حوار مع شوفير تاكسي !!

[the god father]

حوار مع شوفير تاكسي !!

عند ظهيرة هذا اليوم الذي كان يطل بشمسه الحارة ,,وجو يملئه الغبار ,, ووجوه الناس في الشوارع بائسة تبحث عن ملاذ من هذا الحر ,,
قررت وبعد تخاطر طويل وحوار عسير بيني وبين عقلي وبعد أن أدخلنا الجيبة كطرف ثالث في الحوار ,,بأن أخذ تكسي لكي ينقذني من الحر الشديد ,, وفعلاً اتخذت هذا القرار بكل جدية وحزم ,,وتجرأت وأوقفت تكسي !! ويالا فرحتي ,,وأنا في الطريق أنظر بنظرة المتعالي
طبعاً ولي الحق في ذلك فقد أصبحت ركبت التكسي بهل الأيام تميز !!
وبلا طول سيرة ,,وعلاك مالوا طعمة ,,المهم ,,
كنت مبسوط كتير ,,لحد ما صاحبنا الشوفير أدام الله عزه مرق من حد بنت !! أيه ,,أيه ,,لا تستغرب بنت ,,يعني مخلوق بشري ..
المهم يا سيدي ,, كانت هل البنت ,,وللأمانة مؤدبة ومحترمة ,,وكانت ملتزمة بأكثر لباس الحشمة المتعارف عليه في مجتمعنا ..
كانت ترتدي الزي الإسلامي الجميل الذي يتمثل بحجاب يلونه السواد ,,وبالعامية كانت لابسة " مانطو "
وصاحبنا الشوفير كان شب ,,وما اتحمل هيك منظر ,,يعني بنت متحشمة مو معقول !!!
فقرر صاحبنا أنو يكافئها ,,على صنيعها ,,,,وعلى أنو عم ترحم هل الشباب من أنو يطقوا أهر لأنو مالهم متزوجين من الشوفات اللي عم يشوفوها كل يوم ,,
وقلها صاحبنا الشوفير ,," لك يسلملي هل الطول وهل الوش الحلوا " مع العلم أنو ما كنت طويلة ,,بس أنو عم يحكي ,,حاكم شعبنا اتعود على الحكي بطعمة وبلا طعمة ..
والله ,,الصراحة انصدمت ,,بس ضليت خرسان ليش يا حزركم ,, لأنو ما بدي أعلق معوا ,,من غيرشي من يومين ,,علقان مع واحد أسخف منو بالسرفيس ,,المهم ,,كمان بلا طول سيرة ,,وبلا لعي على الفاضي والمليان ,,
يا أصدقائي ,,حطيت لساني بتمي ,,وخرست ,,وقلت ,,أمري لله ,,وبعد بشوي ,,بقول صاحبنا ,,
" والله 99.9 من البنات قليلين أدب ومافي تربية " ( أعتذر عن هذا الكلام لكل فتاة ,,ولكن اتكلم ما حدث معي بالظبط لكي يكون في كلامي مصداقية الراوي )
بعد ما سمعت منو هل الكلام ,,قلت ,,لهون ,,وبس ,,يعني صار لازم أحكي ,,ولو ,,حلي ,يعني ما معقول ضلني ساكت ..
قلتلوا ,,وعلى شو بينت كلامك سيدي الفاضل ,,قلي ,,يعني كانت ما لازم اترد علي ,,لأنو أنا انسيت قلكم أنو البنت كفرت كفرية كبيرة وقالتلوا ورصاص "
اللي المسكينة ما عندها غير هل الكلمة ادافع فيها عن حالها من الوحوش المفترسة في هل البلد ..
المهم يا سيدي ,,قال كان لازم ما ترد عليه ,,يعني عيب ,,لازم كانت تلتزم بأدبها ,,
لك أأأأأأأأأأأأأأأأأأأأأأأأأ أأأأأأأأأخ ,,شوفو مين عم يحكي عن الأدب ,,
قلتلوا ,,يا استاذ شوفير واللي عملتوا أنت قبل شوي شو ممكن اتسميه ؟؟!!
قلي ,,لاااااااااااااا ,,قلت أدب البنت مو متل قلت أدب الشب !!!! والله الصراحة ,,حاولت أفهم هل الجملة ,,بس ما ركبت معي كتير ,بس قلت أمري لله خلينا ننزل لعند مستوى تفكيروا وانشوف شو وجهة نظروا .
قلتلوا ,,ليش يا حبيبي شو بتفرق ممكن اتنورنا ,, قلي ,,يعني شلون شو بتفرق ,,كني أنت ما عم تفهم علي ,,يعني البنت غير الشب ,,
قلتلوا الصراحة لما اتربيت ما ربوني أهلي منيح ,,وكفروا وقالولي أنو البنت نفس الشب ,,فمن بعد أمرك ممكن اتصحح تربيتي واتقلي شو الفرق ,,يعني كمان الإنسان لازم يتعلم بهل الدنيا من الناس اللي بكونوا أحسن منو!! ,,لهيك فيدني بعلمك ,,
قلي عم تتمسخر ما هيك ,,قلتلوا ما عاز الله شو اتمسخر ما اتمسخر ,,بس قلي شو الفرق ,,
والله يا ساده يا كرام ,,قلي ,,يعني لو راح الشب يخطب وكان قليلي أدب ,,فببطلوا يعطوه البنت لأنو هو قليل أدب !!؟؟
وإذا رحت لتخطب وعرفت أنو البنت قليلة أدب فممكن تاخدها !!؟؟
طبعاً هو جاوب على السؤالين مو أنا ,,وقلي ,,
بالنسبة للأول ,,فأكيد مارح يرفضوا الشب والله لأنو قليل أدب ,,وأكيد ,,رح يرفضوا البنت لأنو هي قليلة أدب ,,
الصراحة أنا عم أسمع هل الكلام ,,ولا كأنو سوزان فوروارد قدامي ,,يعني معادلتوا أول مرة بسمعها بتاريخ العلم الاجتماعي وأفكاروا ,,ما ممكن أنو انقارنها بأي مفكر ..

