|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
04/04/2008
|
#1 | |||||
|
مشرف
|
معوّق // كروياً //
صرلي فترة متردد لحتى نزل هالفكشة هي انو احكي هلئ هالفكرة ولا انطر شوي بركي بتروح السكرة وبتجي الفكرة وبطلع بشي موضوع عليه القيمة احسن من هالعلاك كلو واوقات كتير كنت قول لحالي مافي داعي لهالموضوع ....... اسماع وسطح بس لما شفت انو الموضوع لساتو شاغل بالي .. قلت ما بدها تفكير.. اكتبو وريح راسك.. ويا رب اقدر افهم بـ يوم من الأيام.. بلشت الحكاية من زماااااااااااااان زماااااان زمان... بالقرن الماضي هيك يعني  و انا طفل صغير .. لفت انتباهي رياضة غريبة كتير بيمارسها الناس اجمع.. أول مرة شد انتباهي الموضوع هاد كان في يوم الظاهر كان فيه لعبة مهمة.. وسيادة الوالد عازم الشباب بالبيت يتفرجوا على المباراة معو.. لحد هون ما في مشاكل.. انا صحيح مو فاهم هني بيتفرجوا على شة بالزبط!.. بس قلت مو مشكلة.. مسألة أذواق  !و فجأة يا حضرات .. بتفاج/ق/ بصوت صريخ و وعياط بالصالون -(موقع متابعة المباراة المهمة مو صالون اخوية )- فـــ /اتخضيت / على قولة المصاروة شكلو في مصيبة بالموضوعبس طبعا مافي لا مصيبة ةولا من يحزنون .. مجرد أعراض طبيعية لأي جلسة متابعة لمباراة كرة قدم.. وطبعا ما قدرت افهم الحماس الرهيب هاللي بيخلي الواحد يطلع عن شعورو و هوي بيتابع لعبة رياضية عالتلفزيون المهم انا ما بقدر اسكت ....... رحنا عند سيادة الوالد ..... وصار هالحديث الفاشل بابا اي حبيبي هلئ ليش كنتو بتعيطو وبتصرخو متل المدري شو وانتو عمتتفرجو ؟ لان الوحدة جاب كول يا روحي ايوا ....... اي وإزا يعني .... شو أول مرة بجيب كول بحياتو لأ يا بابا لأننا كنا فرحانين طيب وفرحانين ليش لانو نحنا وحداوية ....... منشجع الوحدة ..... لهيك فرحانين طيب ليش ؟ لأنو لعبو حلو حبيبي طيب يعني الجيش ما بيلعب منيح؟ اي حبيبي ما بيعرفو يلعبو طيب ما دام الجيش /حمير لعب / ليش الناس بتشجعها ...... وما دام الوحدة لعيبة لهالدرجة ليش مو كل الناس بتشجعها ؟ ما بعرف حبيبي هون الحوار وقف مؤقتا.. و انا لساتني عمفكر.. و حاول افهم.. ليش الجيشاوية بيشجعو الجيش!!.. شو اللي جبرهن عهالشي // هاد على افتراض الجيش مانهن لعيبة // الشي الوحيد اللي قدرت اوصلو .. انو الله بعاقب الجيشاوية عزنوبهن .. بقا بيخليهن ما بيعرفو يلعبو.. وحسب ما بيقول الشيخ : اقتباس:
رجعنا عند سيادة الوالد وصار هالحديث مجدداً بابا اي حبيبي . خير يا طير؟ هلئ الجيشاوية رح يفوتو عالنار شي ؟ شو شو شو ............ حبيبي شايف هداك الديناصور اللي هنيك ؟ خلصت السيرة هون ؟ أبداً .. مستحيل متل ما توقع سيادة الوالد... ابنو عندو عاهة مستديمة  .. و يبدو انها نادرة جدا .. الله بلاه بابن // معوق كروياً //  حكمتك يارب و تمر الأيام.. و تمر السنين.. و حوارات كتيرة متل هالحوار بيتكرر معي .. ومن كم شهر ...... واقف بسوبر ماركت .........مالي ولا عليي .... عمحاسب الكاشيير و إذ يا حضرات بميكروفون ضخم شق الأرض وطلع بنص خلقتي .. بتطلع هيك .. بلاقي مذيع بوجهو البشوش و حاشر الميكروفون بنص بوزي و جنبو الكاميرا مان... خير يا رب !!!!!!!!  