تدخل الأجهزة الأمنية في الحياة الجامعية السورية

[فوضوي]

بهمك أمن الطلاب ولا لا

بهمني الكل يعيش بأمان بس بهمني بنفس الوقت ما يكون في تدخل أمني بالجامعة إلا بتصريح من النائب العام لسبب حصول جريمة ما
أما دخول المخابرات و الشرطة على الجامعة فهاد مرفوض

انت وين قدمت بكاللوريا ؟

بسوريا

مع الجامعات الخاصة و التعليم المفتوح و الموازي .. لـ تدخل فرع متل ماااااااااشي حالو .. بدك 220 و فوق ..

بس أنا جبت 184 و دخلت حقوق نظامي و صارت بعدين قصص تخليني روح عاليونان
و لا تنسى أنو هالجامعت مصنوعة لذيادة التمايز الطبقي
يعني هالجامعات مصنوعة لولاد أرباب العمل و أولاد العمال يشقوا حالون
و عالسيري الحكومي اليونانيي عم بتحاول كمان تسمح بالجامعات الخاصة بس الطلاب واقفين ضد هالمشروع

المهم أنا عم احكي على الأمن الجامعي (حرس للجامعة) اللي بقومو بوظيفتهم لحفظ الأمن وليس قمع الطلاب ومنعهم من ابداء رأيهم ..

طب ليش كل الجامعات الحكوميي بالعالم ما فيها لا شرطة و لا أمن ما عدا سوريا

وأكيد ما بقصد تدخل الشرطة أو المخابرات على الطالعة والنازلة .. لأنو هاد ببساطة غلط ... والحاجة الهم تكون عند الضرورة متل ارهاب أو تخريب وما الى ذلك .

يعني إنتي متفقة معي أنو ما لازم يدخلوا إلا بتصريح من النائب العام

[pleasurable]

كاتب النص الأصلي : فوضوي

بهمني الكل يعيش بأمان بس بهمني بنفس الوقت ما يكون في تدخل أمني بالجامعة إلا بتصريح من النائب العام لسبب حصول جريمة ما
أما دخول المخابرات و الشرطة على الجامعة فهاد مرفوض

طب ليش كل الجامعات الحكوميي بالعالم ما فيها لا شرطة و لا أمن ما عدا سوريا

يعني إنتي متفقة معي أنو ما لازم يدخلوا إلا بتصريح من النائب العام

يعني برأيك ننتطر الجريمة لتوقع ونتدخل اذا منعناها مو احسن
تخيل يصير شي تفجير لا سمح الله بشي جامعة ننطر الاذن من النائب العام لندخل شو هالمسخرة يا

بالنسبة لكلامك انو الجامعات الحكوميا ما فيها امن برجع بقلك كلام مو دقيق

[Nirvana]

كاتب النص الأصلي : فوضوي

طب ليش كل الجامعات الحكوميي بالعالم ما فيها لا شرطة و لا أمن ما عدا سوريا

يعني إنتي متفقة معي أنو ما لازم يدخلوا إلا بتصريح من النائب العام

انا ما بعرف شو بصير في الجامعات بسوريا .. يعني الفكرة اللي عندي ما بتخولني أحكي ..

بس انا قلت عن شو بصير عنا بالأردن .

وبفترض انو يكون في أمن جامعي (يعني حرس) مو أمن عام وشرطة .. وهؤلاء بيدخلو فقط اذا استدعت الحاجة وبقرار رسمي ..

[somebody]

يا جماعه انا في شي عم يزعجني كتير ..وبظن عم يزعج كتير من الاعضاء ...وعم يسيء لاخويه...
انو يعني نحنا مستعدين انو نتناقش باي موضوع ...ومنتقبل اي فكره ...بس مو انو كل مره السيد زاهي بيجبلنا شغلات الله مو سمعان فيها ....وكانو عم يحكي مع عالم مو موجوده بسوريا ...
لك خيو هي انا طلب بجامعه دمشق ...وكل حكيك جملة وتفصيلاً كزب .... و الحرس يلي عباب الجامعه لازم يكون ضروري كتير لانو مافي داعي ناس مو من طلاب الجامعه يفوتو عالجامعه منشان يعملو مشاكل ...بس بتعرف مليت من المقالات يلي كلا كزب ..حاجتنا

[Reemi]

