مقلاية أخوية (6) بحلتها الجديدة

[*Marwa*]

وشم الجمـال :


شو اسم كاتبكـ المفضل؟ من هالناحية وبكتير مجالات تانية كمان صعب انو احدد مين هو المفضل والرقم واحد لأنو بكونوا اكتر من شخص..ازا بدك قصص بشكل عام كتير بحب توفيق الحكيم لأنو في بقصصو حوارات وهيك بقعد مثّل ..ازا بدك قصص تحقيق وبوليسية وتشويق عندك اجاثا كريستي..ازا قصص حب وغرام ومن هالشي.. لأ ما في حدا معين

بتحبي الشعر ؟؟ لمين بتقري؟؟ آه بحب الشـعر..اكيد الكل بحب نزار قباني ومحمود درويش..لكن كمان كتير كتير بحب احمـد مطـر.

شو رأيك بالحب؟؟؟ من أسمى وأنقى الاشيا بالعالم..وهوي من الاشيا اللي كمان عم تتحارب لحتى برائتها!

شو رأيك بالسلام؟؟؟ اييه والله صدقت ام السوس لما قالت حلـم بعييييييييد!

عمرك حسيتي بالظلم؟؟؟ وشو الموقف؟؟ يعني هني مش كتار المواقف ..ولما عم اتزكرهن اسا عم اضحك..لأنو كان تفكيري بوقتها نوعا ما طفولي..يعني مجرد انو انا اكبر بنت وانا اللي عليي المسؤولية كنت حسو ظلم!..بس لأ ظلم كلمة كبيرة وبشعة..وما بعتقد اني مريت حقيقة بهيك شي!

شو طموحكـ في الحياة؟ اني أقـدر أساعد الناس وأسعدهن..واني اكون قدوة ولو لواحد من هالناس بالعالم!

شو بتعنيلك السياسة؟؟ مصالح ولعبة قذرة!

بشو بتوصفي علاقتك بالاخوية؟؟؟ اممم ما رح بالغ..بس بالفترة الاخيرة صرت حس انو في اواصر وروباط بتجمعني فيها اكتر بكتير من قبل..أقل شي بقدر اقول في بيناتنا علاقة حب

هل بتعتبري الوضع بالبلدان العربية حاليا على شفا جرف هار؟؟؟هوي الوضع بالعالم كلو بشكل عام والوضع العربي بشكل خاص على حافة الهاوية بس احيانا بفكر انو يمكن من الهاوية نصنع معجزة ونقوم من جديد!!..يا رب!

الاغتصاب ... شو الشعور اللي بتخلقو هاي الكلمة بأعماقك؟؟؟ إشمئزاز وغثيان!

هل تؤمني بالسلام بشكل عام؟ آه مرات!!

وشو حل القضية الفلسطينية برأيك؟؟؟شـو حلها؟..انو نتصرف بذكاء ..انو يكون في النا رؤية بعيدة المدى لافعالنا ونتائجها..انو نكون ايد وحدة..انو نحب وطننا متل ما منحب حالنا..

شو قمة الصدمة عندك؟؟؟ لما بتكوني بانية آمـال ومآمنة فيها كتير وبطلت مجرد احلام بل صارت الك واقع وبالاخير تكتشفي انو مش بس حلم بل وهم..يعني خدي على سبيل المثال قصة حب تكوني مفكرة انو اللي قبالك بيبادلك الشعور وهيك كلماتو وتصرفاتو بتوحي..بعدين بيطلع..عم يتسلى ..اي والله بقصف عمرو

شو موقع سوسو من الإعراب يعني انت وين وصلتي ؟؟؟ مين هاي سوسو؟

شو الشي اللي ما فيك تستغني عنو؟؟؟أساسي بحياتك؟؟؟ إمـي ..هلأ إمـي مش شي بعرف..بس انو حاولت ادور على اشي مادي ومحسوس اشي يعني غرض بس فش! كلو وقت الجد والاصرار منستغني عنو..بس امي بتخيلش حياتي ثواني بدونها..الله يخليلي ياها ويحميها

جربتي الخيانة؟؟؟ عمرو حدا خانك وعمرك خنتي حدا ؟؟ وشو تعريف الخيانة بالنسبة الك؟ لأ ما جربت الخيانة..لانو مش مستعدة خون حدا..ولانو ما حدا خانني..والخيانة شي بشع بشع كتير..ممكن اسامح الخيانة بس ما ممكن انسى واكيد رح تضلها معلقة ومأثرة فيي..

