بويجي

[بـحــر]

شو رأيك نفرزهم يكونوا مديرين ماليين بتخطيط الشركات وهديك فيها تشغيل مخ كمان

لو كان الموضوع بأيدي كنت فرزتلون شو ما بدون بس طالما الموضوع مو بأيدي ولا بأيدك ...فبضل فكرة أنو الأنسان يبحث عن عمل ثابت يكسب من وراه لقمة العيش الكريمة هي الأساس و هي الأصل ...

معناتا لازم نعمل تخطيط عمراني لألهن تخطيط جديد!!!!

مو بالضرورة تخطيط عمراني ..بس متل ما حضرتك وضحت بالصور أنو في كراسي أو هي العلب المعدينة الكبيرة الي فيها كراسي اذا بتنحط بمكان مناسب بتصير مكان مخصص لتلميع الأحذية وبهيك بيكون هو استفاد اكتر لأنو رح تطول ساعات الدوام و رح تزيد الأجرة تبعو ..
بعدين حضرتك قلت ساعتين فقط ... يعني ساعتين فقط مارح تأمن لأي شخص بالدنيا وسيلة دائمة وثابتة ليربي أطفالو أو يطعمي عيلتو بشكل جيد ..لا غن كان بدو يسقيهون حليب و لا حتى صارت تجيب ربطة خبز هالساعتين...
فأنا عتبي فقط عالدولة الي بتلاحق البويجية أو اي عمال آخرين ... الأفضل أنو ينعملون مواقف مخصصة صغيرة أفضل من ملاحقتون ..

[حلبي]

مشكور أخي مالك على الموضوع

تسجيل متابعة

و سؤال :
الموضوع ممكن أن يتشعب بالحديث عن الناس الذين يعملون في هذا المجال أي عن الأرباط و الأكراد

[Donald Duck]

كاتب النص الأصلي : مالك الحلبي

طيب شو رأيك نخلي هالشغلة للنساء

يا هيك الشغل يا بلاش ..

[مالك الحلبي]

كاتب النص الأصلي : was616im

صباح الخير
ا.. بالنسبة للبويجية انا ما عندي شي شخصي بس يا حبيبي وقت بيكون كل واحد شغلو نظامي و قاعد بمكانو متل مانك حاطط بهالصورة اي اوكي ما في مشكلة بالعكس شي ظريف و حلو كمان
بس وقت بتلاقي الولاد عم يلاحقوك بالشارع و عم يتقاتلو بين بعضن مين بدو ياخد الزبون و الزبون بالاساس ما بيكون بدو شي بس هنن بيستلموه بالشارع ...
هلق عمل الاطفال غلط و غلط كبير كمان بس وقت ما في حل تاني ...يعني يا بيموتو من الجوع يا بيشتغلو لا يا اخي يلعن ابو العلم ساعتها ... يروح يشتغل افضل

يا وسيم
وقت بيرتاحوا
والله بينظموا حالهم
على فكرة الحرامية ألهم نظام قائمعلى شريعتهم
بقى هنن ما بيقدروا ينظموا حالهم ؟!
وقلت جوابي على قصة عمل الأطفال

[simsima57]

كاتب النص الأصلي : was616im

صباح الخير
اول شي لو النسوان استلمو هالشغلة كنت بدك تلاقي احذية الشعب كلها ملمعة على مدار السنة 24 ساعة ... حارتنا ضيقة و منعرف بعض
تاني شي .. بالنسبة للبويجية انا ما عندي شي شخصي بس يا حبيبي وقت بيكون كل واحد شغلو نظامي و قاعد بمكانو متل مانك حاطط بهالصورة اي اوكي ما في مشكلة بالعكس شي ظريف و حلو كمان
بس وقت بتلاقي الولاد عم يلاحقوك بالشارع و عم يتقاتلو بين بعضن مين بدو ياخد الزبون و الزبون بالاساس ما بيكون بدو شي بس هنن بيستلموه بالشارع ...


