من اهم اسباب تسميتنا بدول العالم الثالث

[بسام الادعشري]

كاتب النص الأصلي : samsoum

شكرا لردك اللطيف
بس انا ماذكرت هون الدين كسبب، من قبيل انو الدين غلط..لا ابدا..انا احترم كل الاديان..وكل واحد حر بدينه.. انا اصلا لأني ضد ادخال الدين بكل كبيرة وصغيرة ذكرت هالشي، وهذا واضح تماما بردي السابق بتمنى ترجعله.
وانا مابيهمني اذا كان الدين الاسلامي او المسيحي يحث على العمل اولأ.. وحضرتك هون وقعت بنفس المطب اللي انا ذكرته سابقا.. بمعنى.. انو العمل شيء بديهي انا بحاجته ولازم اعملو لحتى اكل وعيش ..وما في داعي اني انتظر تعليمات دينية اوغير دينية لحتى تحثني عالعمل.. و شوف مثلا دول اروبية كتيرة مثل ألمانيا وفرنسا وسويسرا والدنمارك والسويد وغيرها التي تعتبر من الدول العلمانية لوين وصلت، مع انو شعوب هالدول بمعظمها غير متدينة، وشوف شعوبنا اللي بكل شيء بيحشرو الدين بالعمل وبالنوم والاكل وحتى بسرير الزوجية.شوف لوين وصلنا.. بدليل انو هالموضوع هذا تحديدا هو عنهم وعن تخلفهم..او عنا وعن تخلفنا.. متل مابدك
بتمنى تكون فهمت قصدي.
وتحياتي الك

انا اسفة لأنو دائما عم بختلف معك .
بس انا ومن وجهة نظري انو تخلفنا مو لأننا عم نستعين بالدين بكل صغيرة وكبيرة
بس لأننا ما عم نستعين بيه بالطريقة الصحيحة
واسفة لأني عم قول هالكلمة(ديني) بحثني انو استعين بيه في كل شي
هي الإستعانة ما بضرنا بالعكس بتنفعنا وبتساعد في وحدتنا
انا اسفة لأني مني مؤهلة من الناحية العلمية بالدين لحتى اشرح الطريقة الصحيحة
بس يلي بدي قولو انو في طريقة غير يلي عم نستعملها هلق هي افضل
وبدي قول كمان انو هالدول العلمانية يلي قلت عنها منها كاملة او منها سعيدة لدرجة انو ما عندها اي مشاكل
بل بالعكس هي عندها مشاكل ما بيقدر يحلها الا الدين (لما بينفهم صح) والرجوع الى الله سبحانه وتعالى
وبكرر اسفي واعتذاري مع شكري

[azs25]

كلام صحيح

[أبو عقييد]

كاتب النص الأصلي : samsoum

اهلين اخت بسام(هي اول مرة بحكي مع وحدة اسمها بسام)
متل ماحكيت قبل هيك للأخ ابو عقييد.. انو ربنا خلقنا مو لحتى ناكل وننام وبالاخر شي يروح عالنار وشي عالجنة.. ربنا خلقنا لحتى نشتغل ونكون فاعلين بمجتمعاتنا ، كل واحد باختصاصه مهما كان بسيط او سخيف بالنسبة للآخرين، وانو العمل شي بديهي ... بس اللي صاير هو بالفعل متل ماحكيتي.. بنقعد وبنقول الله ماراد نلاقي شغل.. او ما أذن بهالوظيفة... بس ليش بنقول هيك.. لحتى مانعترف بإنو نحنا مو مؤهلين لهيك عمل او هيك وظيفة بسبب تقصيرنا واهمالنا وعدم التحضير اللازم..فبنقوم بنرمي كل شي على انو الله ماراد
لك اذا ام قاعدة بسيران (يعني نزهة) ووقع احد ابناءها بالنهر او ضربتو سيارة بيقولو انو الله هيك كاتبلو.. مابيقولو انو اهمال امه وعدم مراقبتها الو ،هو اللي تسبب بهالشي..واذا احترق بيت بسبب الاب اللي عم يدخن عالسرير.. بيقولو الله كاتب هيك مابيقولو انو غباء هالاب واستهتاره هو السبب.. الله قال اعقل وتوكل.. اظن هي الكل بيعرفها بس ماحدا بيطبقها .. الكل بس بيتوكل
طبعا في اسباب في غاية الاهمية (لتخلفنا) انشالله لاحقا بنذكرها
شكرا وتحياتي الك

