top 5 أخوية

[yass]

ماني عم افتح احقاد دفينة ولا شي انا ماني من النوع اللي بيحقد على هيك قصص انتي كنت عم تقول انو المشرف تبع القسم ما بيقدر يعمل شي لانو مهمتو بس انو يرستق ويشكلس امور القسم وانا عم قلك لاء في مجال انو يوجهو باتجاه مفيد لكل الاقسام ومسلي بالنسبة للمسابقات بنفس الوقت وعطيتك مثال

وماني عم قول المشرفين فاشلين

pass

بس مو معقول تشيل المسؤولية عن المشرفين وتشلفها بشكل كامل عالاعضاء لانو المشرفين اعضاء كمان قبل ما يكونو مشرفين يعني انا مو بس مشرف على قسم المسابقات او المنبر او شو ما كان انا عضو بهالقسم كمان وانا بساهم متل اي عضو بانو هالقسم يصير يشد عالم

المشرف عضو ذو ميزات معينة .. فقط لا غير.. لو يظل يغني بالطاحون سنة اذا الأعضاء مابدهون شي فهالشي ما رح يصير (و كمثال تاريخي بأخوية خليني اعطيك حوار الأديان... كلنا استلمناه - ان كان كريمبو أو مجود أو عاشق من فلسطين أو سيزار أو أنا ... الخ - و كلنا فشلنا بجلاجل مجلجلة.. لأنو نحنا فاشلين؟ لأ.. لأنو ما اشتغلنا؟ كمان لأ.. كنت اشتغل ربع الشغل بالمنبرو تلت ارباع بحوار الأديان.. و المنبر ماشي ليرة و حوار الأديان ساحة معركة... ليش لأنو مود أعضاء المنبر كان جاي ع بعضو و منشطين القسم.. بينما حوار الأديان فيو ناس براسهون موال لو شو ما حذفت و خالفت هالموال ما تلغيه)

و كمان ماني شايل المسؤولية عن المشرف.. اللي عم قولو انو المشرف مانو موجود.. و هلأ في منسق.. مزبوط . منسق لبّسناه المسابقات تلبيس و عندو كذا قسم غيرو و عدا هيك فوتاتو قليلة..

اللي ما رح اعملو هو انو بشيل المسؤولية من الأعضاء... لأنو ما فيك تبرر تعدايتك الاشارة الضوئية و هيي حمرا بانو مافي شرطي عالزاوية يراقب.. أساسا بالدول اللي تحترم حالها مو شغلة الشرطي يتفرج مين يحترم الاشارة و مين لأ.... مافي مشرف هاد خطأ... لكن الخطأ لا يبرر الخطأ.. و كون مافي مشرف لا يعني انو نعمل مواضيع مكررة لشبعانة و نفس النمط الممل.. و مو حل يجي المشرف يحذف و يسكر و خلص... لأنو ما وصلنا غير لأنو كبتناه و سكّتناه... الغاية هيي انو يتعلم يتسلى بشي ابداعي مفيد... و ازا الشباب عم يحكو انو أعمار معينة و هيك... فأحسن و احسن.. بهالعمر ضروري تتعلم تتسلى بشكل مفيد و ممتع بدل ما تقعد تعد... يعني احسبوها ككبار.. ما تنصح الأصغر منك؟


و بس

[VivaSyria]

