كيف ممكن يصير حوار؟؟

[suryoyo]

انا لما قلت الهوية الحالية قصدي الهوية العراقية الحالية!

لان انا عراقي و تحاورنا قبل فترة اذا تذكر

[ابو مرسيل]

كاتب النص الأصلي : suryoyo

انا لما قلت الهوية الحالية قصدي الهوية العراقية الحالية!

لان انا عراقي و تحاورنا قبل فترة اذا تذكر

حلو لان الهوية الجديد رح ينزل فيها و من مصدر موثوق الديانة و القومية الى جانب بعض و يمكن الطائفة الدينة كذلك وممكن احجي وياك عل برايفت

[butterfly]

أي انو بدنا نحدد أكتر شوي
أنا صوتت أي أكيد
أكيد بيقدر الملحد يتحاور مع المؤمن
والمسلم مع المسيحي ومدري منو مع مدري منو
لأنو خارج أطار التصنيفات والكاتولوجات الجاهزة للبشر في شي أسمو أنسان واختلافات فردية وفرادة وتميز !
هلق في تعميم عم نوقع فيو .. هل كل ملحد فيو يتحاور مع كل مؤمن ( لأ مستحيل .. ) هل من الممكن ان أتحاور أنا بالصيني ؟ لأ بيلزمنا قاعدة مشتركة
يعني ممكن الملحد والمؤمن يقعدو يحكو يبالوطنية .. بالأنسان بالعلم ... لك بخمسة الاف شغلة ..
لك المشكلة أنو أنا وقت عم بحاور شو بدي
الحوار هو طرح أفكار معرفة أفكار جديدة وخلق تساؤلات قد نستطيع الأجابة عنها أو لأ!!
لهيك خلونا نتفق أنو الحوار بحاجة لشخصين
يعني ما فيني أحاور الملحد وانا عم ألغيلو كيانو او هوي يلغيني رح نتحاور وكلانا معترف بوجود الأخر ومحترمو رغم أنو ما بيشبهه .. الهدف من الحوار مو أنو الملحد يأمن ( ما بتوقع حدا بيحس بوجود الله بحياتو من نقاش .. ) ولا الهدف أنو المؤمن يلحد
ما بدنا نغير بعض .. ما بدي انا وعم حاورك أنك تشبهني .. لو بدي أحكي مع حدا بيشبهني .. انا عم أتحاور مع حالي دوما .
اختلافك بيخلق عندي أفق جديد للتفكير
كمان .. الحوار بحاجة لانفتاح .. يعني أنا مؤمنة وأعشق المسيح عشق ... بس فيني أتقبل أنو فادي واللي هوي من أعز صحابي ملحد والمسيح ما بيعنيلو .
الحوار بحاجة لاحترام . ورقي
هلق ليش كل هدول ما عم يصيرو .. لأنو كل واحد هون عندو شعور انو مهاجم وأنو مضطهد
مسيحي الموقع بيبعتولي أنون مظلومين
المسلمين شايفين انون مظلومين
والملحدين كمان
طيب ؟؟؟؟ ما حدا مظلوم وما حدا مهاجم ... كل ما في الأمر انو الله ما عندو أله فوتوكوبي ينسخ عليها بني أدمين لهيك كل انسان أجى ما بيشبه التاني ومميز باختلافو
وأكيد في حوار ...

[ابو مرسيل]

يا حبيبي هلق الملحد و المؤمن ما بيقدروا يتناقشوا بشي متفقين على بيتحاورو بشي مختلفين علي وهو الدين مثلا و هون بتبلش العييه

وعلى راسي butterfly

[وائل 76]

كاتب النص الأصلي : كهربجي مثقف

كل ما تجي سيرة الدين أو الله

أو الدولة (الديمقراطية مثلاً) أو المجتمع (الشرف مثلاً)

بتهفّ رياح الإيمان على ناس وبيبلشوا يقطعوا أي جسر تواصل.. مو بس هيك

بتهف الرياح الطائفية، والمذهبيّة و و و

يعني بالمحصّلة يوم عن يوم.. حوار عن حوار عم بكتشف أنّو الدين بيمنع الحوار.. طبعاً بيضلّ في أقلّية عندها شي أهم بحياتها من القتال مشان الدين مع أنها مؤمنة وهي بتسمح للكل أنّو يتحاوروا لأ وأحيانا بتكون بتحاور أحسن من كتير ناس..

