شدد على عدم طلب وظيفة, محافظ حلب يخصص يوم الثلاثاء للقاء المواطنين والاستماع لمشاكلهم

[I_Love_Syria]

قرر محافظ حلب المهندس علي أحمد منصورة تخصيص يوم الثلاثاء من كل أسبوع للقاء المواطنين وذلك اعتباراً من الثلاثاء القادم بدءاً من الساعة 11 صباحاً .
وأشار المحافظ إلى أن الهدف من هذا القرار هو التواصل مع المواطنين والاستماع إلى همومهم ومشكلاتهم ومطالبهم المتعلقة بالشأن العام والقضايا الخدمية من أجل حلها بشكل فوري إلى جانب متابعة القضايا التي تحتاج إلى تواصل مع الجهات الأخرى من خلال إحالتها للمعالجة الفورية وذلك حرصاً على تفعيل العلاقة مع جميع شرائح المجتمع.
وقد ترك هذا الخبر صدىً إيجابياً لدى معظم الأهالي في حلب الذين كثيراً ما يعانون بإيصال صوتهم إلى المسؤولين تجاه بعض القضايا الملحة التي يعاني منها الكثير من المواطنين في حلب .
يقول أحمد سائق ( تكسي سرفيس ) نحن ننتظر هذا القرار منذ زمن ، وذلك لوضع المسؤولين الكبار في بلدنا بصورة ما يجري ، فربما تصلهم صورة الكثير من الأمور بشكل مختلف ، ونحن نعلم أن المسؤول الكبير يفتح قلبه وصدره لمشاكل الناس ، بخلاف الموظفين الصغار الذين غالباً ما يديرون وجوههم وظهورهم لمشاكلنا في هذا البلد .
أما المهندس علي فيقول : نشكر المحافظ على هذا القرار الذي يعد خطوة أولى بالإتجاه الصحيح ، وذلك للتعرف على الخفايا التي يعاني منها المواطن والتي وصلته صورتها بشكل مغلوط،, وانا واثق أن محافظ حلب من خلال هذا القرار سيكتشف أمورا لم تكن في الحسبان ، ونرجو أن يكون صدره رحباً باستقبال مشاكل المواطنين في حلب .
يذكر أن منصورة نبه إلى أهمية توخي الدقة والموضوعية بالطروحات والشكاوى والابتعاد عن الطلبات الخاصة والضيقة خصوصاً في مجال التعيين أوالحصول على وظيفة.

شام برس

[mhsen77]

خبر كتير حلو و يا ريت كل المحافظين و الوزراء يخصصو يوم بالاسبوع لسماع هموم الناس



بس يا ترى رح يكون المكتب مفتوح للكل ولا عن طريق الموظفين الصغار وتحديد مواعيد ...........


و قولتكون اذا مشي الحال و صار هالحكي كم يوم رح يقدر يتحمل طلبات الناس ولا مجرد دعاية

بكل الاحوال متفائل بهالخبر الخير

[sandra]

اي شو عم يصير بحلب
شي حملة نظافة عم يشاركو فيها الكشافة
وهلا هالخبر
جيد جيد

[saman]

كانو عم حسو احسن من محافظ حلب القديم .. يلي هلأ هوي وزير الادارة المحلية
الله يخليلكن ياه ويبعتلنا شي واحد ظريف متلو .. مو متل يلي عنا

[I_Love_Syria]

كاتب النص الأصلي : mhsen77

خبر كتير حلو و يا ريت كل المحافظين و الوزراء يخصصو يوم بالاسبوع لسماع هموم الناس

بالفعل خطوة حلوة كتير منّو للمحافظ وإذا مابيفتح بابو وبيسمع للناس مابيتقدم لقدّام وبيضل مكانك راوح إن شا الله يصير قدوة لباقي المحافظين ويطلع معهون شي

بس يا ترى رح يكون المكتب مفتوح للكل ولا عن طريق الموظفين الصغار وتحديد مواعيد ...........


و قولتكون اذا مشي الحال و صار هالحكي كم يوم رح يقدر يتحمل طلبات الناس ولا مجرد دعاية

بكل الاحوال متفائل بهالخبر الخير

يا أخي تفائلو بالخير تجدوه

كاتب النص الأصلي : sandra

اي شو عم يصير بحلب
شي حملة نظافة عم يشاركو فيها الكشافة
وهلا هالخبر
جيد جيد

بظن إنو صار لازم نسمع أخبار حلوة عن حلب صرلنا أكتر من شهرين بجرايم السرقة والقتل
الله يهنيكون بهالمحافظ ويبعتلنا واحد متلو

كاتب النص الأصلي : saman

الله يخليلكن ياه ويبعتلنا شي واحد ظريف متلو .. مو متل يلي عنا

آمين

[باشق مجروح]

اليوم قرأت جملة عجبتني :

لا تحرم الآخرين من الأمل فقد يكون هذا كل ما يملكونه !

فـ ما بعرف . بتمنى من كل قلبي تكون خطوة غير استعراضية أو حماس مؤقت للتغيير يفتر بعد زمن ويكون عندو رغبة جدية بالتغيير وصبر و تحمل الضغوط .
و موفق لما فيه خير البلاد .

[توم و جيري]

انشالله خير وانشالله لقدام ...

[Abu ToNi]

منيح والله هلخطوة كتير ظريفة

يعني اذا مع الأيام صار ما صار وتسكرت الدنيا بوجي بروح لعنده حتى يدبرلي وظيفة

[jankasanova]

خطوة رح تكون جدا مفيدة اذا اتطبقت
وانشالله بقية المحافظين تصيبن هالعدوى من المنصورة

[ابو نجبو]

يالله يالله.......

[Sun Shine Art]

يعني ما تتفهومنا غلط ..بس انا اجتني الضحكه ..يلا ان اشاء الله خير

[sona78]

كاتب النص الأصلي : Sun Shine Art

يعني ما تتفهومنا غلط ..بس انا اجتني الضحكه ..يلا ان اشاء الله خير

وحياتك وانا
وخاصة بخصوص هيدا الكلام ..

نحن ننتظر هذا القرار منذ زمن ، وذلك لوضع المسؤولين الكبار في بلدنا بصورة ما يجري ، فربما تصلهم صورة الكثير من الأمور بشكل مختلف ، ونحن نعلم أن المسؤول الكبير يفتح قلبه وصدره لمشاكل الناس ، بخلاف الموظفين الصغار الذين غالباً ما يديرون وجوههم وظهورهم لمشاكلنا في هذا البلد .

بس ما بدي انوسم بالمتشائمة .. ريتو نطلع غلطانين ونياتنا دائما سيئة ويطلع التفاؤل بهيك قرار صحيح........... قومي نصلي لهشي