شباب أنا شايف كل وجهات النظر توضحت... وتحول الموضوع عن مسارو يلي كان بدو ياه كاتبو...
بالنهاية المشكل أكبر من الأعضاء و من المشرفين و من كل الأسباب.. المشكل هو مشكل تفكير في ناس بتلاقي حالها بالمواضيع الجدية و في ناس مابتلاقي حالها بهالمواضيع لأسباب قد تكون تتعلق بالعمر أو بالثقافة أو بالتفكير أو بالظرف المحيط...
فإذاً مافي حل يعني ما ممكن تجيب شباب مواضيع التسلية تجبرهن يلعبو سوديكو أو شطرنج لأنو من الأساس هنن مو فايتين لهون يفكرو و يعبوا وقتهن بشكل مفيد و هاد بالنهاية حقهن يلي مافينيا نحرمن منو.... و المشكلة الحقيقة تكمن بالنسبة نسبة هالشباب أكبر من نسبة الشباب يلي فايتين يعبو وقتهن بشي مفيد و الحقيقة هاد يلي زاعجني شخصياً... يعني ببساطه بمجرد الضغط على جديد المواضيع فيك تعرف نسب ماهي المواضيع الأكثر طلباً في أخوية...
و بالحقيقة أنا بقول هيك أحسن خليهن بمواضيعهن و مايدخلو بمواضيع تانيه أحسن لأنو بصراحه شفت حالات مأساوية لما يقرر واحد منهن يدخل بموضوع كبير شوي ( بيفوت الدنيا بالحيطان نتيجة جهلو بشو عم يكتب وعدم وجود خلفية فكرية عن الموضوع)...
الخلاصة: مارج نقدر نعمل شي فطلبنا الوحيد عيشوا و خلونا نعيش.. يعني ياريت تلعبوا قد مابدكن بس ما تكتسحوا الأخوية بمواضيع الدرجة العاشرة.. يعني اكتفوا بعدد محدد من هالمواضيع مشان مايكون الانطباع العام عن اخوية انها موقع "تسالي"...
بعتقد الموضوع حاجتو لهون وإلا تحول لموضوع من مواضيع العد.
وعذراً على الإطالة.

[hanny dagher]

كاتب النص الأصلي : VivaSyria

الخلاصة: مارج نقدر نعمل شي فطلبنا الوحيد عيشوا و خلونا نعيش.. يعني ياريت تلعبوا قد مابدكن بس ما تكتسحوا الأخوية بمواضيع الدرجة العاشرة.. يعني اكتفوا بعدد محدد من هالمواضيع مشان مايكون الانطباع العام عن اخوية انها موقع "تسالي"...

هادا اللي صرلي عم طحبش علي من الصبح

[yass]

الخلاصة: مارج نقدر نعمل شي فطلبنا الوحيد عيشوا و خلونا نعيش.. يعني ياريت تلعبوا قد مابدكن بس ما تكتسحوا الأخوية بمواضيع الدرجة العاشرة.. يعني اكتفوا بعدد محدد من هالمواضيع مشان مايكون الانطباع العام عن اخوية انها موقع "تسالي"...

ما استفدنا شي... حتى لو خليت موضوع واحد يعني.. ما بتفرق معي انو يكون في موضوع واحد 10000 رد أو 4 مواضيع بـ 2500... نفس الشي.. ( بالمصطلح الطبي: عم تعالجلو ارتفاع الحرارة بدون ما تعالج السبب اللي هو التهاب جرثومي).. بالنهاية العقلية ما تغيّرت... انو الشخص اللي يفوت يعد يلاقي أخوية مكان جيد لهالشي أنا بشوفو غلط (مو لأنو مستخف بهالشخص أو ما بدي ياه أو حاسو دون المستوى)... انما فقط انو بعتقد أخوية معمولة لغير شي.. و انو تكون أخوية تربة خصبة لهالنوع من التسالي شي مانو مبشر بالخير...

لاحظ عم قول انو شخص يعد بقصد بهالشي الشخص اللي يتسلى بطريقة خلينا نقول غير مثمرة أو غير ابداعية أو غير مجددة... ما عم قول انو شخص يتسلى.. بعتقد التسالي هامة كتير و ضرورية كمان

[hanny dagher]

كاتب النص الأصلي : yass

ما استفدنا شي... حتى لو خليت موضوع واحد يعني.. ما بتفرق معي انو يكون في موضوع واحد 10000 رد أو 4 مواضيع بـ 2500... نفس الشي.. ( بالمصطلح الطبي: عم تعالجلو ارتفاع الحرارة بدون ما تعالج السبب اللي هو التهاب جرثومي).. بالنهاية العقلية ما تغيّرت... انو الشخص اللي يفوت يعد يلاقي أخوية مكان جيد لهالشي أنا بشوفو غلط (مو لأنو مستخف بهالشخص أو ما بدي ياه أو حاسو دون المستوى)... انما فقط انو بعتقد أخوية معمولة لغير شي.. و انو تكون أخوية تربة خصبة لهالنوع من التسالي شي مانو مبشر بالخير...