على كل حال أكتر شي زعجني هو مثلاً لمّا بينط واحد بيقول (أستغفر الله العظيم) لمّا يكون الحديث عن العلمانيّة أو (لا حول ولا قوّة إلّا بالله) لمّا الحكي بيصير عن جرائم الشرف... يا أخي ما حدا حرم حدا من حقّو بالعبادة.. بس أكيد رح يكرّهنا برب الدين لمّا بيجي بيقول (أنت بس جرّب الإيمان و بتشوف) أو (هي مرحلة بيمرّ فيها كل الشباب أول طلعتون)... يعغني مستضرطنا و معتبرنا بلا مخّ!!!

السؤال الأهم هوّ... يا ترى كيف ممكن تعمل حوار مع المتديّن اللي مرجعيتو (سماويّة) وأنت مرجعيتك (بشريّة)؟؟

يعني ممكن يصير هيك حوار؟؟ وكيف؟؟

موضوع مهم كتير وبهنيك عليه كهربجي وعلى اختيار الموضوع لانو اساس وقاعدة ننطلق منه في كل المواضيع يلي عم نتحاور فيها

هلاء كهربجي انتا قررت انو مرجعية المؤمن سماوية و الملحد بشرية يعني انتا عم تنفي بشرية المؤمن وبتعتبره كائن ما غريب الاطوار ولكنه مختلف عن البشر لانه لا يستخدم عقله
انتا بهاي النظرة عم تغيب المؤمن وترفض وجوده من البداية لانو ببساطة مثلما انت تستخدم عقلك وتعتقد انه هو السبيل هو ايضاً يستخدم عقله ومقتنع تماماً مثلك ان العقل هو السبيل ولكن كان الاختلاف في النتائج فعقلك اوصلك للالحاد اما عقله فقد اوصله للايمان وهذا ليس غريباً او شاذاً لان العقل حتى في الايمان فإنه يوصل لدرجات متفاوتة في الايمان والالحاد كذلك العقل يوصل لدرجات متفاوتة
اذن يجب ان نتفق من هنا ان العقل هو مرجعية المؤمن والملحد فكلانا مرجعيتو بشرية ولا اقبل بغير ذلك من وجهة نظري البسيطة
الان ساعطيك مثالاً بسيطاً جداً على ان الحوار من الممكن ان ينجح ويكون مثمر ويذلل كل او كثيراً من الحواجز بيننا
انا لدي صديق عزيز جداً و بعتقد انو من اهم اصدقائي هنا باخوية ومن اقرب الناس لي وهو ملحد وعلى اعلى درجات الالحاد ولدي صديق اخر مسيحي ومن اشد المناصرين للمسيحية ولكنه من اقرب اصدقائي هنا ايضاً ولم يكن الالحاد او المنسيحية حاجزاً بيننا لكي نكون بشراً نحب بعض ونشعر ببعض ونقف مع بعض في اوقات الياس ونفرح في اوقات السعادة لو قبل الصديقين ان اذكر اسمائهم ساذكرها في مشاركة اخرى
الان ساعطيك بعضاً من اسباب فشل الحوار :
1_ وجود بعض الاعضاء في كلا الجانبين اثناء الحوارات يبدؤن بشتم او السخرية على معتقدات الغير وهناك فرق بين ان تكون السخرية موجهة لذات الموضوع اي ان انتقد بعض الافكار بطريقة ساخرة تخدم الحوار و تجعله هادئ عندما يكون مشتد و بين ان اسخر من عقائد الاخر مثلما فعلوا في موضوع الله وبدا البعض شتم الذات الالهية

