نكت مصرية انشالله تنال اعجابكون

[بركزان]

مرة واحد قاعد بيقرا الجرنال فى أمان الله جات مراتة ضربتة بغطا الحلة على دماغة قال لها لية بس كدة يا بنت الحلال قالت له أنا لقيت الورقة دية في جيب الجاكت بتاعك ومكتوب عليها سوسو قال لها دا الحصان اللي أنا كنت بشجعه في السباق راحت ماشية جات تاني يوم قاعد بيقرا الجرنال في أمان الله راحت جات مراتة ضربتة على دماغة بغطاء الحلة راح قال لها في إية تاني يا بنت الحلال قالت له حصانك على التليفون


جحا فتح فرارجي جاله مفتش التموين و سأله بتأكل الفراخ ايه يا جحا ؟ قاله رز قاله المفتش مصيبتك سودا هو حد لاقى الرز غرامه 100 ج تاني يوم بتأكل الفراخ ايه يا جحا ؟ قاله قمح قاله المفتش مصيبتك سودا هو حد لاقى القمح غرامه 100 ج ثالث يوم بتأكل الفراخ ايه يا جحا ؟ قاله دره قاله المفتش مصيبتك سودا هو حد لاقى الدره غرامه 100 ج رابع يوم بتأكل الفراخ ايه يا جحا ؟ قاله بدي كل فرخه جنيه تاكل اللى هى عايزاه



كان في واحد مسطول دخل على بيتهم راح دايس على رجل أمه قالتلو إيش ما شفتنى قال والله شايفك بس وين مش عارف


الزوجه للرجل وهو يتأمل في قسيمة الزواج: هل تبحث عن تاريخ ميلاد زواجنا؟ الزوج:لا بل أبحث عن تاريخ انتهاء الصلاحية


سوداني بيسوق تاكسي في الصين كل ما يأشر ليه صيني يرد عليه ويقوله: أنا مش منزلك قبل خمسه دقايق؟!!


مرة مدرس بيسأل تلميذ معنى سبيل قال التلميذ طريق قال المدرس للتلميذ ومعنى سلسبيل قال التلميذ طرطريق

مرة وحدة بتقول لجوزها قولي كلمة حلوة قال لها بسبوسة قالت لا أنا عايزة كلمة تهزني قال لها زلزال قالت لا انا عايزة كلمة تحسسني اني انا مراتك قال لها انتي طالق


مرة اثنين فاضيين ما وراهمش حاجة فالاول قال للثاني ما تيجي أعلمك الرخامة وأنت هتعلمني النتانة فالثاني وافق فالأول طلب نمرة فرد علية واحد فقله ألو هشام موجود فالراجل قاله لا والله النمرة غلط فاتصل تاني بنفس النمرة وقال ألو هشام موجود فالراجل قالة تاني ما أنا قولتلك النمرة غلط فاتصل مرة ثالثة فقال ألو هشام موجود فالراجل قالة دا انتا زجل رخم فالأول قال للتاني أنا كدة علمتك الرخامة علمني إنتا النتانة فقام التاني طلب نفس النمرة اللي طلبها الأول وقال ألو أنا هشام حد سأل عليا........


مرة واحد صعيدي حط كباية شاي على سور البلكونة ودخل يغير الجلابية جه لقي الهوا طير الكباية ووقعها اتكسرت فجه يفتح التليفزيون لقي عبد الحليم حافظ بيقول الهوا هوايا فقاله وحيات أمك لأنت دافع حق الكباية



مرة أستاذ يسأل طالب كم عمر والدك جاوب التلميذ وقال له لا أعرف بس هوا عندنا من زمان


مره واحد بخيل جاب3 تفاحات فتح الأولى لقاها معفنه رماها فتح الثانية لاقاها معفنه رماها قام طفى النور وأكل الثالثة

واحد صغير طلع يجري بيقول لجارتهم وريني لسانك يا طنط قالتله لية قللها أصل ماما بتقول لسانك زي العقربه

[eman maher]

اجمل حاجة فى النكت دى انها مصرية لانى بجد مش بفهم النكت اللى بالخليجى كويس
و عجبتنى كتير
شكرا على مجهودك