الاحمر هوي المزيع والازرق انا  : هلا فيك اخوي : أهلا و سهلالحد هون مافي مشاكل.. المشكلة باللي جاي.. تخيلو اخونا بالله ترك كل اسئلة الدنيا ....... واجا بدو يسألني شو يا حزركن ؟؟؟؟؟؟؟؟؟ صح!! حبيب.. شو بتتوقع بتكون نتيجة مباراة بكرا ؟! : ليش في مباراة بكرا ؟؟!!!؟!؟!؟! : إي.. نهائي بطولة كأس آسيا ! : و في كاس آسيا كمان؟ : إي.. بكرا النهائي بين العراق والسعودية ..شو بتتوقع بتكون النتيجة؟ : بصراحة ما بشوف فطبول .. طابة ... الخ بالمرة : اي ما بيأثر ..... بس عمأسالك عن النتيجة !! شو بتتوقعها؟ : يعني مصر على موقفك انت؟ : إي طبعا.. شو توقعاتك للنتيجة؟ :  .. توقعاتي انو بحالة فوز السعودية.. رح تتعبى الشوارع بالمجانين والطرقات رح تتسكر .. لهيك بنصح الناس يأجلوا مشاويرهن لبعد بكرا.. و في حالة فوز العراق.. رح تضل محتلة.. : تبا لك /بالاجنبي/ ..طراخ (صوت قفل عدسة الكاميرا)و بتمر الشهور.. و بنفس نفس المكان.. ماشي بأمان الله .. و فجأة.. بلاقي كل واحد ماشي من جنبي .. يتطلع فيني و يبتسم.. و يقول لي بكل عين وقحة "مبروك" غريبة. هواليوم اديش بالشهر بالزبط؟ ترن ترن <------ صوت الموبايل  : مبروك : الله يبارك فيك.. خير؟.. اليوم عيد ميلادي شي؟ : مصر أخدت الكاس يا مان !.. : لا حول ولا قوة الا بالله.. مصر عمتسكر يعني ؟؟؟؟؟ كيف اخدت الكاس : خمرة شو؟؟؟؟ كاس أفريقيا يا حمار .. : يا ويلي ....... هوي افريقيا كلها عمتشرب  : يا تنح بلا زناخة هلئ .. مصر أخدت كاس بطولة أفريقيا! : ياحبيبي ركز.. أخدو الكاس ولا البطولة؟؟: أخدو كاس البطولة.. : ماشاء الله.. و هاد يعني غير الدوري؟: تبا لك/ بالاجنبي كمان / !.. وتسكر الموبايل بخلقتي هلئ ظاهرة هوس الطابة.. من الظواهر الطبيعية الغريبة اللي بحاول دايما افهمها.. و بعجز بسبب الإعاقة الكروية اللي عندي (و ماحدا يشمت .. هيك خلقة ربك ) .. دايما بحاول أفهم.. و بتنتهي محاولاتي بالفشل الذريع!.. و سبب حيرتي و عجزي عن الفهم.. هو اني تعودت اني ما اعمل شي إلا و انا عارف منيح ليش بعملها .. وواخدلها نية.. و محدد الهدف منها.. بقا لهيك مو قادر افهم.. على أي أساس الواحد بيختار انه يكون وحداوي او جيشاوي او أهلاوي هل هي وراثة؟ ولا هوي اختيار مبني على اقتناع ووضوح رؤية؟ و هل يجوز شرعا ان الوحداوي يتجيش / يصير جيشاوي / بيوم من الأيام أو انو الجيشاوي يتوحدن كمان مو قادر افهم.. شغلة سجود الشكر في المباريات هي! الأصل انو الطابة رياضة.. هاد بالنسبة للي بيلعبو.. و ترفيه.. بالنسبة للي بيشجعوا.. لو قلنا رياضة.. فهل الفريق الفايز استفاد على المستوى الصحي من ممارسة الرياضة أكتر من الفريق الغير فايز ؟ و لو قلنا ترفيه.. فما الفضل و المنة و النعمة الربانية في فوز فريق على آخر في "لعبة" الهدف منها الترفيه.. و هل يقابل سجود الشكر من الفريق الفائز بأن يتوب الفريق الخاسر إلى الله و يرجع عن خطاياه و يصلوا ركعتين بنية التوبة ؟ ما هوي لو الفوز بالمباراة نعمة.. بتبقى الخسارة ابتلاء و غضب من الله يعني ؟ خلصنا .........
