آلة البزق الموسيقية ما أخدت حقها بالأغاني العربية!

[kandalaft]

كاتب النص الأصلي : romanista

والله عندي رفيق إسمو حسن . سمعني شريط كاسيت عود هادي بيجنن .. بس لحن للعود .. بصراحة بحترم هالناس يللي بتحب تسمع رواق طول الوقت .. وأنا بسمع كمان أغاني هادية بس مو دايمان!!

تحياتي!

يا سيدي الله يوفقك و منتمنالك كل خير على كل حال هي الشغلة شغلة اذواق

[Placebo]

يا مسهر عيني

أكيد بعرف غنية إشتقتلك .. وبعرف رامي عياش من وقت ما طلع وقت كان يغني خليجي وكمان وقت غنى بغنيلا وبدئلا .. أنا بعترف أنو لما كنت شب كنت حب أغانيه كتير كتير .. بعدين مرت فترة إنقطاع .. لحتى طلعت هالغنية الإسطورية تبع حبيتك أنا .. يلي لما إسمعها .. بسترجع ذكريات حلوة كتير صارت معي بالشتوية ..

إشتقتلك غنية حلوة .. بس حبيتك أنا غنية أحلى وفيها قصة أحلى .. واحد عم يتعذب كرمال حبيبت ألبو .. آخ على هالكلمات يللي بتجنن :

(آه لوين عم تاخد عمري مني .. أنا كيف من بعدك فيي غني .. آه ياريت كلما رح تحكي عني .. تتذكر إني .. حبيتك أنا )

(عزاب بيكفي أنا قلبي كتير تعبان.. أنا عتبي عليك .. عقسوة عينيك .. عقلبي يلي سلم حياتو بإيديك )

kandalaft

الله يخليك يارب .. وشكراً كتير كتير على خدمتك إلنا يا غالي!

[قليل مروة]

كاتب النص الأصلي : kandalaft

هلق انا مقدر وضعك انو ما الك مروة ترفع ايدك عن رجلك بس يا اخي نتور حالك عالسوق فشخة و جبلك سيدي لمحمد عبد الكريم
على فكرة يمكن ما نزلت عالسوق من زمان
بس هلق في اختراع اسمو سيدي و كمان mp3 يعني بتلاقي عليه كل معزوفات محمد عبد الكريم
على كل حال يا اخي انا وقتي ضيق كتييييييييييييير كتير بس اذا الله يسرلي و الله لنزلا و لعيونك يا طيب
احلا شباب اخوية
و شكرا كتير لفراشتنا الحلوة
ميمو
بحب اشكرا بشكل خاص و دايما
مع انو الوقت مو مناسب
و لا الموضوع بس شو بدي اعمل

والله انت جبتا فكرة كتير رائعة بس يعني الصراحة مو منشان مالي مروة انزل على السوق كمان قلت لحالي بوفر شي 7ليرات سعر السي دي ولا صار سعرو اكتر من سبع ليرات؟؟؟لأنو على ايامنا يعني من شي 50 /60 سنة هيك كانت اسعار السيدي وتاج راسي كمان وأصلي ومكفول وبيشتغل على الوجهيناما بالنسبة لفكرة انو هي فشخة بنزل على السوق فهي كتير صعبة لانو هي الفشخة بتتطلع شي 2000كم وصعبة شوى ما؟؟؟ واذا بدي افشخ على السوق يلي انا فيه وبسألون عن سيدي ل محمد عبد الكريم رح يفشخوني مرة تانيةلأنو مو سامعين فيه يا حبوبهون بيسمعو كلشي حاطط غترة وعقال وعقال عندكون بالأفراح وشكرا لردك الكريم وتقبل تحياتي