كيف ممكن يصير حوار؟؟

[butterfly]

كاتب النص الأصلي : chefadi

هاد كلام سليم و بحب ضيف ,,,, حتى لو كانت تقبل النقاش فهو حصرا داخل الغرف المغلقة على أصحابها

حياكم جميعا ............

بدن ياني فوت بحوار من بدايتو معتبريني مواطن درجة تانية أي شو هالأنسانية هي
أي لأ اسمحولي ثقو بالأنسان أكترشوي ممكن يكون أكتر من استثناءات بس أنتو نظرتكون اللي ضيقة

صحي أيماني بالمسيح ولا يوم جعلني في غرفة مغلقة كل أنسان يؤمن بشي بستالين بالمسيح ببوذا بالخبز بالحرية
الأيمان أبدا مو دليل محدودية

[كهربجي]

كاتب النص الأصلي : وائل 76

متل ما انا بتجاوز العالم يلي ماسكا الالحاد من ديله وعم تستعرض مواهبها بالكفر بدون ادنى عقل او منطق في تفكيرها وتوجهها
يجب عليك ان تتجاوز المؤمن الذي يغيبك ويعتبرك استثناء على الاصل او القاعدة

هون ممكن نوصل لشي مشترك مبدئيا وبعدها بنقدر نناقش كتير اشيا بنعجز عنها هلاء

ما زلت مصر ومتفق مع بيترفلاي في فكرتها
لو كان الاغلبية متل ما عم تحكي انتا فلتسعى لتغيير فكرة الاغلبية ولتناضل من اجل عقيدتك التي تعتنقها مثلما انا اناضل من اجل عقيدتي التي مقتنع بها
لنتجاوز كل ما تتحدث عنه وننطلق من كوننا بشر نحمل في جماجمنا عقولاً هي من اوصلتنا لقناعاتنا


وهاي 392 وردة الك ولبيترفلاي و لري مي كمان اعطوها شوي

ممكن هاد الحل.. يمكن وائل يكون أكتر شي واقعي أنّو نتناسى أننا أقلّية.. بس بعدين لوين بدنا نروح؟؟ يعني شو ممكن نستفيد؟؟

كاتب النص الأصلي : butterfly

وأغلبية الملحدين موضة ...
هيك بدو يصير النقاش
وأغلبية البنات سطحيات
وأغلبية اليهود شريرين
وأغلبية العرب متخلفين
لك نحنا دابحتنا الأغلبية بتخلينا نعمل كاتالوج متل كاتالوج الدهان
مؤمن ( رقم 22336 ... المواصفات التقنية والتعبوية : يمزج مع قليل من العقل وكثير من المنطقية لأنو متشدد ومحدود ... )
الناس أكبر من التصانيف

كاتب النص الأصلي : chefadi

مرسيل انا بوافقك انو الناس اكبر من كل التصنيفات بس بالنهاية في ذهنية معينة ممكن تستشفي من خلالها توجهات البشر ,,, بس اكيد مانها منظار لأصدار احكام مطلقة (وهي الاغلبية ما اجت من ضباب )
و انطلاقا من هي النتيجة لما متدين مايكون متعصب (بحوارو و أفكارو ) بيكون هون الشذوذ عن القاعدة و لما بيكون في شيوعي جحش و متعصب (متل ماقال الكهربجي ) بيكون كمان هو الشذوذ عن العام ,,,
بس انتبهو ,,,, انا ماعم قول انو مو موجود هادي الاستثناء ,,, موجودة و بكثرة بس بتضل استثناءات ...

هه شفتي شو قصدي تمام؟؟ كفو فادي.. ما اضطريت احكي حتّى.. ع راسي!!

[كهربجي]

كاتب النص الأصلي : مسطول على طول

موضوع حلو كهربجي مثقف .... بس وين الحل ؟ انا شايف موضوع سياسي هيك انا شايف

انا برآيي المتواضع انه الديموقراطيه وقبول الرآي والرآي الآخر مهما كان من اقصا اليمين الى اقصا اليسار

وانا ضد الفكر الاستئصالي او الاصولي من آي تيار كان فليكن ان كان على مبدء الاسلاميين او الشيوعيين

وانا مع الديموقراطيه للعظم

الفكره الديموقراطيه تعني ان نسمح للجميع بحرية التعبير والنزول للشارع والاعتصام و. و. الخ..

