مبروك علينا .. وزارة جديدة

me2 · 12/02/2006

مدري مبروك علينا .. وزارة جديدة .. مدري الله يكون بعونا ...

على الأقل الوزارة الجديدة فيها واحد معروف أنو حرامي اسمو عمر سالم ..وواحد معروف أنو نسونجي ومريض نفسي أسمو محسن بلال .

يعني هدا عمر سالم اللي كان وكيل أبل ماكنتوش .. ياريتو ماكان توش ...

هدا واحد ابن حرام بسبع شطرات ... حرامي من الدرجة الممتازة ومعو شهادة نصب واحتيال من كافة فروع الموساد وغيرها وكان موظف بمايكروسوفت ..

وبعد أن نصب على العباد حتى كفروا .. حان اليوم وقت الدولة أو وقت سرقة الدولة ..

الله يستر ...مع أنو واضح أنو مو ناوي يستر على اللي مابدهم السترة ..

me2 · 12/02/2006

ياريت كل حدا بيعرف معلومات مؤكدة عن حدا من الوزراء يحطها هون .. بلكي بيستفيد منها جهاز المخابرات المكلف بتصفح الأنترنت ؟..

WHITESNAKE · 12/02/2006

شريك ذكرني بعمر سالم اذا سمحت

me2 · 12/02/2006

اقتباس:

كاتب النص الأصلي : WHITESNAKE

شريك ذكرني بعمر سالم اذا سمحت

شبنا ... كان وكيا أبل . مكتبو بالروضة .. سمين متل الدب .. كرشو كبير .. أصلع شوي .. حلتو سودة الله يسود وجه اللي رشحو ..نمرة رجلو خمس وأربعين .. كان عضو مجلس ادارة الجمعية السورية اللامعلوماتية منذ نعومة أضافرها و حتى يوم كشرت عن أنيابها .

WHITESNAKE · 12/02/2006

لأني بعرف انو خالد حبوباتي كان وكيل آبل بسوريا وكان اسم شركتو السورية للحلول المتكاملة
بس حاسس حالي بعرفو لعمر سالم!!!!!!!!!!

me2 · 12/02/2006

اقتباس:

كاتب النص الأصلي : WHITESNAKE

لأني بعرف انو خالد حبوباتي كان وكيل آبل بسوريا وكان اسم شركتو السورية للحلول المتكاملة
بس حاسس حالي بعرفو لعمر سالم!!!!!!!!!!

حبوباتي ورثها .. أصلها مع عمرو سالم ...

صقر العروبة · 12/02/2006

الله يسقي ايام عبدالحليم خدام ؟؟

ماكانوا في هيك وزاراء واحد حرامي ومعه شهادات من الموساد والثاني نسونجي ؟؟
بصراحه نسونجي قوووووية قوووووووويه جدا

me2 · 12/02/2006

الكاتب: الدومري السوري

ماذا يعني التغيير الوزاري الجديد في سوريا
الجواب: لا شيئ

1- لا تغيير في السياسة الإقتصادية للبلد، لأن وزراء الإقتصاد والمالية ونائب رئيس الوزراء للشؤون الإقتصادية حافظوا على حقائبهم. أي بالمشرمحي لا تتفآلوا بالخير لأنكم لن تجدونه.

2- تعيين قائد الشرطة العسكرية وزيرا" للداخلية يعني لا تساهل مع الموطنين (المدللين والمايعيين) بعد اليوم. فهذا الوزير قضى كل عمره مع العسكر وفجأة عليه أن يتعامل مع الناس فيما هبّ ودبّ من القضايا المدنية.
وأغلب الظن أنه سيحلّ كافة مشاكل المواطنين على الطريقة العسكرية (إما 16 يوم أو حلاقة عالصفر).

3- إبقاء وزير التربية في منصبه دليل جاد على المضي في سياستنا التعليمية التي لا علاقة لها بالميول والإبداع الفردي، وسنمضي معا" في مبدأ "شعب واحد، منهاج واحد، فحص واحد."
أما إحضار وزير (مفتـّح) لا ينتمي للعصر الجليدي لتطبيق السياسات التربوية للدول المتحضرة، فهذا غير وارد الآن لأننا زعلانين من كل البلاد (طبعا" ما عدا إيران وقبائل المارولوس في بوليفيا). إضافة إلى أن الرفاق الحزبيين المسؤولين عن السياسة التربوية يخشون تهيئة أجيال ذكية فينكشف مدى غبائهم العلمي.
ولهذا سيبقى لدينا شهادة إعدادية وشهادة ثانوية. وستبقيان سلاحا" بيد الدولة للتغيير الطبقي المبرمج، وسيبقى أبناء المسؤولين والعسكريين والمقربين هم من يحصلون على (المجاميع) العالية في تلك الشهادات بشتى الأساليب، بالرغم من أن هوياتهم الشخصية تقول (متخلفون عقليا") تحت بند العلامات الفارقة.

