اعتقال الدكتورة فداء الحوراني رئيسة المجلس الوطني لإعلان دمشق

[MadMax]

كاتب النص الأصلي : yass

هالجماعة لا بتدوّر حكم و لا تطرح نفسها كبديل للنظام, و لا عندهون مشروع سياسي بالحكم أبدا.....عندهون تطلّع للاصلاح السياسي و الاقتصادي الشامل بمشاركة الكل. حتى البعث ما بيرفضوه..... منتدى الأتاسي بأيامو كان مليان بعثية, و عمرهون ما رفضوا وجودهون أو ما حاوروا معهون

ممكن ...... ( مع اني مو كتير مقتنع )
بس عموماً متل مو مبين ... هدول مجموعة من التيارات و القوى السياسية ... عم يشتغلوا من أجل تغيير
سلمي ديمقراطي ( متل ما عم يقولوا )
و أول ما بيحصل هالتغيير ..... رح تشتغل الخلافات بيناتهون .... لأن بالاساس ... ما في شي بيجمعهون ... غير معارضة الحكم الحالي ( متل ما شفنا اجتماع لمعارضة الخارج بين الاخوان المسلمين و رفعت الاسد )





المشكلة لأنو لحد الآن مافي قوة سياسية معارضة بتتمتع بقاعدة جماهيرية واضحة بسوريا

[Moonlights]

هذا لا يكفي يمكنك العودة إلى إرشيف 2005 وتبحث فيه
ثم الرد بكذب ولا ليس كذب لا يفيد أحداً

[yass]

كاتب النص الأصلي : Moonlights

هذا لا يكفي يمكنك العودة إلى إرشيف 2005 وتبحث فيه
ثم الرد بكذب ولا ليس كذب لا يفيد أحداً

أرشيف مين؟؟ سيريا نيوز وللا شام برس؟؟

عارف دليلة من وين يعني؟

[yass]

كاتب النص الأصلي : Madmax

ممكن ...... ( مع اني مو كتير مقتنع )
بس عموماً متل مو مبين ... هدول مجموعة من التيارات و القوى السياسية ... عم يشتغلوا من أجل تغيير
سلمي ديمقراطي ( متل ما عم يقولوا )
و أول ما بيحصل هالتغيير ..... رح تشتغل الخلافات بيناتهون .... لأن بالاساس ... ما في شي بيجمعهون ... غير معارضة الحكم الحالي ( متل ما شفنا اجتماع لمعارضة الخارج بين الاخوان المسلمين و رفعت الاسد )





المشكلة لأنو لحد الآن مافي قوة سياسية معارضة بتتمتع بقاعدة جماهيرية واضحة بسوريا

مو عالأساس عم نحكي عن معارضة مو عن كراكوزات؟؟؟؟

[MadMax]

كاتب النص الأصلي : yass

مو عالأساس عم نحكي عن معارضة مو عن كراكوزات؟؟؟؟

كل القوى لما بتكون معارضة .... بتكون مثالية
و الأغلب بيتحولوا لكاراكوزات .... لما بيستلموا الحكم

[yass]

كاتب النص الأصلي : Madmax

كل القوى لما بتكون معارضة .... بتكون مثالية
و الأغلب بيتحولوا لكاراكوزات .... لما بيستلموا الحكم

ما عم نقول هالجماعة ما عم بيدورو حكم!!!

بعدين الاخوان كراكوزات من هلأ مافي داعي يستلمو

[ASH]

كاتب النص الأصلي : COSTA

كل عمرها المعارضة بتكون لاجل الوطن والمواطن
بس لحد هل ما قدمت المعارضة برنامج سياسي او برنامج اقتصادي او حتى برنامج اجتماعي
طيب ليش اهتمامها عم يصب فقط على الاطاحة بالحكم وعلى الديموقراطية المتامركة المزعومة
يعطونا شي غير التصاريح يللي عم يناقضو فيها الحكم ....
بعدين ليش حتى هلأ فاقوا ؟؟؟
وين كانو من عشرين سنة هالمعارضة

نفس الفكره بس باسلوب غير

نفس سؤال وين كانو من قبل ؟؟

وليش همه بس الحكم كرئيس مو اي شي تاني ؟؟

[yass]

كاتب النص الأصلي : ASH

نفس الفكره بس باسلوب غير

نفس سؤال وين كانو من قبل ؟؟

وليش همه بس الحكم كرئيس مو اي شي تاني ؟؟

عن مين عم تحكي انت؟؟ لحتى اعرف اجاوبك الا لأ

[ASH]