وبس نقبل كلنا ببعض ونحترم بعض بغض النظر عن المعتقد الفكري والعقائدي من هنا ممكن ان نبداء اما كل هل الحوار هو حوار الطرشان

ولو افترضنا او سلمنا جدلاً انه كان في تعدديه وديموقراطيه ووصل احد الاحزاب للسلطه بانتخاب الشعب ... الفكر الديموقراطي الذي سمح بالتعدديه هو سيكون بمثابة قدوه وهم لايستطيعون الا ان يحترموه

ولكن عليه ايضاً ان يكون قد حضر برنامج وقوانين لايستطيع آي حزب آخران يستئثروا بالحكم و ان وجدوا فرصه وان يضع لهم خطوط حمر في صلب الدستور غير قابله للتغير الاباغلبيه توافقيه حزبيه او برلمانيه او شعبيه

وعند وصولهم للحكم المعارضه ستفند اخطاء ذالك الحزب امام الشارع وعلى مرئا الشعب الخ...

وهنا وبعد وصولهم للحكم سنرى تجربتهم ان نجحوا اهلاً وسهلاً وان فشلوا الشعب سيرمي بهم ويستبدلهم لانو حاجه بقا مابدنا هيك برنامج

وهنن سيتعلموا من رآي وحكم الشعب وسيراجعوا انفسهم ويعدلوا من برنامجهم وهنا نكون بدئنا ببناء الدوله الديموقراطيه (حكم الشعب)

بالنهايه الاستئصال لن يفيد احد وسنظل بهذه الدوامه الى مالانهايه .والديموقراطيه هيه الحل وخود مثل من اكثر الحركات تشدداً في العالم ( القاعده )

خليك معي

هلاء لوكان في ديموقراطيه وحريه بالسعوديه مثلاً ماكان تأسس تنظيم القاعده من الاساس ..هلاء .بن لادن وهو بطل العالم في الطميمه هو في نظر البعض بطل وبنظر الآخريين آرهابي متوحش .. بس شوقصته لعمو بن لادن لح نحاول نختصر

مالح نروح على افغانستان واذا بدك روح انته : للأختصار زلمه عاد للسعوديه بعد خروج الاتحاد السوفيتي من افغانستان

وبعد حرب الخليج الثانيه(احتلال الكويت) زلمه نبعص من وجود 350 الف من جنود امريكا وحلف الاطلسي ببلده فقام واصدر صحيفه اسمها الاصلاح والارشاد

انتقد فيها وجماعة آل سعود نبعصو كمان سكرولوياها (بلا معنا) بعد فتره سافر على السودان وهوه مهندس ورجل اعمال فتح شركه زراعيه وشركة تعهدات الخ..

بس رجع اصدر نفس الصحيفه بالسودان وصار ينتقد آل سعود بالاسماء ويكبر على الامريكان بلاطول سيره قلعوا من السودان وصادرولوا املاكه

طيب هاد زلمه عنده جماعه متشتته بالعالم كله مهم راح سافر لباكستان وبعدا راح على افغانستان وهوه عرفان انه العوده للسعوديه لن تفيده

دعاه الدكتور المسعري المعارض الشهير في بريطانيا ان يأتي لهناك رفض لانه صوته لن يصل ولن يحدث تغير

بعد فتره اعلن تأسيس تنظيم القاعده وهدد امريكا وبريطانيا بشن هجمات وبلشت سلسلة الانفجارات الخبر ونيروبي ودار السلام

حتى وصل لنيورك وهي العراق وافغانستان متل مو شايفين

المهم لو هل ابن لادن سمح له بحقه بالتعبير او انشاء حزب يعبر عن رآيه لما وصل الى المغارات

المهم الديموقراطيه هيه الحل والفكر الديموقراطي وحرية التعبير حل لكل شيىء في محيطنا العربي

يلي عاوز شيوعيين يجيب ويلي عاوز اسلاميين يجيب ويلي عاوز ديموقراطيين يجيب ويلي عاوز عمال يجيب

ويلي عاوز خرارايه يجيب كل واحد خرارايه ...........