هلق عمل الاطفال غلط و غلط كبير كمان بس وقت ما في حل تاني ...يعني يا بيموتو من الجوع يا بيشتغلو لا يا اخي يلعن ابو العلم ساعتها ... يروح يشتغل افضل

ليش ما في حل تاني وين الاهل؟؟؟؟؟

[مالك الحلبي]

كاتب النص الأصلي : بـحــر

لو كان الموضوع بأيدي كنت فرزتلون شو ما بدون بس طالما الموضوع مو بأيدي ولا بأيدك ...فبضل فكرة أنو الأنسان يبحث عن عمل ثابت يكسب من وراه لقمة العيش الكريمة هي الأساس و هي الأصل ...

مو بالضرورة تخطيط عمراني ..بس متل ما حضرتك وضحت بالصور أنو في كراسي أو هي العلب المعدينة الكبيرة الي فيها كراسي اذا بتنحط بمكان مناسب بتصير مكان مخصص لتلميع الأحذية وبهيك بيكون هو استفاد اكتر لأنو رح تطول ساعات الدوام و رح تزيد الأجرة تبعو ..
بعدين حضرتك قلت ساعتين فقط ... يعني ساعتين فقط مارح تأمن لأي شخص بالدنيا وسيلة دائمة وثابتة ليربي أطفالو أو يطعمي عيلتو بشكل جيد ..لا غن كان بدو يسقيهون حليب و لا حتى صارت تجيب ربطة خبز هالساعتين...
فأنا عتبي فقط عالدولة الي بتلاحق البويجية أو اي عمال آخرين ... الأفضل أنو ينعملون مواقف مخصصة صغيرة أفضل من ملاحقتون ..

هلق موضوع العمل الثابت أو غير ثابت هذا حديث تاني
ما بدنا ندخل فيه وشكرا لمداخلتك والله يحميكي ويحمي أهلك
والله يا بحر من الصبح
من الساعة تقريبا 8 لل10 فقط عبيشتغلوا
وخوفانين ما تجي دورية وتدق فيهم على السجن
طيب مو حرام هالشي
انا معك بالتنظيم

[هدوء البحر]

اخي مالك معك حئ

بس بدك تشوف وجه نظر الحكومة انو ليش عم تلاحئهم

اكيد عندهم اسباب بتخص التنظيم والمظهر

بس كمان مو هالاسباب المقنعة لانو عم يصير بشوارع بسطات وتلت رباع شوارع شام هيك صارت

انا بقترح انو يتم تنظيم هالشغلة

يعني يكون تجمعهم في مكان واحد

او يكون ائلهم متل نقابة وهي الئصص ويتم توزيعهم على مناطق متفرقة بالنواحي والاحياء

[مالك الحلبي]

كاتب النص الأصلي : حلبي

مشكور أخي مالك على الموضوع

تسجيل متابعة

و سؤال :
الموضوع ممكن أن يتشعب بالحديث عن الناس الذين يعملون في هذا المجال أي عن الأرباط و الأكراد

أهلا أبو محمد أسعدني حضورك وحضور جميع الموجودين
ما رايدين نتشعب بالأقليات والأكثريات
بس خلينا بموضوع حقوق المهنة وأعطائها الحرية بنظام
ومشكور يا غالي على المرور والتعقيب وبأنتظارك

[مالك الحلبي]

كاتب النص الأصلي : هدوء البحر

اخي مالك معك حئ

بس بدك تشوف وجه نظر الحكومة انو ليش عم تلاحئهم

اكيد عندهم اسباب بتخص التنظيم والمظهر

بس كمان مو هالاسباب المقنعة لانو عم يصير بشوارع بسطات وتلت رباع شوارع شام هيك صارت

انا بقترح انو يتم تنظيم هالشغلة

يعني يكون تجمعهم في مكان واحد

او يكون ائلهم متل نقابة وهي الئصص ويتم توزيعهم على مناطق متفرقة بالنواحي والاحياء

هلق كون في أحتمال عبتطلع الحكومة علينا أو المسؤولين فيا ريت
يشوفوا الوضع
لأنه وضع بيأسي
ياريت من المشرفين يحطوا شي أستفتاء
بركي منقدر نصل لحل منشانهم

[was616im]

كاتب النص الأصلي : simsima57

ليش ما في حل تاني وين الاهل؟؟؟؟؟

يا عزيزتي لو في اهل او في وعي عند الاهل و تقدير للمسؤولية ما كانو بالاساس بيخلفوا هالاولاد و يرموهن بالشارع ... فلذلك غلة الاهل بدك تلغيها من بالك

