSyria]

أحلى غنية ممكن تسمعوها بعمركن طبعاً قطورة...

قبل ماحدا يسأل ليش اسمها قطورة ريمي.. لأنو الغنية انرفعت بناءً على طلب ريم "بتحبها أكتر من نجوى كرم" واعتمدتها رنة موبايل

قطورة ريمي

هامش: كنت بدي أعمل ولدنة حلال وارفعها على مرفقات أخوية مشان ماتقدرو تنزلوها بس بعدين بطلت

[إبريل]

قطورة الندى
وأخيرا

شكررراً

[Reemi]

شكرا شكرا شكرا...بعد عناااااء واخيرا لقيتها mp3

زيد يكتر خيرو كان ملاقيلي الدعايه مو الغنيه بس مو ام بي ثري...
الحمد لله يا ربي.... بفضل جهود المفدى فادي نزلتها عالموبايل

شكرا شكرا

[SUPER EAGLE]

كاتب النص الأصلي : VivaSyria

هامش: كنت بدي أعمل ولدنة حلال وارفعها على مرفقات أخوية مشان ماتقدرو تنزلوها بس بعدين بطلت

هي فكرة جهنمية وعجبتني مع ذلك مشكور على الغنية
ملاحظة موجهة مباشرتا الى VivaSyria : كان لازم تسويها

[amey]

ييييييييي ما الذهااااااا


بحبا كتير هاي الغنية

بحب الاعلان الي الها كتيييييييييييييييييييير


يسلمو فادي

[marioma alghzayala]

فظيعة على فكرة... انا بطرّب فيا ...
ثانكيو ثانكيو ابو الفدا ...

[LiOnHeArT.3LA2]

.. ياي .. او ماي الله

حلوة كتير .. بحس حالي اطفول زغنوت وقت بسمعها

[boy freind]

العمى

و انا كنت مفكر انو عطيتني ياها عالماسنجر خصوصي

و قلت لحالي اكيد ريمي الها علاقة لأنو بعرف انو اسم الاغنية قطورة مو قطورة ريمي

انا بحب مقطع :

قالت قطورة بعتب ......... لطفلة الماء ذهب

[اممي]

الغنية اكثر من رائعة يعني صابني ادمان عليها والكلمات كتير عفوية
قال :قالت قطرة سمينة كم اشتاق لاهلي...كنا في المدينة نلهو بقدر يغلي

[boy freind]

اما انا سموني كفاح ............. كنت على جبهتي فلاح

[lolit]

كاتب النص الأصلي : boy freind

اما انا سموني كفاح ............. كنت على جبهتي فلاح

ولو نزلولنا كلمات الأغنية كاملة والله روعة هالغنية
وعلى سيرة الأطافيل انا حبيتها بس بنتي الصغيرة ماردت عليي لما بدي حفظها ياها
قالتلي شوهاد .. بدي غنية نسونجي
ولاد هالأيام فظيعين شو غليظين وكرهين

[modarsoos]

شاهدت الإعلان، وجذبتني الكلمات وأعجبني اللحن… وحين سمعت الأغنية كاملة أبهرتني وأحببتها، فالأغنية مكتوبة باللغة العربية وهذا جذبني جداً في البداية، اللحن أصيل وعذب للغاية و صوت المطربة ملائكي و جيد من حيث العرب و الإحساس أيضا.. كيف أن هذا الصوت غير معروف؟؟

بطلة الحكاية : قطّورة… فعلا اسم مبتكر و جديد و رقيق و معبر

الأغنية لها بعد علمي و بعد أخلاقي و طبعا بعد ترفيهي موسيقي روحاني يحيط بالأبعاد الأخرى و يجملها

تصف الأغنية دورة حياة قطرة ماء من الناحية العلمية مبسطة إياها للأطفال و واضعة إياها في شخصيات كما يلي

جاء اليوم و ذهب الأمس……….… بعد الليل الصبح بدا

على ورقة تباع الشمس ……….… نامت قطورة الندى

وانتصفت شمس النهار ……….… صار الجو جد حار

سخن القطر على الأزهار……….…الماء تحول لبخار

الأفكار العلمية تنساب بسلاسة بداية من تحول الليل و النهار لتكون الندى على أوراق الزهور… ثم انتصاف الشمس للسماء و حرارة الجو حينها و تحول الماء لبخار … كل هذا و إن لم يشرح الحقائق العلمية للأطفال فقد رسخ مشاهداتهم اليومية للطبيعة ووثقها و أثار الفضول للتفكير و البحث و السؤال عن هذه المعلومات.