حدا فهم الغايه والعبره من مسيو بن لادن ؟؟؟؟

أهلين شريك كلك ذوق...

هلق نحنا عم نحكي ع الحوار بشكل عام...

إذا بتحي تحكي بالسياسة بالذات بعنذر عن المشاركة... وأحلى وردة

[كهربجي]

كاتب النص الأصلي : كهربجي مثقف

أنا ما حكيت شي مسبق أبداً وأنت بتعرفي تمام أنّي ما بفكر هيك..

ليكني أنا اليساري عم قول أنّو في كتير شيوعيين جحاااش ومتعصبين.. الفكرة هي أنّو الناس مو متل بعضها والمؤمن محدود تفكيرو.. أنا عطيتك دليل ومثال ناقشيني بشي متلو.. مو بحكي أحلام

و ع راسي ماروووو

الوردة كمان أحلي شي

الله يخليكي مارو ما بدنا نسكر قنوات النقاش بهاد الموضوع بالذات...

[butterfly]

كاتب النص الأصلي : كهربجي مثقف

الله يخليكي مارو ما بدنا نسكر قنوات النقاش بهاد الموضوع بالذات...

ما فهمت بأيا موضوع بدك ياني ناقش
موضوع تحريم الزنى ؟
هون ما محلو منفتحلو موضوع لحالو
أو بفضل ناقشم فيو عالخاص ( لأنو المنبرم انو مكان مناسب لحوار الأديان واللاهوت رح يقلب الموضوع خناقة )
( وعلى ايا أسس أنا مؤمنة وللعضم وهيني عين الله عليي حاسة حالي خارج الغرف المغلقة ... )

[كهربجي]

لأ لأ... أنا عطيتك دليل على أنو المتدينين ما ممكن يناقشوا.. إلّا باستثناءات متلك ومتل وائل... مشان الغرف يعني

وهاد هو الدليل

[وائل 76]

كاتب النص الأصلي : كهربجي مثقف

لأ لأ... أنا عطيتك دليل على أنو المتدينين ما ممكن يناقشوا.. إلّا باستثناءات متلك ومتل وائل... مشان الغرف يعني

وهاد هو الدليل

مرحبا صديقي العزيز
اول شي انا بعتقد انو صديقنا مسطول على طول كان عم يحكي بصلب الموضوع لاني فهمت من كلامه انو عم ينظر لجذور التغيب و الاستئصال في مجتمعنا وصل لنتيجة بعتبرها انا من وجهة نظري منطقية جدا الا وهي ان التغيب و الاستئصال هو جزء اساسي من الثقافة العربية يلي عايشين عليها انا هون ما بقصد المتدين بس
لاء انا بقصد العربي اي كان نهجه وايديولوجيته بيكون متشبع بتغيب ورفض الاخر بكل شي
هلاء هو وصل لنتيجة هذا التغيب والمنهج الاستئصال لما حكي عن بن لادن وانو يلي وصل بن لادن لهاي المرحلة هي ثقافة التغيب بغض النظر عن كوني احترم بن لادن او ارفضه انا بحكي على المثل يلي طرحه و هو بن لادن
كتير عالم بتفكر انو هالزلمة انطلق ليحصد ارواح البشر في العالم من العدم او من حبه للقتل او من اوامر الدين دون تغليب للعقل وما حدا سال نفسه هل بن لادن يجمل فكرا و ايديولوجية ؟؟؟؟؟؟؟؟؟؟
انا مقتنع ان معظم العالم بتعتقد انو بن لادن ينطلق من خلفية عقائدية فقط دون ادنى اعتبار لدور العقل عنده ......
انا راي انو هالرجال هذا عم ينطلق من ايديولوجية معينة وصل الها بعقله متلك تماماً ومتلي تماماً ومع ذلك معظمنا يرفض حتى الحديث عن بن لادن لانه السفاح رقم واحد و نطالب بالديقراطية واحترام الاخر وقبول الغير والغاء التغيب ونبذ المنهج الاستئصالي بمجتمعاتنا وحواراتنا
يوم ما نقدر نتفهم بن لادن بنقدر نتفهم ونقبل بعض
ومع ذلك كله انا مازلت احمل املاً انه بامكاننا نحن من ندعي الثقافة والتحضر و الثورة بكل مفاهيمها ان نكون اول من يثور على تلك الثقافة العفنة التي اكل عليها الدهر و شرب ولنحاول معاً ان نقبل اقصى التطرف وان نقبل بن لادن بالمفهوم الذي اعنيه تماماً انا لا اقصد الشخص ولكن اقصد اقصى درجات التطرف و لنتجاوز كل المسافات التي تفرقنا ونتجاوز كل من يحاول ان يعيق اقترابنا و لنغدو معاً نحو مستقبل يحمل في طياته بعض الامل في ان نكون بشراً و ليس الهة
نقطة اخيرة كهربجي حبيت علق عليها وهو موضوع الاقلية بعتقد كل ثورات العالم بدات باقلية و الاقلية هاي هيا يلي بتحدد لو كانت الثورة راح تبقى او تندثر لو كنتوا اغلبية كنا نحنا اقلية و كنا نحنا يلي بنحدد ان نبقى او نندثر