شو لونك المفضل ... غنيتك المفضلة؟؟؟ اللون المفضل ليلكي..اغنية مفضلة امم كمان هاي من الاشيا اللي صعب اقول انها وحدة ووحيدة مفضلة..لكن بشكل عام كلشي بتغنيه فيروز هوي الافضل والمفضل..

بلد نفسك تزوريها؟؟ فـرنـسا.. ومن زمااااان!

حدا باخوية نفسك تقوليلو شي معين... فش حدا معين.. بس لكل واحد متفزلك ومفكر حالو شي ما في بعدو..بقوللو خليك ع الارض لا تعلى كتير ما في طاير علّى وإلا وقع بكير

مين العضو يللي اعجبك كتير تفكيرو ونقاشو .. مين يا مروة مين..والله في كتير مزعجين..في منهن بييجوا وبروحوا وفي منهن مش دايما بزعجوا بس ممكن يزعجوا وقت يكونوا طفرانين..منهن قرصان الأدرياتيك..شفتلو حوار مؤخرا شكلو كان كتير معصب وما عجبني أبدا!

اكتر عضو حبيتيه تقبر قلبي..ام السوس Black_iris

شو بيعنيلك الشهيد؟؟؟انـسـان عاش بكرامة ومات بكرامة ورح يقابل الله براس مرفوع وقامة منتصبة..

لما تشوفي الوضع والحصار بغزة شو بتقولي بنفسك؟ بصير فكر انو احنا ليش هلقد مكروهين؟..انو بشو ناقصين عن باقي الناس؟!

فلسطين احكيلي عنها بسطر.. فلـسـطين هية الوطن اللي انا اخترتو يكون وطني مش اللي خلقت فيه وانجبرت عليه..فلسطين هية امي وارضي وحياتي..بحبها

يحيى عياش ... شو بيعنيلك؟؟؟ عبـقري لا يتكرر!

شو رأيك بنزار قباني... مظفر النواب... محمود درويش... فدوى طوقان...
نزار قباني..بيحملني لعالم تاني جدا جميل بيحسسني بروعة المرأة والانوثة.. مظفر النواب ما كتير قريانيتلو .. محمود درويش الوطن بقصيدة.. فدوى طوقان..الفلسطينية اللي بتنحب!

بتقري شعر جاهلي.... مرات! يعني ع ايام المدرسة..بس بحبو يعني..


شو أبشع منظر شفتيه بالانتفاضة ... يعني اسرائيلي ... كان في ولد زغير وكان في جندي اسرائيلي وزالولد ما كانش حدا حواليه غير الجندي والفراغ..فا صار الحندي يطّلع حواليه ازا في حدا شايفو بعدين طخ الولد..مع انو الولد كان مرمي عالارض وما كان مشكلو اي خطر..بس هيك في ناس الوحشية بدمهن

شو أبعد شي ممكن يوصلو خيالك؟ بقطع حدود وحواجز..وممكن اتخيل اني مع شخص كتير بعيد عني وما في أمل كون معو..بس خيالي ممكن يوصل لهيك مرحلة ويعيشني أحلى لحظات!

بتحبي القهوة؟؟؟ مرات..

عمرك كتبتي شي خاطرة ادبية؟ هيك خربوشة على قدي..

بتحبي الادب؟ اه..

شو نقطة ضعفك؟ فرط الحساسية..انو من كلشي ممكن انجرح ..وابكي!

شو نقطة قوتك؟ احيانا بتكون نفسها نقطة ضعفي..واحيانا بتكون تأقلمي مع كل الناس يعني بحس اني بفهم العالم..

كلمة بتوجهيها لكريم .. الله يكون مـعـك ويفك محنتك..ويرجعك سالم لأهلك ووطنك اللي محتاجينك وبحبوك كتير.. مش بس انتي بتحب الوطن ..الوطن كمان كتير بحبك..


وشم الجمال حبابة انتي لا تكتري أسئلة

[وشم الجمال]

شو موقع مروة من الاعراب

ما رح اسأل مرة تانية

[*Marwa*]

كاتب النص الأصلي : matya

اسئلتي هي :: يعني كلو كم سؤال.. ما تخافي.. بدي تكوني ريلاكس .. اي هدّيلي اعصابك
حذفنالك 5 اسئلة منهن سؤال الزهد .. يللي كل ما اسأل حدا يقلي شو قصدك ..
هو كنت بدي احذفلك اسئلة الزواج بالبريد .. بس كتار لهيك قلت خليهن

يلا عيشي بهالنعمة..