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
|||||
|
|
04/04/2008
|
#2 | |||||
|
عضو
-- قبضاي --
|
اقتباس:
يعني بفهم من كلامك انت مو رياضي ..او متابع للرياضة .. لهيك بتشوف يلي بعملوا الناس .. بنظرك جنون .. بس يلي متابع رياضية وبكون بشجع فريق ... ومتحمس .. بكون تصرفاته طبيعية ... يعني كل اشي بالعالم والو تأثيرة ... وفي كثير شغلات بعملها اشخاص .. وبتكون بنظر غيرهم جنون .. يعني بجوز يجي شخص .. يقول .. مجانين لاحقين قطعة كروية .. !!  يني في كثير تصرفات للاسنان بجوز تتصنف على انها جنون .. مع انها طبيعية ..  |
|||||
|
|
|
04/04/2008
|
#3 | ||||||
|
عضو
-- قبضاي --
|
مع أني فهمت الموضوع بطريقة أنو كاتب الموضوع ما عندو خلفية عن كرة القدم وجماهير كرة القدم .. بس حبيت أعطي معلومة قالوها دكاترة وعالم كتار ..
الصراخ يللي بصير لما عم يفوت غول بيعطي الإنسان دفعة ليصرخ الإنسان بأعلى صوتو وأنو هالصرخة كافية أنو تزيل الإكتئاب لفترة موقتة وكمان بتخلي الإنسان يطلع كل شي غضب عندو بهالصرخة تبعو .. وبعدها لحالو رح يلاحظ أنو نفسيتو مرتاحة! هي معلومة قالوها اطباء من انكلترا وما بعرف شو قصدهم فيها .. بس يللي بعرفو عن كرة القدم هو انو وقت المباراة الأعصاب بتكون مشدودة وانو لما يفوز فريقنا المفضل نفرح وننبسط ويتحول يومنا لعيد .. او أنو نخسر ونخبي حالنا من العالم .. بس حبيت علق على هي نقطة سبب صراخ الجمهور لما يفوت غول لفريقهم وبس! تحية!
What goes around comes around it's karma baby
(( معروف سابقاً كـRomanista )) Previously known as Romanista |
||||||
|
|
|
05/04/2008
|
#4 | ||||||
|
مشرف متقاعد
|
طيب اذا 90 بلمية من شعبك العنيد والعتيد والصنديد . فاضي لاورا ولاقدامو . بأحسن الحالات بكون موظف . فا هلمواطن يامواطن . كيف بدو يعبي وقتو .
فا بدو أخي بدو . بدو علكة يعلكا . كيف بدا تمرك وقت هلساعة . فكرت فيا هي . ش ي بعرفني . ولأنكا من هيك . الخنايق وضرب الخناجر والمواس . ما ألو والي بس تخلص شي مباراة . هادا عداك عن الأحترام لي بتلاقي داخل الملعب . هي انتي مانك حاكي فيا . عوجا طبعا هادا رأيي والمتواضع انا . أقبر حالي ريتني انا .