فهنيئاً لكم ثورتكم نحو اثبات ذاتكم وهنيئاً لنا ثورتنا نحو استئصال التغيب
شفت معلم لقينا شغلنا تجمعنا معكم ............................................... الثورة وان اختلفت المفاهيم

تحياتي وبتمنى تقبل وجهة نظري و تقرا كلامي بعناية
واحلى وردة

[suryoyo]

كل يرفض مبدأ الغاية تبرر الوسيلة اللي تكلم عنه نيقولو ميكافيللي

بس مع الاسف الكل تطبقه بشك او بآخر

و تجد الذي يطبقه يصف ميكافيللي بالكفر و الدناءة و على انه يدعو الى الانحلال

بس مع ذلك يطبقونه بطريقة ابشع بكثير مما فعله ابطال كتاب الامير التاريخيين!!!!!!

و اللي يحب هؤلاء البشر بعده ما انكوى بنارهم و جهنمهم

خل ينكوي بشكل حقيقي و يجي بعدين يقول ابطال و عندهم رسالة!!!


بعدهم ما مصدومين بالحقيقة المرة التي سيعرفونها في يوم من الايام

سلام

[ابو مرسيل]

كاتب النص الأصلي : وائل 76

مرحبا صديقي العزيز
اول شي انا بعتقد انو صديقنا مسطول على طول كان عم يحكي بصلب الموضوع لاني فهمت من كلامه انو عم ينظر لجذور التغيب و الاستئصال في مجتمعنا وصل لنتيجة بعتبرها انا من وجهة نظري منطقية جدا الا وهي ان التغيب و الاستئصال هو جزء اساسي من الثقافة العربية يلي عايشين عليها انا هون ما بقصد المتدين بس
لاء انا بقصد العربي اي كان نهجه وايديولوجيته بيكون متشبع بتغيب ورفض الاخر بكل شي
هلاء هو وصل لنتيجة هذا التغيب والمنهج الاستئصال لما حكي عن بن لادن وانو يلي وصل بن لادن لهاي المرحلة هي ثقافة التغيب بغض النظر عن كوني احترم بن لادن او ارفضه انا بحكي على المثل يلي طرحه و هو بن لادن
كتير عالم بتفكر انو هالزلمة انطلق ليحصد ارواح البشر في العالم من العدم او من حبه للقتل او من اوامر الدين دون تغليب للعقل وما حدا سال نفسه هل بن لادن يجمل فكرا و ايديولوجية ؟؟؟؟؟؟؟؟؟؟
انا مقتنع ان معظم العالم بتعتقد انو بن لادن ينطلق من خلفية عقائدية فقط دون ادنى اعتبار لدور العقل عنده ......
انا راي انو هالرجال هذا عم ينطلق من ايديولوجية معينة وصل الها بعقله متلك تماماً ومتلي تماماً ومع ذلك معظمنا يرفض حتى الحديث عن بن لادن لانه السفاح رقم واحد و نطالب بالديقراطية واحترام الاخر وقبول الغير والغاء التغيب ونبذ المنهج الاستئصالي بمجتمعاتنا وحواراتنا
يوم ما نقدر نتفهم بن لادن بنقدر نتفهم ونقبل بعض
