الله يستر عليها!

[Marooshe]

"الله يســتر عليهـا"، عبارة معروفة تتردد على ألسنة الناس ويقولها الرجال عند التحدث عن أنثى أو عند رؤيتها، سواء كانت طفلة رضيعة أو بنت خمس سنوات، أو شابة أو عجوزاً. والقصد من العبارة هو الدعاء إلى الله أن لا يظهر لها عورة على غريب أو أن لا يمسّها غريب أو أن لا تتسبب في فضيحة لعائلتها بتورطها بعمل يتعارض مع مبادئ الدين أو تقاليد المجتمع.

تقال العبارة بصورة الغائب التي ذكرناها، "الله يستر عليها" أو بصورة المخاطب يوجهها الرجل للمرأة مباشرة بسبب أو بدون سبب، "الله يستر عليكِ"، وتتقبلها المرأة خانعة ذليلة وهي تسمعها من الرجل. ومن النساء من يغضبن لسماعها فما أن يبتعدن عن الرجل حتى يُعبِّرن عن امتعاضهنّ ويكلن له من الشتائم ما يتفق مع طبيعة كل واحدة منهن.

أما بالنسبة للرجل، فلا أحد يدعو له بالسترة إذ ليس هناك شيئاً يفعله يستوجب الدعاء بالسترة. الرجل ليس مصدر الفضائح بل نساؤه وبناته وكل إناث عائلته. لذلك إن دعا له أحدهم بالسترة فإنما يدعو بالسترة على "حريمه" وليس على شخصه فكرامته ليست في عرضه هو بل في عرض حريمه: "الله يستر على حريمك.. الله لا يفضح لك حرمة.. الله يستر على بناتك.. الله يستر عورتك.. الله يخلّي لك هالمحروسة ويستر عليها.. وإلى ما هنالك.." الأنثى هي دائماً مصدر الفضيحة والعار وليس الرجل.

ما يحزن له القلب حقاً هو أن نسمع نساء العرب يرددن هذه العبارات كالببغاوات رغم ما فيها من إجحاف بحقهن. فقد تعوّدن الذل إلى درجة أصبحت الحياة بدونه تبدو غريبة عليهن، لا بل نجد منهنّ من يدافعن عنه باعتباره قراراً إلهياً لا يجوز الاعتراض عليه.
************

منقول

[بنفسجة]

اي بيقولو (الله يستر عليها) لانو بيخافو من عذاب الضمير وهني نازلين فيها وبشرفها وبعيلتها
الله يستر عالجميع

[باشق مجروح]

طبعاً في المجتمع الذكوري تظهر المرأة كلها عورة . وسترها واجب.
المجتمع الذي نحيا به يا صديقتي تلقن هذه المفاهيم من الصغر.
المرأة في مجتمعتنا هي عجوة نفسها فهي من تلقن أبنائها ان اخواتهم من البنات ونسائهم عورة يجب سترها.
والستر هنا بكل المفاهيم . حتى الأرملة والمطلقة ينظرون اليها وكأنها تحتاج من يسترها.
للأسف في مجتمع عاري كهذا . اصبحت كل المفاهيم بحاجة الى الترقيع والستر واعادة النظر فيها.
وشكراً.

[Marooshe]

جزيل الشكر لك اخي الباشق على هذة المداخلة المهمة ونقدك لمجتمعنا هذا الذي كل ما يراة وكل ما يشغلة تلك "العورات" وبعض الاجساد ال"عارية" التي يدعو الى سترها......... فاقول لهم: عندما تتستر النفوس, لا تعود ترى اجسادا عارية.

[ابو الوديع]

يسلمو مروى
والله حكي مزبوط
للأسف انو هاد يلي بصير بمجتمعنا

[ارسلان]

ربما كانت في الماضي تحمل هذا المغزى

وهذا القصد أما اليوم فجرت مجرى سيل الدعاوي الذي نسد به فراغ الاحاديث

الله يسترك ويخليكي ويحفظك ويرضى عليكي ويبارك فيكي الخ الخ الخ

وبما انو نحنا في موضوع السترة هي صاروخي انطلقن من جمب البيت

الله يستر

[القلب الدافئ]

هههههههههههههههههههههه
حلوة يسلمو

فكرة جديدة ومفيدة

[Marooshe]

ابو الوديع: مشكور كتير لردك عالموضوع...