2_ هناك الكثير من الاعضاء قليلي الخبرة بهكذا حوارات وعلى الاغلب من الصبايا ولذلك تجد العضوة تقول استغفر الله وما الى ذلك هذا ليس عيباً وانما من خلال قناعاتها تجدها انطلقت من تلك النقطة لو اردت انت ان تكمل الحوار بشكل حضاري يجب عليك تجاوز هكذا مشاركات لانها لا تقصد الاهانة وانما الثقافة التي تنطلق منها ترفض النقاش في هكذا موضوع
3_ صغر سن بعض العضاء ومحاولتهم الدخول على هكذا مواضيع دون ان يكون لديهم المخزون الكافي للدفاع عن الفكرة ولذلك حينما يصلون مرحلة العجز تبدا المهاترات
4_ اشعر ان البعض في كلا الجانبين يحاولون اثبات ذواتهم وقدراتهم وليس الدفاع عن الفكرة او المبدا حيث تجد البعض يستعرض ثقافته امام الاخرين وذلك بهدف تبين قدراته الخلاقة ليس اكثر
5_ هناك بعض المواضيع يجب عدم طرحها ايضاً لان المسافات بيننا شاسعة على الاقل في تلك المرحلة مثل موضوع صديقنا كوستا ولذلك اعتقد ان العزيز suryoyo حينما قال ان الحوار يجب ان ينطلق لبناء مستشفيات كان يقصد اننا يجب ان تحاور الان في القضايا التي من الممكن ان نجد بها قواسم مشتركة حتى نذلل الكثير من الحواجز بيننا وبينكمم ومن ثم ننطلق في مراحل اخرى للحوار في مواضيعنا التي بها اختلافات كبرى
ولكن في النهاية اي كان قناعاتنا وافكارنا واي كانت النتائج التي نصل اليها يجب علينا ان ننظر لانفسنا على اننا بشراً مختلفين حتى في ايمانا مختلفين حتى في صلاتنا في صومنا في كل شيئ وبالتالي يجب ان ننطلق رمنها من كوننا بشراً وستكون كل حواراتنا مثمرة وهادفة



اشكرك اخي كهربجي مثقف على موضوعك وارجو تقبل وجهة نظري
كل الاحترام لوجهات نظركم جميعاً ولموضوعك اخي كهربجي
ما عدا ام الموف كلامها مش عاجبني

[نيرفانا]

اشكرك اخي كهربجي مثقف على موضوعك وارجو تقبل وجهة نظري
كل الاحترام لوجهات نظركم جميعاً ولموضوعك اخي كهربجي
ما عدا ام الموف كلامها مش عاجبني

أهلاً وائل أعلم إلى ما ترمي.........لكن أردت أن أوضح أن ما قلته فيما يخص استحالة إقامة حوار بين الطرفين كنت أخص بهذا الحوار في الأديان وسعي البعض من أحد الطرفين إلى إقناع الآخر بمعتقداته
لا بل وفي بعض الأحيان إلى فرضها دون احترام أو حتى الإصغاء إلى رغبة الآخر ..........
وأعتقد أن هذا ما أشار إليه صاحب الموضوع (لربما كنت على خطأ) أما ما تبقى من فرص متاحة لإقامة حوار بنّاء فذلك يتعلق بأمور أخرى لم أتطرق إليها من خلال ما تحدثت به في مشاركتي السابقة أتمنى أنّ ما يجول في خاطري قد وجد طريقه إلى رحابة صدرك .......مشكور وائل وشكر لصاحب الموضوع

[Eh@Ab]

يا عمي اتقاتلو دبحو بعض شو دخلني انا

[كهربجي]