*بدايةً تعريف الزواج بالبريد المضمون هو : انو في زلمة بيبعت اعلان انو بدّو يتزوج بنت مقابل مبلغ ما من مال او بيذكر انه هو غني وعندو خيرات الله من المصاري والفيللات و و و... وبدو بنت يتزوجها ورح يعيّشها عيشة رفاهية.
وانو اللي بدو يعطيه بنتو يحط صفاتها وهو بيختار ، بيقوموا في ناس بتبعت صفات بناتها بدون ما تعرف شي عن هالزلمة غير اعلانو.. بيقوم هالزلمة بتعجبوا صفات صبية ما...بيختارها..فـ بيبعتوها اهلها لعنده مقابل مبلغ ما من المال او بدون استلام مبلغ انو بس بيكتفوا انه هو غني ورح يعيّشها برفاهية.. وهيك بتكون تزوجت البنت بالبريد..واسمو مضمون انو على اساس مضمونة حياة البنت مع رجل غني..وهكذا..

من هنا:::

1)شو رايك بـ (الزواج بالبريد المضمون)؟! استحقار لكرامة وقيمة الانسان.

2)بدي توصفيلي يا حجّة ذوي هذه العقلية(عقلية الزواج بالبريد المضمون)؟ عندهن عقل أصلا؟..عقل غبي كتير يعني.. هوي الله والعليم ازا منفتح راسهن ما منلاقي عقل اصلا..او يمكن عقل بأدي بس الوظائف الجسمانية اما تفكير وهيك اكيد لا

3)حسب رايك ما هي اسباب و تداعيات هذه الخطوة؟! أكيد جهل وفقر..وهني مفكرين يعني انو لما ياخدوا هالمبلغ رح يعيشوا بنعيم..وانا براهن انو رح يصرفوا عالهبل..لانو اللي تصرف نتيجة قلة المصاري بهالشكل اكيد ما رح يتصرف بوجودها ووفرتها بشكل احسن!

--------------------

4)بالنسبة لتقمص شخصية الاخر .. برايك من اين ينبع ,.. يعني من جهل..الخ..؟! جهـل ممكن..وممكن اكيد من نقص جوات البنآدم فبصير يتشبه ويتقمص ويقلد!

5)برأيك هل يستطيع (القلب / العقل) استيعاب اكثر من حب في نفس الوقت ؟هنا الحب بمعنى حُب الحبيب ... مرات

6)الحب عبر الانترنت.. الى اي مدى تؤمنين بـ وجود هذا الحب؟!! 80 بالمية ..انو في أمـل..مش انو بالمرة!

7) ان تكونت علاقة عبر الانترنت وانتهت بالزواج...هل برايك سيستمر هذا الزواج ام ينتهي بالفشل؟!
ان كان جوابك نعم فـ لماذا.. وان كان لا.. ايضاً لماذا؟!!

لأ في أمل تستمر..لأنهن بعتقد كانوا كتير صادقين مع بعض اثناء التعارف..وبعدين الحديث عبر الانترنت بيتميز عن الواقع انو بتحس فيو جرأة اكتر وبتقدر تعبر عن حالك بالكاتبة بشكل اوضح .. فا ازا كانوا صادقين وتكللت العلاقة بالزواج معناها في أمل كبير يستمروا..


8 )بتفرق معك ادا كان الزواج نتيجة حب انترنت او نتيجة حب على ارض الواقع ؟ ولا نفس الشي بالنسبة الك ؟!! هوي انا بفضل التاني اكتر بس ما بلغي الاول..


9) لمين بتقولي من الاخوية (ادا في حدا ينقلو )
(يعني كأنك بحوار مع شخص بتقومي بدك توصفيه فبتقليلو قول من هالاقوال) ::


أ- "وما خاطبتُ جاهلاً الا وغلبني". للمتعصب واللي ما بسمع غير نفسو

ب- " ولا خير في ودّ امرئ متملق حلو اللسان وقلبه يتلهبُ". للمتفزلكين ومسّاحي الجوخ..وما أكثرهم يا بنيتي

جـ-"ولا خير في ودّ امرئ متلون اذا الريح مالت مال حيث تميلُ". اي ل ياللي بيتصنعوا وازا مشي التيار شمال بيمشوا شمال يمين بيمشوا يمين حتى لو ضد قناعاتهن ومبادئهن!

د-"سلامٌ على الدنيا اذا لم يكن بها صديقٌ صدوقٌ صادقُ العهدِ منصفا". شو يعني هاي عم بمدح فيها صديق ولا شو

هـ- وقد سقط ما تبقى من ورقة توت لم يعد دونها شئ مستور، على مين بتحسي انها بتنطبق: لأ فش حدا بعينو..لأنو اللي كنت مفكرة عنو صفة معينة مع الايام اثبتلي وجود الصفة ان كانت صفة سلبية او ايجابية..