4- إقصاء الحرامي مكرم عبيد وزير النقل السابق خطوة مهمة (ربما تمّت عن طريق الخطأ). على كلٍ لا أعتقد أنه يكترث لأنه يريد أن يمضي ما تبقى من عمره في التنعم بما لطشه أثناء فترة خدمته.

5- الإبقاء على وزير الإدارة المحلية هو فعليا" في مصلحة المواطن.
لأنه لو كانت لدينا خدمات جيدة في كل ما يتعلق بهذه الوزارة لما استمتعنا بأي سفرة خارج سوريا، ولما كان لدينا قصص عن حضارة العالم الآخر لنتلوها على الأصدقاء عند عودتنا. ولكانت اندثرت مقولة (بدّنا مليون سنة لنصير متلّن).

6- الإبقاء على المزّيكاتي، الوزير "تسلملي هالصلعة"، أو آغا القلعة، وزيرا" للسياحة لا يقدم ولا يؤخر. فبديله يجب أن يكون من حاملي شهادات لم تسمع بها الدولة أصلا".
والرجل مغلوب على أمره بين رئيف قوتلي ( وكيل الخرافي وشريك ماهر الأسد) وبين بقية الشلّة، فهو يوافق على مشروع الإستثمار فقط ثم يرفعه لمعلمه "أبو الجوج" رئيس الوزارة.
وعلى كلٍ (مزّيكاتي بوزارة السياحة أحسن من عشرة بوزارة الصحة).

7- تمّ المحافظة على السيدات في الوزارة لعدة أسباب:
منها أنه "ماحدا قدّ حلق النسوان"، (مع إحترامي لكافة السيدات)، ومنها أن عملهم سرّي للغاية.
فلا أحد فعليا" يعرف ما تفعله بثينة شعبان، وزيرة المغتربين، باستثناء أنها نازلة كتابة مقالات وسلخ نظريات على أبو موزة.
وإذا أردتم معرفة نجاحها كوزيرة فعليكم أن تسألوا الأخوة المغتربين.
طبعا" نحن نستعملها أيضا" عندما لا يفهم الغرب (علاكنا المصدّي) باللغة العربية، فنرسلها للفضائيات لتشرح هذا العلاك باللغة الإنكليزية.
لكن بعد تعيين عدوها اللدود فاروق الشرع نائبا" لرئيس الجمهورية، فإن مستقبلها السياسي "فات بالحيط".
أما الوزيرة ديالا الحاج عارف، (وأنا أسميها الحاج ديالا العارف، نظرا" لأنوثتها وأناقتها المفرطة!!!) فأيضا" لا أحد يعرف ما تفعله، بإستنثناء نقمتها على مكاتب تشغيل الخدم ومنعهم من ممارسة عملهم تحت الضوء. فأصبحوا يعملون في الخفاء وخسرت دولتنا ما كان يمكن تحصيله من ضرائب عن أعمال هذه المكاتب. كما أنها إختصاصية في رفض ترخيص أي شيء له علاقة بوزارتها من جمعيات أو هيئات أو مراكز ونوادي مدنية.

8- وزيرا الصحة والعدل معروفان أنهما "تشاتيش" يخافون من خيالهم، ولهذا بقيا في أماكنهم.

9- تعيين الوزير رياض نعسان آغا وزيرا" للثقافة يتمشى مع "ثقافة النفاق" التي تبناها منذ كان يكتب مقالات الرئيس الراحل حافظ الأسد. و(فلتت معه القريحة) منذ ذلك التاريخ وإلى الآن.
إسمه الأصلي هو رياض آغا وأضيفت كلمة نعسان لإسمه بعد أن استطاع تنويم خمسة آلاف شخص دفعة واحدة في إحدى محاضراته.

10- وزير الأوقاف لم يتغير لأنه وعد عدة أجهزة أمنية أن يتقاسم معهم تبرعات موائد الرحمن العام المقبل. وأنه في حال موت أي حجاج سوريين (لا سمح الله) في العام المقبل فإنه سيخفي أثرهم بالكامل.

11- وزراء الدولة هم (مصروف عالخزينة) بلا طعمة، ولكن كما تعرفون فالبلد محسوبيات.