كلامك حبيبنا 100 بالمية مظبوط بس ممكن سؤال واحد إذا اتكرمت
السؤال هوة انو في ناس بتخبها سيارة بتموت و في ناس بتخبطها سيارة مابتموت ليش
في ناس تسلت من تالت طابق مابتموت و في ناس بتسلت من طابق اول بتموت
طيب أنت بتشوف على التلفزيو على قناة أكشن برنامج أسمو حوادث أي الله وكيلك بتلاقي في منهن بيصير معهن حوادث بتقول مستحيل لازم يكون مات بهالحادث بس مابيموت مشان هيك بيقولو هاد اللي الله كاتبو بس مو قصدهن على هالشي أنو الولد وقع بالمي لأ لما يوقع الولد بالمي هاد استهتار صح بس أنو مات بسبب أنو وقع بالمي هاد تقدير رب العالمين لأنو في ولاد بتوقع نفس الوقعة و مابتموت و شكرا

[أبو عقييد]

كاتب النص الأصلي : بسام الادعشري

انا اسفة لأنو دائما عم بختلف معك .
بس انا ومن وجهة نظري انو تخلفنا مو لأننا عم نستعين بالدين بكل صغيرة وكبيرة
بس لأننا ما عم نستعين بيه بالطريقة الصحيحة
واسفة لأني عم قول هالكلمة(ديني) بحثني انو استعين بيه في كل شي
هي الإستعانة ما بضرنا بالعكس بتنفعنا وبتساعد في وحدتنا
انا اسفة لأني مني مؤهلة من الناحية العلمية بالدين لحتى اشرح الطريقة الصحيحة
بس يلي بدي قولو انو في طريقة غير يلي عم نستعملها هلق هي افضل
وبدي قول كمان انو هالدول العلمانية يلي قلت عنها منها كاملة او منها سعيدة لدرجة انو ما عندها اي مشاكل
بل بالعكس هي عندها مشاكل ما بيقدر يحلها الا الدين (لما بينفهم صح) والرجوع الى الله سبحانه وتعالى
وبكرر اسفي واعتذاري مع شكري

بتعرفي شو عجبني بكلامك الصراحة كلامك قليل و لكن معناه وفير يعني خير الكلام ماقلّ و دلّ

[samsoum]

ياجماعة انا ماعم قول انو تركو الدين وصيرو كفار او ملحدين او لادينيين لحتى تنجحو بحياتكم .. اطلاقا.. انا بعرف الدين الاسلامي كتير منيح..وبزمناتي خاتم القرآن وكنت حافظ 11 جزء منه عن غيب، ويمكن بعرف بالمسيحية واليهودية شوي.. وبعرف انو هالاديان بتحث عالعمل الصالح وكل الاشياء الجيدة.. وبصدق هالشي.. لأنو هالاديان الثلاثة لرب واحد.. وبالتالي التعاليم الدينية لازم تكون واحدة .. حتى لو اختلفت العبارات اللي بتحكي عنها
انا عم قول انو نحنا عم نستخدم الدين كمظلة لحتى نبرر لأنفسنا انو نحنا ماعم نرتكب اخطاء.. وحتى لما بنرتكب اخطاء بنقول انوالله كاتبلنا نرتكب هالاخطاء.. هالكلام مابيفوت بعقلي أبدا.. لكان ليش نحنا الله وهبنا العقل؟؟ مو لحتى نميز الصح وما نوقع بالخطأ؟؟
وبعدين للأخت (بسام) الدول اللي انا حكيت عنها صحيح عندها مشاكل كثيرة جدا، بس مافينا ننكر انها دول استطاعت انو تخرج من حرب مدمرة بفترة قياسية، ومن ولا شي، شو فو شو صارت.. ورح امشي معك (اذا ماعندك مانع) بانو اذا التزمو دينيا رح يتخلصو من الكثير من مشاكلهم.. طيب.. اما نحنا فالمصيبة عنا مضاعفة.. يعني عنا مشاكل هائلة.. واعتقد اكثر بكثير من مشاكل الغرب.بس معظمها مخفي ويتم التستر عليه.. وبنفس الوقت ماقدرنا نتطور.. مع انو عنا كل مقومات التطور
بالله برأيك هالشي مو لغز او حزورة؟؟
وبعدين مافي داعي للاعتذار بسبب اختلاف الآراء.. لأنو هالشي مو ذنب ولا بشوف فيه اهانة.
سلامات

