الشيوعية تقض مضاجعكم ايها الرأسماليون

[alwaleed]

كاتب النص الأصلي : tiger

(عدد ضحايا الرفيق ستالين يحظى بنصيب كبير من الخلافات ، فهناك من يقول ان ضحاياه 60 مليون نفر بينما انا سمعت عن رقم يقارب 110 مليون منهم 70 مليون اثتاء دخول الألمان روسيا
يقال ان 1.7 مليون نفر قضوا جوعا - و تقولي تقدم !!! - و 389000 نفر ماتوا في المواجهات بتاعت الزراعة التعاونية بس !!!! مش كتير - ربنا يخرب بيوتكو

في المجاعة اللي كانت مابين 1932 و 1933 مات ما بين 6 الى 8 مليون نفر بس بعض الناس مش حاطينهم في الحسبة لان موتهم قضاء و قدر !!!!! مش بسبب أوامر من الرفيق ستالين بتمويتهم
طبعا انا عندي رغبة شديدة بالتفوة بألفاظ نابية بس احنا في نهار رمضان

أقل عدد ظهر عن ضحايا ستالين هو 10 مليون - 4 مليون قمع مباشر و اعدامات و اغتيالات و 6 مليون مجاعة - و ده أكثر الأرقام تفاؤلا ،خلينا نتفق على الرقم ده و بلاش نقول 20 و لا 40 و لا حتى 60 مليون نفس

في نهاية الفقرة يحضرني قولة مأثورة للأخ ستالين تبين وجهة نظره في الاعداد الغفيرة المقتولة ، هذه المقولة يجب ان تسطر بالذهب و تعلق في ميادين العالم أجمع
" ان موت فرد واحد لهو مأساة ... لكن موت مليون فرد هو احصائية !!! " )
المصدر :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

.....

في المرة الاولى من قرائتي ما لصقته حضرتك نقلا عن المواقع الصفراء
لم ادقق كثيرا لاني منت قد قراته ومللته من قبل هذا الكلام لانني دائما اواجه به نفسه في اي حوار عن ستالين بيني وبين اشخاص يعادون الشيوعية وتكون النتيجة اظهار لا منطقيته طبعا وكسب لحوار
لكن ما صعقني وانا اراجع مداخلتك هذه هو هذه الارقام التي في الحقيقة اضحكتني
يا عزيزي اتقي عقل يا رجل
ولا تدع الحقد يجرك الى نسخ كل ما تقع عليه حواسك من شبكة الانترنت ومن المواقع الصفراء
اذا لا تريد ان تتقي عقلك والمنطق اتقي ربك ولله منشانك
حبيبي من اين اتيت بتلك الارقام
60 مليون و100 مليون و107 ملايين و70 مليون
ماهذا الهراء والكلام الفارغ
عزيزي عدد سكان الاتحاد السوفييتي العظيم في ذلك الوثت لم يتجاوز المئة مليون
فكيف ستالين اعدم منهم 107 ملايين
و70 مليون
هل اعدم كل الشعب ام نصفه
ياعزيزي الشعب السوفييتي هو من قام بالثورة اعظم ثورة شعبية بالتاريخ واكبرها
هل الثورة تعدم ذاتها
غريب لوكان ستالين اعدم نصف الشعب واو ثلاثة ارباعه واحيانا كله واكتر شوي كما تذكر ارقامك الغبية تلك
لكان انقرض الشعب الروسي ولم يبقى منه احد لكان مع عدد الذين ماتو بالحروب لكان انتهى الشعب الروسي خلصو يعني
من مات في عهد ستالين ماتو بسبب الحرب فروسيا دفعت شهداء للدفاع عن ارضها وعن البشرية في الخطر النازي 25 مليون شهيد منهم 5 ملايين من كوادر الحزب الشيوعي الروسي
ماتو اثناء الحرب في القتال والقصف الالماني
حصلت مجاعة نعم حصلت مجاعة وذلك عام 1919 ابان الحرب الاهلية كانت الثورة لا تزال حديثة ثم غرقت البلاد في الحرب
الثورة ليست لها علاقة بالمجاعة فهي متوارثة من ايام القيصر والثورة لا تمتلك عصا سحرية لتصلح الامر بسنتين من حدوثها وخلال الحرب الاهلية
ثم اتت الحرب العالمية الثانية والزحف النازي الذي كلف روسيا الكثير لكنها صمدت وانتصرت وبعد الحرب حققت نهوضا بزمن قياسي وبعد الحرب بثلاث سنوات فجرت قنبلتها الذرية وردعت امريكا عن تدمير العالم
اقرا الامور بقليلا من المنطق والموضوعية صديقي
لاجلك
لدي مقالة لكاتب روسي يتحدث فيها عن ستالين والقمع ومستقبل الاشتراكية والارقام الواردة فيها ارقام رسمية من السجلات الروسية قمت باضافتها في وقت سابق بموضوع للاخوة الشيوعيين في الساحة السياسية
راجعها
تحياتي لك

[Nirvana]

كاتب النص الأصلي : tiger

مع اعجابي بالفكرة الشيوعية كفكرة , بس انا شخص بيطلع على النتايج اكتر من الفكر و ياللي بشوفو انو الفكرة الشيوعية غير قابلة للتطبيق بشكل عملي .....

بحسها اقرب للجمهورية الفاضلة تبعت افلاطون .....
يعني لا مجال لتطبيق الشيوعية بشكل عملي بدون التحلي باخلاق الملائكة و هادا ياللي هو مستحيل على كوكبنا الارضي ...
و شفنا النتايج الكارثية في المجتمعات الشيوعية ككل , يعني و من قبل ما يصير الضغط على الاتحاد السوفياتي كانت العيشة سيئة جدا جدا و تم وضع كل مقدرات الدولة بيد شخصية واحدة , و تم اعدام الكثير من الرفاق ( بتهم مزورة ) بحجة انقاذ الثورة ......
بينما عم نشوف انو المجتمعات الرأسمالية ( المستغلة ) بتحفظ حقوق مواطنيها و بتأمنلهم الضمان الصحي و الاجتماعي بشكل كتير افضل من المجتمعات الشيوعية ياللي المفروض انو صارت من اجل حقوق المواطن و العامل و الفلاح .....