إذا أنصت قليلاً ........ فسوف تسمع صوت السنافر
عفكرة ... حمص أنا حاميها |
||||||
|
|
|
12/04/2008
|
#5 | |||||||
|
عضو
-- مستشــــــــــار --
|
ههههههههههههههههههههههههه هههههههههههههههههههههههه
ههههههههههههههههههههههههه هههههههههههههههههههه هلا اول شي انا فرطت ل الله من الضحك طريييييييقة رائعة ابو حميد انا برأيي تروح تنافس سامر كاسوحة بالرياضية  المهم ما بعرف ,,,,,,, عنجد ما بعرف ,, ليش ؟ ما بعرف ؟ ما حابب علّق على هالموضوع باعتبار انو انا ما بعرف يعني شو الداعي من متابعة المباريات اقتباس:
ليييييييش عم تشجعو الفرق وعم تعيطو وتصرخو وانا بقلك ,, ما بعرف
,, Abu Mustafa ,,
الخيار لك...والرغبة منك...والحل بيدك...لنكون كلنا معا في سبيل مستقبل أخوية... .. عقلنا .. ليس وظيفته التفكير .. لكن لرفع مستوى الادرينالين عندما نفعل شيئا منافيا له .. .. احتجاج دماغي . |
|||||||
|
|
|
12/04/2008
|
#6 | |||||||||
|
مشرف
  |
يعني مابعرف .. انو الشغلة عادية كتير مامستاهلة
يعني متل مافي ناس عندا هوس بالكتب والقراية وهالحكي هادا المعت في ناس الا هواية بالطابة وروح قلبا الطابة يعني عادي شغلة متل غير بتنحب وبتنعشق وبصراحة انا مابتخيل الدني بلا طابة ولا دوري اقتباس:
ازا كنت شامي .. عندك تلت احتمالات يااما تكون وحداوي ياجيشاوي يامجداوي يابتشجع الشرطة هادا شي راجعلك حلبي مابتقدر تشجع غير الاتحاد او الحرية او عفرين حمصي الكرامة او الوثبة ديري الفتوة او اليقظة من اللادقية تشرين او حطين جبلة ماقدامك غير جبلة طرطوس لازم تشجع الساحل درعا لازم تشجع الشعلة رقاوي بتشجع الشباب حماة لازم تشجع الطليعة او النواعير من القرادحة بتشجع القرداحة ( بس يعني ازا كنت من القرداحة ازا بدك شجع غير نادي ماحدا بيحكي معك شي هه انت وضعك خاص )كنت من الجزيرة لازم تشجع الجهاد او الجزيرة من مدريد لازم تشجع ريال مدريد من برشلونة لازم تشجع برشلونة وهـــكذا .. يعني طبيعي جدا اقتباس:
بدك تمشي ع النادي اللي انت قررت تشجعو من بداياتك واللي تربيت ع تشجيعو واللي اهلك بشجعو وهيك مي بطاطا .. اقتباس:
يعني بلعبو منيح .. وبحطو غول منيح وبفوزوا بالمباراة .. بسجدوا شكر لا الله لانو وفقن بهالمباراة يعني انا ازا كنت عبتابع مباراة وحط الاتحاد او الكرامة مثلا او المنتخب غول وفازو بشي مباراة مهمة بسجد شكر لا الله لانو خلانا نفوز بهيك مباراة او مثلا ازا كنت عبلعب طابة يعني بشي مباراة مهمة وحطيت غول كمان بسجد شكر لا الله انو شو المشكلة بهالقصة كمان ؟
اللــي طــــالع الجحش ع المأدنة .. بنزلـــو
|
|||||||||
|
|
|
12/04/2008
|
#7 | ||||||
|
عضو
-- مستشــــــــــار --
|
منشال موضوع اختيار الفريق هاي بتجي بالبداية بالفطرة و بعدين بس تكبر و تكون رأيك بتصير شغلة قناعة و بعدين مبدأ