ومع ذلك كله انا مازلت احمل املاً انه بامكاننا نحن من ندعي الثقافة والتحضر و الثورة بكل مفاهيمها ان نكون اول من يثور على تلك الثقافة العفنة التي اكل عليها الدهر و شرب ولنحاول معاً ان نقبل اقصى التطرف وان نقبل بن لادن بالمفهوم الذي اعنيه تماماً انا لا اقصد الشخص ولكن اقصد اقصى درجات التطرف و لنتجاوز كل المسافات التي تفرقنا ونتجاوز كل من يحاول ان يعيق اقترابنا و لنغدو معاً نحو مستقبل يحمل في طياته بعض الامل في ان نكون بشراً و ليس الهة
نقطة اخيرة كهربجي حبيت علق عليها وهو موضوع الاقلية بعتقد كل ثورات العالم بدات باقلية و الاقلية هاي هيا يلي بتحدد لو كانت الثورة راح تبقى او تندثر لو كنتوا اغلبية كنا نحنا اقلية و كنا نحنا يلي بنحدد ان نبقى او نندثر

فهنيئاً لكم ثورتكم نحو اثبات ذاتكم وهنيئاً لنا ثورتنا نحو استئصال التغيب
شفت معلم لقينا شغلنا تجمعنا معكم ............................................... الثورة وان اختلفت المفاهيم

تحياتي وبتمنى تقبل وجهة نظري و تقرا كلامي بعناية
واحلى وردة

الثورة عنصر يجمع بين كل البشر على راسي حارتكون

[suryoyo]

هلٌ لو نسأل الشيوعي و الاسلامي و الاشتراكي و الليبرالي و القومي؟؟

ما هي الايديولوجية ؟؟؟؟

ما رح نلقي جواب وافي

ليش مبدا الاحزاب عندنا مع الاسف عشائري لخاطر فلان و لخاطر ابن عمي و وو ووو انتم تعرفون الباقي


للاسف ايضا التاريخ الحديث للعالم العربي بين لنا صراعات بين احزاب من نفس التوجه بشكل يثير الدهشة

لانها مصالح شخصية لا اكثر


يجي واحد يقلك انا احب كيفارا البطل واعتبره قدوة تقله ما هي اعماله ؟؟؟ ما هي الايديولوجية تبعه؟؟

و هل انت مقتنع بالايديولوجية لو بالفعل؟؟

الحواب اكيد حيكون عن ظهر قلب و ليس عن اقتناع حقيقي

سلام

[meYnot]

السؤال الأهم هوّ... يا ترى كيف ممكن تعمل حوار مع المتديّن اللي مرجعيتو (سماويّة) وأنت مرجعيتك (بشريّة)؟؟

يعني ممكن يصير هيك حوار؟؟ وكيف؟؟

الحوار ممكن ولكن بشرط أحترام كل شخص لمبادىء الأخر ورموزه!
يعني بالصفحة الأولى انت يا استاذ بتشتم دين كل هالعالم.. من وين هذا احترام للناس اه؟؟

كاتب النص الأصلي : كهربجي مثقف

طيّب يلعن **** لكن على شو نازلين حوار ببعض؟؟

ليييييييييييييييششش ضياعة الوقت لكن؟؟

بهيك بيكون فعلاً ضياع وقت في جدال محسوم في اطار عدم الأحترام

الفكره الديموقراطيه تعني ان نسمح للجميع بحرية التعبير والنزول للشارع والاعتصام و. و. الخ..