ومشان هيك ولانو طموحنا ان نقترب أكثر ما يمكن للجمهورية الفاضلة يجب ان نختار النظام الذي يخدمنا كشعب ..
كما انو الراسمالية بحد ذاتها (مستغلة) فما بالك اذا كانت بيد هؤلاء البشر اللي انت قلت عنهم لا يتحلون بأخلاق الملائكة .. مصيبة يعني ..
بعدين المجتمعات الرأسمالية بتقدم أكثر للي بيدفع ضرايب أكثر.. ولما تقدم للعاطلين عن العمل والفقراء بتقدملهم فتات لا أكثر .. ولو فعلا المجتمعات الرأسمالية بتقدم للكل كان ما بيكون موجود فيها أحياء فقيرة ومدارس دون المستوى .. الخ .

على القليلة ما حدا بينعدم بالدول الرأسمالية بدون محاكمة عادلة ! .....

بس الدول الرأسمالية الي عم بتبيد شعوب بكاملها من أجل رأس مال أكثر ومن أجل نفوذ أكبر ، هل تظن أنها عادلة !!!

[Nathalie]

بس تعليق صغير...

على القليلة ما حدا بينعدم بالدول الرأسمالية بدون محاكمة عادلة ! .....

وغوانتانامو باي، رمز الأمبريالية الأمريكية، شو بتسميه؟ حبيبي بالدول الرأسمالية كلوا من تحت لتحت، وتحايل على القانون.
عاملين معتقل على أرض غير أمريكية، لحتى ما يخضعوا للدستور الأمريكي، ومعظم نزلاؤه بدون محاكمة وبيتعرضوا للتعذيب والإهانة والحبس بدون ولا دليل.

القصة مو رأسمالية وشيوعية، القصة بتتعلق بنظام سياسي فاسد، فبالدول الي ما فيها فساد بتلاقي حقوق الإنسان محفوظة...ولكم في الدول الاسكندنافية أسوة حسنة.

[suryoyo]

اكبر دليل على جرائم ستالين

هو ان الستالينيين انتهوا سياسيا !

و على ما قد قرأت رفع جثته من الكريملين


لا يمكن مقارنة تيتو بستالين الذي حاول الهيمنة الشيوعية على كل اشتراكي حر في العالم

[MadMax]

كاتب النص الأصلي : suryoyo

لا يمكن مقارنة تيتو بستالين الذي حاول الهيمنة الشيوعية على كل اشتراكي حر في العالم

مزبوط هالكلام
و نحنا ما عم نحكي أنو الشيوعية ما فيها أخطاء
بس كمان ما حدا بيقدر يقول أنو الشيوعية ماتت ....
بالعكس عم ترجع تتنامى بالوقت الحالي

[suryoyo]

سبب انحسار الشيوعية بالحقيقة

هو عدم قدرتها على التجاري مع العصر و الاصلاح !

و محاولة السوفبت السيطرة على الدول الاشتراكية و بعض الاخطاء القاتلة هي اهم سبب لترك الناس لها

و ممكن تشوف نسبة الشيوعيين في اوربا الشرقية

فبسبب السياسات الخاطئة للشيوعيين و النفوذ الامريكي اللي زاد بشكل متزايد اصبحت دول معسكر الاشتراكيين رأسمالية و بالحقيقة نقدر نقول انفحت اقتصاديا اكثر


من اهم هذه الاخطاء ..

هو قمع الحريات و خصوصا الدينية بشكل تعسفي و متفاوت


في النهاية
مع اني افضل النظرية الاشتراكية اقتصاديا لكنها كانت تحتاج الى التغيير المستمر

فنسأل

اين منظمات مثل دول عدم الانحياز ؟؟ اين التجمعات التحررية بالعالم اليوم ؟

اترك هذه الاسئلة للجميع



بالحقيقة يجب ان يخرج تيار جديد يلم شمل كل العالم المتضرر من الرأسمالية اليوم و لن تتحقق الا بنظام اشتراكي حر و معاصر و منفتح و قابل للاصلاح



سلام

[suryoyo]

كاتب النص الأصلي : Madmax

مزبوط هالكلام
و نحنا ما عم نحكي أنو الشيوعية ما فيها أخطاء
بس كمان ما حدا بيقدر يقول أنو الشيوعية ماتت ....
بالعكس عم ترجع تتنامى بالوقت الحالي

انا معك

بس التنامي وحده ما يكفي

لازم ترجع بشكل جديد و معاصر اكثر

و لازم تكون قادرة على التطبيق العملي الحقيقي



صدقني اي حركة بالعالم تحتاج للاصلاح و التغيير بشكل دوري

[abosleman]

هلئ إذا طلع فكر جديد اسمو البيضة والحجر او ..او...
وكانت افكارو بتدعي لمجتمع علماني مع حفظ حرية العبادة
وبتأمن للمواطنين حياة كريمة وعادلة ما بيعمل الشعب ثورة ليقوم هالنظام ..؟؟

طيب وإذا اجا هالنظام واطبق غلط وبالصدفة طلع نظام جديد بيدعي لنفس الافكار بتطبيقات صحيحة فرضيا
- فرضيا لانو ما اطبق لنعرف اذا صحيح عمليا ولا لاء-
ما بيرجع نفس الشعب بيعمل ثورة
مع تطور الفكر السياسي والاجتماعي بيطلع كل يوم فكر جديد بيدعي لافكار جديدة وممكن تكون مثالية
بس إذا التطبيق كان غلط رح يرجع ينهار النظام ويتم إعادة صياغتو على ضوء الوقائع
ويرجع من جديد ويطبق النظريات المحدثة وممكن يرجع يغلط وهيك ليوصل للمثاليه الاجتماعية -شي مستحيل-
هلئ مو هم شو هو الفكر اسمو او افكارو او ..او . المهم بالنسبة للمواطن كمواطن انو تكون حياتو مؤمنة
السؤال اللي حابب اعرف اجابتو
1- اي نظام يصلح لمجتمعاتنا الشرقية اكثر الرأسمالية اوالشوعية ؟؟؟
2- شو التعديلات اللي لازم تنعمل على النظام او الفكر المتبع ان كان رأسمالي او شيوعي لينجح بمجتمعنا العربي ؟؟



من السقيفة ...

