المنحوس منحوس الجزء الأول

[Abu ToNi]

المنحوس منحوس الجزء الأول
التركس اليهودية

من البديهي ان لعب الورق بشتى أشكاله هو لعبة حظ بالدرجة الأولى والتركس ايضا تنطبق عليها هذه القاعدة " ما بعرف ليش عبيطلع الحكي معي مدوزن اليوم "
وباعتبار ان القرد بعين امه غزال " حكمة جانبية " والعزال اسرع من الفيل مع العلم ان الفيل بياكل اكتر يعني بيحمل طاقة اكبر للركض يعنى لازم يكون اسرع نظريا .
انطلاقا من الفكرة السابقة ويإعتبار ان رواد الأحوية كلهم شريبي متى ولعيبي ورق وحرضا مني على ان لا يحدث بالأخوية مثلما حدث ع جمزة لعيب الشدة .
وباعتبار " يلعن اخت كلمة اعتبار شقد تكررت " انه المنحوس منحوس ولو علق على مدري وين فانوس , وان المواطن السوري جاي ستاندر منحوس .
وباعتبار ان قوانين النحس تسري ايضا على الورق مثلما اسلفنا بدنا نحكي على وضع المنحوس بالورق وكيفية التعامل مع النحس ومجاراته باعتبار عندي خبرة سنين بهاد المجال .
وباعتبار اني انسان بيمتلك عقل رياضي وباعتبار في نسبة لا بأس فيها من الحشيشين رياضيين هون .
يدس احكي شوي شو بيعمل المنحوس اذا خطر له يقعد على الطاولة هو وشايل نحسه معه .

مع الملاحظة اننا عمنخكي حاليا فقط على التركس ممكن اذا كان في تفاعل مشجع اتشجع انزل موضوع عن الطرنيب ال 41
بدي نحكي على الألعاب الخمسة بالتركس : ختيار ، دينار ………..

اولا الختيار :
لسهولة درس حالة المنحوش بالوضع هاد بدنا نعتير اللي سما الختيار هو القاعد قدام المنحوس سمّا ختيار وشلف كوباية من ايده وصاحبنا المنحوس " بحكم انه منحوس : شايل قطعة كوباوية و آس " الرجاء القراءة باللغة العربية احسن ما تلمنا الأخلاقية "
وصّل الدور لعند صاحبنا المنحوس الملتعن حظه قعد يحسبها : " خيو ما عندي غير خيارين يا بحط الآس " بلا معنى " على الطاولة يا اما بشلف القطعة "

بيجي صاحبنا بده يشلف القطعة بمحاولة للتحايل وتهريب الآس على شي ورقة بيرجع بيقلبها بعقله :" خيو نحن 4 على الطاولة كل واحد معه نفس العدد من الوراق مشان هيك احتمال يكون الختيار بايد شي واحد مننا هو 25% بشكل تاني احتمال ما يكون مع اللي بعدي الختيار هوي 75% "
على هاد الاساس بيتراجع صاحبنا وبشلف الآس لكن فجئة بيطلع الختيار مع اللي بعده وبياكلها بدون ما يتصلى عليه ."

وانا من عندي بقول لك على الأغلب بده ياكل الختيار للأسباب التالية : رجعنا للدوزنة "

خلينا نسمي الشخص االقاعد على :
قدام المنحوس " قدام وليس مدام " باللاعب 1
على يسار المنحوس اللاعب 2
المنحوس هوي نفسه المنحوس
على يمين المنحوس اللاعب 3

خلينا نسترجع الأحداث 1 شلف الورق وصل الدور لعند المنحوس دق الآس على الأرض قام اتجنز بالختيار من 3


الحسابات
اولا مما لا شك فيه انه 1 ما معه الختيار ولو كان معه ما كان شلف كوباوية من ايده واكيد المنحوس ما معه الختيار معناها اكيد الختيار مع 2 او مع 3 معناها احتمال يكون مع ال 3 هوي 50% بدل 25% فرقت القصة كتير .


شو الحل ؟!

هلق لو كنت بدل المنحوس شو ممكن تعمل ؟!
نصيحتي الك بحركة خفيفة نظيفة مد رقبتك على ورق رفيقك واعمل نظرة حبية بركدا بتعرف الختيار مع مين
اذا ما ظبطت معك جرب حظك على الأقل احتمال 50% ما يكون معه الختيار


ترقبوا :
في المشاركة التالية
المنحوس بيطلب ديناري

[suryoyo]

هلق لو كنت بدل المنحوس شو ممكن تعمل ؟!
نصيحتي الك بحركة خفيفة نظيفة مد رقبتك على ورق رفيقك واعمل نظرة حبية بركدا بتعرف الختيار مع مين
اذا ما ظبطت معك جرب حظك على الأقل احتمال 50% ما يكون معه الختيار

بما ان المنحوس منحوس ... في احتمالين

يا اما الرفيق يكشف محاولة الغش ... و يطلع المنحوس من اللعبة يعني خسارة 100%


الاحتمال الثاني
و لذلك حتى ما ينكشف المنحوس ... رح يضطر انه يشوف ورق رفيقه بنظرة سريعة
فاحتمال 75% يشوف الولد و يتخيلو الختيار ...... و تطلع الشغلة انحس من النحس


لذلك يبقى على 25 % ربح احسن

[leoprad]

في طريقة تانية ممكن تخفف الحتمال عليك
بما انو الختيار مو معك و لا مع شريكك فهو يا مع 2 او 3 هلق انت بتشوف ورقة 2 اذا كانت عالية شب او بنت او عشرة او تسعة معناها 2 معو الختيار و بدو يستلم منشال يطلب طلبو لشريكو بتقوم بتحط الآس و الأص
اما اذا كانت ورقة 2 واطية معناها هوي موافق على تشليح الكوبة و انو الختيار مو معو فوقتها بتخللي الأص بايدك و بترمي التانية
الا اذا كان 2 ما معو غير ورق عالي فبهيك فعلا بيكون منحوس و بط .. فانوس
طبعا هادا الحكي اذا كانو اللعيبة معلمين تركس

[Abu ToNi]

مزيوط حكيك بس المنخوس منخوس فأكيد بده يكون 2 ما معه غير ورقى عالية
ههههههههههه