و- الكذب عندك صنعة: يحرق حريشو هههههه ..مش رح قول



10)كلمة بتوصفي هؤلاء او يعني بتوصفي اصواتهن او اغانيهن
( كلمة وحدة وبس .. او كلمتين .. يلا بعطيكي امكانية 3 كلمات..وحسك عينك بالزيادة):

أ- فيروز. حضارة الغناء السرمدية (كيفني معك عم فوت عالمصطلحات الحامية ها )

ب- زياد الرحباني. أسطورة وعبقرية.

ج-شربل روحانا. سمعت فيه

د- ميادة بسيلس. اي بحب صوتها..

هـ- لينا شاماميان. والله هاد الاسم مارق عليي أكيد سمعت لهدول اللي مارقين علي شي بس ما بيكفي لأعبر عنهن صح!


والسلاااااااااااااااااام

الله مـعـك ..تروحي وترجعي بالسلامة..

[قرصان الأدرياتيك]

مين العضو يللي اعجبك كتير تفكيرو ونقاشو .. مين يا مروة مين..والله في كتير مزعجين..في منهن بييجوا وبروحوا وفي منهن مش دايما بزعجوا بس ممكن يزعجوا وقت يكونوا طفرانين..منهن قرصان الأدرياتيك..شفتلو حوار مؤخرا شكلو كان كتير معصب وما عجبني أبدا!

إي والله يا مروة... كنت معصّب... تضرب يا قرصان يا غبي لمّا بتزعج البشر!
بس بصراحة عصّبت لأن كنت قلّو تيس يقلّي "احلبو"...!!!
عكل حال بعتذر منّك ومنّو. لأن الهيئة في كتير ناس انزعجت منّي وهالشي مانو لطيف...
عالهامش: السؤال كان يقول أنّو مين أكتر عضو عجبك تفكيرو ونقاشو؟! وما بظنّ كون أنا فلهيك لسّا ما جاوبتِ عالسؤال . هاتِ نورينا وجاوبي أختك بالأنوثة وشومة الحلا!

[*Marwa*]

كاتب النص الأصلي : وشم الجمال

مروة الحياة شو بتعنيلك؟ أحيانا حلم حلو..وإلا ما ييجي يوم ونفيق منو ..بالقبر يعني ..وأحيانا بتكون هم اي والله هم ونفسي ينزاح!

الرغبة والحب ...بمعنى الجنس هل هوي اساسي بالحب؟ لأ مش دايما..شوفي هو بالنهاية اكيد رح توصلي لمرحلة ويصير أساسي..فيعني تجوزوا وخلص

الموت بتخافي منو وشو فلسفتو بالنسبة الك؟ بالرغم من اني بحاول اعمل كتير اشيا منيحة وهيك مشان اولا الانسانية وانو شغلة منيحة للعالم تانيا انو اموت وانا مرتاحة نوعا ما انو رح اقابل ربي بعمل جيد..بس مع هيك بضل خايفة منو..هوي الموت حياة تانية وهاي فلسفة معروفة من زمان وموجودة

متى رح تكبري وتخلصينا من همك؟ شو هـاد ليش كلكو بدكو تخلصوا مني..

اخوية ومروة اوصفيلنا علاقتهن ببعض؟ قلت من قبل علاقة حب

حاجة ما هيك رح خلي متسع لغيري ورح اشتاق لحرقك

يا حبيبتي..حبيت كتير الجملة الاخيرة..تقبري قلبي

كاتب النص الأصلي : باشق مجروح

مروى هاتي لشوف جاوبي على هالاسئلة :

1- شو رأيك باللي بتمنح جسدها للي بتحبو ؟ وهل ممكن تعملي هيك شي ؟
والله ازا هي مقتنعة باللي عم تعملو وحاسة انو هاي من مبادئها وقناعاتها وازا كانت بمجتمع متحرر جنسيا وهيك..فما بقدر قول غير الله يوفقها ..أنا شخصيا قناعاتي ومبادئي الدينية والبشرية والاجتماعية وكلشي بالعالم بتمنعني من هالشي وعن اقتناع ..

2- شو رأيك بممارسة الجنس مع اخرين بعد الزواج لو كان احد الزوجين ضعيف جنسياً او غير مشبع ؟ يه يه يه..يعني الاولى بتضل الطف من هاي..لأ طبعا..هاي خيانة ..حتى لو ضعيف ما انا تجوزتو عن حب (المفروض يعني ) فا اكيد لازم اوقف حدو واستحمل!

3- شو رأيك بما يلي :
تغيير الدين : حرية شخصية.

المثلية الجنسية : ما بقدر احكم عليهن..شخصيا بعرف ناس مثليين وكتير ناس اوادم وعلى راسي وعيني..