[tiger]

كاتب النص الأصلي : alwaleed

عزيزي تايعر اولا تحية لك لا يوجد عصبية ولا يحزنون
توقعت منك ان تقوم بفتح محرك البحث غوغل وتكتب ستالين وتضغط على زر البحث سرعان ما ستظهر لك عشرات المقالات التي تذم ستالين من مواقع اسلامية وليبرالية
في الحقيقة لن اخوض بنقض تلك المقالات نقطة نقطة واظهر لك عدم منطقيتها لانها لا تهم اكتفي ان اقول لك
بان هذا ضحك على العقول
ستالين استلم روسيا بالمحراث وسلمها مدججة بالسلاح الذري هذا ما قاله تشيرشل الذي توفي سنة 65 ارف ذلك هو وصف المرحلة في الستينات وفي اكثر من مرة ابدى اعجابه بمافعل ستالين مع انه عدوه
ستالين استلم روسيا في فترة حرجة
في فترة كانت روسيا لا تزال في مرحلة بناء هو من بنى الاتحاد السوفييتي وجعله دولة قوية من قدراتها الذاتية دون مساعدات
ان تقول لي اعدم عشرة ملايين او ربما عشرين هذا كلام فارغ وضحك على العقول من يصدق هذا الكلام ستالين فترة حكمه كانت حروب الحرب العالمية الثانية والزحف النازي وبدأت المؤامرات على الثورة
هل كان الجيش الاحمر منهمك باعدام الملايين ام بصد العدوان
لا ا الاغرب انه اعدمهم خلال عم ما قرات في احد المواقع
يا عزيزي اذا حسبت كل تلك الارقام المذكورة في المقال وقارنتها بعدد سكان روسيا في ذلك الوقت ربما يصل العدد الى نصفهم واذا حسبت عدد سكان روسيا حاليا وحسبت معدل الزيادة الطبيعية منذ ذلك الوقت الى الان ستجد ان الامور طبيعية ولا يوجد ثغرات في الحساب فهذا كله كلام فارغ هدفه تشويه ستالين
لماذا ستالين لانه يخيفهم لانه هو من بنى دولة قوية بزمن قياسي يخافون ان تصبح تجربته تراثا لكل القوى الاشيوعية في العاتلم لذلك حرصو على مهاجمته وتشويهه
لقد تعرض للنشويه والهجوم اكثر من هتلر
وهو قد قال سياتي يوم وتوضع فيه كل القاذورات على قبري لكن ستأتي رياح التاريخ لتكنسها
لن اطيل بموضوع ستالين لانه موضوع تاريخي وانا ناقشته كثيرا
بامكانك مراجعة موضوع للاخوة الشيوعيين في المنتدى السياسي واقرا النقاش فيه العديد من الامور التوضيحية لن اعيدها هنا
واذا لم تقتنع ساقول لك ستالين هو الذي ثقب الاوزون

الثورة اعدمت اعدائها نعم من بقايا الاقطاع والبرجوازية الثورة البرجوازية الفرنسية قطعت رؤوس الاعطاع بالمقصلة عندما انتصرت لانهم اعدائها الطبقيين هل يحق للبرجوازية قتل اعدائها الطبقيين ولا يحق للعمال
الثورة الروسية كانت اكبر ثورة شعبية بالتناريخ الحديث وحتى تتحقق احلام مليون فلاح وعامل ما المانع من ان يموت بضعة الاف من اعداء الثورة
تحياتي

هلا .....
- منشان تشرشل يا سيدي الزلمة كان سياسي كتير كبير و كان بيعرف ايمتى ينفخ الواحد , يعني هو مدح ستالين بزمانو و هو كمان القائل انو (على ما يبدو نحنا قتلنا الخنزير الخطأ ) و اكد هالشي بيعني فيه هتلر و ستالين , فشو نصدق برأيك ؟؟!!!! ......

- منشان الاقتباسات , معلم هاللا انا فتحتلك محرك البحث و جبتلك مواضيع منه فقط كمحاولة للاثبات , لانو انا سمعت عن ستالين من اشخاص عاصروا عهده او ابائهم عاصروه و طبعا ما ممكن استشهد بكلام صديقة لي من اوكرانيا او كلام والدها !!!
و لهيك لازم جبلك مواضيع من النت و خصوصا انو نتيجة الكلام متطابقة تماما مع كلام صديقتي الاوكرانية .....
عهد ستالين كان عصر الارهاب و الاعتقال التعسفي و العشوائي , حتى خبرني الزلمة ( والد صديقتي ) انو ستالين كان بيوقع على قرارات الاعدام وهو على مائدة الفطور و بدون ما يتطلع على الاسامي , يعني انت و حظك و على الاغلب ياللي ما بينعدم اليوم بينعدم بوكرا !!! .....
و نفس الشخص ياللي حكيتلك عنه اعدم ابن عمه ( كان استاذ بجامعة كييف ) و بتقرير كاذب قدمه واحد رتبته كبيرة بالحزب الشيوعي وقتها لانو ما رضي يساعد ابنه بالنجاح , فورطه بموضوع انو عدو للثورة ! ....
طبعا هالكلام على ذمة الراوي , بس انو الزلمة محترم و ما بظن انو يكذب ...
يا سيدي بالنسبة للارقام انا كمان قريتها و حسيتها مبالغ فيها بس مع هيك نزلتها متعمدا منشان نناقش فيها , لانو المبالغة بالارقام اكيد ما بتعني انو ما صار شي , يعني انا بيكفي انو آخذ ربع الكلام او 10 بالمية منه لتشوف انو بيطلع عندك رقم مهول من الناس ياللي انعدمت او تم نفيها .....

- و معلم بالنسبة لبناء الدولة القوية , يعني هتلر بنى دولة اقوى من دولة ستالين او اي دولة تانية كانت موجودة وقتها و بوقت اقل و خصوصا انو لا ننسى انو المانيا كانت طالعة خسرانة من حرب عالمية , يعني عملية البناء فيها كانت اصعب من عملية بناء روسيا و ما بظن انو الاتحاد السوفياتي ( او اي دولة تانية من الحلفاء ) لوحده كان قادر على دحر الالمان ....
و اكيد بناء الدولة ما بيعني انو هي بنيت على مبادئ صحيحة او لأ .....

- هاللا هون كتير اختلفنا , يعني على اي اساس صنفت هالناس باعداء الثورة ؟؟!!!!
و كيف طفل تحت العشر سنوات ممكن يكون بيهدد ثورة ؟؟!!!!
اصلا شو هالثورة البالية هاي ياللي بيهددها طفل ؟؟!!!!!

كلامك كتير مرفوض , كل روح بشرية الها قدسية لا يجب مسها بأي شكل من الاشكال , لا منشان ثورة و لا منشان اي سبب تاني ........
كل انسان له الحق في محاكمة عادلة , و هادا الشي ياللي ما عملته الثورة الشيوعية في روسيا ....
بعدين يعني اعدام الثورة الفرنسية لاعدائها ابدا ما بيعني انو نسمح للثورة البلشفية انو تعدم اعدائها ....
بعدين على اساس انو الشيوعية اجت لتحقق العدل , و تدافع عن حقوق المواطين ( مين ما كانوا ) , طيب هيك مو بتكون عارضت اسسها ؟؟!!!!.....
ولا هالكلام هو حملة دعائية بتنتهي صلاحيته لما الشيوعية بتوصل للسلطة ؟!!!! .....
تحياتي ....

