فوبيا........(شامي حتى العضم)

[f_fattal]

مساء الخير اخوية.....
كلنا منعرف شو يعني فوبيا هي الخوف من شيء معين لدرجة الرهاب شو رأيكن نحكي عن مخاوفنا شوي؟؟؟؟
انا حبلش بحالي اوكي.....
انا عندي فوبيا من اني طلع رجلي من تحت الشرشف او الحرام قد ما كنت مشوب بحس كأنو حدا حيمسكني منهن
وعندي فوبيا من القبر لذلك مابحب نام بالعتمة ابدا بحس كأني بالقبر هادا حتى الان شاركونا شباب وصبايا......

[نسر الشام]

فوبيا ( دكتور الأسنان )
وقت يبلش بالحفر تقول ( عامل بلدية او صرف صحي )

[f_fattal]

هلا بنسر الشام فوت على موضوع دمشق بالصالون وحكيلنا على منطقتك....

[farbella]

وانا بمووووووووووووت رعبة من دوكتور السنان دايما بغوطن لما فوت لعندو
وبخاف من الدوش بخاف اختنق مع اني بموت بالسباحة بس الدوش بيخاف منو.. جناااان

[f_fattal]

كاتب النص الأصلي : farbella

وانا بمووووووووووووت رعبة من دوكتور السنان دايما بغوطن لما فوت لعندو
وبخاف من الدوش بخاف اختنق مع اني بموت بالسباحة بس الدوش بيخاف منو.. جناااان

زكرتيني انا بخاف من برداية الدوش بخاف حدا يمسك سكين من وراء الستارة متل افلام الرعب يعني.....

[mey]

و الله انا الفوبيا الوحيدة الي عندى فوبيا الحشرات بموووووووووووووووووت رعبة من اي حشرة

[كل شى اوهام]

والله فوبيا يالى عندى غير شكلك ما بنام بالعتمه ابدا لو على موتى ..حتى لو كنت نايمه ماما بتجى وبطفى الضوء ئال مشان انام منيح بفيئ خايفه وببكى وئلها شعلى الضوا..
وكمان بخاف كتير يعنى لازم ئبل ما انام اتاكد من الباب البيت مسكر ولا لاء واذا كنت بسياره ومريت لمكان هيك عتمه برتعب وبئفل الباب

[volanis]

بتصدء اذا ئلتلك انو ما بخاف من اي شي بس سؤال
شو دخل عنوان الموضوع بي انك شامي حتى العظم ولاء وشو كمان بين قوسين ؟؟؟؟

[f_fattal]

كاتب النص الأصلي : volanis

بتصدء اذا ئلتلك انو ما بخاف من اي شي بس سؤال
شو دخل عنوان الموضوع بي انك شامي حتى العظم ولاء وشو كمان بين قوسين ؟؟؟؟

يا عزيزي شامي حتى العضم شعار الشلة ونحن حبينا نحط الشعار مع اي موضوع وشو ما كان حتى اعضاء الشلة يفوتو ويشاركو

[f_fattal]

كاتب النص الأصلي : volanis

بتصدء اذا ئلتلك انو ما بخاف من اي شي بس سؤال
شو دخل عنوان الموضوع بي انك شامي حتى العظم ولاء وشو كمان بين قوسين ؟؟؟؟

شامي حتى العضم شعار الشلة حبيت حطو بكل موضوع بشارك فيه اذا ما عندك مانع يعني