لاحظ عم قول انو شخص يعد بقصد بهالشي الشخص اللي يتسلى بطريقة خلينا نقول غير مثمرة أو غير ابداعية أو غير مجددة... ما عم قول انو شخص يتسلى.. بعتقد التسالي هامة كتير و ضرورية كمان

عطينا حل

[yass]

كاتب النص الأصلي : hanny dagher

عطينا حل

الحل بفرض انو بدي اعطيه ما رح اعطيه هون (كحل اشرافي أو اداري).. و الحل الاشرافي لازم يكون بهالحالة آخر خيار (هلأ في خيار اغلاق هالمواضيع.. بس عم عالج النتيجة و ليس السبب, و بالتالي راح ترجع تظهر أعراض بشكل آخر بعدين) .... هون عم نناقش ظاهرة... عم نسلط ضوء على مشكلة و الحل تبع هالمشكلة مو عندي أو عند المنسق تبع القسم.. الحل تبعها يكمن انو الأعضاء يصير عندهون وعي لهالمسألة و يصيرو الأعضاء بحد ذاتهون بمثابة جماعة ضغط..

من فترة صار تسليط ضوء على مشكلة النكش الفارغ للمواضيع القديمة.. و عن طريق "التوعية" (مو مصطلح دقيق بس شي مشابه يعني) صارو الأعضاء ما ينكشو.. و حتى اللي ينكش بيشوف ما حدا يرد وراه أو ما حدا يستحسن النكش انما يستهجنو.. و انخفض معدل النكش بدون مبالغة بـ 70-80 %... هون لازم يصير نفس الشي.. انو يصيرو الناس من حالهون يستهجنو هالنوع من المواضيع

[Abu ToNi]

فاصل اعلاني :
التاريخ
29/09/2007
يعني فيكم تقولوا سنة الا كام شحطة ..

كاتب النص الأصلي : gabriel

يا جماعة في شي كتير غلط عبصير عندنا بالأخوية واللي هو ارتفاع نسبة السخافة يعني المصخرجية عبيكتروا والعقول عبتقل انا ما عبصنف حالي باي قسم بس عنجد صار من الشبه مستحيل تشوف شي حوار متمدن عبدور بالأخوية الا ما يكون ابطاله نفس الأشخاص عالم بتعطيك مثاليات وهي ما الها علاقة بالعلاقة ما آخد عقلها غير الدين وكان العالم ما الها شغلة غير تخانقها وتحقر بدينها وعالم عايشين على التحشيش واللي انا شخصيا صرت احترمهم اكتر شي لأنهم من اريح الشباب اللي ممكن تتعامل معهم

وعالم وهدول بصراحة ما بعرف من شو معجونين يعني المواضيع اللي بقسم المسابقات عبتحطم الأرقام القياسية من ناحية المشاركات يعني كتير طبيعي انك تشوف موضوع على نمط " بس تصير الرقم خمسة ابعت وردة لمين بدك "

او " ابعت لك شي عضو يغسل سيارتك "

او ارسل رسالة خاصة لشي حدا بالمنتدى " او عناوين غير الله ما بيعرف من وين عبيخترعوها والغريب انه في عالم مواظبة على هيك سخافات يعني همهما الأول والأخير بكل المنتدى هو انها تشارك وتحيي وتعيد احياء وترجع تحيي وترجع تعيد احياء هيك مواضيع وكانها فرض مدرسي عليها ولازم تعمله .

