سؤال لكل واحد بالغربة..

[Government]

مالي مشتاق لشي .. ومابدي اشتاق ومافي شي خرج الواحد يشتقلو
هون الحمدلله الوضع مابخليك تشتاق لشي .. ولا بدك ترجع تشوف شي
والحمدلله عايشين وبلا مانشتاق



وبتضل سوريا سوريا ام البلاد
ومي بحاجتي ولا حاجة غيري ان اشتقلا او لأ

[..AHMAD]

مالي مشتاق لشي .. ومابدي اشتاق ومافي شي خرج الواحد يشتقلو
هون الحمدلله الوضع مابخليك تشتاق لشي .. ولا بدك ترجع تشوف شي
والحمدلله عايشين وبلا مانشتاق



وبتضل سوريا سوريا ام البلاد
ومي بحاجتي ولا حاجة غيري ان اشتقلا واو لأ

طالما هيك ....... لسا الدنيا بخير .... والبلد بخير ......

[بلاك 1]

صحيح نسيت قلكن اني مشتاقة لأكلة تسئية يالله شو جاية عبالي

[simsima57]

كاتب النص الأصلي : GOVERMENT

مالي مشتاق لشي .. ومابدي اشتاق ومافي شي خرج الواحد يشتقلو
هون الحمدلله الوضع مابخليك تشتاق لشي .. ولا بدك ترجع تشوف شي
والحمدلله عايشين وبلا مانشتاق



وبتضل سوريا سوريا ام البلاد
ومي بحاجتي ولا حاجة غيري ان اشتقلا او لأ

يعني بدك ما تاخزني والله العليم انك اكتر واحد مشتاق للبلد

[Government]

كاتب النص الأصلي : simsima57

يعني بدك ما تاخزني والله العليم انك اكتر واحد مشتاق للبلد

لا وحياتك لو مشتاق كنت حكيت ماعندي مشكلة مالي مطر اكزب

[simsima57]

كاتب النص الأصلي : GOVERMENT

لا وحياتك لو مشتاق كنت حكيت ماعندي مشكلة مالي مطر اكزب

يعني انا ما قصدي انك عم تكزب
بس هيك احساس
على كل حال لا تزعل شكلك مانك مشتاق ومتل ما قلت سوريا مانا بحاجة حدا يشتاقلا

[Government]

كاتب النص الأصلي : simsima57

يعني انا ما قصدي انك عم تكزب
بس هيك احساس
على كل حال لا تزعل شكلك مانك مشتاق ومتل ما قلت سوريا مانا بحاجة حدا يشتاقلا

بعرف فهمان قصدك ولا يهمك

[بلاك 1]

اشتقتلكو جيت طل عليكو وروح

[احب الحياة]

اه ...... والله هل المقال فتح علي الجروح
اما بالنسبة لي اشتقت لأهل البلد ومزحهم الجميل والضحكات العفوية لانو بالغربة كلها وجوه عبوسة لا تعرف المزاح اشتقت لعادتنا الاجتماعية والسهرات مع الاهل والاصحاب
اشتقت لرمضان وجو رمضان بالحبيبة الشام و قبل الافطار ومدفع الافطار والسحور والتراويح
اشتقت للحارات الشامية القديمة وانا منها من باب سريجة

اشتقت لصحن الفول والتسقية وميدان الشام والجزماتية وعمك بوز الجدي
اشتقت للشادروان والربوة وسهراتنا فيها على نهر بردى حتى الصبح

بس اكتر شي اشتقت له ولن انساه مهما عشت حبيبتي التي عرفت الحب لأول مرة معها ...اه على ذلك الزمان
اكيد تزوجت .....الله يوفقها......ضاع عمري بالغربة هدر

[alickus]

[quote=يمان Rooooonaldo;980852]
من قاسيون اطل يا وطني ..
والله ورب الكعبة سهرة وحدة عقاسيون بتسوى بلاد الدنيا كلها ..
والشاورما .. يا عمي بدك بالحكي .. هي النعمة الشعب السوري ما بقدرها ..

أقسم بالله العظيم انو من اربع خمس تيام كنت قاعد و هبت نسمة هوا و اتذكرت قعدات قاسيون و الاركيلة و هيك قصص و الله نزلت الدمعة من عيني
بس شو اكتر شي بشتقلو بالبلد
اهلي رفقاتي حارتي
زحمة شارع الثورة الضهر
لك حتى باصات النقل الداخلي اشتقتلها
في كتير شغلات ما كنت حتى لاحظها مشتقلها
بياعين الكتب عالطريق
هيك شغلات بسيطة ما منلاحظها بس هلق عم تقتلني هي التفاصيل

[abukhazim]

لتر انبيت (نبيذ) براس التل فوق, وهوا مربعانية الشتا أحووووو

[Bonita]

اشتقت للحمدية,,,, و الشام القديمة,,,, و مطاعم الشام القديمة و باب توما,,,,,
و الله لما أنزل أطلع من باب المطار بحس بشئ بقلبي راح يطير,,,لكن للأسف الأاوضاع اللي بالبلد هي التي اجبرتنا ان نعيش بعيد....


شكرا على الطرح الرائع للموضوع..

بونيتا

[eyadlilas]

اشتقت لبنت اختي شام وللدكنجي بزاوية حارتنا وللضجة والمواعيد المفشكلة ولشرب المتة مع الجيران وكورنيش البحر ولريحة الهوا -بهالوقت بزهر الليمون وبتعبي ريحتو اللادقية-واشتقت للعفوية وكلمة اتفضلو لعنا نسهر ونعمل نفس اركيلة اشتقت لريحة البحر والمشاوي ع استراد تشرين
بحبك سوريااااااااااااااااااااا اااااااااا

[أبو عقييد]

بالفعل سوريا مو بحاجة أنو نشتقلها لأنو لو بحاجة ما سافرنا نتغرب .. هي بالنسبة إلي و لولا أهلي فيها مابزورها إلا كل سنة يومين مع أني بحبها حب كبير كتير بس اتغيرت عليي كتير .............

[Najm]

حننا ولو كان في وسعنا
سعينا إليك على الأرأس
إذا آنس الصب ذكر الحبيب
ففي غير ذكراك لم آنس
هواجس تثني إليك المنى
ولولا المنى قط لم أهجس..

وإني وقلبي ذاك الرقيق
يحن إلى صخرك الأملس
وبلدتي ذل تميت الشعور
فمنطقها الحر كالأخرس..!
أحب بلادي لو لم أخف
بها شر ذي الغدر ذي الأشرس..
يجادب قلبي إليها الهوى
ويأبى المقام بها معطشي..!!
جفوني ولا ذنب إلا الإباء
وإن طاب من بينهم مغرسي
وقالوا:تناسى الحنين
فقلت: وهل بلبل حن للمحبس..!