[Raw]

كأنو انتقل النقاش من قض المضاجع لحياة ستالين
.
هلأ باختصار رح يكون ردي
.
ما حدا بينكر إنو الرفيق ستالين أعدم ناس كتير أو بالأحرى مات كتير ناس بالعهد السوفياتي
بس هاد ما بيعني إنو حكمه مو فعال
.
يعني ئصـّـة المجاعة هي قضاء و قدر يعني ما حدا بيتحكم فيها خصوصاً إنو كانت بعد فترة قصيرة كتير من قيام الاتـّـحاد
.
تاني شغلة الناس اللي ماتو بالحرب مو ذنب ستالين يا أخي لو كان الزلمة ئلهن بلا ما تموتوا روحو ائعدو ببيوتكن كان
الألمان احتلو روسيا و وصلو للصين ؛؛ يا أخي انتبه هي حرب يعني كان في مقولة معروفة بالحرب "الشيوعي آخر من
يأكل آخر من ينام أوّل من يموت" و إلا ما كانو انتصروا على الألمان اللي كان ولائهن للفوهرر عظيم و تضحياتهن موازية
لتضحيات السوفييت بس الفرق بيناتهن أنو كانت قضية السوفييت أقوى و عادلة أكتر بحكم إنهم كانو عم يدافعو مو عم
يهاجمو
.
هلأ شغلة الإحصائيات بشرفي شغلة بتضحك يعني هلأ عدد سكان الاتحاد الروسي الفيدرالي حوالي 140 مليون و
لنفترض إنو ما زاد من 100 سنة بكون صاحبنا ستالين أعدم من كل شخصين واحد يا سلام و الله قويّ!
طيب حبيبي هلأ بما انو انتهينا من فرضية موت مدري كم مليون واحد على ايدين ستالين اسمعلي شو بئول المرشد
الأعلى للثورة الإيرانية "إذا كانت الاشتراكية تعطي رغيف الخبز فقط فإن الرأسمالية تعطي نصف الرغيف فقط" هلأ هيك
متذكر معنى القول بئا يا ريت إذا حدا بيعرفو حرفياً ينقله
بئا يا سادة هاد زلمة مسلم و بتعرفو في عداوة بين الشيوعيين و المسلمين للسما
بس كان حكيه في مجال المقارنة بين الرأسمالية و الشيوعية و هيك طلع معو
.
كمان شغلة ذكروها كتير إنو الشيوعية كانت عم تعاني من ضغوط الحرب الباردة و الهجمة الغربية و مدري شوو ؛؛ هون
بختلف معكن ؛؛ يعني مزبووط الحكي بس الشيوعية كمان ما كانت ساكتة كانت عم تحاربهن يعني الطرفين كانو
متعالين بهاد المجال ؛؛ بس مشكلة الشيوعية إنو كانت فكرة جديدة خصوصاً إنو كانت عم تحارب الدين (وهاد مافيه
شك) و انتشرت بمناطق سكانها إما مسيحيين أو مسلمين على الأغلب يعني ناس متدينين و بغض النظر عن
التزامهن بس كان هالخيط الرفيع من الالتزام بدينهم كافي ليوئف ضد فكرة الإلحاد و رغم مرور مية سنة لهلأ نفس
المشكلة عم تعاني منها الشيوعية ؛؛ مشكلة الدين و لذلك بتلائي أفكار جديدة عم تدخل للشيوعية و هالأفكار عم
تحاول تندمج مع الوسط المتدين بس كمان رجعت هالشغلة خلئت مشكلة جديدة و للأسف مشكلة داخلية بين
الرفاق الشيوعيين نفسهن يعني بأي تجمع شيوعي بتلائي على الأقل تيارين الأول محافظ كلاسيكي بذكرني
بأسامة بن لادن و التاني منفتح مجدّد حسب السوق بسوق و سوريا و أحزابها الشيوعية الأربعة مدري الخمسة أكبر
مثال ؛؛ يعني بعرف رفاق بصلوا و بصوموا و كل شي و رفاق بئولوا مين هاد الله و ناس تخلوا عن اسمهن كشيوعيين و
ضلوا يشتغلو بنفس الوتيرة و ناس تركو كل التنظيمات لأن ما عادت عبت معهن و ضلوا شيوعيين بالفكر فقط دون عمل
حزبي يعني الشغلة بدها ثورة تانية بس هالمرة ثورة داخلية لتوحدهن لأن بالفعل أمر مخجل إنو واحد يئول لرفيق ما
روحو وحدو حالكن بعدين تعال احكيلي عن توحيد البشر!
.
على كل حال
.
يمكن فهمتو من كلامي إني عم دافع عن الشيوعية ؛؛ بس لأ أنا مالي مع الشيوعية تماماً ؛؛ أيضاً مالي مع
الرأسمالية ؛؛ يعني بعبارة أخرى مالي مع اي اتجاه راديكالي!
لأن من وجهة نظري رغم إنو الشيوعية تدعو للعدل المطلق بين الناس يعني ياخد كل واحد على ئد حاجتو ؛ فهاد
برأي مو عدل ؛ لأن إذا هيك لازم نعيش على الحاجيات فقط و ننسى شي بالدنيا اسمو كماليات و إذا كل واحد صار
بدو ياخد كماليات على ئد حاجتو بتخرب الدنيا لأن الكماليات ما بتخلص مثلاً بدي اطلع سياحة على القمر معناها
لازم تأمنلي الشيوعية التكاليف لأ هيك بصير الحكاية شوربة لذلك بلائي إنو الاشتراكية المعتدلة أحسن يعني يكون
في بيت بدون أجرة لكل عيلة و يكون في تموين متل اللي عندنا بسوريا لكل شخص بس يكتروهن شوي يعني مو
بس رز و سكر و يكون مي و كهربا و اتصالات بأسعار معئولة و جمعيات استهلاكية بتشرف عليها الدولة لتأمين
الاحتياجات التانية او الكماليات بحسب درجة المواطنين اللي ما في فيها فروقات كبيرة بس أكيد مو متل بعض لأن مو
معئول يكون اللي دارس تعليم الزامي بس بنفس درجة اللي دارس ماجستير
يعني هيك شغلات بدون تطرف كبير بتخلي الناس هي تركد وراها مو بالعكس متل ما صار بالاتحاد السوفياتي ؛؛
يعني عدم المؤاخذة من الأخ ابو الوليد كل الناس بكل الدنيا بيعرفو إنو في بداية الحكم الشيوعي كان الفلاح يشتغل و
السلاح فوق راسو ؛؛ هو ما هاد موضوعي يعني بكل انقلاب و أي ثورة أكيد في ضحايا يعني الحياة مو بيضا فيها سواد
و فيها عذاب ؛؛ و لأن العيشة سودا و مش بيضا قررنا نجتمع ببيت واحد و نسلق بيضة شو رأيك ؟!