القتل الرحيم : ضد!

الاعدام : كمان ضد!..الا بعض الحالات اللي بكون فيها مجرم متوحش حيوان حقير اللي على خشبة الاعدام يعني

الاستنساخ : لشو هالهبل؟!

الدراما التركية : هههههههههه ..بشرفك يا زلمة؟..مش عم يستخفوا بعقولنا؟!

4 - العلمانية كنظام حاكم يحيد الدين ويحكم حكم مدني على اساس المواطنة هل بتحققلك رغبتك او بتحسي انها بتضيق عليكي الخناق ؟
حسب كيف هالنظام..ازا كان متل نظام تركيا طبعا ضد..ازا كان نظام رح يضمنلي أؤدي شعائري وبنفس الوقت كل واحد بحالو فانا صراحة يعني مش ضد الفكرة أبدا..

5 - هل بتتعاملي مع الناس على اساس انطباع مسبق من الشكل او اللبس او الانتماء الديني او ما شابه ؟

هوي الشكل الخارجي اول انطباع بياخدو الانسان بشكل عام وطبيعي فطري..لكن ما بفضل هاي الطريقة بالحكم والتعامل..بالنهاية الشخصية هية وحدها اللي بتحكم علاقتي بالشخص!

وبيكفيكي

اه والله بكفيني ...يسلمو مصطفى..

[*Marwa*]

كاتب النص الأصلي : قرصان الأدرياتيك

إي والله يا مروة... كنت معصّب... تضرب يا قرصان يا غبي لمّا بتزعج البشر!
بس بصراحة عصّبت لأن كنت قلّو تيس يقلّي "احلبو"...!!!
عكل حال بعتذر منّك ومنّو. لأن الهيئة في كتير ناس انزعجت منّي وهالشي مانو لطيف...
عالهامش: السؤال كان يقول أنّو مين أكتر عضو عجبك تفكيرو ونقاشو؟! وما بظنّ كون أنا فلهيك لسّا ما جاوبتِ عالسؤال . هاتِ نورينا وجاوبي أختك بالأنوثة وشومة الحلا!

هههههههههههههه العمى كيف شفتها انا مين اكتر عضو أزعجك بطريقة نقاشو؟

يخرب عقلي..رحت عالسلبي طوّالي

هلأ اكتر شخص بيعجبني طريقة حوارو ونقاشو وهيك..هو ياسين..بحسو فهمان ورايق

بالنسبة للجواب اللي قلتو عن الازعاج..فا انتي بشكل عام غير مزعج بالعكس بحب طريقتك بالحكي والرد..بس الحوار اللي قريتو مؤخرا يمكن شوي استفزني ..

[*Marwa*]

كاتب النص الأصلي : zen

بما أنو أكت بهدلو منشان السبام راح اسئلك يا مروى أسئلة أحرق حريشك فيها
تحرق حريشي..مش لتعرف تدلع بالاول قال متوتشا.. ..يخرب عقلك كل ما بقرا الاسم بفرط!

1- مين سماكي مروى ةاسمك بتحبي واذا قالولك غيري شو الاسم اللي بتختاري بدالو ؟
امي سمتني مروة..زمان ما كتير كنت حبو..بس يوم ورا يوم اكتشفت انو بلبقلي كتير..و اليوم بحبو كتيير ..ازا مش مروة بحب اسم ريمي او ريماز

2- ميتوشة ميتا ماتيا ماتي كلها وجة لعملة واحدة وهي matya هالمخلوئة كيف بتنظريلها ما بتحسيها غليظة شوي ؟ادعولي اليوم نام ببيت البابا الماما ميتوشة
كاتيوشا..قصدي ميتوشا بتنحب صحيح بتتغالظ وبتجاكر بس بتنحب

3- أكدذ واحد بالأخوية شو بتوجيلوا كلمة وانتي بيهمك تعرفي مين هوي ؟ واذا بتعررفي ذكري أسمو ؟ ازا انتي فاهم اشي من اللي كاتبو انا فاهمة..

4- لو قالولك عملي عملية استشهادية بتقبلي ؟ احـم ..بصراحة؟ ..لأ

5 - شو نظرتك للإسرائيليين ولو بيوم ظبطت قصة الدولتين بتخيلي حالك تحبيون ؟ شعب ... خليها لربك..ما بعرف ازا بتزبط القصة..شوف بشكل عام انا مع السلام ازا بدو يريحنا من اراقة الدماء والوحشية..والدماء بس ما بعرف ازا بتزبط!!

6- شو بتوجهي كلمة ل الشهيدة إيمان حجوووو؟ إنتي مـلاك..انتي انسانة يمكن ما عشتي تتشوفي وتعملي لوطنك..بس صدقيني عملتي كتير..