ارسلان: انت كمان مشكور كتير لردك عالموضوع... ولكني اختلف معك على هذة النقطة:
ربما كانت في الماضي تحمل هذا المغزى وهذا القصد أما اليوم فجرت مجرى سيل الدعاوي الذي نسد به فراغ الاحاديث...
للاسف الشديد هذة العبارة كانت, ولا زالت تحمل هذا المغزى وهذا القصد المهين والمجحف بحق المراة العربية.

[000محمد000]

والله انا مابسمعها ..

الا اذا جبنا سيرة بنت (شقفة) ..





والله اليوم عدت فلانة وكانت لابسة تنورة وبلورة يالطيف و.. , الله يستر عليها

[مالك الحلبي]

كاتب النص الأصلي : marwa hanna

ما يحزن له القلب حقاً هو أن نسمع نساء العرب يرددن هذه العبارات كالببغاوات رغم ما فيها من إجحاف بحقهن. فقد تعوّدن الذل إلى درجة أصبحت الحياة بدونه تبدو غريبة عليهن، لا بل نجد منهنّ من يدافعن عنه باعتباره قراراً إلهياً لا يجوز الاعتراض عليه.

السلام أخت مروى

أول شي بحييك وأبعث لكم يا أهل فلسطين
الله يحميكم وينصركم
وتتحرر فلسطين بأذن الله


هلق الجملة ربما تسبب لبعض الناس الأحراج أو الأمتعاض
ومن جهة ثانية
في كتير ناس بتحب هالجملة
طيب إذا واحد دعا علي وقلي
الله لا يستر عليك
مو شرط مثلا أني ينفضحوا حريمي أو أهلي مثلا
بيجوز الشغلة مثلا تسبب بخسارتي التجارية وأطلع مأفلس وينكتب أسمي بالبنوط العريض بالجريدة
أفلاس مالك الحلبي
فهون أسمها فضيحة
مو هيك ؟؟
بدك تجاوبيني صح
ليش
لأنه ما بحب المعارضة بكل أشكالها

هلق الدعاء للشخص بالسترة والرزق المبارك والعمر المبارك لاحظي ضفت دعائين بعد السترة
بدك تقوليلي
ليش هالدعاء موجه فقط للبنات
بالعكس كمان للشباب
يعني تصوري يطق شرش من عقلي
وأنزل لسوق الهال على طاق المايوه
طيب بهالوضوع ما بكون أنفضحت
هلق بيجوز تقليلي المايوه حلو لأوتيل خمس نجوم على البسين
بس أنا عبقلك لسوق الهال يعني سنتر المدينة
فهون
وقت بشوف صديقي عبقلي الله يستر عليك وعلى حريمك
بالنسبة لي بنبسط
وبكيف
بس للأمانة السردية يجب أن أقول هذه الأحرف
بيجوز الأم تعصب شوي من بنتها
وتقلها وهي فاتحها أيديها
الله يستر عليك وأشوفك ببيت جوزك وأخلص من نقك .... مثال هذا
فأوقات الحركة التعبيرية مع الدعوة تكون بتأثر بالشخص المتلقي
وتقبلي تحياتي
وشكرا لرحابة صدرك
والله يحميكم ويحمينا

[بـحــر]

أخت مروّة :