®

[tiger]

كاتب النص الأصلي : Nirvana

ومشان هيك ولانو طموحنا ان نقترب أكثر ما يمكن للجمهورية الفاضلة يجب ان نختار النظام الذي يخدمنا كشعب ..
كما انو الراسمالية بحد ذاتها (مستغلة) فما بالك اذا كانت بيد هؤلاء البشر اللي انت قلت عنهم لا يتحلون بأخلاق الملائكة .. مصيبة يعني ..
بعدين المجتمعات الرأسمالية بتقدم أكثر للي بيدفع ضرايب أكثر.. ولما تقدم للعاطلين عن العمل والفقراء بتقدملهم فتات لا أكثر .. ولو فعلا المجتمعات الرأسمالية بتقدم للكل كان ما بيكون موجود فيها أحياء فقيرة ومدارس دون المستوى .. الخ .
بس الدول الرأسمالية الي عم بتبيد شعوب بكاملها من أجل رأس مال أكثر ومن أجل نفوذ أكبر ، هل تظن أنها عادلة !!!

اي بس هالنظام مستحيل انو يقترب من الجمهورية الفاضلة بالحياة العملية , لانو من المستحيل ايجاد هالشخص ياللي رح يكون متل الملائكة لقيادة هالنظام , و الدليل انو مافي دولة شيوعية مرت بالتاريخ و عاش شعبها برفاهية و حرية و ديمقراطية ......
نيرفانا انا حكيت اني ماني من مؤيدي الرأسمالية و ما ادعيت انها عادلة , كل ياللي عملته هو المقارنة بين هالنوعين من الدول , فياللي عم نشوفو ان الخدمات ياللي بتقدمها هالدول للمواطن افضل من مثيلاتها بالدول الشيوعية ......
و لهيك صار الغرب هو حلم كل شخص ساكن في بلاد شيوعية او من دول العالم الثالث .....

طبعا انا الحل ما بشوفه بالنظام الرأسمالي , انا برأيي افضل شيء ممكن هو دولة ديمقراطية اشتراكية يمارس فيها حكم المؤسسات .....

[tiger]

كاتب النص الأصلي : Nathalie

بس تعليق صغير...

وغوانتانامو باي، رمز الأمبريالية الأمريكية، شو بتسميه؟ حبيبي بالدول الرأسمالية كلوا من تحت لتحت، وتحايل على القانون.
عاملين معتقل على أرض غير أمريكية، لحتى ما يخضعوا للدستور الأمريكي، ومعظم نزلاؤه بدون محاكمة وبيتعرضوا للتعذيب والإهانة والحبس بدون ولا دليل.

القصة مو رأسمالية وشيوعية، القصة بتتعلق بنظام سياسي فاسد، فبالدول الي ما فيها فساد بتلاقي حقوق الإنسان محفوظة...ولكم في الدول الاسكندنافية أسوة حسنة.

اول شي انا من اكتر العالم ياللي بتكره امريكا و اطماعها الامبريالية بكل العالم ....
يعني اذا في عدو للحرية في العالم هو اميركا , ما بيكفي انو عم تدعم دولة اغتصبت ارض مو ارضها من اكتر من خمسين سنة لهاللا !!!
لكن انتبهي انو سجن جوانتانامو ما تشكل الا من بعد تعديل القانون , يعني السجن شرعي و خاضع لقانون الطوارئ الامريكي و بشكل آخر الدستور الامريكي , و لكن معاملة السجناء فيه بتعارض حقوق الانسان المتعارف عليها عالميا .....
على اي حال بغض النظر عن هالشي بظن انو اميركا بتنفرد بهالموضوع هاد بحجة محاربة الارهاب .....
طبعا الارهاب بدو محاربة و لازم البشرية كلها تتوحد منشان القضاء عليه , لكن اميركا عم تمرق مصالحها الاستعمارية بهالحجة هاي و دل ما تحارب الارهاب انا شايف انو هي عم تغذيه منشان تحقيق هالمصالح .......
على فكرة حتى بالدول الاسكندنافيه يوجد تجاوزات ....

[alwaleed]

كاتب النص الأصلي : suryoyo

اكبر دليل على جرائم ستالين

هو ان الستالينيين انتهوا سياسيا !

و على ما قد قرأت رفع جثته من الكريملين


لا يمكن مقارنة تيتو بستالين الذي حاول الهيمنة الشيوعية على كل اشتراكي حر في العالم

لا يوجد ستالينيين يوجد فكر ماركسي لينيني
ويوجد منهج واحد بتطبيق الماركسية وهو المنهج اللينيني يطبق في كل بلد وفق الظروف المرحلية للبلد
وستالين هو استمر على النهج الينيني وتصرف تصرفات لا بد منها في ذلك الوقت لاان البلاد انت تمر بظروف تهدد كيانها الوطني وتهدد الثورة العمالية التي قامت
منها الزحف النازي
فكان لابد من بعض السياسات الاقتصادية التقشية التي قام بها ستالين وايضا الحزم مع المعارضة التي كانت تعول على دخول النازيين لهدم النظام وعودة القيصر
فالقيصر كان له بقايا
برايك هل يعدمهم ام يهدم الثورة كيلا يكون ديكتاتورا يا حرام
الثورة تحتاج الى قوة والقوة هي الخيار الوحيد في ذلك الوقنت ولم يكن يوجد خيارا اخر واذا كان موجودا ليتفضل اعداء ستالين ليقدموه
الستالينية امتداد للينينية وستالين بنى اشتراكية وكرس ديكتاتورية البروليتاريا لكن من اتى بعده انحرف عن الخط
راجع مقالة عندما ينتقدون ماركس والشيوعية والدعوة للجميع
تحياتي

[suryoyo]