[simsima57]

كاتب النص الأصلي : was616im

يا عزيزتي لو في اهل او في وعي عند الاهل و تقدير للمسؤولية ما كانو بالاساس بيخلفوا هالاولاد و يرموهن بالشارع ... فلذلك غلة الاهل بدك تلغيها من بالك

طبعا انا اكيد معك بهالفكرة
بس ما معناها انو الحل انو الولاد يتركو التعليم
يعني هدا موضوع تاني بس بعتئد انو بيلتئا حل للموضوع

[مالك الحلبي]

البويجي

٢٢ نيسان (أبريل) ٢٠٠٦ ، بقلم

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

كان يجلس في ركن من أرضية مبنى كبير و أمامه صندوقه المُلبَّس والمزخرف بالنحاس البراق، مشكلا قطعة فنية تلفت النظر؛ تقدمت منه فرحب بي، ثم باشر عمله على الفور.
وبينما كان منهمكاً في عمله المتقن، تقدم منه طفل في العاشرة، فناوله بضعة قروش وهو يقول له مبتهجا:
( بابا ) لقد بعت جميع الأكياس، هل أذهب إلى البيت؟
يجيبه:
ويل لك… لا زال اليوم في أوله، خذ مجموعة أخرى واسرح بها، و إلا…
بعد دقائق قليلة، تقدم منه طفل في الثامنة أو التاسعة من عمره:
(بابا) بعت خمسة أمشاط ومسبحتين..
ناوله القروش التي جمعها، ثم مضى يكمل مهمته.
أثناء مباشرته بتلميع (فردة) حذائي الأخرى، قدم طفل ثالث في السابعة من عمره وبيده حلوى يأكل منها متلذذاً، فتناول منه القروش التي جمعها بيد وصفعه باليد الأخرى فألقاه أرضا وقد علا صياحه.
+ البويجي : ماسح الأحذية

[saba n]

اولا شكرا يامالك على هذا الموضوع الانساني..
ثانيا..بالنسبة لي راح احجي عن الموضوع الاوسع وهو (اصحاب البسطيات والعربات المتنقلة وبضمنهم ملمعي الاحذية)وهم الاشخاص اللي يعتمدون الشارع محلا لكسب الرزق.. والسبب بالتأكيد هو عدم توفر فرص عمل لهم ..وغلاء ايجارالمحلات.. فاذا ارادت اي دولة ان تعكس عن نفسها صورة حضارية..وهذا الشي يتحقق من توفير كشكات خاصة وفتح باب التقديم للحصول عليها او حصر وجود اصاب هذه المهن في مناطق معينة ..فيكون الشارع الفلاني مثلا خاص ب(بويجية)..واخر خاص بعربات بيع المادة الفلانية..وهكذا ..ليقصدها المستهلك..وبنفس الوقت لاتوثر على سير المارة ..ولاتسبب المضايقة..ولاتعكس صورة مشوهة للشارع..

وياريت نفكر شوية انو موسهل على الانسان ان يختار كسب رزقه من تلميع احذية الاخرين..بالتاكيد طبيعة المهنة تسبب نوع من التشوهات في نفوس اصحابها..فياريت ننظرلهم برحمة اكثر

[مالك الحلبي]