مــا بعرف يمكن أنتي آخدة الموضوع على منحى بعيد شوي عن معنى الكلمة تمام لمـا بتنقــال ... أنا بعرف هي الكلمة بتتوجه للطرفين و متل ما ذكر اخ مالك أنو في كتير فضايح للرجــل غير // المرأة // على فرض هو ارتكب فعل شائن ...خيانة أو غش أو خديعة أو كذب ... و بعدين تراجع وندم ... لمــا بينستر على الأخطاء الصغيرة وما بتنفصح بتخف المشاكل وبتتيسر الحياة لأن كل الناس خطّائين ولكن ليس الجميع بغافرين ...
هلأ رح تقليلي أنو هو ارتكب خطأ و بيستحق الفضيحة .. رح قلك أنو مو شرط كل خطأ بيرتكبو البني آدم يعرفو فيه الجميع أحيانا الإنسان بيعمل أخطاء حتى بينو بين نفسو ما بيحب أنو يذكرها ...لأنو بيراجع نفسو و بيندم .. من هون أجى سر الدعاء بالسترة مو للمرأة فقط للرجل أيضاً ... ولم يكن هذا الدعاء مخصوص بالشرف بــل هو عــام لكل الأخطاء التي لا نود أن يعلم بها أحد ...

طيب منجي على يستر على عرضكـ .. أنا بشوف أنو هالكلمة تجردت من معناها الاصطلاحي ... عرفاً و صارت بتنقــال كناية عن الحاجة و الإلحاح ...ليش العرض بالذات ... لأن منذ القدمـ و حتى الآن الشرف و العرض هما أغلا كنــز لدى أكثر النــاس ...

[بـحــر]

ممم نسيت نقطة مهمــة أنو أيــام ماكانو يحلفوا بالعرض و الشرف ... كــان العرض عرض رجال و امــرأة مو بس عرض امرأة يعني متل ماهو محرم على المرأة محرم على الرجــل لذلكـ كان داعاء صادق و لايوجد فيه أي مذلة ...للمرأة ..

[Marooshe]

عزيزتي الاخت بحر:
هل حقا تعتقدين هذا؟؟؟: أيــام ماكانو يحلفوا بالعرض و الشرف ... كــان العرض عرض رجال و امــرأة مو بس عرض امرأة يعني متل ماهو محرم على المرأة محرم على الرجــل كم اتمنى ان اوافقك وكم تؤلمني عدم موافقتك لانة لم يكن ولن يكن ما هو محرّم على المراة محرّم ايضا على الرحل... هذا بالاضافة الى انة ابدا لم يكن "العرض" عرض رجال و امــرأة مو بس عرض امرأة لانة ليس هنالك اصلا من عرض للرجال. فعرض وشرف الرجل من عرض وشرف قريباتة ونساء عائلتة.
ردودك احتوت على كلام جميل وانا اوافقك على بعضها ولكن اعتراضي وغضبي على هذا: إن دعا له أحدهم بالسترة فإنما يدعو بالسترة على "حريمه" وليس على شخصه فكرامته ليست في عرضه هو بل في عرض حريمه: "الله يستر على حريمك.. الله لا يفضح لك حرمة.. الله يستر على بناتك.. الله يستر عورتك.. الله يخلّي لك هالمحروسة ويستر عليها.. وإلى ما هنالك.." الأنثى هي دائماً مصدر الفضيحة والعار وليس الرجل.

[ماغنوم56]

افففففففففف

يعني الدعوة بالسترة هل ايام صارت مسبة واهانة
وليش الرجال ما بنئلو الله يستر عليك صرنا عايشين بمجتمع ذكوري

هي الشغلة بدها وقفة
شو المطلوب يعني
او بالأحرى وين السؤال
لك حتى الدعوة بالستره صار فيها تميز وحقوق المرأة
يا جماعةما كأنها تخنت شوي
يستر ع حريماتكم خفوها شوي

[بـحــر]

أخت مروة

أنا رأي متل ما ذكرت فوق الشرف شرف رجال و امرأة .. .. و أكيد إلك كامل الأحقية بنقد البيئة الي ما بتعجبك أو الي انتي شايفة فيها هالشي الي عم تحكي عنو ...

نظرتي للشرف مارح تتغير ومابتهمني نظرت بيئتي للموضوع الي بهمني اني مقتنعة تماماً بالشي الي عم بحكي و صدقيني انا ما بوفر أي شخص ..عم يعرض عضلاتو علي من اني أذكرو بنظرتي .. و هالشي علمني ياه الإسلام و أنا بغيرو وما بعترف ...لا مجتمع ولا بيئة و لا تقليد بالي ...