وعقبال التحريرررررررر قريباً
وثانكيووووووو

يسلمو زين..

كاتب النص الأصلي : was616im

مروى هنا ... يا اهلا يا اهلا
خيتو انا ماني شاطر بالاسئلة بنوب بس رح حاول فكرلك بشي كم سؤال يعني
أهلا اهلا ويسو..

صرلنا زمان ما حكينا مسينجر مو هيك؟؟ ليش؟؟ قال ع اساس انتي بتفوت ..ولا لتكون بتفوت وعامللي بلوك..انا بفرجيك

حكيلي وضعك الدراسي بالتفصيل مع العلامات لك هاي السنة خلصنا صف زفت 12 وبعد ما طلعوا الشهادات بالعكس أخروهن اكتر هالسنة..يلا بردو احسن

ليش انتي هيك؟؟ هـيـك أزى

ليس انا هيك؟؟ احـم.. ..إسأل حالـك

شو اكتر شي بتكرهي بالكيمياء ؟؟ الاستاز اللي بعلمو

بعدين بفكر و برجعلك

لا لا كفيت ووفيت..فش حاجة ترجع ويسويس..وصلت امواج المحبة..يا اخي المحبة بالقلب شو بدك بالرجعة

[*Marwa*]

كاتب النص الأصلي : zen

منشان ما يعتبروا سبام سؤال لمروى

6- مين أكتر مشرف بتحبي ومين اكتر واحد ما بتطيقي وحسام الحكميم شيت الأخوية كيف بتخيلي

اي انتي وياهن بتسبّم وحضرتي باكل هوا أسئلة ...

أكتر مشرف بحبو؟.. والله كتير اللي بحبهن وهيك..بس رح قول يـامـن مشرف الموسيقى

أكتر مشرف ما بطيقو؟!..فش حدا معين..يعني لحد اسا مناح معي..الله يستر بعدين

حسام الحكيم..بتخيل يمكن هيك طويل أشقر .. لك شو بدك اكزب عليك يعني؟ ..انا سمعت انو اشقر..بقى يعني التخيلات ما رح تزبط

[*Marwa*]

كاتب النص الأصلي : وشم الجمال

شو موقع مروة من الاعراب

ما رح اسأل مرة تانية

موقعي من الاعراب؟.. امم لساتني بأول الطريق وعم احاول إيني الموقع حتى يكون ثابت.. ما يتزحزح..مش كل يومين موقع شكل!!

لك ليش هيك زعلتي وعم تدقي بالشاكوش ..اما حلوة وانتي معصبة



_________

انو بحياة الله يمكن انا حطمت الرقم القياسي..يعني ما شاء الله عني..اللهم لا حسد ع حالي ..جاوبت الاسئلة هيك فرد مرة..


بس جماعة خفوها علينا طيب؟..


انو والله انهريت

[وشم الجمال]

بما انو الست مروة فاضية اشغال فهاد بعطيني الحق انو رجعها لانو مو منطقي بالمقلاية وماخدة فترة راحة
مو كل يوم فينا نقلي

خديلك هالمجموعة

هالأغاني شو يتشعري لما تسمعيها...

الأطلال
أغدا ألقاك
سيرة الحب
قارئة الفنجان
رسالة من تحت الماء
زي الهوى
أحن
تحية طيبة يا والدي الطيب
كان في طفل صغير عم يلعب بالحارة
انا وليلى
فوق النخل
كلمات
يا رايح صوب بلادي
وطني(سامي كلارك)
عصفور طل من الشباك


لمين بتهدي هالاغاني
خدني معك
بعدك على بالي
ضمني على صدرك
سلامتك من الاه
انا بعشقك
الأماكن
مستني مني ايه
الحب والوفاء
أناديكم
كن صديقي
أين ستهربون
اغضب

[*Marwa*]

كاتب النص الأصلي : وشم الجمال

بما انو الست مروة فاضية اشغال فهاد بعطيني الحق انو رجعها لانو مو منطقي بالمقلاية وماخدة فترة راحة
مو كل يوم فينا نقلي

وحياة إمـي مش فاضية..انتو ليش مستقصدينّي

خديلك هالمجموعة

هالأغاني شو يتشعري لما تسمعيها...

الأطلال : شو هاي ؟ يمكن لأم كلثوم صح؟ اه ولا مرة سمعتها ..بس قريت الشعر كلمات حلوة وقوية.