كاتب النص الأصلي : saba n

أهلا وسهلا بك أخت ساب
(اصحاب البسطيات
وضع البسطات موضوع تاني لأنه إذا بدي أحكي فيو بدي مجلدات
والعربات المتنقلة
بتوقع قلوا العربات المتنقلة بس بكرا جاي الصيف ومنشوف بياعين الجبس
بس كمان موضوع تاني هذا
وبضمنهم ملمعي الاحذية)
هون بيت القصيد بهالموضوع
وهم الاشخاص اللي يعتمدون الشارع محلا لكسب الرزق.
لاحظي معي في ناس معهم ملايين الليرات وما بيشتروا محل يعني أما أجار أو أستثمار
طبعا إذا دخلنا لعقل البويجي بيجوز يقلك أنا بحب الدوارة بالشوارع وسؤال الزبائن
وأول نظرة بيطلقها بيطلع على الحذاء
وبتصيبه الكآبة وقت بيشوف الحذاء
شاموا
فبتوقع أني بحبوا الدوارة متل أهل التكاسي أو بحيوا الأستقرار
يعني في من الشكلين والله أعلم
. والسبب بالتأكيد هو عدم توفر فرص عمل لهم
لا أعتقد وربما أعتقد
لأنه في شريحة كبيرة من البويجية بيحبو مصلحتهم
يعني بيزقزق قلبه وقت بيكون عبيلمع حذاء
لأنه عبيشتغل
وعبيستنى يطلع معه لوحة وينقد من الزبون
ثمن عمله الشريف
..
فاذا ارادت اي دولة ان تعكس عن نفسها صورة حضارية.
أسمحيلي أخت ساب
الحضارة مالها علاقة بهيك مهن
تصوري تبوي حذائك من شخص مثقف وعالي الثقافة
ويفتح موضوع تنصدمي منه
وتقولي ماشاء الله على هالفكر
وكل شي جائز
.وهذا الشي يتحقق من توفير كشكات خاصة وفتح باب التقديم للحصول عليها
هلق إذا الدولة بدها تفرض قوانين بهالموضوع وتحط ناس من طرفها منشان
تنظم مهنتهم
ما بتوقع ينجح الأمر والله أعلم
لكن هالشريحة مسيطر عليها من بعض الأقليات
ففيهم ينظموا حالهم بحالهم بس بشروط معينة
وحضارية ويتغير لوك البويجي
او حصر وجود اصاب هذه المهن في مناطق معينة .
.فيكون الشارع الفلاني مثلا خاص ب(بويجية).
.واخر خاص بعربات بيع المادة الفلانية.
.وهكذا ..ليقصدها المستهلك
هنا تقصدين عن الأسواق المتنقلة
وهذه الأسواق موجودة بكل أوروبا والله أعلم
وهي متنقلة وفي ألها فانات وتصريحات من الحكومة برسم مالي مخفف جدا
..وبنفس الوقت لاتوثر على سير المارة ..ولاتسبب المضايقة.
صدقا ما بيأثروا على حدا
بس الشي ألي بيأثر وقت بتلاقي ولد دخل السجن
منشان صندوق بويا
وبيطلع من السجن وبيروح بيشم تنر
وهو مخدر وبيلف مع شلته بالشوارع
بقى مو الأحسن يشتغل ولا يحشش
.ولاتعكس صورة مشوهة للشارع..
سبق أني حكيت بهالموضوع
تخيلي معي بائع زهر ناشر بسطته بالشارع
ولابس مريولة بيضاء
وجنبه بويجي كمان لابس مريولة بيضاء
وجنبه بياع صحف وقهوجي
وكلهم نضاف وعبيخدموا مصلحتهم
مع الشعور بالأمان والأبتسامة ماي مفارقة
وجوههم
مو هيك أحلا

وياريت نفكر شوية انو موسهل على الانسان ان يختار كسب رزقه من تلميع احذية الاخرين
..بالتاكيد طبيعة المهنة تسبب نوع من التشوهات في نفوس اصحابها.
أنا مصلحتي ليست بالبويا
لكن بعتبرها كتير سهلة
شخص بلغ ال55 سنة ولديه ألتزامات مالية لأهل بيته
ألا تعتقدين معي أنه يجب عليه العمل أفضل من أن يتسول
هناك بويجي عمره 55 سنة وبعرفه
بيشيل شنتاية متل السكاكوشا
وبيمشي وبيسأل المحلات
والشنتاية شايلها بدل صندوق البويا
مو لأنه خجلان من الصندوق
بس خوفان من مصادرته ومصادرة الصندوق
.فياريت ننظرلهم برحمة اكثر

أسعدني حضورك أخت ساب
وشكرا لك

[ابو عمير السوري]