اطلعت ,,شو ممكن قلوا ,,
قلوا أنت غبي ,,وما بتفهم ,,ساعتها بدي اتعالق معو ,,طيب حاول اقنعوا ,,والله اللي حكى هيك كلام غير قدرت ربك لتأقنعو ,,
ما كان قدامي غير قلوا ,,والله اقنعتني ,,قلي لكان ابن عمي البنت لازم اتكون عندها أنوثة وحيا ,,وما ترد على حدى بلطشها .. معك حق يا سيدي معك حق ,,
وبعد ما انزلت من التاكسي ,,ودفعت هديك الحسبة ,,حلفت يامين ما اطلع بتكسي ,,من بعد هل اليوم ,,
يعني فوق ما انجلطت من طلعتي بتكسي ,,فوقها جلطني من الحرة ,,
والله الطلعة بالسرفيس أرحم ,,يعني صحيح رح اتلاقي من أشكالوا كتير ,بس بتعرف حالك بسرفيس !!
لهيك ,,يا أصدقائي بنصحكم ,,من أخ لأخوه ,,ما حدى يوجع قلبوا بالتكاسي ,,

وبنصح البنات ,,ما يردوا إذا حدى لطشهم ,,ليش ,,لأنو بنظر عمنا الشوفير ,,عيييييييييب ,,وهي قلة أدب ,,

لك يلعن شرف هيك بشر بس ,,مارح تابع بالكلام ,,لأنو بتوقع لو تابعة رح أحصل على فصل من أخوية كلها على الكلام اللي ممكن يطلع معي ,,
بس ,,رح قول ,,كلمة أخيرة ,,
مجتمعنا لسع مسيطر عليه نظرة أنا شب وهي بنت ,,ولسع متعصب لكونوا ذكر ,,والذكر لا يلام ,,وأول ما بتعلم الأم لأبنها ,,وبتسمعوا هي ,,أنا ابني شب وما بخاف عليه بس بنت ,,لأ ,,هي بنت ,,وما بصير تتحرك بدوني ,,وما دام التربية لحد هل اللحظة عم تتبع هل الأساليب ,,
رح يبقى الشب شب والبنت بنت كما يراهم مجتمعنا لألف سنة جايين,,