كاتب النص الأصلي : وائل 76

هلاء كهربجي انتا قررت انو مرجعية المؤمن سماوية و الملحد بشرية يعني انتا عم تنفي بشرية المؤمن وبتعتبره كائن ما غريب الاطوار ولكنه مختلف عن البشر لانه لا يستخدم عقله
انتا بهاي النظرة عم تغيب المؤمن وترفض وجوده من البداية لانو ببساطة مثلما انت تستخدم عقلك وتعتقد انه هو السبيل هو ايضاً يستخدم عقله ومقتنع تماماً مثلك ان العقل هو السبيل ولكن كان الاختلاف في النتائج فعقلك اوصلك للالحاد اما عقله فقد اوصله للايمان وهذا ليس غريباً او شاذاً لان العقل حتى في الايمان فإنه يوصل لدرجات متفاوتة في الايمان والالحاد كذلك العقل يوصل لدرجات متفاوتة
اذن يجب ان نتفق من هنا ان العقل هو مرجعية المؤمن والملحد فكلانا مرجعيتو بشرية ولا اقبل بغير ذلك من وجهة نظري البسيطة

أول شي شكراً كتير ع مشاركتك وائل... في شغلة كتييييييير مهمة..

ألا وهي أنّو أنا ما اعتبرت المؤمن كائن غريب الأطوار.. أبداً... يا أخي ممكن الواحد يكون شيوعي ومع هيك مو ممكن محاورتو لأنو مؤمن متدين بس بالستالينية مثلاً... يعني عامل ماركس الله.. وهو ما عاد بيصير شيوعي بالمناسبة.. وعلى هالنسق ممكن تقيس

بس المؤمن بالإسلام (مثلاً) صعب كتير تحاوروا بحرّيّة المرأة الكااااملة لأن (الرجال قوامون على النساء) هذا حكي قرآن أي بالنسبة للمسلم هو حكي سماوي.. أي أنّه غير قابل للتغيير لأنه منزل من عند الله (صححلي إذا غلطان بهي كمان)... يعني بالمحصلة المرجعية الدينية هي مرجعية بتأدي لدخول الفكر بإطار النسق المغلق اللي ما عاد يطلع منّو


هلق كيف ممكن يصير حوار؟؟ لمّا بيقتنع المؤمن أنّو مو شغلتو يفرض شرع الله على الأرض.. ممكن وقتها يكون في معنى للحوار.. ممكن نحكي عن كل شي بعيد عن الدين.. حتى الفن أو الجنس أو كرة القدم يا زلمة...

[ري مي]

الشغلة بدا
مخ +هدوء نسبي+ احترام للرأي الآخر + الاستيعاب الكامل لشغلة أنو ما فيك تغير آراء الناس ليصيرو متلك
+\يسعدلي ربك يا فيروز\ نحنا والقمر جيران + صباح الخير يا جاري أنت بحالك وأنا بحالي
+ \و أبو ودبع كمان\ أهي دنيا عايشين فيها وبس.

وهيك اذا كل هلعناصر توفرت بناس بدن يتحاورو بتصور انو بيمشي الحال يعني بيتحاورو بدون خسائر فادحة ويمكن.... يمكن ها أنو يصير تعاون بناء

[butterfly]

كاتب النص الأصلي : كهربجي مثقف

هلق كيف ممكن يصير حوار؟؟ لمّا بيقتنع المؤمن أنّو مو شغلتو يفرض شرع الله على الأرض.. ممكن وقتها يكون في معنى للحوار.. ممكن نحكي عن كل شي بعيد عن الدين.. حتى الفن أو الجنس أو كرة القدم يا زلمة...