وبس نقبل كلنا ببعض ونحترم بعض بغض النظر عن المعتقد الفكري والعقائدي من هنا ممكن ان نبداء اما كل هل الحوار هو حوار الطرشان

الحرية كلمة رائعة كلنا بنحبها ما في حدا بيكرهها .. ولكن خيو في حرية مطلقة؟
هل احنا بنقبل حرية مطلقة.. يعني من اخيرو.. بتقبل وحده من جيرانك سيبك من قرايبينك تكون ممشاه بطال ؟؟
اه حاج بقه نتكلم على اشياء احنا مو قدها .. نعم انا شخصياً ما بسمح لأختي تلبس ميوه اي بكسر غظامها وبخلص عليها كمان.. .. هذا تخلف!!!! اذا هذا تخلف ايه اشرفي اكون متخلف من ان يكون حتى بالحارة تبعنا في عاهره ولو!

الحربة هي ان اجد مساحة مقبولة لكي اتحرك بها .. وهي
عدم المساس بالغير او تجريحهم او حتى التضييق عليهم.. مقرونه بالمحافظة على التقاليد العامة للحي/البلدة/القطر
يعني مش واخد يقول ان حر عمي.. بدي امشي زلط ملط بالشارع.. حتى بنيويورك او حتى بكوبنهاجن ما بسمحوا له .. بحطوا بالعصفوريه هناك مساحة مفتوحة!
الحرية لا تعني بأي حال من الأحوال التدخل في شئون الأخرين بدون اذن مسبق او موافقة على هذا التدخل... هاي باهته كثيييير وزي المطاط يعني!
الحرية لا تعني كسر اي من القوانين المعمول بها في القطر.. (هاي غير التقاليد عمييي) .. يعني مو يقول ان حر اقطع اشارة المرور .. لا مو حر ..
الحرية لا تعني بأي حال من الأحوال التجريح/الأستهزاء او الشتم لآي من الرموز الدينية (الموجودة في القطر) "الأصافة الأخيرة مو دايماً بتكون موجودة"... (وهاي زي الزئبق كل واحد بيفهمها بطريقته ووين ما بتضربها بترن)
الحرية لا تعني اثارة الآراء التي تثير الضغائن/الأحقاد او تسبب في نشوب هيجان شعبي او تخل في الأمن العام (داخل القطر) وهاي برضة مطاطية فليكسابل! (علشان تعرف اني بعرف عبري)

بقة بعد كل هذا وين راحت للحرية .. !

على اي حال المساحة تبع الحرية بالذات في اول شغله ضيقة كثيييييييييييير عنا.. وبأعتقد هذا بيرجع الى نوع من الشرف والغيرة عليه عنا زيادة كثير عن غيرنا بالمجتمعات الثاينة ..
اما بحرية الرأي... والله ياعمي انا مو بسوريا لحتى اعرف ولكني مو مع ولا حكومة عربية لك كلهم بحطوا في جيابهم وبيوجعوا هالعالم وبيبعوا ويشتروا فينا .. واكثر بيت شعر عجبني حظيرة.............من اطهركم ... اولاد الـ..............لا أستثني منكم احداً ... واكيد كلكن بتعرفوا!

بقه في ممكن محاورات ومناظرات ولكن بدنا نكون اول شي محترمين بعض ... مو تناظرني على اني عدوك؟
ولا تناظرني على اني بدي اوكلك ولا بدي افترسك؟
ولا تتخيل راح ارضى تشتم لي ديني.. ؟
وما نخبي شغلات اوندعي معرفتها .. ما في حدا كامل وما في حدا بيعرف كل شي... واهم نقطة حقيقة هي عدم استخدام اسلوب التجاهل للنقاط او التهرب منها.. ومن قال لا أعلم فقد افتى ... مو يعمل حاله سبع صنايع .. أو يعتقد العناد ويباسة الراس على رأيه راح بتغير مسرى المناقشة!
وبالتأكيد بحاجة انو ما نستخدم الفاظ نابية او نستهتر في عقول بعض.. كل واحد منا عنده فكره الخاص وهو شخص كامل وواعي شو بحكي وما يكون واحد قدامي وخمسه وراه على عقلي لحالي .. وكمان اعطاء الوقت الكافي للرد..وبالتأكيد عامل السن فهيك شغلات برضة له تأثيره!