كاتب النص الأصلي : alwaleed

لا يوجد ستالينيين يوجد فكر ماركسي لينيني
ويوجد منهج واحد بتطبيق الماركسية وهو المنهج اللينيني يطبق في كل بلد وفق الظروف المرحلية للبلد

عزيزي انا اقصد مؤيدي سياسات ستالين

و يمكن تعرف بعد ستالين الجزب الشيوعي الصيني اتباع ماو انفصل بشكل او بآخر عن الشيوعي اللينيني

وستالين هو استمر على النهج الينيني وتصرف تصرفات لا بد منها في ذلك الوقت لاان البلاد انت تمر بظروف تهدد كيانها الوطني وتهدد الثورة العمالية التي قامت
منها الزحف النازي
فكان لابد من بعض السياسات الاقتصادية التقشية التي قام بها ستالين وايضا الحزم مع المعارضة التي كانت تعول على دخول النازيين لهدم النظام وعودة القيصر
فالقيصر كان له بقايا
برايك هل يعدمهم ام يهدم الثورة كيلا يكون ديكتاتورا يا حرام
الثورة تحتاج الى قوة والقوة هي الخيار الوحيد في ذلك الوقنت ولم يكن يوجد خيارا اخر واذا كان موجودا ليتفضل اعداء ستالين ليقدموه
الستالينية امتداد للينينية وستالين بنى اشتراكية وكرس ديكتاتورية البروليتاريا لكن من اتى بعده انحرف عن الخط
راجع مقالة عندما ينتقدون ماركس والشيوعية والدعوة للجميع
تحياتي

لينين كان يسمي ستالين البغل
(على ذمة الوكالات!!!)

لا يمكن قتل الناس بهذا الشكل التعسفي يولد استقرار او بناء دولة

و انت تحكي بشكل متحمس لنجاح الثورة ممكن قتل اي شخص تحت اي ظرف

لكن ما شعور اهالي الضحايا ؟؟؟؟؟؟

من غير المعقول الثورة البلشفية عام 1917 و يجي ستالين عام 1940 يتهم الناس انهم يريدون ارجاع القيصرية الى روسيا!

بعدين ليش الرفاق خلوا احد عايش من عائلة رومانوف !!!!
حتى ستالين بفكره المريض يتصور ان بعض الشباب اللي ولدوا بعد الثورة البلشفية انهم متآمرين

و لا يمكن انكار ان كبار الشيوعيين الروس كانوا ضد ستالين ! و اللي تمت تصفيتهم بكافة الطرق


عزيزي ان كنت تدافع عن الشيوعية و تريدون عودتها كقوة عالمية من جديد


لازم الاصلاح و الثورة على الرموز السيئة للحركة


و مثل ما قلت لا يمكن مقارنة الرئيس تيتو مثلا بستالين
و لا يمكن مقارنة جيفارا البطل ب "بيريا" رفيق ستالين و ساعده الايمن في تصفية الرفاق !


تيتو اللي رفض الهيمنة الروسية و رفض حلف وارشو تم الانتقام منه بتمزيق يوغسلافيا!



لتحقيق التوازن الدولي و رفض السيطرة الاميريكة لا نحتاج الى اتحاد سوفيتي جديد حتى يسيطر بالمقابل على الشعوب الاخرى !

نحتاج الى منظمة مثل دول عدم الانحياز بحيث الكل متساويا "الاشتراكية الحقيقية"



بالنهاية عزيزي

اجبار الفلاحين على البروليتاريا غير صحيح



تحياتي

[محمد ابراهيم]

لقد تابعت بكل الأسى التبريرات السخيفة والحمقاء التي ساقها البعض هنا دفاعا عن السفاح "الجزار" ستالين

بكل الاسى تابعتها وتعجبت كثيرا من عدم الالتفات لمقالة الكاتب الكبير انيس منصور (هل هذا الكاتب الكبير يكتب في جريدة صفراء ؟؟!!!
صحيح انا لست مع الارقام والمعلومات العامة والغير مثبته (مثلا قتل 100 شخص وتعذيب الف وحرق مليون ) انا اميل الى الاثباتات وروايات شهود العيان (مع صعوبة تدوين ماحدث في تلك الحقبة يبقى الوضع بلا مستندات ووثائق ) ولكن دعونا نقتبس عدة اجزاء من مذكرات خروتشوف مترجمة الى العربيه كما وردت باحد مقالات جريدة الشرق الاوسط .
"يروي خروتشوف زعيم الحزب الشيوعي الحاكم في الاتحاد السوفياتي السابق، ما بين 1953 ولغاية 1964 والذي تنسب إليه إصلاحات فكرية تخص محاربة الجمود العقائدي والاستفراد بالحكم، وأحد أهم الذين وقفوا ضد العدوان الثلاثي على مصر، في مذكراته الشفوية المسجلة على شريط، وترجمها السوري غياث الموصلي (حمص ـ 2006) جانبا من مجازر ستالين وسياسة الاتحاد السوفياتي في فترة عريضة دون ادعاء احتكار الحقيقة المطلقة، ومع طلب الغفران من الأجيال اللاحقة على أخطاء تطبيق الاشتراكية اللينينية. "

"ونعرف من المذكرات، كيف تحولت الانتخابات منذ عام 1937 إلى تعيينات تحددها الاستخبارات، ونعرف الشيء الكثير عن الاغتيالات أيضاً. فقد اغتيل كيروف من قبل نيكولاييف الذي اختفى ايضا، واختفى صديق كيروف مدفيد كذلك، ويرجع سبب اغتياله إلى ان كيروف كان محبوبا في صفوف الحزب. بعدها قام «مفرمة اللحم» ستالين بتطهيرات واسعة في الحزب مكنته من التخلص من «زهرات المجتمع السوفياتي» مثل المارشال توخاتشيفسكي وياكيرا وابوريفتش وكوساريف وتشوبارو اعضاء الكومنترن البولوني بتهم مختلفة، اما بالتعاطف مع التروتسكيين، أو بالتآمر مع الأعداء. ويذكر مآسي تطهيرات أوكرانيا التي كانت سببها امرأتان «مخبولتان» هما نيكولايوفنا وميشكوفا اللتين نددتا بأعداء الشعب بتحريض من الصحافة الرسمية المتواطئة! فأعدم جيل كامل من «الرفاق» المؤسسين. مات ستالين تاركا مليون مخبر ملأوا السجون بالأبرياء وألوف الضحايا بينهم نخبة اليهود الذين كان يكرههم"