يعني انا من ايام الطفولة كنت متلت ما بتابع بس بحب احضر لانو تعابير وجوه المتابعين كانت رهيبة يعني العالم عالتلفزيون و انا على العالم طبعا الوالد كرماوي مع الكبران صرت استوعب شوي و صرت تابع و باعتبار عندب ولاء لجزوري حبيت الكرامة و لعبهن و صار دمي ازرق و برتقاني بالنسبة للفرق العالمية لما بتشفلك كم مباراة يا بتحب اسلوب لعبهم يا اما بيعجبك شي لاعب و بتحس حالك منجزب للنادي و بتصير تشجعو و هكزا عل الاندية و المنتخبات و هلم جر اما الفائدة فهي تنفيسية يعني مانا عم نفوز على حدا لا اسرائيل و لا اميركا بالطابة بيصير في الك شي عم يفوز هداك اولا اما تانيا بيصير في موضوع ضخم للنقاش بين الشباب احسن ما يقعدو يحكو عن البنات ...او السياية ... سجدة الشكر : بيكون اللاعب متل ما بتعرف عن سجدة الشكر متل ندر اذا حط غول بدو يسجد سجدة شكر لله انو حط غول او فاز فريقو االاعب لازم ينبسط و يسجد لانو بيجي من ورا الغول و الفوز و البطولات مصاري و هدايا و بيصير في شهرة كل امة الله بتصير تعرفو الا انت
ما لقيت و لا وحدة بتستاهلني
Only the Almighty God can judge me |
||||||
|
|
|
27/05/2008
|
#8 | ||||||
|
عضو
-- مستشــــــــــار --
|
هاد يا سيدي عنا نفس القصة اخواتي كتير بحبو المباريات وبتابعوا كل الدوريات محلية عربية عالمية ...كاس العالم وهلق كمان انتقلوا لكرة السلة وصارت قصتهم قصة معهم ولما ما يكون في مباريات وهاد نادرا بيقلبوا قنوات الرياضة وبيحضروا رياضات نسائية سباحة اي شي المهم رياضة ...وكمان تطورا وتحولوا للتعليق اذا ما بيكون في شي عالتلفزيون بيفتتحوا مباراة بالحارة وبيعينوا معلقين وحكام واقعد تفرج....
وعنا كمان لما يكون في مباراة يا حرام انو الوالد ما بيكون في مجال يحضر عالجزيرة لانو بيصير حرب والعيلة بتتشتت وما بيعود في حدا بالبيت منشان هيك يا حرام بيرضخ لرغبات الرياضيين وبيحط عالمباراة وبتقعد العيلة وبيصير الانسجام والصرخات والطوش... واحلى شي عندك متلا مشجعين لريال مدريد ولبرشا ولما ييجي هجمة حلوة لاحدهم مشجعين الفرقين بيصرخوا واحد بدو هدف وواحد بيدعي ما يكون في هدف.... اما بالنسبة لانو ليش؟؟؟؟ سؤال صعب صراحة بس بتوقع انو السبب بيكمن بطبيعة الانسان لما ينثار ولمبدأ التوقع ...يعني لما تتوقع شي وما يصير كردة فعل ممكن تصرخ .... والله ما بعرف بس موضوع حلو
تباً إننا جيل كامل من الانتظار .. متى نفرغ من الصبر .. و من مضغ الهواء ..
اتعرى من الجميع كي أجدني,,,, فأضيع !!!! حاولتُ أن أغرق أحزاني في الكحول، لكنها، تلك اللعينة، تعلَّمَت كيف تسبح! |
||||||
|
|
|
27/05/2008
|
#9 | ||||||
|
مشرف متقاعد
|
وما بتحب الرياضه ليش منزل موضوع عن بطولة اوروبا
ما بدي شوفك بالساحه الرايضيه بنوب هاا  انا بتابع المباريات كتير وبشجع وبتحمس وبسب ..وببلش بابا يناديلي رامي ... ( عاساس ريم متل رامي يعني ) وهيك بحس بدمي فار ... وكل هالحركات .. بس هالغالي الي عندي ما بحب كرة القدم وبيقلي شو بيبحببك بكم واحد عم يركضو ورا طابه انو ليش يعني !!!!!!!!!!!!!! فيعني نحنا متبادلين الادوار شو هالعمر اللي مش باقي شي لولا الوقت الولا خلى شي خلالي طريقي و رح أمشيه
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
بتضلي ناطرتيني عنكشي 
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 22:26 (بحسب عمك غرينتش الكبير +3)