|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
31/05/2007
|
#37 | |||||||
|
عضو
-- قبضاي --
|
اقتباس:
 عزيزي : نحنا عم نحكي عن حدث تاريخي .. وهالحدث التاريخي إلو روايتين .. رواية عند السنة .. ورواية عند الشيعة ..و كل رواية بتختلف عن الرواية التانية تماما .. لوضحلك ياها .. متل الأخوه المسيحيه .. هنه بقولو أنو سيدنا المسيح انصلب .. والمسلمين بقولو أنو المسيح عليه السلام لم يصلب إنما رفع ...... هدول حقائق ثابته عند الطرفين .. ومافي فايده لأي حوار حولين هالنقطه .. [ العقل والتحليل والتفكير والمنطق هو يلي بيحكم ع الصح من الخطأ ] في حال كنا عم نتحاور على فكرة أو مبدأ أو تصرف ... مو لما بنحكي عن أحداث تاريخية ...... مستغرب من هالجمله منك ..! أي حوار عن هيك أحداث رح يوصلنا لمتاهات حوار سني شيعي مالو نهاية .. والموضوع بالأساس مانو ديني .. أنا بسؤالي كنت بدي اتجنب الدخول بهالمتاهه .. مو أكتر : ) .. مع كامل الإحترام .. |
|||||||
|
|
01/06/2007
|
#38 | |||||||
|
مشرف متقاعد
 |
اقتباس:
 أما مشان الحكم على الحدث التاريخي، فرغم أنو مانو ضمن صلب الموضوع، بس أنا قصدت بما كتبت أن وقت يكون المرجع الديني هو الصح المطلق ويلي ما ممكن الواحد يناقش فيه فهون المشكلة. يعني وقت في حدث تاريخي معين، وأنا بجي باخد كل الدراسات والكتب التاريخية والأبحاث يلي اجتهدت بهالحدث، بيصير فيني فكر وحلل وشغّل المنطق لاستنتاج ما هو أقرب إلى الحقيقة... وشكراً على توضيح رأيك.
قال لي في الطريق إلى سجنه:
عندما أَتحرّرُ أَعرفُ أنَّ مديحَ الوطنْ كهجاء الوطنْ مِهْنَةٌ مثل باقي المِهَنْ ! |
|||||||
|
|
|
01/06/2007
|
#39 | ||||
|
شبه عضو
-- اخ حرٍك --
|
حبيبنا فارس انا عنجد بحترم رايك مو منشان شي منشان المبدا يلي عم تحكي فيه وهوي النقاش الغير ديني .....وشكراً لرايك يلي حطيتو ومعك حق بكلشي انا ما عم قول انو سوريه هيه مدينه افلاطون الاسطوريه ....بس شوي شوي بتصير ....بس بالنسبه لبيان المثقفين طيب انت فيك تقلي التوقيت يلي اجا فيه كان توقيت طبيعي وعادي ومانو مدروس انا ما بتخرط مشطي هي والله ما اقتنعت كان فينو يتنظر لتهدا الاوضاع بالنسبه لسوريا بعدين يحكي يلي بدو ياه مو والله العالم كلو عم يتهم سوريا وما حدا معا يجي بهاللحظه يتزكر الافندي انو لازم نصحح علاقاتنا بلبنان ......انا هاد رايي وعم وجهو لالك فارس لانك منطقي بنقاشك
ابو شريك.... حبيبنا انا ما قلتلك انو عم بحكي من مبدا طائفي انا عم بحكي تاريخ ....وسكران هوي اعترف انو مخبص لحتا قايل حاج بالتاريخ ....وانا قلتلك جبلي اي مرجع وانا جاهز......وشو رايك ازا قلتلك اني مسيحي مثلاُ او يهودي ...ولا قللك احسن شي قللك انا سني خيو ...بس عم احكي تاريخ وشوف التاريخ وحكوم بالمنطق
من داخل قلبي المكبوت ..يحيى الصمت من ناري المتأججه..
وتبقين أنت الخالده...إذهبي فبرعاية الرب أنت لأنك حبيبتي .. ولأني أنا من افتداكي بنفسه...... |
||||
|
|
|
01/06/2007
|
#40 | ||||||
|
عضو
-- أخ لهلوب --
|
الله يخليك والله انا مخبص صح !!!