ووقت الملحد بيقتنع أنو أيمان المؤمن ما بيحدو وما بيخليو محدود الفكر ... ووقت بيقتنع أنو الحادو ما بيعطيو أفضلية وانفتاح

[ري مي]

دخلك ليش ما فيه خيار بالتصويت اسمو
يجوز الوجهان

[كهربجي]

كاتب النص الأصلي : butterfly

أي انو بدنا نحدد أكتر شوي
أنا صوتت أي أكيد
أكيد بيقدر الملحد يتحاور مع المؤمن
والمسلم مع المسيحي ومدري منو مع مدري منو
لأنو خارج أطار التصنيفات والكاتولوجات الجاهزة للبشر في شي أسمو أنسان واختلافات فردية وفرادة وتميز !

بتعرفي شو؟؟ يا ريتنا عايشين بنفس العالم اللي عايشة فيه أنتي مارو... عنجد

أحلى شي بمشاركتك كانت

وهو وحدة

[butterfly]

كاتب النص الأصلي : ري مي

الشغلة بدا
مخ +هدوء نسبي+ احترام للرأي الآخر + الاستيعاب الكامل لشغلة أنو ما فيك تغير آراء الناس ليصيرو متلك
+\يسعدلي ربك يا فيروز\ نحنا والقمر جيران + صباح الخير يا جاري أنت بحالك وأنا بحالي
+ \و أبو ودبع كمان\ أهي دنيا عايشين فيها وبس.

كارول سماحة ( ما بعرف أيا لون وأيا دين بعرف أنك خيي خيي بالأنسانية ) + ولورا خليل ( روق أعصابك ) + وجوليا بطرس ( ما بتقدر أبدا تلغيني بدك تسمعني وتحكيني )

[كهربجي]

كاتب النص الأصلي : butterfly

ووقت الملحد بيقتنع أنو أيمان المؤمن ما بيحدو وما بيخليو محدود الفكر ... ووقت بيقتنع أنو الحادو ما بيعطيو أفضلية وانفتاح

بالمنطق الإيمان بشريعة الله بيحدّ العقل لأنو شريعة الرب لا تقبل النقاش... يعني فيكي تناقشي تحريم الزنى تبع المسيح؟؟؟ نفس الشي مو ممكن المسلم يناقش أشياء دينية بتتدخل بحياتنا اليوميّة متل حريّة المرأة اللي حكيت فيها قبل...

[ري مي]

كاتب النص الأصلي : butterfly

كارول سماحة ( ما بعرف أيا لون وأيا دين بعرف أنك خيي خيي بالأنسانية ) + ولورا خليل ( روق أعصابك ) + وجوليا بطرس ( ما بتقدر أبدا تلغيني بدك تسمعني وتحكيني )

[كهربجي]

كاتب النص الأصلي : ري مي

دخلك ليش ما فيه خيار بالتصويت اسمو
يجوز الوجهان

في "ما بعرف"...

العمى... بعد التفكير طلع كتير ممكن أنو يجوز الوجهان... شلون فاتتنا هي؟؟ فعلاً أنك نبيهة

بعدين حاج سبام.. هلق مننزع الموضوع... إذا بتريدو

[butterfly]

كاتب النص الأصلي : كهربجي مثقف

بتعرفي شو؟؟ يا ريتنا عايشين بنفس العالم اللي عايشة فيه أنتي مارو... عنجد

أحلى شي بمشاركتك كانت

وهو وحدة

أحلى شي بمشاركتي الوردة يا زلمي
كل هالحكي ما حلو بس الوردة يعني
العالم اللي أنا عايشة فيو !!! لك انا عايشة بسورية أنا ما عم عيش تماما متل ما كتبت ... عم حاول ... وما عم يكون سهل
الأسهل أنك تحكم عالناس
المؤمن متشدد
والملحد منفتح
المسلم ما بيتحاور
المسيحي أخد الحرية مياعة
كتير سهل نطلق الأحكام الجاهزة عالأخرين
المهم نضل عم نحاول ( وما بدي حطلك وردة مشان يكون في شي تاني حلو بردي غير الوردة )

[ta_06]

لا ... مو لانو ما بيصير حوار بينهم ..... لانو كتير هون ما بعرفوا يناقشوا بموضوع حساس متل هاد ...