***(هنا نلاحظ علاقاته مع العلم والادب)****
"يعرض خرشوف علاقاته وذكرياته عن علماء وأدباء مثل كروليوف، ويلوم نفسه لأنه شارك في محاربة رواية الدكتور «زيفاكو» لباسترناك التي حصل على نوبل للآداب عام 1958، واستسلامهم لتقرير لجنة الرقابة التي يرأسها سوسلوف. ولكنه يعتز بالطريقة التي اقنع بها الرفاق بالسماح برواية سولجنستين «يوم في حياة ابفان دينسوقيتش» التي تفضح الإساءات لفضح الإساءات التي حدثت للمثقفين والأبرياء في سجون ستالين، لكن ذلك لم يدم طويلا فقد جرد من جنسيته في عام 1974، وكذلك كتاب ذكريات الجنرال كورباتوف عن المنفى والمعتقلات، سولجنستين، كما يتذكر المشاكل التي حدثت مع كتاب كازاكوفيتش «الدفتر الازرق» الذي اتهم بأنه يصور لينين وصديقه زينو فيتش تصويرا مضللا. وبصعوبة اقنع خروتشوف، كما يذكر، منظر الحزب سوسلوف بأن الرواية تعود إلى بداية الثورة قبل ان يرتد زينو فيتش برجوازيا؟ "
هذا جزء بسيط من مذكرات خروتشوف فيما يتعلق بستالين الجزار !!!

********************************
عزيزي المدافع عن الجزار الشيوعي ستالين , هل تعرف ماهو مصير كامينيف و زينوفيف؟؟؟
وماذا فعل ستالين ب تروتسكي رفيق دربه ؟؟؟؟
لقد ارسل من يغتالوه في منفاه بالمكسيك
هل تعرف كم عدد من تبقى من اللجنة الاصلية للحزب البلشفي غير مولوتوف وزير خارجيته ؟؟؟
لم يتبقى احد (كلهم طالتهم ايدي ستالين الجزار )

هذا الجزار أمر بحرق الايكونات المسيحية في البيوت وأصدر اوامره بهدم الكنائس ودور العبادة !!!!!

كاتب النص الأصلي : alwaleed

بحيات ربك الشيوعية نظام سياسي بينما الاشتراكية نظام اقتصادي
من وين جايب هالمعلومة حبيبي
غريب
بكل علمي وكما درستها من كتب ماركس وانجلس ولينين
ان الشيوعية مذهب اقتصادي واجتماعي
والشيوعية تعني شيوع الثروة وهي مرحلة متقدمة عن المرحلةة الاشتراكية التي هي نظام اقتصادي سياسي اجتماعي يسبق المرحلة الشيوعية التي هي اعلى مراحل الاشتراكية
في الاشتراكية ياخذ العامل حسب جهده وفي المرحلة الشيوعية حسب عمله
عزيزي مادامك ماشاء الله وكان فطحل بالشيوعية
اشرحلي كيف فصلت بيناتهن وعملت الشيوعية نظاما سياسيا والاشتراكية اقتصادي
وكيف فصلت بين السياسي والاقتصادي
وهل لك ان تعطيمني شواهد من الماركسية تدعم كلامك هذا

عجبتني تسمية فطحل (حسيت حالي من فطاحل الشعر العربي)
بالنسبة للفرق بين الشيوعية والاشتراكية , انا بقعد مع حالي بلحظات تأمل بطلع بهالتخاريف , بكرا تبقى نظريات
يا رفيق وليد انا ما متذكر كيف تكوّن هالمفهوم براسي بس النتيجة انو هيك صار , يمكن قريتو او سمعتو مو متذكر .
عجبتني بصراحة لما قلت من كتب انجلس وماركس ولينين (قلت هاد زلمى مثقف ومارح يتعبني بالنقاش ) بغض النظر عن انك قلت عن نفسك انك جاهل , انا شخصيا بعتبرها فضيلة , بيقولك الاعتراف بالحق فضيلة.
طيب يا رفيق ماقريت بيان الحزب الشيوعي كارل ماركس و فريدريك انجلس 1848؟؟!!!!

قريت الجزء اللي بيحكي عن ادبيات الاشتراكية ؟؟؟
قريت عن الاشتراكية الرجعية ؟؟؟
قريت عن الاشتراكية الاقطاعية و الاشتراكية البرجوازية الصغيرة و الاشتراكية الالمانية؟؟؟
قريت عن الاشتراكية المحافظه أو الاشتراكية البرجوازية ؟؟
* أهم من القراءه وكل شيء
انت تكرمت ووضحت الفرق بين الاشتراكية والشيوعيه على ان الشيوعيه هي اعلى مراحل الاشتراكية ,
طبعا انتا قارئ لكتب ماركس ولينين وانجلس يعني ما بتجيب حكي من راسك مثل غيرك (الاشارة الي نفسي)

طبعا وضحت انت من بين الفروق بين الاشتراكية والشيوعية ان الشيوعيه
"تعني شيوع الثروة وهي مرحلة متقدمة عن المرحلة الاشتراكية التي هي نظام اقتصادي سياسي اجتماعي يسبق المرحلة الشيوعية التي هي اعلى مراحل الاشتراكية
في الاشتراكية ياخذ العامل حسب جهده
وفي المرحلة الشيوعية حسب عمله "

انا اقتبس من حديثك نصا ولكن يا عزيزي الوليد , انجلس هو من قال ان
الشيوعية هي ذلك العلم المختص بتحرير البروليتاريا , في الواقع انه انجلس!!!!

نذهب الى الاهم

في الاشتراكية ياخذ العامل حسب جهده
وفي المرحلة الشيوعية حسب عمله

ألا ترى انك اخطأت الكتابه وكان يجب عليك ان تكتب
في الاشتراكية ياخذ العامل حسب جهده
وفي المرحلة الشيوعية حسب ما يحتاجه


لا حظ كلمة ما يحتاجه بدلا من حسب عمله .
والا فما الفرق بين الجهد والعمل ؟!!!! فكلاهما يحمل المعنى ذاته تقريبا أو اتحفنا بالفرق بينهم ان كنت تعرفه !!!!! وهذا ليس في كتابات انجلس او ماركس او لينين

من الواضح انك بعيد كل البعد عن تلك الكتابات
تقبل فائق الاحترام

ونعد بالاسئناف بعد ان نرى تعقيبك على (وضع ما يحتاجه بدلا من عمله)

[Nathalie]