انا وقت ما قلتلك خلص صح انا غلطان والي بدك ياه لانو مو محور موضوعنا شو صار من 1400 سنة !!!!! انا وقت ماشفتك تركت كل شي من الحكي تبعي وركزتلي على هي النقطة قلتلك ايه صح انت معك حق وانا غلطان !!! والله كبيير انت وفهمان شكلك الله يخليك لاهلك يارب !! واهم شي ينخرط مشطك لانو كل الناس مستنيتك مشان انت بس توافق وتقتنع يا خيو كبيير انت ! بس ياريت اذا في عندك حكي او رد على الحكي الي انا حكيتو فوق اول الصفحة وتشرحلي وجهة نظرك نقطة نقطة متل ما انا حكيت وترد على اسئلتي واستفساراتي بماانو هون منتدى حر وفينا نحكي ونتناقش بس اذا مابدك عادي يعني انا بحترم وجهة نظرك لو ما عجبتني لانو بحترم الراي والراي الاخر يا عمري مع كامل الاحترام
انا بتنفس حرية ما تقطع عني الهوا ولا تزيدا كتير علي احسن ما نوقع سوا
|
||||||
|
|
|
01/06/2007
|
#41 | ||||
|
شبه عضو
-- اخ حرٍك --
|
يا معلم سكران ....انا رديت على حكيك ما جبت شي من عندي انت كاتب شغلات غلط وانت فتحت موضوع التاريخ ..وحبيت صححلك معلوماتك.....مو اكتر من هيك ...وازا لاحظت انا جاوبتك على تساؤلاتك باكتر من رد بس يبدو ما بدك تقتنع انت ..وانت عم تتهمني اني ما باخود براي حدا وفوراً بتهمو بالعماله ....ليكو السيد فارس عجبني ردو لانو عم يناقش بمنطقيه ...بس انت هون بس لحتا تجرح مو اكتر من هيك وهي مو طريقه للنقاش ....بتعرف ليش نحنا لسا بكير علينا انو ناخود الديمقراطيه ..لانو اولاً الديمقراطيه سلاح خطير ..وما الا حدود لانو ما فينو حدا يحطلها حدود ...ومنهون الشعب السوري بكير عليه لانو اولاُ بدك احزاب ...ليكو صاحبك ابو شريك انا عن بحكي تاريخ قلبلي ياها طائفيه ومتلو متايل..وانت بتعرف انو الشعب السوري في كتير عالم لسا ما وصلو بتفكيرون للتعامل بوضع الدين على جنب ...بالتعامل على اساس الانسانيه اولاً و الاخوه بالوطن ثاناُ وبس ..عنا دائماً التعامل بحسب الدين ..وشوف انت من المنتديات بيبين معك ...بقا شو رايك يصير في عنا الحزب السني و الشيعي و الدرزي و الما بعرف شو ....منشان نحنا نكرس الطائفيه تكريس ...ولا تقلي انو ازا عطيت الديمقراطيه مارح يصير في هيك احزاب ..رح يصير وانا وانت متاكدين من هاد الشي ...لهيك انا بظن انو المواطن بينعطا الديمقراطيه لما بيوصل بتفكيرو لخدمة الوطن اولاً ..وطبعاً لا تقلي انو النظام هوي يلي خلا تفكير المواطن هيك ..لاء بالعكس انت بتعرف انو النظام عم يحارب الطائفيه و التكريس الطائفي ....بس هاد الفكر بسبب فكر واسلوب تربيه وانت بتعرف انو الطائفيه موجوده من وقت ما توفى الرسول ...مو من عام 1970 لحتا تقلي النظام ...
|
||||
|
|
|
01/06/2007
|
#42 | ||||||
|
عضو
-- أخ لهلوب --
|
يا عيني انا بالعكس ما قصدي اجرح ولا شي واذا دايقتك بكلامي انا اسف يا عمي !!