[أبو عقييد]

كاتب النص الأصلي : samsoum

ياجماعة انا ماعم قول انو تركو الدين وصيرو كفار او ملحدين او لادينيين لحتى تنجحو بحياتكم .. اطلاقا.. انا بعرف الدين الاسلامي كتير منيح..وبزمناتي خاتم القرآن وكنت حافظ 11 جزء منه عن غيب، ويمكن بعرف بالمسيحية واليهودية شوي.. وبعرف انو هالاديان بتحث عالعمل الصالح وكل الاشياء الجيدة.. وبصدق هالشي.. لأنو هالاديان الثلاثة لرب واحد.. وبالتالي التعاليم الدينية لازم تكون واحدة .. حتى لو اختلفت العبارات اللي بتحكي عنها
انا عم قول انو نحنا عم نستخدم الدين كمظلة لحتى نبرر لأنفسنا انو نحنا ماعم نرتكب اخطاء.. وحتى لما بنرتكب اخطاء بنقول انوالله كاتبلنا نرتكب هالاخطاء.. هالكلام مابيفوت بعقلي أبدا.. لكان ليش نحنا الله وهبنا العقل؟؟ مو لحتى نميز الصح وما نوقع بالخطأ؟؟
وبعدين للأخت (بسام) الدول اللي انا حكيت عنها صحيح عندها مشاكل كثيرة جدا، بس مافينا ننكر انها دول استطاعت انو تخرج من حرب مدمرة بفترة قياسية، ومن ولا شي، شو فو شو صارت.. ورح امشي معك (اذا ماعندك مانع) بانو اذا التزمو دينيا رح يتخلصو من الكثير من مشاكلهم.. طيب.. اما نحنا فالمصيبة عنا مضاعفة.. يعني عنا مشاكل هائلة.. واعتقد اكثر بكثير من مشاكل الغرب.بس معظمها مخفي ويتم التستر عليه.. وبنفس الوقت ماقدرنا نتطور.. مع انو عنا كل مقومات التطور
بالله برأيك هالشي مو لغز او حزورة؟؟
وبعدين مافي داعي للاعتذار بسبب اختلاف الآراء.. لأنو هالشي مو ذنب ولا بشوف فيه اهانة.
سلامات

حبيبي و عيوني و تاج راسي أنت بهالكلام أنت عيني يعني العيب مو بدينا ولا العيب بزمانا العيب فينا نحنا العرب ما عم نحسن التصرف صح أنت هيك قلت و الكلام هاد سليم أشكرك لأنك قلت ((ياجماعة انا ماعم قول انو تركو الدين وصيرو كفار او ملحدين او لادينيين لحتى تنجحو بحياتكم .. اطلاقا.. انا بعرف الدين الاسلامي كتير منيح..وبزمناتي خاتم القرآن وكنت حافظ 11 جزء منه عن غيب، ويمكن بعرف بالمسيحية واليهودية شوي.. وبعرف انو هالاديان بتحث عالعمل الصالح وكل الاشياء الجيدة))
شكرا لكلامك الرائع و بدي قول بيت شعر و يلي هو "" نعيب الزمان و العيب فينا و مالي الزمان عيب سوانا"" كلامك مظبوط يامعلم و نحنا لازم نرجع نوعا على حالنا و نمسك أديانا منيح و عقائدنا منيح و نعمل و نطور أنفسنا لحتى انصير بشر واعيين و أحسن من الغرب و شكرا إلك