واذا حط كل واحد منا هاي الشغلات في راسه .. 600 منقدر نتحاور وبشكل حضاري وظريف ولطيف وخفيف دم كمان..

صح خاليييي.. ولا خبصنا قبل ما نام هلق؟


وهاي الكن كلكن يا حلوين

[chefadi]

كاتب النص الأصلي : butterfly

بدن ياني فوت بحوار من بدايتو معتبريني مواطن درجة تانية أي شو هالأنسانية هي
أي لأ اسمحولي ثقو بالأنسان أكترشوي ممكن يكون أكتر من استثناءات بس أنتو نظرتكون اللي ضيقة

صحي أيماني بالمسيح ولا يوم جعلني في غرفة مغلقة كل أنسان يؤمن بشي بستالين بالمسيح ببوذا بالخبز بالحرية
الأيمان أبدا مو دليل محدودية

ميمو مافي اي اعتبارات و الشخص مهما كانت معتقداتو و انتماءاتو هو اللي بيثبت نفسو و جدارتو بالحوار ( و هي هيي الثقة الكبيرة بالانسان ) ,,,,,
انا كان حكيي بالعموم و من الواقع ,,,,, اكيد الايمان مو دليل محدودية و كل واحد حر بأيمانو بس لما يتحول الايمان (لو بالحجر) لتعصب او لوسيلة للاستعلاء و شطب الاّخر فبيكون دليل كبير ع المحدودية و التحجر و مع الاسف هاد اللي عم بيصير ,,,,,,

كاتب النص الأصلي : كهربجي مثقف

هه شفتي شو قصدي تمام؟؟ كفو فادي.. ما اضطريت احكي حتّى.. ع راسي!!

مية وردة ... و أحلى كهربجي

[مسطول على طول]

كاتب النص الأصلي : كهربجي مثقف

أهلين شريك كلك ذوق...

هلق نحنا عم نحكي ع الحوار بشكل عام...

إذا بتحي تحكي بالسياسة بالذات بعنذر عن المشاركة... وأحلى وردة

مشكور على الورده
وبنفس الوقت

بس موضوع (الحور) له اسس والمناظره لها اسس وقواعد شبه متفق عليها

وانا بظن مشاركتي كانت بصلب الموضوع

بس الجميع هون غير ملتفت للديموقراطيه وطروحات والمواضيع اغلبها طائفيه والحاديه وفي تشكيله واسعه بالمنتدى من كل الاتجاهات وانا بعرف تمام توجهات المنتدى على الاقل بنسبة 80%

موضوعك لو وصل لــــــــــ100 صفحه مالو حل الا الديموقراطيه وقبول الآخر وهاد مشكلتكون ياعرب

وانا معك لنشوف وين بدك توصل بطريقة الحوار وكيف بدك العالم تقبل بالآخر

وبماانه خارج الموضوع انا لح اطرح الديموقراطيه وحديث السابق كاموضوع

وتحياتي والورد بنرجعه ورود

[كهربجي]

كاتب النص الأصلي : meYnot

الحوار ممكن ولكن بشرط أحترام كل شخص لمبادىء الأخر ورموزه!
يعني بالصفحة الأولى انت يا استاذ بتشتم دين كل هالعالم.. من وين هذا احترام للناس اه؟؟


بهيك بيكون فعلاً ضياع وقت في جدال محسوم في اطار عدم الأحترام

يا سيدي حقّك عليي إذا انزعجت.. بس أنت انتبه بوقتها ليش عملت هيك...

لمّا طرحت الموضوع كانت المواضيع الدينية معبّاية المنبر وإجوا قال ما بيصير حوار.. بربّك شي بيكفّر ولّا لأ؟؟

كاتب النص الأصلي : meYnot

اه حاج بقه نتكلم على اشياء احنا مو قدها .. نعم انا شخصياً ما بسمح لأختي تلبس ميوه اي بكسر غظامها وبخلص عليها كمان.. .. هذا تخلف!!!! اذا هذا تخلف ايه اشرفي اكون متخلف من ان يكون حتى بالحارة تبعنا في عاهره ولو!