ثم يتحول بخار الماء لشخصية تنادي قطورة باسمها و يدعوها للحاق بالغيمة المسرورة.


نادى بخار الماء هيا هيا قطورة ……….… طيري في السماء للغيمة معنا مسرورة

ثم تصف الأغنية الحركة المضطربة لقطورة في الغيمة مع القطرات الأخرى - شخصيات متباينة لكل منها حكايته …

تم تنساب الأحداث و الأفكار حتى تصل فطورة ليد طفلة تهدرها، و هنا يأتي الجانب الأخلاقي و التوعوي من الحكاية.. أترككم تستمتعوا بالأغنية بقي

وقفت قطورة لا تدري…………….فوق الغيمة أين تذهب

جاءتها قطرات تجري……………….هيا معنا نركض نلعب

قالت قطره سمينة………………كم اشتاق لأهلي

كنا في المدينة………………. نلهو بقدر يغلي

أما أنا سموني كفاح……………….. كنت على جبهة فلاح

يحرث أرضه كل صباح……………..يعمل يعمل لا يرتاح

ودعت الغيمة القطرات………….ألقاكم مرة أخرى

عودوا في دورة الحياة …………….وانزلن قطرة قطرة

صارت قطورة مطرا ………….سقطت على رأس الشجرة

نزلت قطورة حتى ………….وجدت قطرات شتى

وانسحبت عبر الصنبور …………. سقطت على أيدي طفلة

تلعب في الماء بسرور…………. تسرف والكل بغفلة

قالت قطورة بعتب …………. الماء ذهب

لو كنتي عرفتي من أين….. جئتك كان مكاني العين ..

هيا لنكون أصدقاء لا نسرف في صرف الماء

[yamen_h]

شكرا عالغنية انا بحبا كتير .... بس بظن كل ما يسمعوها العالم بيتذكرو مسلسل نور ...


.. بالنسبة للاخ ...

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

تحليلك حلو كتير ...

ومتل هيك ردود هي اللي بتغني المواضيع الموسيقية ...

شكرا لك ...

[اممي]

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

يسلمو كتير علي هالوصف الرائع

[VivaSyria]

كاتب النص الأصلي : اممي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

يسلمو كتير علي هالوصف الرائع

اي الله يسلمك رفيق فؤاد...

يسلمو على الوصف وإبن البطه السوده يلي حاطط الغنية شو وضعو؟؟ الله يكسر ايديه مثلاً؟

[Ms. J.A]

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

مش عارفة اشكرك ولا اشكر ريمي بس نزلتها عالموبايل وحبيتها!!
أول مرة يسمعها كلها ...
يسلمو vbmenu_register("postmenu_1085630", true);

[W.E.G.A]

كاتب النص الأصلي : VivaSyria

أحلى غنية ممكن تسمعوها بعمركن طبعاً قطورة...

قبل ماحدا يسأل ليش اسمها قطورة ريمي.. لأنو الغنية انرفعت بناءً على طلب ريم "بتحبها أكتر من نجوى كرم" واعتمدتها رنة موبايل

قطورة ريمي

هامش: كنت بدي أعمل ولدنة حلال وارفعها على مرفقات أخوية مشان ماتقدرو تنزلوها بس بعدين بطلت

يسلموا

الغنية حلوة وهادفة هههههه

بس يعني انه ولدنت الحلال الي كنت رح تعملها مو شي

يعني دخيلك في كتير اشيا باخوية ما عم نقدر ناخدها

وقفت على قطورة

يسلموا


والله بعين الدرويش

[ِAbu Alzooz]

اول مرا بتستاهل

الشكر

بس انو غريبة {ليش شبها المرفقات انا عندي تمام }
عندكون مو شغالة شي



_________

هامش : كل ما حمل من المرفقات بدعيلو لأبن داغر