بس كل هاد الشي عبسبب ازدياد السخافة بالأخوية

انا ما بنكر ان المسابقات لا بد منها لتخفيف الضغط لأننا بالاخير هون نحن منتدى ماننا موقع معلومات بس يا جماعة الله ما شافوه بس بالعقل عرفوه

ولسع العالم مصرّة ترفع عنّي صفة النبوة

[hanny dagher]

كاتب النص الأصلي : yass

الحل بفرض انو بدي اعطيه ما رح اعطيه هون (كحل اشرافي أو اداري).. و الحل الاشرافي لازم يكون بهالحالة آخر خيار (هلأ في خيار اغلاق هالمواضيع.. بس عم عالج النتيجة و ليس السبب, و بالتالي راح ترجع تظهر أعراض بشكل آخر بعدين) .... هون عم نناقش ظاهرة... عم نسلط ضوء على مشكلة و الحل تبع هالمشكلة مو عندي أو عند المنسق تبع القسم.. الحل تبعها يكمن انو الأعضاء يصير عندهون وعي لهالمسألة و يصيرو الأعضاء بحد ذاتهون بمثابة جماعة ضغط..

من فترة صار تسليط ضوء على مشكلة النكش الفارغ للمواضيع القديمة.. و عن طريق "التوعية" (مو مصطلح دقيق بس شي مشابه يعني) صارو الأعضاء ما ينكشو.. و حتى اللي ينكش بيشوف ما حدا يرد وراه أو ما حدا يستحسن النكش انما يستهجنو.. و انخفض معدل النكش بدون مبالغة بـ 70-80 %... هون لازم يصير نفس الشي.. انو يصيرو الناس من حالهون يستهجنو هالنوع من المواضيع

طيب كيف ممكن توعي العالم انو هالمواضيع هاي مستهجنة بنفس الطريقة اللي وعيتهن انو النكش مستهجن

[VivaSyria]

لاحظ عم قول انو شخص يعد بقصد بهالشي الشخص اللي يتسلى بطريقة خلينا نقول غير مثمرة أو غير ابداعية أو غير مجددة... ما عم قول انو شخص يتسلى.. بعتقد التسالي هامة كتير و ضرورية كمان

هيك فوتتنا بنقاش تاني.. يعني تصنيف طريقة التسلية هو موضوع نسبي وبيرجع للمشتركين بالموضوع واذا بدنا نقيم المواضيع بأي طريقة لازم تقيمها من تفاعل الأعضاء معها.. بهالحالة نحنا الخسرانين لأنو التفاعل مع أسخف المواضيع عم يكون قوي جداً.. فيلي ممكن أنا وياك نلاقيه مثمر هنن يلاقوه ممل أو جامد و يلي نحنا ممكن نلاقيه إبداعي هنن ممكن يلاقوه غير مسلي..

من فترة أنا عملت لعبة عن المصطلحات الأجنبية أنا كنت ملاقيها حلوة كتير بس للأسف ما كان تفاعل الأعضاء معها متل ماني متوقع بالعكس الموضوع ما تجاوز كم مشترك تفاعلوا مع انو اللعبة مابدها غير شوية تفكير و شوية بحث بمواقع الانترنت و كتير مفيدة..
برجع بقلك المشكل مشكلة طريقة تفكير ومشكلة مخزون فكري و ثقافي.

[yass]

كاتب النص الأصلي : hanny dagher

طيب كيف ممكن توعي العالم انو هالمواضيع هاي مستهجنة بنفس الطريقة اللي وعيتهن انو النكش مستهجن

بصراحة؟ اني اعمل لوبي ضغط على طراز الستايل الحشت نشتي تبع حوار الأديان بالزمانات + مجموعة اجراءات اشرافية بدي اقترحها على هاندسم بس يدخل... بعتقد هيك ممكن يتحسن الوضع (مانو المشكلة الوحيدة الموجودة عنا و بالتالي ما نقدر نركز عليها بشكل كبير... )

[VivaSyria]