[samsoum]

كاتب النص الأصلي : أبو عقييد

كلامك حبيبنا 100 بالمية مظبوط بس ممكن سؤال واحد إذا اتكرمت
السؤال هوة انو في ناس بتخبها سيارة بتموت و في ناس بتخبطها سيارة مابتموت ليش
في ناس تسلت من تالت طابق مابتموت و في ناس بتسلت من طابق اول بتموت
طيب أنت بتشوف على التلفزيو على قناة أكشن برنامج أسمو حوادث أي الله وكيلك بتلاقي في منهن بيصير معهن حوادث بتقول مستحيل لازم يكون مات بهالحادث بس مابيموت مشان هيك بيقولو هاد اللي الله كاتبو بس مو قصدهن على هالشي أنو الولد وقع بالمي لأ لما يوقع الولد بالمي هاد استهتار صح بس أنو مات بسبب أنو وقع بالمي هاد تقدير رب العالمين لأنو في ولاد بتوقع نفس الوقعة و مابتموت و شكرا

كمان كلامك مع احترامي الك ..هذا احد الاسباب الرئيسية لتطور الغرب وتخلفنا( لاتفهم من خلال كلامي اي اساءة لشخصك)
الغرب عندهم تفسير علمي لهيك حوادث وبيعرفو ليش هاد مات وليش وهداك مامات .. بكل بساطة.. ونحنا كمان بنعرف.. بس مابنعترف.. بنقول الله كاتبلو هيك
يعني الفرق كتير بسيط.. وهالشي كنت بدي اكتبه ضمن احد اسباب تخلفنا... وهي .. بالرغم من انو متل ماتفضلت برد سابق انو الكثير من الاطباء والعلماء القدامى كانو من العرب و المسلمين.. مايدعونا لتحليل اي حادثة تحليل علمي ومنطقي.. عم نلجأ للدين ونقول انو الله هيك كاتب.. بينما الدول المتطورة واللي نحنا بنقول عنهم انهم كانو ينامو عالاشجار لما كنا في اوج ازدهارنا.. صارت تبحث عن الحلول وتسن القوانين لتفادي الحوادث بأنواعها.. بالاعتماد على العلم.. والعلم فقط
تذكرت هون شي ضحكني.. مرة كنت باحدى الدول العربية، وقريت على لافتة مرورية موضوعة على عمود على مفترق طرق..قف بإذن الله...تمنيت لو كان معي كاميرا لصورها.. بتشوفو هالحكي معقول؟؟؟

[أبو عقييد]

كاتب النص الأصلي : samsoum

كمان كلامك مع احترامي الك ..هذا احد الاسباب الرئيسية لتطور الغرب وتخلفنا( لاتفهم من خلال كلامي اي اساءة لشخصك)
الغرب عندهم تفسير علمي لهيك حوادث وبيعرفو ليش هاد مات وليش وهداك مامات .. بكل بساطة.. ونحنا كمان بنعرف.. بس مابنعترف.. بنقول الله كاتبلو هيك
يعني الفرق كتير بسيط.. وهالشي كنت بدي اكتبه ضمن احد اسباب تخلفنا... وهي .. بالرغم من انو متل ماتفضلت برد سابق انو الكثير من الاطباء والعلماء القدامى كانو من العرب و المسلمين.. مايدعونا لتحليل اي حادثة تحليل علمي ومنطقي.. عم نلجأ للدين ونقول انو الله هيك كاتب.. بينما الدول المتطورة واللي نحنا بنقول عنهم انهم كانو ينامو عالاشجار لما كنا في اوج ازدهارنا.. صارت تبحث عن الحلول وتسن القوانين لتفادي الحوادث بأنواعها.. بالاعتماد على العلم.. والعلم فقط
تذكرت هون شي ضحكني.. مرة كنت باحدى الدول العربية، وقريت على لافتة مرورية موضوعة على عمود على مفترق طرق..قف بإذن الله...تمنيت لو كان معي كاميرا لصورها.. بتشوفو هالحكي معقول؟؟؟