مهنة البويجي الها أصول وهي مهنة كغيرها من المهن
باعتقادي يجب تنظيمها وانشاء نقابة للبويجين مهمتها تنظيم المهنة من اتباع عامليها دورات وتخصيص لباس لائق وجعل العلبة التي يضع الزبون قدمه عليها مرتبة وأنيقة
بالاضافة لحماية عامليها وتنسيبهم لضمان صحي وتأمين راتب تقاعدي
هذا فعلا مانود اسماعه للسيدة وزيرة العمل ديالا حاج عارف
وليس فقط تنظيم مهنة البويجية بل سائر الأعمال المهنية الأخرى من بلاط سباك ...........الخ
وشكرا لمالك على طرحه الموضوع المفيد

[مالك الحلبي]

مشكور يا أبو عمير
وهي صورة لحالها بتحكي

[بلاك 1]

بصراحة مالك خليني احكيلك رأي ابل ما أقرا اي شي مشان ما تفوت الأفكار ببعضها أوكى
بالنسبة للبويجي لما كنت امرق من شي شارع ويكون فيه بويجي شو ماكان سنو كنت كتير ادايق لأنو كنت اطلع بعيون هالبويجي لاقي فيهم ضعف كبير يعني بصراحة بحسة مهنة كتير مذلة يعني مشان 10 ورقات هداك بيوقف متل الأسد وهالبويجي المسكين بيوطي على كندرتو ليلمعلو ياها انشالله بحياتو ماتلمعت كندرتو مايلمعها ببيتو
يعني لو الحكومة منعت البويجي تأمنلن شغلة بديلة خليهم يلمعو الطرق مثلا .............. هاي مابيكون فيها حدا احسن من حدا وشكرا لموضوعك الظريف

[مالك الحلبي]

كاتب النص الأصلي : بلاك 1

بصراحة مالك خليني احكيلك رأي ابل ما أقرا اي شي مشان ما تفوت الأفكار ببعضها أوكى
بالنسبة للبويجي لما كنت امرق من شي شارع ويكون فيه بويجي شو ماكان سنو كنت كتير ادايق لأنو كنت اطلع بعيون هالبويجي لاقي فيهم ضعف كبير يعني بصراحة بحسة مهنة كتير مذلة يعني مشان 10 ورقات هداك بيوقف متل الأسد وهالبويجي المسكين بيوطي على كندرتو ليلمعلو ياها انشالله بحياتو ماتلمعت كندرتو مايلمعها ببيتو
يعني لو الحكومة منعت البويجي تأمنلن شغلة بديلة خليهم يلمعو الطرق مثلا .............. هاي مابيكون فيها حدا احسن من حدا وشكرا لموضوعك الظريف

أول شي بتشكرك لمداخلتك
تاني شي
أنا حطيت هالموضوع منشان الحكومة تشوف وضع هالشريحة من الناس وتنظر بأمرهم
لأنه النظر بأمرهم أحسن من النظر بأمر تاجر كبير يريد تحسين حجر ساحة حديقة وتغير معالمها بحجة تحسين قزحية المواطن وبالأخير بيكتب أسمه على مرمرة تم تحسينها من قبل التاجر الفلاني صاحب المؤسسة الفلانية
يعني البشر أحسن من الحجر
بعدين كلياتنا عمنخدم بعضنا يعني العمل مو عيب إلا إذا كان بيأذي المجتمع وبيمس الأخلاق والمجتمع
وضع البويجي بدك تقوليلي أني الدولة بدها تأملن عمل
أنا مع الدولة بترشيد أنواع العمل يعني النصح
هلق متل هالبويجي الدرويش
رسمال صندوقه كله 500 ليرة
يعني لا بده ترخيص ولا أجازة تجارة ولا فايلات ولا هم يحزنون
كله بس 500 ليرة وباليوم وطبعا بأذن الله بيطالعله من ال 100 إلى 300 هذا رزق مكتوب من عند الله عز وجل
النقطة الأنسان بيقدر ينظم شغله وعمله وسلوكه بالتقادم مع العمر والفكر
يعني أنا مرتاح بعملي ومبسوط إذا أنا مرتاح بفكري وبقدر ما أجيب 25 ولد وأحاول يكونوا ولدين وأحاول أعلمهم أحسن علم
هي مثال من الأمثلة
فيا ريت الحكومة تنظر بأمرهم لأنه بالنهاية كلياتنا بويجية عند بعضنا يعني كلياتنا عمنخدم بعضنا