كاتب النص الأصلي : hanny dagher

طيب كيف ممكن توعي العالم انو هالمواضيع هاي مستهجنة بنفس الطريقة اللي وعيتهن انو النكش مستهجن

هاني مو المواضيع بحد ذاتها المستهجنة.. المستهجن هو التفاعل المو طبيعي بهالمواضيع و المستهجن أكتر تكرار هالمواضيع بنفس الشكل وع اختلاف الصيغة.. هي المشكل انو في أعضاء أخدين نمط غير منتديات على مايبدو "مع اني بحياتي مافتت على غير منتدى" بيحطو مواضيع بطريقة يجيبو أكتر عدد مشاركة متل شو رأيك بمدري مين و اكتوب رسالة و هالطريقة.. و حتى بتحس انو بصيغة الموضوع فيها سوسبينس انو بس مشان الله حطو مشاركات.. ولفتني أكتر من مرة انو في أعضاء بيستفزوك قصداً انو لازم تشارك بنوضوعهن... و كأنو عم يقبضو على كل مشاركة مصاري..

[yass]

كاتب النص الأصلي : VivaSyria

هيك فوتتنا بنقاش تاني.. يعني تصنيف طريقة التسلية هو موضوع نسبي وبيرجع للمشتركين بالموضوع واذا بدنا نقيم المواضيع بأي طريقة لازم تقيمها من تفاعل الأعضاء معها.. بهالحالة نحنا الخسرانين لأنو التفاعل مع أسخف المواضيع عم يكون قوي جداً.. فيلي ممكن أنا وياك نلاقيه مثمر هنن يلاقوه ممل أو جامد و يلي نحنا ممكن نلاقيه إبداعي هنن ممكن يلاقوه غير مسلي..

من فترة أنا عملت لعبة عن المصطلحات الأجنبية أنا كنت ملاقيها حلوة كتير بس للأسف ما كان تفاعل الأعضاء معها متل ماني متوقع بالعكس الموضوع ما تجاوز كم مشترك تفاعلوا مع انو اللعبة مابدها غير شوية تفكير و شوية بحث بمواقع الانترنت و كتير مفيدة..
برجع بقلك المشكل مشكلة طريقة تفكير ومشكلة مخزون فكري و ثقافي.

اي التصنيف سهل... انو خيو نحنا فكرنا بمنتدانا انو بدنا هيك و هيك.. و هاد اللي متصورينو و هاد اللي بيهمنا يصير.. يجوز ما يواتيك أو ما بيناسبك.. ما عم نقول انك أسوء أو احسن او أقل أو اكثر...مجرد انو لا نحنا طابقين عليك و لا انت طابق علينا.. و ماخرج نروح لعندك لأنو الجماعة متقلين بالغدا و قاعدين عالكنباية و عم يتفرجو عالتلفزيون و ما خرج يتحركو هلأ... فلذلك يا تجي انت لعنا يا أما ما رح نلتقي.. و فقط....


بدها حركشة و شغل... بس مافي شي ما بيصير.. المهم الناس بدها تتعاون... هاد أهم شي .. لأنو بدون تعاون من الشعب و الله لو بنجيب أحسن مشرف بالكون ما رح يمشي الحال

[VivaSyria]

كاتب النص الأصلي : yass

اي التصنيف سهل... انو خيو نحنا فكرنا بمنتدانا انو بدنا هيك و هيك.. و هاد اللي متصورينو و هاد اللي بيهمنا يصير.. يجوز ما يواتيك أو ما بيناسبك.. ما عم نقول انك أسوء أو احسن او أقل أو اكثر...مجرد انو لا نحنا طابقين عليك و لا انت طابق علينا.. و ماخرج نروح لعندك لأنو الجماعة متقلين بالغدا و قاعدين عالكنباية و عم يتفرجو عالتلفزيون و ما خرج يتحركو هلأ... فلذلك يا تجي انت لعنا يا أما ما رح نلتقي.. و فقط....