الوزراء الجدد لا نعرف عنهم الكثير، والأيام آتية وياخبر اليوم بفلوس بكره ببلاش.
وإذا كان أحد قرائنا يعرف شيئا" عن أحدهم "غير السيرة الذاتية المنشورة على موقع سانا للأنباء" فسنكون من الشاكرين لو أرسل لنا هذه المعلومات

me2 · 12/02/2006

اقتباس:

كاتب النص الأصلي : صقر العروبة

الله يسقي ايام عبدالحليم خدام ؟؟

ماكانوا في هيك وزاراء واحد حرامي ومعه شهادات من الموساد والثاني نسونجي ؟؟
بصراحه نسونجي قوووووية قوووووووويه جدا

والله مافهمت عليك ... ما تواخذني ...

WHITESNAKE · 12/02/2006

يعني قصدو شنربناتونزيف يلحمانيهمن كلهم فستقا فستقا
فهمت ولا بتحب اتوسع اكتر؟

صياد الطيور · 12/02/2006

بتعرفوا ...

اذا بينزل الله على الأرض ما بيقنعكن يا شعب ســـــــــــــــــوريا

me2 · 12/02/2006

اقتباس:

كاتب النص الأصلي : WHITESNAKE

يعني قصدو شنربناتونزيف يلحمانيهمن كلهم فستقا فستقا
فهمت ولا بتحب اتوسع اكتر؟

ما .. كا .. با .. تا ..

me2 · 12/02/2006

اقتباس:

كاتب النص الأصلي : صياد الطيور

بتعرفوا ...

اذا بينزل الله على الأرض ما بيقنعكن يا شعب ســـــــــــــــــوريا

حبيب .. والله العظيم أني ما فهمت و ليس ما أقتنعت .. حبيب حضرتك صياد و بتعرف .. المتل بيقول اللي بيطلع عليك بعين .. شوفو بجفت عيون ... طول بالك و خدني بحنانك ..

صياد الطيور · 12/02/2006

حبيب القلب
أنت الطول بالك شوي على الحكومة الجديدة
ولك بعدها ما قسمت اليمين
وانت بلشتوا فيها ...

شو المطلوب ... ما حدا من كل الناس بيعرف ..
بيعرفوا يعترضوا بس

Reemi · 12/02/2006

اقتباس:

كاتب النص الأصلي : صياد الطيور

بتعرفوا ...

اذا بينزل الله على الأرض ما بيقنعكن يا شعب ســـــــــــــــــوريا

عنجد فعلااااا.....

يعني اعطوووهن نفس.... بلشتووو نق و حكي...

اذا ما غير الوزارة بتحكو عليه واذا غير بتحكوا عليه ينتف حالو الرجااااااااااال يعني ....

me2 · 13/02/2006

اقتباس:

كاتب النص الأصلي : صياد الطيور

حبيب القلب
أنت الطول بالك شوي على الحكومة الجديدة
ولك بعدها ما قسمت اليمين
وانت بلشتوا فيها ...

شو المطلوب ... ما حدا من كل الناس بيعرف ..
بيعرفوا يعترضوا بس

أيوا . هلق فهمت ...

حبيب هدا رأيك وعلى راسي .. أما أنا رايي انو اللي بيجرب المجرب بيكون عقلو مخرب .. يعني متل اذا هلق اقترحت عليك أعطاء شارون فرصة ... شو رأيك ؟؟؟

me2 · 13/02/2006

اقتباس:

كاتب النص الأصلي : eve

عنجد فعلااااا.....

يعني اعطوووهن نفس.... بلشتووو نق و حكي...

اذا ما غير الوزارة بتحكو عليه واذا غير بتحكوا عليه ينتف حالو الرجااااااااااال يعني ....

مو ليكون عنا نفس نعطيه لحدا ...؟؟؟؟ محروق نفس أبو أبونا من شي خمسمية سنة ... وهلق بدك يانا "نعطيهم نفس " ؟؟؟ ولمين ؟ لمجموعة من اللصوص ...؟؟؟ شفتونا شي عم نجيب سيرة اللواء بسام عبد المجيد مثلا ؟؟؟ الزلمة ادمي و محترم ... ولا مفكرين أنو هوايتنا انتقاد الحكومة من مبدأ أنو نحنا شي شغلة كبيرة ؟؟؟؟

طولو بالكم علينا .. ما حكينا شي غير مظبوط ...

صياد الطيور · 13/02/2006

اقتباس:

كاتب النص الأصلي : me2

سيرة اللواء بسام عبد المجيد ..

على سيرتو ...

من وين الشب ؟