[Marooshe]

اخي العزيز مالك الحلبي:
أول شي بحييك وأبعث لكم يا أهل فلسطين
الله يحميكم وينصركم
وتتحرر فلسطين بأذن الله
مشكور كتير على دعاءك ومن تمك لباب السما... ومنيح الي ما قلتلي اللة يستر عليكو!

يعني تصوري يطق شرش من عقلي
وأنزل لسوق الهال على طاق المايوه
اية بس يطق شرش من عقلك وتنزل لسوق الهال على طاق المايوه ابقى ناديلي منشان اجي صفّرلك وبتصور ساعتها صديقك راح يقلك اللة يشفيك مش اللة يستر عليك...

الله لا يستر عليك مو شرط مثلا أني ينفضحوا حريمي أو أهلي مثلا بيجوز الشغلة مثلا تسبب بخسارتي التجارية وأطلع مأفلس وينكتب أسمي بالبنوط العريض بالجريدة أفلاس مالك الحلبي فهون أسمها فضيحة مو هيك ؟؟
بدك تجاوبيني صح
ليش
لأنه ما بحب المعارضة بكل أشكالها
مع انك ما بتحب المعارضة لكني اعترض!!!!!!
لانو "اللة يستر عليك" تعني: الدعاء إلى الله أن لا يظهر لها عورة على غريب أو أن لا يمسّها غريب أو أن لا تتسبب في فضيحة لعائلتها بتورطها بعمل يتعارض مع مبادئ الدين أو تقاليد المجتمع.
فاذا اراد احد افلاس مالك الحلبي وفضيحتو بدعي علية مثلا: اللة يفضحك, اللة لا يوفقك, اللة لا يسيّر لك امر والخ..... (مش تفكر اني قاعدة بدعي عليك).... ولكن بعدني مصرة بانو هاي العبارة فيها الكثير من المذلة للمراْة...

فتقبل تحياتي
وشكرا لرحابة صدرك
والله يحميكم ويحمينا

[Marooshe]

كاتب النص الأصلي : ماغنوم56

افففففففففف

يعني الدعوة بالسترة هل ايام صارت مسبة واهانة
وليش الرجال ما بنئلو الله يستر عليك صرنا عايشين بمجتمع ذكوري

هي الشغلة بدها وقفة
شو المطلوب يعني
او بالأحرى وين السؤال
لك حتى الدعوة بالستره صار فيها تميز وحقوق المرأة
يا جماعةما كأنها تخنت شوي
يستر ع حريماتكم خفوها شوي

اية اخي, حقك تتاْفاْففففففففففففففف وحقي اعبر عن راْيي وحقنا نكون مختلفين... فتعال نتفق انو نحنا ما منتفق...
وشكرا كتير على ردك

[ماغنوم56]

كاتب النص الأصلي : marwa hanna

اية اخي, حقك تتاْفاْففففففففففففففف وحقي اعبر عن راْيي وحقنا نكون مختلفين... فتعال نتفق انو نحنا ما منتفق...
وشكرا كتير على ردك

رأيك انتي حرة فية
بس انتي اليوم زعلانة لأني الت لأخوكي الله يستر على حريماتك
وبكرا بتزعلي لأني عم الك اله يرزقك
وبعد بكرا بتزعلي لأني عم الك الله يطول بعمرك
يا مروى مو كأنو طرحك شوي سلبي طيب على الأقل مشان
نستفاد من هل الموضوع الي طارحتيه برأيك انتي شو البديل
عن هل الكلمة ؟؟؟؟؟؟ واذا ما في بديل نبطل نئولها؟؟؟؟
واذا اليوم بطلنا نئولها بكرا شو بدنا نبطل نحكي كمان ؟؟؟؟
يعني الواحد يعدي لتاني بالفضح مشان يكون متحرر وبمجتع
مانو ذكوري ؟؟؟؟