عم المعارضه بشكل عام ياس عن المعارضه بشكل عام ، ليش بدات المعارضه بشكل فعلي سب من فترة 7 سنين تقريبا كشي فعلي ؟؟؟ قبل هل فتره كان في معارضه بس وين كانوا مختفين مثلا؟؟

[yass]

بالسجون آش!! عم تتفل عالتاريخ لما تقول انو رياض الترك و بو علي ياسين الله يرحمو بديو من سبع سنين

[sezar]

كاتب النص الأصلي : Moonlights

كيف تستطيع أن تفسر رفض المجتمعين إدراج أسماء الشخصيات "العلوية" المشاركة في إعلان دمشق عند صدوره بحجة أن "العلويين" من أتباع السلطة ؟!

بتعرف عبد العزيز الخير من وين ؟

[ASH]

كاتب النص الأصلي : yass

بالسجون آش!! عم تتفل عالتاريخ لما تقول انو رياض الترك و بو علي ياسين الله يرحمو بديو من سبع سنين

انت لاحظة شي انو حكتلك كانو موجودين من قبل ، بس باخر كم سنه بلشو يطلعوا كأصوات عاليه ؟؟؟

انا ما قللة من أهميتهم ولا حكتلك انهم ولاد مبارح

[yass]

كاتب النص الأصلي : ASH

انت لاحظة شي انو حكتلك كانو موجودين من قبل ، بس باخر كم سنه بلشو يطلعوا كأصوات عاليه ؟؟؟

انا ما قللة من أهميتهم ولا حكتلك انهم ولاد مبارح

آخر كم سنة صار في انترنت يحكي عنهون و انت سمعت فيهون... هاد الفرق. هنن موجودين من زمااااااااااااان

[Majood]

كاتب النص الأصلي : yass

أي لا تسميهون معارضة.... سميهون X

في ناس تدمرت حياتها بالسجون من ورا أفكارها و مشاريعها و عملها من أجل حياة أفضل بوطن أفضل و بدون ما يستعينو بحدا و لا يرفعو سلاح بوجه حدا..... هدول معارضة

اييييييييييييييييه ....... لا تزكرني يا ياس .......

و بعدين مشان وين كانو ....... ما في داعي ينشرح وين كانو ....... لأنو الكل بيعرف ..... هنيك كانو

[phoenixbird]

طيب رح نكون واقعيين شوي
فيون يقدموا برنامج سياسي واقتصادي شامل للاصلاح
باعتبار مو هدفون لا الاطاحة ولا عندون مشكلة ضد الحزب

ووقتا بصير الحكي

اما اذا كان هدفون الرئيسي الحكم واسقاط النظام هون بيختلف الحكي
ليصير السؤال قادرين يحكموا ولا رح يصير قانون الغاب وواحد ياكل التاني ليبقى الاقوى

[phoenixbird]

على فكرة هلا انا مش محامي الشيطان

[yass]

ما فيك تطلب من ناس ملاحقين, بدون أي فرصة مشاركة أو ابداء ري انهون يعطون برنامج سياسي و اقتصادي شامل ع قولتك. و من الظلم الحكم بأنهم لا ينفعون لاعطاء برنامج أو المساهمة بالتغيير لما ما عطيتهم فرصة و أفسحتلهون مجال مشاركة


منشان ما ينفهم كلامي غلط: ما عندهم مشكلة بالتعاون مع حزب البعث بأشخاص و كتنظيم سياسي في سبيل المصالحة الوطنية و التغيير التدريجي لكن الجذري و الشامل. مو و الله يظل الحكي عالمادة 8 !

[phoenixbird]

كاتب النص الأصلي : yass

ما فيك تطلب من ناس ملاحقين, بدون أي فرصة مشاركة أو ابداء ري انهون يعطون برنامج سياسي و اقتصادي شامل ع قولتك. و من الظلم الحكم بأنهم لا ينفعون لاعطاء برنامج أو المساهمة بالتغيير لما ما عطيتهم فرصة و أفسحتلهون مجال مشاركة


منشان ما ينفهم كلامي غلط: ما عندهم مشكلة بالتعاون مع حزب البعث بأشخاص و كتنظيم سياسي في سبيل المصالحة الوطنية و التغيير التدريجي لكن الجذري و الشامل. مو و الله يظل الحكي عالمادة 8 !

الجزء الثاني متفق معك فيه

بس بالاول
انا ما عم بظلمون وما عم اتهمون انو مش قادرين لاعطاء برنامج

وليش لحتى ما يقدموا برنامج للاصلاح اللي هني طالبينه ؟

وبرايك اليوم الكرة في ملعب مين؟