بس انا بالعكس بحب اناقش اي حدا يكون عكس راي لانو يمكن اخود منو افكار او شغلات انا ما بعرفا !! بس انا رديت عليك فوق اول الصفحة على قصة التعليم وقصص كتيرة كتبتا فوق من قهري وحبي بنفس الوقت لسوريا !!! انا بس احكي اي شي ضد النظام البعثي بيفكروني العالم اني ما بحب سوريا !!! او اني عميل !!! او اني مع امريكا او اسرائيل !! انا لو ما بحب بلدي وشايف انو هيك عنا الوضع مالو منيح ما كنت حكيت ووجعت راسي بالعكس كنت رحت ومسحت جوخ متل مابيعمل الكتير !! انا على قصة التاريخ وشو صار انا ما جادلتك فيها لانو هاد مو موضوعنا اصلا !! ولو كنت انا غلطان او صح مارح يزيد شي او ينقص شي انا قلت هيك حطيت مثال صغير !! طيب هي مو بالتاريخ بما انو انت مسلم مو قال ربك (وامركم شورى بينكم) يعني هاد مو موضوعنا لانو الدستور عنا قريب للعلماني اكتر منو للاسلام ! وانا انسان علماني ! وعلى قصة الاحزاب يا اخي مين قلك انو رح اتصير طائفية ؟!! ما هنن بمؤتمر البعث قالو انو رح يصدر قانون للاحزاب بس ممنوع ترخيص لاي حزب على شكل طائفي او ديني !! يعني لاتخاف ماحدا رح يرضى انو يكون هيك انو رح اتكون احزاب سياسية بحتة !! وبعدين انت ليش كتيير هيك مستهين بشعبك وانو ما بيعرف وانو اهبل ومن هل الحكي ؟! يعني الديموقراطية سبب للتقدم وسبب للتنمية ! انت عمتقول انو شعبك ما بيفهم ! طيب لو جيت معك ما بيفهمو وماعندون حرية اختيار لانو مافي غير شي واحد ادامون انو عملو هيك او ما تعملو !! يعني راي واحد بس ما بيكفي ايد وحدة ما بتسفق فلما تكون في احزاب سياسية لا دينية ولا طائفية وقتها بصير في اكتر من راي واكتر من برنامج واكتر من توجه وهون بصير القائمين على هل الاحزاب يعرضو برامجون على الشعب فهون الشعب بصير عندو اكتر من خيار وحتصير عندو افكار جديدة وبعدين وين هو بيقتنع بروح بيرمي حالو ! وبصير مرشحيين من الاحزاب لمجلس الشعب يعني بصير عنا مجلس شعب حقيقي مو علاك ومسخرة وبتصير ناس اتصوت ايه وناس اتصوت لأ وبتتشكل الحكومة على حسب مين فاز اكتر عدد من المقاعد وبعدين يااما بيرشحو كذا رئيس على حسب كل حزب مين بدو يرشح وتصير انتخابات شريفة ونزيهة على الرئاسة والي الشعب بصوتولو اكتر هو بينجح ووقتها ماحدا بيفتح تمو بكلمة !! افهمت شلون معلم !! واذا بشار واثق من حالو انو كويس اذا صار في ديموقراطية وفي اكتر من مرشح اكيد رح ينجح ووقتها انا مارح افتح تمي على هل النظام بالعكس !! فهمت موقفي خيوو ولا تزعل مني سلام |
||||||
|
|
|
01/06/2007
|
#43 | ||||
|
شبه عضو
-- اخ حرٍك --
|
لك ما هوي هون الفكره ازا انت ما مقتنع بكفاءة حزب البعث ولا بكفاءه النظام ..على اي اساس بدك تقتنع بالاحزاب يلي رح يتم ترخيصا من قبل حزب البعث...بعدين انت ليكك حكيت رح يصير في احزاب ...بس بدا قوانين تضبطا ..زوبكرا بس تطلع الاحزاب انو رح تجو وتقولو انو هي القوانين وهي الاحزاب ترخصت من حزب البعث ولخدمة حزب البعث ....ورح يطلع علاكين كتير انو نحنا يا اخي بدنا ديمقراطه ,,,وبدنا نعمل حزب على اساس ديني وما حدا الو عنا