كاتب النص الأصلي : فوضوي

طب ليش كل الجامعات الحكوميي بالعالم ما فيها لا شرطة و لا أمن ما عدا سوريا

يعني إنتي متفقة معي أنو ما لازم يدخلوا إلا بتصريح من النائب العام

شه؟؟ كيف كل الجامعات ما فيها امن ولو الله ....! كيف يعني ما في امن غير بسوريا ....! بربك هالحكي حكي؟

وبعدين كيف يعني بتصريح من النائب العام؟ يعني بعد ما بكونو الطلاب تقاتلو سوى ونتفو بعض ..بيجي الامن بيطلع عند النائب بقلو معلش نفوت نعمل ولا شي ..لانو الي ضرب ضرب والي سبق سبق ؟!؟!؟!!؟

كاتب النص الأصلي : somebody

يا جماعه انا في شي عم يزعجني كتير ..وبظن عم يزعج كتير من الاعضاء ...وعم يسيء لاخويه...
انو يعني نحنا مستعدين انو نتناقش باي موضوع ...ومنتقبل اي فكره ...بس مو انو كل مره السيد زاهي بيجبلنا شغلات الله مو سمعان فيها ....وكانو عم يحكي مع عالم مو موجوده بسوريا ...

عمو عمو انا قايلتلو هالحكي ..شوف هون..!

كاتب النص الأصلي : Reemi

اي شو يعني نحنا مو طلاب جامعات؟؟؟؟؟؟؟؟

بعلمي الجامعات الي عنا هيي هييي لكل الناس ....لاتكون هالشريحه الي تم سؤالها موجودين بجامعه ما بنعرفها مثلا؟

[somebody]

اقتباس:
كاتب النص الأصلي : somebody عرض المشاركة
يا جماعه انا في شي عم يزعجني كتير ..وبظن عم يزعج كتير من الاعضاء ...وعم يسيء لاخويه...
انو يعني نحنا مستعدين انو نتناقش باي موضوع ...ومنتقبل اي فكره ...بس مو انو كل مره السيد زاهي بيجبلنا شغلات الله مو سمعان فيها ....وكانو عم يحكي مع عالم مو موجوده بسوريا ...
عمو عمو انا قايلتلو هالحكي ..شوف هون..!

لك اي اي اسف اسف ...بس قريت المقاله وما قريت كل الردود ...بعدين اعتبريه تاييد لحكيك ...يعني انا عم ايد حكي reemi

[BL@CK]

كاتب النص الأصلي : Nirvana

انا ما بعرف شو بصير في الجامعات بسوريا .. يعني الفكرة اللي عندي ما بتخولني أحكي .. ..

رح أسمح لحالي أحكي عنك ..

أنا الي عمأعس في الجامعة خمس سنين بعمري بحياتي ما شفت عسكري أو أمني واحد بالجامعة

ما عم أحكي لا منطلق تأييد و لا من منطلق معارضة ..

بس جامعاتنا بشكل عام الأمن اللي فيّا اسمو الحرس الجامعي ..

وقت اللي بصير مشكلة بتدخلو مع العلم أنو بعاد مسافة مرتبة عن مباني الكليات

هاد عنا بحلب بقا بغير محافظة مدري كيف

بقا هالحكي علاك حاجي عفن قلبي من الحكي

لذلك زاهي لما بدك تنزل موضوع .. عاين الحالة أو على الأقلية سآل عنّا مشان ما يجي واحد متلي و يقلك كلامك غلط ..!!!

[Reemi]

كاتب النص الأصلي : somebody

لك اي اي اسف اسف ...بس قريت المقاله وما قريت كل الردود ...بعدين اعتبريه تاييد لحكيك ...يعني انا عم ايد حكي reemi

مو بينا

[somebody]

قتباس:
كاتب النص الأصلي : somebody عرض المشاركة
لك اي اي اسف اسف ...بس قريت المقاله وما قريت كل الردود ...بعدين اعتبريه تاييد لحكيك ...يعني انا عم ايد حكي reemi
مو بينا

على راسي ...قرات ردك هلق انا ...منشان ما اكتب شغلات قايلتيا انتي ....وتضربيني بعدين ..

[Nirvana]

كاتب النص الأصلي : BL@CK

بس جامعاتنا بشكل عام الأمن اللي فيّا اسمو الحرس الجامعي ..

راحت من راسي هالكلمة .. بالزبط هاد هوي الحرس الجامعي .. ونحنا بالأردن هيك عنا حرس جامعي .. وهاد مو غلط .. متل اي مؤسسة شركة أو شو ماكان ..