أغدا ألقاك : كمان لأم كلثوم؟ ..هية بتنحب ام كلثوم بتنحب

سيرة الحب :اه هاي تحديدابطير لما بسمعهاااااا ..انو بحبها بحبها فوق الخيال

قارئة الفنجان : لعبد الحليم حافظ؟ صح؟ بشكل عام بحب اغانيه بس هاي لأ ما بعرف ليه!

رسالة من تحت الماء: ولا تحت الماء ولا فوق الماء..بعرفهاش بصراحة!

زي الهوى :بتجنن ..بحبها..هو يعني ما بطيرني بس حلوة كتير

أحن : الى خبز امي؟ بموت لما بسمع هالاغنية انو كل مشاعر العالم وكل الاحساسيس بتدب فيي علاقتي بهالاغنية جدا مميزة

تحية طيبة يا والدي الطيب: هوي ابوي بستاهل تحية ..اما الاغنية ما سمعتهاش ولا مرة!

كان في طفل صغير عم يلعب بالحارة : حنين للطفولة..والبراءة!

انا وليلى : كل شي من كاظم بجنن وبعيشني بعالم تاني

فوق النخل : بتطربني!

كلمات : ماجـدة..كلمات بتسحرني جد بحس اني عايشة هالحالة!

يا رايح صوب بلادي: بس اسمع هالاغنية بخاف ييجي يوم واتغرب

وطني(سامي كلارك) : بحس بالوطن والانتماء..

عصفور طل من الشباك: بألم ومعاناة الشعب العربي ..



لمين بتهدي هالاغاني

خدني معك : بصراحة الإيمـان الثابت والدائم!!..بتمنى ياخدني معو واقضي كل عمري معو..بدون ما يتزعزع او احس اني رح افقدو شي يوم!

بعدك على بالي : ذكريات المراهقة والطفولة وكل شي راح

ضمني على صدرك: تيتا

سلامتك من الاه: إمـي

انا بعشقك: الي

الأماكن: خالتو

مستني مني ايه:ما بعرف كلمات الاغنية بس من العنوان بهديها لـ ياللي مفكر اني رح ضل حبو رغم كلشي!!

الحب والوفاء: هوي ذهب خلص

أناديكم: للشعب الفلسطيني

كن صديقي :لأحدهم..زمان كنا اصدقاء واسا ما عاد ينفع! مدري ليش!

أين ستهربون : للعـدو..

اغضب : ما بعرفها!

شوفوا انا اسا طالعة من الاخوية ..ازا برجع بلاقي حدا فيكو حاطط اسئلة..رح اغضب عليه

[المحارب العتيق]

سؤال واحد

مين أخر نهفة صارت معك

[وشم الجمال]

وحياتا لإمك ما رح عود أسألكـ حسستيني اني وحدة ما بتحس ع دمها...


الله يسامح كل من قواني عليكي

[suryoyo]

اي مروى ... كنت رح اشارك بقلي black_iris ... جيت لقيتك انتي بالجو !!!



اسئلتي خفيفة لطيفة و تجنن



اول شي .. كم ساعة في اليوم / الاسبوع تقضين في متابعة ..

1. التلفزيون
2. الدراسة
3. القراءات الأدبية
4. التسوق
5. الراديو
6. زيارات اجتماعية


ثاني شي ... ما هو توجهك الفكري ... تحفظ .. انفتاح . .. معتدل (مع ذكر المستوى .. كثيرا - قليلا )


ثالث شي ... اذا شفتي نفسك داخل متاهة ... مين اول واحد يجي ببالك ؟


رابع شي ... اذا في صارت لك مواقف مو حلوة و متعددة في نفس اليوم ... ترجعي للبيت على اساس انه هذا اليوم غير مناسب للطلعة ؟؟



خامس شي .. اذا حبيتي شخص ساكن بمدينة أخرى ... مستعدة تتركي اهلك و تعيشي بغير مدينة او بغير مجتمع على الاقل ؟؟



سادس شي ... اذا تم منع كتب انتي تحبيها او تحبي تقرايها ... تدوري على هذه الكتب حتى لو كانت ممنوعة؟



كافي عليكي ..

[Ms. J.A]

Marwa مرحبا..
الك وحشة
وينك هالأيام؟
غيرت أخوية بطريقة تفكيرك او لأ وكيف ؟؟
حلم كان نفسك يتحقق وفات المعاد ؟
متى بتحسي انو لازم تصرخي ؟
انت بالعادة هادية او بالعكس ؟؟!
بتحبي الشاي؟

[Reemi]

وينو سؤال راكون بالاعضاء شي حد يعمل معروف ينسخو

[الباحثة عن الحرية]

رأيك بهالأعضاء ..