كاتب النص الأصلي : tiger

اول شي انا من اكتر العالم ياللي بتكره امريكا و اطماعها الامبريالية بكل العالم ....
يعني اذا في عدو للحرية في العالم هو اميركا , ما بيكفي انو عم تدعم دولة اغتصبت ارض مو ارضها من اكتر من خمسين سنة لهاللا !!!
لكن انتبهي انو سجن جوانتانامو ما تشكل الا من بعد تعديل القانون , يعني السجن شرعي و خاضع لقانون الطوارئ الامريكي و بشكل آخر الدستور الامريكي , و لكن معاملة السجناء فيه بتعارض حقوق الانسان المتعارف عليها عالميا .....
على اي حال بغض النظر عن هالشي بظن انو اميركا بتنفرد بهالموضوع هاد بحجة محاربة الارهاب .....
طبعا الارهاب بدو محاربة و لازم البشرية كلها تتوحد منشان القضاء عليه , لكن اميركا عم تمرق مصالحها الاستعمارية بهالحجة هاي و دل ما تحارب الارهاب انا شايف انو هي عم تغذيه منشان تحقيق هالمصالح .......
على فكرة حتى بالدول الاسكندنافيه يوجد تجاوزات ....

أنا تعليقي كان لحتى أثبت أن الدول الرأسمالية مو هالجنة الي كنت مصورها، وحقوق الإنسان فيها مو بالضرورة محفوظة. وبما إنه أمريكا هي رمز الرأسمالية، فأنا استعملتها كمثال. الكلام الباقي الي قلته بتفق معاك فيه بشكل أو بآخر، مع تحفظاتي على مصطلح "الإرهاب" الي صدرته أمريكا للعالم مع إنها هي أكبر إرهابية.

ولكن تعليقك الأخير بخصوص الدول الاسكندنافية فاجأني، يعني بس حابة أعرف دولة خالية من الفساد بنسبة 99% (زي فنلندا مثلا) شو التجاوزات الي بتصير فيها؟! أثرت فضولي...

[محمد ابراهيم]

كان بعض الاخوة بيحكو عن تقدم الشيوعية والدول الشيوعية وعن عدم تقدم الرأسمالية ودولها ,
انا ذكرت الناحية الاقتصادية للدول الراسمالية ونقدر نستشهد بالسبع العظماء صناعيا (اقوى 7) واكثرهم غنى ..

فيما بعد ذكر احد الاخوة سجن غوانتانامو على انو تابع لاهم دولة راسمالية (امريكا) بس للاسف ما بيعرف ان غوانتانامو على ارض كوبا وما ادراك ما كوبا ,
هاي ارض احتلتها اميركا الرأسمالية من كوبا الاشتراكية

طبعا هالارض غير خاضعة للقوانين الامريكية

[Nathalie]

كاتب النص الأصلي : محمد ابراهيم

كان بعض الاخوة بيحكو عن تقدم الشيوعية والدول الشيوعية وعن عدم تقدم الرأسمالية ودولها ,
انا ذكرت الناحية الاقتصادية للدول الراسمالية ونقدر نستشهد بالسبع العظماء صناعيا (اقوى 7) واكثرهم غنى ..

فيما بعد ذكر احد الاخوة سجن غوانتانامو على انو تابع لاهم دولة راسمالية (امريكا) بس للاسف ما بيعرف ان غوانتانامو على ارض كوبا وما ادراك ما كوبا ,
هاي ارض احتلتها اميركا الرأسمالية من كوبا الاشتراكية

طبعا هالارض غير خاضعة للقوانين الامريكية

تاني مرة لمن بدك تحكي عني بتقتبس لو سمحت، أنا أخت مو أخ يا عزيزي. أنا بعرف إنه غوانتانامو بكوبا، وأشرت في مداخلتي بأنه أمريكا تحايلت على القانون وبنت السجن في أرض غير أمريكية لا تخضع للقوانين الأمريكية لحتى ما حدا يحاسبها. اقرأ منيح خيو...

وعلى فكرة يا حلو، هم "التمنية" العظماء مو السبعة. تتكون مجموعة الدول الثمان اقتصاديا من المملكة المتحدة، الولايات المتحدة، كندا، فرنسا، إيطاليا، ألمانيا، اليابان وروسيا. وبخصوص نهجهم فهدول مطعمين العالم خ** بعيدن عنك بسياسات العوملة تعيتهم والخصخصة والlobbycracy وغيره. وحاليا أنا بدرس الموضوع وللآن حاقدة عليهم، فما تواخزني على حدة اللهجة يا أخي.

أما بدول الاتحاد السوفييتي فحسب ما بعرف الناس كاينين ماكلين روح الخل بس هاد كان بسبب الأخطاء الي ارتكبت وتحول الاتحاد إلى رأسمالية الدولة، وهذه الأخطاء أدت بالنهاية لانهيار الاتحاد السوفييتي. لذلك أنا ما بدافع عن العديد من ممارسات الاتحاد السوفييتي، مع إنه بنظري حاليا وجود قوة أخرى غير أمريكا أمر ضروروي لكي لا تتأرج الكفة باتجاه واحد فقط (بس هاد موضوع تاني مو موضوعنا).

بخصوص إنشاء دولة اشتراكية أو شيوعية، فما بقدر أأيدك أو أخالفك لأني ما زلت أدرس مبادئ الشيوعية وللآن لم أسبر أغوار الموضوع كله، وبحاجة لتفكير عميق وفت خبز قبل أن أستطيع الخوض في هكذا نقاش، ولكنني لا أعتقد بأي حال أن الاتحاد السوفييتي كان خير ممثل للشيوعية.

بخصوص ستالين وما أدراك ما ستالين، أنا لا أؤيد جرائمه وضد قمع الحرية بأي شكل من الأشكال. (بعرف ما بهمهك رأيي بس قلت أزته بالمرة بما إني حاكية حاكية ).

مفهومي لتطبيق الاشتراكي (إذا أردنا تطبيقها) أو أي نظام آخر، بيختلف عن كتير ناس، عدا على إنه في أخطاء بتكوين الاتحاد السوفييتي، الي يمكن لو تم تفاديها لكانوا هلأ بألف خير وموجودين كدول ديمقراطية والشعب مبسوط كمان!

وصحيح خيو، سؤال بدون سقلة شو توجهاتك السياسية يا أخي؟ ما بدي أضغط عليك بس كتير محموق إنت على ضحايا ستالين، فحابين نعرف إذا بحقلك تحكي أم لأ. يعني مثلا إذا إنت رأسمالي أما إخونجي أما بعثي أما شي تاني. بس لأخذ العلم.