الحريّة مو أنّو تخلّي أختك تلبس مايو...

الجرّية أنو أنت ما دخلك بأختك لأنها أختك.. ومو حقّك تتدخّل فيها أكتر من أيّ حدا تاني مارق بالشارع لا بتعرفو ولا بيعرفك..

[كهربجي]

كاتب النص الأصلي : مسطول على طول

مشكور على الورده
وبنفس الوقت

بس موضوع (الحور) له اسس والمناظره لها اسس وقواعد شبه متفق عليها

وانا بظن مشاركتي كانت بصلب الموضوع

بس الجميع هون غير ملتفت للديموقراطيه وطروحات والمواضيع اغلبها طائفيه والحاديه وفي تشكيله واسعه بالمنتدى من كل الاتجاهات وانا بعرف تمام توجهات المنتدى على الاقل بنسبة 80%

موضوعك لو وصل لــــــــــ100 صفحه مالو حل الا الديموقراطيه وقبول الآخر وهاد مشكلتكون ياعرب

وانا معك لنشوف وين بدك توصل بطريقة الحوار وكيف بدك العالم تقبل بالآخر

وبماانه خارج الموضوع انا لح اطرح الديموقراطيه وحديث السابق كاموضوع

وتحياتي والورد بنرجعه ورود

طلع معك حق يا زلمة...

بس الفكرة أنّو شلون بدّك علمانيّة وديمقراطيّة إذا شقفة حوار مو قادر تعملوا إلّا ناااادراً؟؟

[meYnot]

كاتب النص الأصلي : كهربجي مثقف

يا سيدي حقّك عليي إذا انزعجت.. بس أنت انتبه بوقتها ليش عملت هيك...

لمّا طرحت الموضوع كانت المواضيع الدينية معبّاية المنبر وإجوا قال ما بيصير حوار.. بربّك شي بيكفّر ولّا لأ؟؟

هههههه .. يعطيك العافية خالييي

الحريّة مو أنّو تخلّي أختك تلبس مايو...

الجرّية أنو أنت ما دخلك بأختك لأنها أختك.. ومو حقّك تتدخّل فيها أكتر من أيّ حدا تاني مارق بالشارع لا بتعرفو ولا بيعرفك..

وجة نظر من سيادتكم ولكن بالتأكيد ما بقدر عليها
إييي بس ما بعتقد بتقدر انت عليها كمان ياعمي .. صدفني ما بتقدر يعني تُمرق من جنبها زيك زي اي واحد بالشارع والله ما بتقدر .. والله فكرت فيها كثير وتخيلت الموقف .. ما ظبط معي .. ما فات بعقلي المصدي .. شو بدي اعمللللللل !!.. بتعرف كيف .. ابيعك البيعة وبريح راسي.. لأني ما عندي خوات

[كهربجي]

كاتب النص الأصلي : meYnot

وجة نظر من سيادتكم ولكن بالتأكيد ما بقدر عليها
إييي بس ما بعتقد بتقدر انت عليها كمان ياعمي .. صدفني ما بتقدر يعني تُمرق من جنبها زيك زي اي واحد بالشارع والله ما بتقدر .. والله فكرت فيها كثير وتخيلت الموقف .. ما ظبط معي .. ما فات بعقلي المصدي .. شو بدي اعمللللللل !!.. بتعرف كيف .. ابيعك البيعة وبريح راسي.. لأني ما عندي خوات

ما عندك أخوات؟؟ إي خلّصنا لكن... أنا بقدر عليها وقدرت عليها و ما عندي مشكلة..

بس لو نفهم أنّو المرأة كمان هيّ كائن مستقل مفكّر متلها متلنا... مو (ضلع قاصر)

[مسطول على طول]

كاتب النص الأصلي : كهربجي مثقف

بس لو نفهم أنّو المرأة كمان هيّ كائن مستقل مفكّر متلها متلنا... مو (ضلع قاصر)

يعني كلمة ضلع قاصر كلمه مسيئه للمرآه ؟