مزبوط ولا لاء......بعدين انا ما ني مفكر شعبي اهبل ..وما بيفهم..عفواً منك بس لاتحكي شي ما حكيتو انا انا عم قول الشعب لسا عندو تعامل على اساس طائفي ..مو ما بيفهم في فرق ...ازا انت وانا ما عنا هالشي مو معناتا انو كل الشعب هيك ....نزيل وشوف ...وقلتلك من منتدى اخويه و المنتديات التانيه شوف ...لساتنا عم نتقاتل انو المسيح انصلب ولا لاء.....ابو بكر احق ولا علي بن ابي طالب احق ...ياخي والله هي هم شعبك هلق ... لك يا سكران والله الديمقراطيه سلاح ذو حدين ...انا عم احكي من مبدا الخوف عالبلد مو اكتر ...المشكله اني عم مر بتجارب يوميه ملموسه من عالم ما فيك تتخيل المستوى الثقافي يلي وصلولو ..طبعاً و العلمي ....مع هيك لسا في عندون نظره طائفيه رجعيه مدمره .....اذا هدول المهندسن و المثقفين هيك..مارح اعتب عالفلاح و العامل و الاستاذ و الشيخ وغيرو وغيرو لما بيتصرف هيك |
||||
|
|
|
01/06/2007
|
#44 | |||||||||
|
عضو
-- قبضاي --
|
اقتباس:
اقتباس:
اقتباس:
عزيزي ما رح وضح مره تانيه نقطة الطائفية اللي كمشتا علي .... بس بوعدك يوم الثلاثاء رح روح للمكتبة العامة وجبلك كلشي في مراجع ... رح اعملك بحث كامل عن تولي الخلافة .. تكرم عينك .. هاليومين مشغول شوي بالامتحانات النهائية .... بس الثلاثاء رح اتفرغ بس كرمال موضوع الخلافة .. مع كامل الاحترام .. |
|||||||||
|
|
|
02/06/2007
|
#45 | |||||
|
شبه عضو
-- اخ حرٍك --
|
اقتباس:
|
|||||
|
|
|
02/06/2007
|
#46 | ||||||
|
عضو
-- قبضاي --
|
اي صح كلامك .. انا انسان جاهل ومتخلف وما بعرف الله وين حاطتني .. ويكتر خيرك يا استاذ يا كبير ياللي عم تتحملنا ..
بس دخيل عينك كمل معروفك وانطرني ليوم التلاتا ... وبلاها هالاستنتاجات الخمردعية .. سلام .. |
||||||
|
|
|
02/06/2007
|
#47 | ||||
|
شبه عضو
-- اخ حرٍك --
|
العفو منك انا ما قلت انك جاهل ومتخلف ...بالعكس انت شب كويس ومثقف بس بتحكي بشغلات ماعندك فكره عندا ...وانت اتهمتني انو عم يعلموني التاريخ غلط ...وانا قلتلك انا بدروس تاريخ وشغلتي هي الشغله و معلوماتي مو جايبه من كتاب ولا مت كتابين ...صرلي اربع سنين عم بدروس تاريخ ..وعندي تعدد بالمصادر وهاد اهم شي ...
وقلتلك ناطرك وعلى مهلك خود وقتك انا ماعندي شي بس تخلص بحثك ردلي خبر شو رح يطلع معك... |
||||
|
|
|
03/06/2007
|
#48 | ||||
|
شبه عضو
-- اخ حرٍك --
|
ياجماعة لاكل واحد يلقي فشلو وغبائو وجهلو عالنظام وملاحظة ماني بعثي ولامؤيد اعمى هي سلفا مشان ماحدى يعلك كتير يعني. ياجماعة شوفوا معي هيك محيط سوريا كل محيطنا متل البركان احتلال وتهجير وقتل ودمار ونزاعات وارهاب. ومع ذلك عايشين بسوريا بقمة الامان والاستقرار طيب هاللشي موقمة الاعجاز؟؟؟ بعدين الدكتور بشار استلم حكم بسلبيات وايجابيات 30سنه. طيب منطقي انو نحملو مسؤولية الماضي؟؟ ولالانو صار في مجال انو الارانب تحكي صرنا نحكي شروي غروي؟؟؟ شوفوا الانجازات يلي صارت على دورو وفكروا بمنطقية وحيادية بتعرفوا الصح ببساطة مانها اختراع ذرة يعني. وفي مثل بقول يلي بينكر اصله مالو اصل. بس مابعرف شوالمغزى والهدف من البحث عن السلبيات بس. واحلى شي عجبني كلام الزميل رامشتاين انو اذا واحد علق مع موظف بصير معارض وفعلا كلام سليم وخصوصي هون بالمنتدى في هيك اشكال وطبعا مابقصد كاتب الموضوع حاليا. بس الشاطر يلي بدو يصف حكي ويعللك ويسوي فهمان ومفكر انو اذا انتقد ببين مثقف وموعارف حتى شوينتقد وكانو عايش بكوكب سبيس تون الخيال. وانا برجح السبب لاستخدام مانع الذكاء. ويلي بيحزر شوهوي مانع الذكاء بكون شطور هوي من زي العرب التقليدي على فكرة!!!
|
||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 13:43 (بحسب عمك غرينتش الكبير +3)