[fofo besset syria]

فيه ناس ازا انعطو وش زيادة بنجلئو كتير مشان هيك لازم يكون فيه مين يوقفن عند حدن..وعمرها ما بتزبط مقارنة بين اي بلدين لأنه كل بلد اله نظامه وسياسته الخاصة... وبعدين انا بأول رد الي حكيت انه الامن بالجامعة وظيفتو يحافظ على النظام.يعني ازا صارت مشكلة او شي زاد عن حدو يتدخلو مباشرة وهاي موجودة بكل مكان وبكل بلد والمفروض تكون موجودة..

اما تقلي يا سيد فوضوي يونان وما يونان والامن لازم يطلب ازن قبل ما يفوت الجامعة فهاد حكي فاضي...

وما تخاف ما حدا بنشحط الا ازا زاد حكيو عن حدو وبلش يخبص زيادة ويحكي حكي ما الو طعمة..

الجامعة مكن يصير فيها حوارات سياسية وابدا مافي قمع لحدا من انه يحكي بطريقة بناءة مو هدامة..

والامن مو شغلتو شحط العالم من الجامعات..للأمانة لهلأ ما سمعت او شفت حدا انشحد من جامعات سوريا ..

الامن شغلتو بس الحفاظ على النظام

يعني الي حاطط الموضوع حاطه بس ليسيئ للجامعات وللأمن مو اكتر..وهاد هوة النفد الهدام بذاتو

[كهربجي]

كاتب النص الأصلي : fofo besset syria

فيه ناس ازا انعطو وش زيادة بنجلئو كتير مشان هيك لازم يكون فيه مين يوقفن عند حدن..وعمرها ما بتزبط مقارنة بين اي بلدين لأنه كل بلد اله نظامه وسياسته الخاصة... وبعدين انا بأول رد الي حكيت انه الامن بالجامعة وظيفتو يحافظ على النظام.يعني ازا صارت مشكلة او شي زاد عن حدو يتدخلو مباشرة وهاي موجودة بكل مكان وبكل بلد والمفروض تكون موجودة..

اما تقلي يا سيد فوضوي يونان وما يونان والامن لازم يطلب ازن قبل ما يفوت الجامعة فهاد حكي فاضي...

وما تخاف ما حدا بنشحط الا ازا زاد حكيو عن حدو وبلش يخبص زيادة ويحكي حكي ما الو طعمة..

الجامعة مكن يصير فيها حوارات سياسية وابدا مافي قمع لحدا من انه يحكي بطريقة بناءة مو هدامة..

والامن مو شغلتو شحط العالم من الجامعات..للأمانة لهلأ ما سمعت او شفت حدا انشحد من جامعات سوريا ..

الامن شغلتو بس الحفاظ على النظام

يعني الي حاطط الموضوع حاطه بس ليسيئ للجامعات وللأمن مو اكتر..وهاد هوة النفد الهدام بذاتو

يعني أنا هلق فيني أنزل عالجامعة و أحكي ضد الحكومة بطعمة؟ يعني مثلا أعمل اعتصام مطلبي ضد القانون (س) مثلاً اللي بيمس حياتي كطالب؟؟ لأ.. وأكيد لأ... وكل عمل مطلبي عم ينقمع وبقسوة...

بعدين شو يعني حكي بلا طعمة؟ زاد حكيو عن حدو؟ يخبص زيااادة؟؟؟ أنتي طالبة جامعة ولّا خياطة؟

مع الاحترام للخياطات جميعاً

[fofo besset syria]

كاتب النص الأصلي : كهربجي مثقف

يعني أنا هلق فيني أنزل عالجامعة و أحكي ضد الحكومة بطعمة؟ يعني مثلا أعمل اعتصام مطلبي ضد القانون (س) مثلاً اللي بيمس حياتي كطالب؟؟ لأ.. وأكيد لأ... وكل عمل مطلبي عم ينقمع وبقسوة...

بعدين شو يعني حكي بلا طعمة؟ زاد حكيو عن حدو؟ يخبص زيااادة؟؟؟ أنتي طالبة جامعة ولّا خياطة؟

مع الاحترام للخياطات جميعاً

لأ انا طالبة جامعة..وخياطة كمان .. جامعة الشغلتين سوا

نحنا هون عم نتناقش بوجود الامن بالجامعة او عدم وجوده..مو باشياء تانية..

عم نحكي عن وظيفة الامن بالجامعة وانو حكي الاخ زاهي غلط..

طول ما انتا ماشي صح بالجامعة ما حدا ببلش فيك مو متل حكيو انه الامن مو تارك حدا من شرو!!!