حكمة أخيرة من الكلام اللي كتبتوا كلوا ,,

لما بتشوف ,,واحد حيوان ,,وغبي ,,, أبوس إيدك لا تناقشوا ,,لأنو رح تخسر ,,
وخلونا انحاول ,,نقتنع ,,أنو الشب ,,متل البنت ,,ما بيفرق ,,ما بيفرق ,,ما بيفرق ولا بشي بنوووووب ,,
لما رح يتصرف الشب تصرف مو منيح والبنت بتتصرف نفس التصرف ,,فرح اتكون العقوبة للتنين بنفس الدرجة ,,
وهي بكافة الأديان ,,وحتى بعيداً عن الأديان ,,في عرف أي قانون دولة ,,
لو بنت سرقة ,,وشب سرقة ,,ما بيعفوا عن الشب أو بحاكموا محاكمة مخففة لأنو شب ,,وببيحوا دم البنت لأنو بنت ,,
آخر شي اتذكرتوا بعد ماكتبت هل الكلام انو صاحبا الشفير اعتبر قلت الأدب للشب هي أنو بيقدر يخلص حالوا بس المجتمع عم يظلم الشب وبيسميها قلت أدب !!
لهيك الله يلعن هل المجتمع شو ظالم!!

ودمتم .

[ما بعرف]

اول باش يا ريت تكبر الخط شوي ابو شريك
وتاني باش الشب شو ما عمل بيلبقلو


وتالت باش ما بيصير تتهجم على طبقة مسحوقة متل شوفيرية التكاسي


منجي للجد :

في معضلة حقيقية اسمها الشوفير لانو غير محمي بأي قانون والنقابة اللي هي نقابة السائقين = اضرطي يا هلالة (بلا مؤاخذة)
لانو يا معلم الشوفرة عالتكسي او السرفيس صارت شغلة اللي ما الو شغلة لهيك صرت عم بتشوف نماذج لا يمكن ابداً انك تفكر حتى تسلم عليها

كمان في اسباب تعود للتربية المنزلية واحترام الآخر و احترام المهنة وهادا الموضوع مطاط كتير وممكن ينفتح بموضوع لحالو اذا بتحب

[mey]

لك تسلم عهالموضوع و الله انا صرت فكر 1000مية مرة قبل ما اخد تاكسي
و لما اركب يبلش الشوفير و مهاما كان عمرو او شكلو
متلا قلو خدنى عالجامعة
شو بتدرسي؟
انو سنة؟
طيب هدول الاسء\ئلة و ما علينا بعدين
و بكل وقاحة يقول قديش عمرك؟
مرة واحد قلي باى سنة زايدة؟ يعنى بالتفصيل
مخطوبة؟
و هدا مو بس واحد يعنى كل ما اركب تاكسي لازم يرميلو شي سؤال
مرات اسئلة بتفلج
هاد بالنسبة للفكرة الاولى
اما بالنسبة للفكرة الاساسية فبالنسبة لموضوع التفرقة بين الشب و البنت ىما رح نخلص منو يعنى فالج لا تعالج
و مهما تصير توعية ما بظن رح تنحل لانو لسا ما ارتقينا بالفكر

[blanco]

رجل تاكسي = رجل مخابرات

[ما بعرف]

كاتب النص الأصلي : blanco

رجل تاكسي = رجل مخابرات

بياع الفول = رجل مخابرات

بياع الدرة = رجل مخابرات

بياع اليانصيب = رجل مخابرات

هيك بدك

يا سيدي انت مو طبيعي ابداً

[blanco]

انا مو طبيعي ورضيان يا عمي
ما بعرف = رجل مخابرات
مع كافة الاحترام لكوادر المخابرات الوطنية

[ما بعرف]

كاتب النص الأصلي : blanco

انا مو طبيعي ورضيان يا عمي
ما بعرف = رجل مخابرات
مع كافة الاحترام لكوادر المخابرات الوطنية