بدها حركشة و شغل... بس مافي شي ما بيصير.. المهم الناس بدها تتعاون... هاد أهم شي .. لأنو بدون تعاون من الشعب و الله لو بنجيب أحسن مشرف بالكون ما رح يمشي الحال

هاد الحكي ممتاز و أنا معك فيه 100%... بس بهي الطريقة منكون حولنا أخوية لمنتدى نخبوي "بمعنى نخبوي من حيث مستوى النقاشات و المواضيع" بس للأسف بدنا نخسر كتير أعضاء من جماعة سنوات الضياع يا ترى هل هالشي مناسب لأخوية؟

[yass]

كاتب النص الأصلي : VivaSyria

هاد الحكي ممتاز و أنا معك فيه 100%... بس بهي الطريقة منكون حولنا أخوية لمنتدى نخبوي "بمعنى نخبوي من حيث مستوى النقاشات و المواضيع" بس للأسف بدنا نخسر كتير أعضاء من جماعة سنوات الضياع يا ترى هل هالشي مناسب لأخوية؟

لأ مو قضية نخبوي... انما نحاول ننهي التكرار و المسخ و الابتذال.. مابدي اخوية يكون نخبوي.. بالعكس تماما... انما يكون في جو خاص و طقس خاص و العضو ياخد ع هالجو بما فيه فائدته...بفضل يفوت عضو ع قد حالو بس حابب يستفيد و يتعلم و يوسع أفقه على انو يفوتو 5 بروفيسورات زمانهون..

أنا سعادتي تكون لما بسمع من شخص انو مفاهيمو أو أفكارو تطورت و تقدمت بأخوية.. و هالشي ما بيتحقق بمنتدى نخبوي..

[قرصان الأدرياتيك]

من جماعة سنوات الضياع


مساء الخير...
شو فين جماعة سنوات الضياع؟ ليكون مو عاجبينك؟
أنت نظرتك لهالشي تختلف عن نظرتي، ومو بالضرورة تقييمك لهالشي صحيح لأن الحياة ومفاهيما نسبية وما ضل فيها شي مطلق.

[اللامنتمي]

كاتب النص الأصلي : قرصان الأدرياتيك

من جماعة سنوات الضياع


مساء الخير...
شو فين جماعة سنوات الضياع؟ ليكون مو عاجبينك؟
أنت نظرتك لهالشي تختلف عن نظرتي، ومو بالضرورة تقييمك لهالشي صحيح لأن الحياة ومفاهيما نسبية وما ضل فيها شي مطلق.

يعني بفهم منك أنت مُعجب بـِ " لميس " إلا بالمسلسل

[VivaSyria]

كاتب النص الأصلي : yass

لأ مو قضية نخبوي... انما نحاول ننهي التكرار و المسخ و الابتذال.. مابدي اخوية يكون نخبوي.. بالعكس تماما... انما يكون في جو خاص و طقس خاص و العضو ياخد ع هالجو بما فيه فائدته...بفضل يفوت عضو ع قد حالو بس حابب يستفيد و يتعلم و يوسع أفقه على انو يفوتو 5 بروفيسورات زمانهون..

أنا سعادتي تكون لما بسمع من شخص انو مفاهيمو أو أفكارو تطورت و تقدمت بأخوية.. و هالشي ما بيتحقق بمنتدى نخبوي..

طيب شو رأيك نعمل تيست للأعضاء قبل الإنتساب؟؟ عم احكي جد يعني متل إختبار أو فترة تجريبية يابيكمل العضو يا أما لاء؟

[hanny dagher]

كاتب النص الأصلي : yass

بصراحة؟ اني اعمل لوبي ضغط على طراز الستايل الحشت نشتي تبع حوار الأديان بالزمانات + مجموعة اجراءات اشرافية بدي اقترحها على هاندسم بس يدخل... بعتقد هيك ممكن يتحسن الوضع (مانو المشكلة الوحيدة الموجودة عنا و بالتالي ما نقدر نركز عليها بشكل كبير... )

اوكي كتير حلو معناتا بلشنا نحط رؤوس خيطان نشتغل عليها