Gazita
Reemi
marioma alghzayala
hanny dagher
layla
sezar
sweetbaby

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

butterfly
وشم الجمال
Hashtnasht
ٍٍٍSyrian Gay
yass
كهربجي
راديا
SABE
HUS
Barleb

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

the light
سرسورة
محمد ابراهيم
Government
صياد الطيور

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

the morrning
COSTA
handsome
abosleman
LiOnHeArT
yamen_h
suryoyo:
بنفسجة :
M.E.e.R.O:
Sarita:
Fernanda:
sona78:
BL@CK
MadMax
وائل76
أمرأة من ورق
Roaa
مايا*
ليندا
fofo besset syria
Abu Guzef

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

,
ظل جيفارا
Nirvana
Raw
طفوله
يمان
was616im
Sandra
cuty
zen:
AHMAD..:
black_iris:
اللامنتمي :
قرصان الادرياتيك :
boy friend:
marwa hanna:
ooopss:
مايسترو:
whiterose:
YaSer:
سوا ربينا :
القلب الدافيء:
شوط يا قمر :
achelious:
viva syria
asakli

[*Marwa*]

كاتب النص الأصلي : المحارب العتيق

سؤال واحد

مين أخر نهفة صارت معك

اول شي بتشكرك انو سؤال واحد..شكلك حاسس بمعاناتي..الله يخليك لعيلتك يا رب

آخـر نهفة صارت مـعـي..والله صراحة ما عم يستحضرني شي..يمكن من كتر النهفات!..بس لأ جد زمان ما صار موقف جد بيستاهل أسميه نهفة

شوف لأني ما جاوبت على سؤالك بشكل وافي وكافي..مسموحلك تسأل كمان سؤال..


_______________
يبعتلي حمّى وداء الكَلَب شو حنونة

كاتب النص الأصلي : وشم الجمال

وحياتا لإمك ما رح عود أسألكـ حسستيني اني وحدة ما بتحس ع دمها...


الله يسامح كل من قواني عليكي

لك لا ما تحسسيني بالذنب هيك..انا بعرف انهن حرضوكي بعرف..الله ع الظالم

كاتب النص الأصلي : suryoyo

اي مروى ... كنت رح اشارك بقلي black_iris ... جيت لقيتك انتي بالجو !!!



اسئلتي خفيفة لطيفة و تجنن



اول شي .. كم ساعة في اليوم / الاسبوع تقضين في متابعة ..

1. التلفزيون :في اليوم..آخر فترة صرت بالكاد اقعد عليه عليه ساعة!

2. الدراسة : عم حاول ادرس 3-4 ساعات باليوم مش عم تزبط!

3. القراءات الأدبية : بالاسبوع بخصصلها شي ساعتين .. بعرف انو الوضع مخجل

4. التسوق : ما بحبووووووو..يا ريت لو بقدر اشتري كلشي بدون ما اتسوق وفوت عالمحلات واقعد اقيس واتشحر بس لما بروح اتسوق باخد وقت كبير بشكل عام!

5. الراديو :شو هاد؟ لأ ابدا شيلة يعني!

6. زيارات اجتماعية : مش كتير..مقصرة من هالناحية وانا انسانة بحب البيت كتير!


ثاني شي ... ما هو توجهك الفكري ... تحفظ .. انفتاح . .. معتدل (مع ذكر المستوى .. كثيرا - قليلا )

معتدل ..بحاول انو يكون معتدل قدر الامكان..بس ما بعرف بالنهاية هالشي بتحدده الناس!

ثالث شي ... اذا شفتي نفسك داخل متاهة ... مين اول واحد يجي ببالك ؟

هوي الله بنفعش نقول عنو واحد..بس بالفعل هو اول شي بخطرلي وبلجألو..

رابع شي ... اذا في صارت لك مواقف مو حلوة و متعددة في نفس اليوم ... ترجعي للبيت على اساس انه هذا اليوم غير مناسب للطلعة ؟؟

يعني كنت طالعة وصارت المواقف هل برجع بنص الطريق وببطل بدي اروح؟..حسب قديش هالمواقف بشعة..بس بشكل عام انا عندي طولة روح..بعدين يا اخي خربانة خربانة من اولها خلينا نكملها ع المزبوط!


خامس شي .. اذا حبيتي شخص ساكن بمدينة أخرى ... مستعدة تتركي اهلك و تعيشي بغير مدينة او بغير مجتمع على الاقل ؟؟

طالما هالمدينة او القرية بفلسطين أي نـعـم ما عندي مانع


سادس شي ... اذا تم منع كتب انتي تحبيها او تحبي تقرايها ... تدوري على هذه الكتب حتى لو كانت ممنوعة؟

اه..

كافي عليكي ..

تسلملي شو مزوق اه والله كافي