ياسيدي كلامك مظبوط بس أنا ما قصدت أنو قول رب العالمين هو يلي قتلو مو استهتار الأم بس أنا سألتك أنو في ناس بتموت و في ناس لأ ليش هون فيك أنت تقسم الحالة لقسمين القسم الأول هوة سبب الوقوع و القسم التاني هوة نتيجة الوقوع يعني شو صار بعد ما وقع الولد بالمي أما القسم الأول هوة استهتار الأم و اما القسم التاني هوة اختناق الولد بالمي يلي هون في حالتين أنو في ناس بتعيش و هي الله كاتبلها العمر و التانية بتموت لأنو الله مو كاتبلها اتعيش و هي لا بإيدك ولا بإيد أكبر عالم كتير ناس بتمرض و بتتعافى مع انو بيقولو الأطباء أنو مافي أمل منو و مع ذلك بتعيش و كتير نا بتموت مع أنو مرضها سخيف بيكون ننتقل لموضوع آخر يلي العلم مابيقدر يفسر حالتو و هو الموت الطبيعي لو كان الموت الطبيعي بدون تدخل الله عز وجل كانت الناس كلها ماتت بعمر واحد بس أنت مو ملاحظ أنو في ناس بتعيش 100 سنة و ي ناس بتموت بالأربعين موت طبيعي معناها الله مو رايدلو يعيش أكتر من هيك هي هي إرادة الرحمن عز و جل و شكرا

[أبو عقييد]

كاتب النص الأصلي : samsoum

تذكرت هون شي ضحكني.. مرة كنت باحدى الدول العربية، وقريت على لافتة مرورية موضوعة على عمود على مفترق طرق..قف بإذن الله...تمنيت لو كان معي كاميرا لصورها.. بتشوفو هالحكي معقول؟؟؟

بحب قلك كلمة وحدة أخي العزيز لما كنت عند مفترق الطريق يلي اتحدثت عنو و اضحكت على كلمة قف بإذن الله بدي قلك أنو الحمد لله يلي مافلت معك الفرام (طيعا لسبب ميكانيكي و السبب أنو أنت مالك مشيك على سيارتك قبل ما تطلع مشواركلأنو مو كل الناس بتنزل تحت السيارة يوميا مشان اتشيك على طبة الزيت أو على وضع الفرامل فهذا السبب هو عطل ميكانيكي و ليس لإرادة الله ) و ما عملت حادث لسبب (منطقي و ليس لإرادة الله) لأنو لو فلتت معك طبة الزيت تبع الفرام طبعا بسبب ميكانيكي و منطقي و ليس بإرادة الله كنت رح تعمل حادث و الحادث ليس الله هو سببه و أنما خروج الزيت من طرنبة الزيت للفرامل وبعد هيك بسبب الحادث توفيت و سبب الوفات ليس إرادة الله كما تقول أنما أصبت بمكان سبب لك الموت ممكن بالدماغ أو بمكان آخر مشان هيك كتبولك على الطريق توقف بإذن الله يعني كأنك عم تدعي إلى الله أنو يحميك و ايكون توقفك طبيعي بدون مشاكل ميكانيكية بالسيارة
أنت لو كنت عم تشتغل عند شخص و عم يجيك من عندو مردود مادي كبير مابتحلم فيه بتاني شركة و قلك صاحب الشركة ماعد بدي شغلك عندي هيك بدون سبب أو لأنك مقصر بالعمل ما بتطلب منو أنو يخليك بالشغل و بتقلو عطيني فرصة حسن حالي أو يمكن يكون هو مو حابك أصلا و أنت بتعرف أنو مارح تحلم بغير فرصة متل هي برا بتطلب منو انو يخليك بشغلك أكيد فشو بالك أنو تطلب من الله أنو يحميك و ما يصير معك حادث بسبب عطل ميكانيكي و ليس عطل بإرادة الله
حبيت ناقشك أخي الحبيب بالطريقة يلي ناقشتنا فيها أسأل الله الهداية مع سعينا وراء الهداية لأن بدون السعي لا نحصل عليها
و شكرا إلك ياعزيزي