والله ما جربت اعمل اعتصام وشوف النتيجة..شو رأيك تجرب وتخبرنا شو بصير معك

[كهربجي]

كاتب النص الأصلي : fofo besset syria

لأ انا طالبة جامعة..وخياطة كمان .. جامعة الشغلتين سوا

نحنا هون عم نتناقش بوجود الامن بالجامعة او عدم وجوده..مو باشياء تانية..

عم نحكي عن وظيفة الامن بالجامعة وانو حكي الاخ زاهي غلط..

طول ما انتا ماشي صح بالجامعة ما حدا ببلش فيك مو متل حكيو انه الامن مو تارك حدا من شرو!!!

والله ما جربت اعمل اعتصام وشوف النتيجة..شو رأيك تجرب وتخبرنا شو بصير معك

جربت وأكلت قتلة.. وأكتر من مرّة.. ومن طلاب فرع الحزب والهيئة الإدارية.. وأنا اللي ماشي صح.. أنا اللي عم طالب بحقوقي.. كم الأفواه مو حفاظ عالأمن.. لأنو اللي بيحكي ضد الحكومة أو السلطة بشكل عام ما بيكون إرهابي..

أمن الطلبة وسيلة قمع.. الحزب بأفرعو الجامعية هو وسيلة قمع...

أنا اللي ماشي صح.. بس بدهن يمشوني على كيفن..

[فوضوي]

تخيل يصير شي تفجير لا سمح الله بشي جامعة ننطر الاذن من النائب العام لندخل شو هالمسخرة يا

يعني لو كانوا الشرطة جوات الجامعة رح يمنعوا الإرهابي يكبس الزر و يفجر حالو

بالنسبة لكلامك انو الجامعات الحكوميا ما فيها امن برجع بقلك كلام مو دقيق

يا حبيب أنا عايش باليونان و بعرف تماما أنو حكيي دقيق

وبفترض انو يكون في أمن جامعي (يعني حرس) مو أمن عام وشرطة .. وهؤلاء بيدخلو فقط اذا استدعت الحاجة وبقرار رسمي ..

لأ هدول ما لازم ينوجدوا
و في حال استدعى الأمر بيدخلوا الشرطة بأمر من النائب العام

كيف كل الجامعات ما فيها امن ولو الله ....! كيف يعني ما في امن غير بسوريا ....!

إي أنا بعرف حالي شو عم بحكي عنا باليونان ما في شرطة بالجامعة و لا أمن و أنا ما بدي سوريا يكون فيها وضع سيء متل الأردن أنا بدي سوريا تكون متل أوروبا
عيب يعني أطلب الأفضل لبلدي

وبعدين كيف يعني بتصريح من النائب العام؟ يعني بعد ما بكونو الطلاب تقاتلو سوى ونتفو بعض ..بيجي الامن بيطلع عند النائب بقلو معلش نفوت نعمل ولا شي ..لانو الي ضرب ضرب والي سبق سبق ؟!؟!؟

هيك مشاكل صغيري بين الطلاب عنا باليونان الطلاب التانيين بفكوهون و بقولولهم هدوا يا شباب
ما في داعي الشرطة تتدخل فيها لا قبل و لا بعد

راحت من راسي هالكلمة .. بالزبط هاد هوي الحرس الجامعي .. ونحنا بالأردن هيك عنا حرس جامعي .. وهاد مو غلط .. متل اي مؤسسة شركة أو شو ماكان ..

مانو غلط بأي مؤسسي بس غلط بالجامعة

الامن بالجامعة وظيفتو يحافظ على النظام.يعني ازا صارت مشكلة او شي زاد عن حدو يتدخلو مباشرة وهاي موجودة بكل مكان وبكل بلد والمفروض تكون موجودة..

لأ يا روحي هاد أمن الجامعة ما موجود غير بالأنظمي الديكتاتوريي

اما تقلي يا سيد فوضوي يونان وما يونان والامن لازم يطلب ازن قبل ما يفوت الجامعة فهاد حكي فاضي...

لأ ما حكي فاضي و برجع بقول أنا عايش باليونان و بعرف حالي شو عم بحكي

وما تخاف ما حدا بنشحط الا ازا زاد حكيو عن حدو وبلش يخبص زيادة ويحكي حكي ما الو طعمة..