شكلنا خربطنا نبلش
ليش هالمسبة

بعدين مانك معتبرني من الكادر الوطني


الله وكيلك سوري 100%

[blanco]

كاتب النص الأصلي : ما بعرف

شكلنا خربطنا نبلش
ليش هالمسبة

بعدين مانك معتبرني من الكادر الوطني


الله وكيلك سوري 100%

لك انا شو فوتني عالموضوع
تصبح على خير

[بيشوي يسري]

جميل حبيبي مشكور

[georgetow]

يسلمو على الموضوع هو صحيح في مشكله حقيقيه يشوفيرية التكاسي و يمكن مافي بنت الا وتعرضت لتلطيشه او غمزه او حتى صارو يعطو كرت عليه رقم تلفونه والسبب انو صار قسم كبير من السائقين بيستاجرو سياره وبيشتغلو عليها وهو بيكون اما خريج سجون او عاطل عن العمل حتى السائقين الكبار بلعمر بيقلو انو هيدول عمشوهو سمعتنا

[enas440]

كاتب النص الأصلي : ما بعرف

طبقة مسحوقة متل شوفيرية التكاسي

يا حرااااااااااااااااااااااا م والله هالايام نحنا المسحوقين مو هنن

[Remember Me]

الله يعينا على هيك بشر ... ناس بدها ستين سنة لتصير بني آدام ... وستين بعدون ليصيرو بيفهمو

[f_fattal]

صدفة عجيبة غريبة اذا كان شوفير مؤدب 99% عر..........اصلا ما بيشتغل شوفير تكسي الا اذا كان مقطع موصل

[nowwara]

و الله هالكلام عسل على قلبي

بس بتعرف انا بشوفهم بغاوزو للشب اكتر من البنت

قال للذكر مثل حظ الانثيين قال

لك احنا بنعرف انو القران قال هيك بس مو مقصود فيها انهم احسن

المقصود انهم هم اللي بجيبوا المصاري و بربو الاسرة و بدهم هالحظين من الورثة....

اما المراة يا عمي الها دور كبير لك بتعرف المثل اللي بقول انو نص العالم انثى و النص التاني بتخلفوا الانثى و بتربيه

لكان هلا احنا صرنا كخة

احلى موضوع و الله

[georgetow]

[quote=nowwara;733630]و الله هالكلام عسل على قلبي

بس بتعرف انا بشوفهم بغاوزو للشب اكتر من البنت

قال للذكر مثل حظ الانثيين قال

لك احنا بنعرف انو القران قال هيك بس مو مقصود فيها انهم احسن

المقصود انهم هم اللي بجيبوا المصاري و بربو الاسرة و بدهم هالحظين من الورثة....

اما المراة يا عمي الها دور كبير لك بتعرف المثل اللي بقول انو نص العالم انثى و النص التاني بتخلفوا الانثى و بتربيه

لكان هلا احنا صرنا كخة

كانو عم بتجاوبي على موضوع تاني او انا مسطل باخر هليل

[غابريال]

بس أنا مستغربي من كلمة "يلونه "
حلوة هاي يلونه الأسود

بس شغلة تاني أنو يعني بالك إذا رحت مثلا يا سيدي ع شي جامعة أو كلية مثلا الطب
بالك أنو رح تلاقي غير رأي
ما بتوقع
يمكن أي يتفزلكوا عليك عن الحرية ومدري شو مشان يبينوا أنو هني منفتحين وفهمانين
بس أكيد بتصرفاتن متل متل صاحب التكسي ويمكن أسوء

[god dremer]

يسلمو على طرح هل المشكلة يللي عم تتفاقم...... وعنجد مشكلة....كبيرة

تخيل أختك عم يحاكيها هيك شوفير تكسي ...........?

والله بطلع بعيونو........

وبخلصو التكسي ...وبخلي يروح مشي.........

.................................................. .................................................. .................................................. ..

[sadooka]

رجل تاكسي = رجل مخابرات

هع هع ...