و برجع و بقول الواحد حكا زيادي عن حدو ولا ناقص عن حدو ما لازم ينشحط
حرية التعبير عن الرأي حريي مقدسي
ليش الواحد باليونان ما بينشحط إذا حكا
خيتو أنا هدفي أنو الطالب يلي قاعد بالجامعة السوريي يقدر يقول يسقط الأسد بدون ما ينحبس

الجامعة مكن يصير فيها حوارات سياسية وابدا مافي قمع لحدا من انه يحكي بطريقة بناءة مو هدامة..

و برجعو بقليك مبن إنتي و مين الأمن لتحددوا شو بناء و شو هدام

للأمانة لهلأ ما سمعت او شفت حدا انشحد من جامعات سوريا ..

معناتها إنتي طرشا

يعني أنا هلق فيني أنزل عالجامعة و أحكي ضد الحكومة بطعمة؟ يعني مثلا أعمل اعتصام مطلبي ضد القانون (س) مثلاً اللي بيمس حياتي كطالب؟؟ لأ.. وأكيد لأ... وكل عمل مطلبي عم ينقمع وبقسوة...

بعدين شو يعني حكي بلا طعمة؟ زاد حكيو عن حدو؟ يخبص زيااادة؟؟؟ أنتي طالبة جامعة ولّا خياطة؟

مع الاحترام للخياطات جميعاً

معك للعضم أخي كهربجي

عم نحكي عن وظيفة الامن بالجامعة

و برجع و بقول الأمن ما إله وظيفي بالجامعة

جربت وأكلت قتلة.. وأكتر من مرّة.. ومن طلاب فرع الحزب والهيئة الإدارية..

بحب إرجع قول الموت لميليشيات السلطة الطلابيي

أمن الطلبة وسيلة قمع.. الحزب بأفرعو الجامعية هو وسيلة قمع...

مرة تانيي معك بس ما للعضم
للسمحاق

[pleasurable]

كاتب النص الأصلي : فوضوي

يعني لو كانوا الشرطة جوات الجامعة رح يمنعوا الإرهابي يكبس الزر و يفجر حالو

يا حبيب أنا عايش باليونان و بعرف تماما أنو حكيي دقيق

يا حبيبي الأمن شغلتو يفتش عالباب ويمنع الارهابي من الدخول

قلتلي انت عايش باليونان مو ناقص غير تقلي وزارة الدفاع باليونان اطلعتك عالاسرار العسكرية للبلاد

[ظل جيفارا]

يا جماعة من كم رد اللي قرأتهن حسيت انو الشباب قصدها الأمن بمعنى الحرس ..
هيدول تخيل الجامعة بدونهن
بس انا بتوقع الشب قصده الأمن بمعنى أمن الدولة والأمن والسياسي اللي معروفة اشكالهن بالجامعة بتوقع قصده عليهن الأخونا فوق
ما رح اقدر وضح لأنهن موجودين بهالموضوع كمان
بشوفكن بخير
ظل جيفارا

[فوضوي]

طيب أنا بدي ناقش شغلي
أنا راجعت كل الردود و لاحظت في تلت مخاوف عند الشباب يلي بدهون أمن بالجامعة
1- الإرهاب

تخيل يصير شي تفجير لا سمح الله بشي جامعة ننطر الاذن من النائب العام لندخل

2- المشاكل الشخصيي

يعني بعد ما بكونو الطلاب تقاتلو سوى ونتفو بعض ..بيجي الامن بيطلع عند النائب بقلو معلش نفوت نعمل ولا شي ..

3- التعبير عن الرأي

وما تخاف ما حدا بنشحط الا ازا زاد حكيو عن حدو وبلش يخبص زيادة ويحكي حكي ما الو طعمة..

هلأ بالنسبي للخوف الأول فممكن بالنسبي للحالي الاستثنائيي بالشرق الأوسط عموما تبعيت الإرهاب و وجود منظمات إرهابيي مخيفي و إجراميي بلا حدود فممكن شرطة مكافحة الإرهاب تاخد تصريح من النائب العام لتدخل على الجامعة و تحمي الطلبي من الإرهابيين و بكون شغلهون على الباب تفتيش الداخلين على الجامعة فقط لا أكثر و لا أقل
يعني بفتشوا الطالب ما بلاقوا معو شي بيدخل و بعد ما يدخل بسب أمون ما بيقدروا يعملولوا شي

أما المشكلي التانيي فبحلوها رفقات الشباب المتقاتلين بفرقوا بيناتهون و بتنحل يعني ما بدها شرطة

أما المشكلي التالتي فمانها مشكلي بالنسبي قلي أنا بدي الجامعة يصير فيها تعبير عن الرأي أكثر تحررا من الحديقة الخضراء بابريطانيا