[أبو عقييد]

يا أخي العمل و التطور و النجاح كلو مطلوب منا نحنا بس الله هو الموفق شوف المخلوقات كيف عايشة كلشي رب العالمين وضع له أسباب و مسببات رح أضعها بين قوسين ((أسباب و مسبات )) يعني متل قصة الطفل و النهر السبب أهمال الأم و الموت السبب منه هو الإختناق بعد أن عرض على الأطباء المسبب بهاد الحادث هو أهمال الأم أما من وضع الأسباب و المسببات لهذا الشيئ هو الله عز وجل ..... النمل يعيش و يرزق مع أنه ضعيف الله يقدر رزقه الطير يأكل الزبابة تأكل أصغر شيئ يخطر ببالك يأكل من يرزقه الرازق هو الله كيف يرزق من الأسباب التي وضعها الله له يعني الله بيرزق الطير كيف يا اخي خلق الدود مشان ياكل منو الطير و أنبت الحبوب مشان ياكل منها الطير و هلم جر فالطير سعى للشي يلي رب العالمين سخرلو ياه هي الفكرة أتمنى يا أخي اتكون وصلت و عموما صدقني أنا حبيت النقاش معاك و ياريت اتسامحني إذا بدر مني شي و على راسي حارتك
على فكرة انا من ساروجة يعني من جوات سور دمشق يعني شامي أصلي و بحب الزكرتاوية يلي متلك مشان هيك الله محييك

[samsoum]

للأسف انا عم حاول اشرحلك وجهة نظري من منطلق منطقي(مشان ما نقول علمي او غيره)وانت عم تتعامل مع الموضوع وكأنك عم تحاول تقنع واحد غير مسلم بالاسلام.. بتمنى انو ما نتعامل مع كل واحد بينتقد العادات والتصرفات السيئة، والقناعات المغلوطة ،بسبب التفسير الخاطيء لتعاليم الدين(أي دين) يعني ما نتعامل مع هالشخص بإنو ضد الله وضد الديانات. ونصير ندعيله بانه الله يهديه ويرجعلو عقله ويمشيه على الصراط المستقيم، ويوصل النقاش لدرجة انو نبرر وجود امور تافهة، متل الشاخصة اللي حكيت عنها سابقا، بهالطريقة..لمجرد انو مذكور فيها اسم الله..وكأنو اذا انا ماكنت مشيك على سيارتي.. وبمجرد اني قريت هالشاخصة فمارح يصرلي شي، يعني حتى لو فتت بستين حيط.. بصراحة..بدي قلك يعني تخنت..وهيك عم نبتعد عن التفكير والنقاش المنطقي.. ومن خلال كلامك عم تأكد تماما السبب الاول لتسميتنا دول العالم الثالث... مع العلم بإني في ردي الاول ماذكرت دين معين وانما قلت الدين، يعني أي دين، فليش ربطت هالقصة فورا بالاسلام؟؟
بالمناسبة.. بزمناتي كنت حافظ 13 جزء من القرآن غيباً
على راسي انت وكل اهل ساروجة، وكل الناس خير وبركة
تحياتي

[أبو عقييد]

كاتب النص الأصلي : samsoum

للأسف انا عم حاول اشرحلك وجهة نظري من منطلق منطقي(مشان ما نقول علمي او غيره)وانت عم تتعامل مع الموضوع وكأنك عم تحاول تقنع واحد غير مسلم بالاسلام.. بتمنى انو ما نتعامل مع كل واحد بينتقد العادات والتصرفات السيئة، والقناعات المغلوطة ،بسبب التفسير الخاطيء لتعاليم الدين(أي دين) يعني ما نتعامل مع هالشخص بإنو ضد الله وضد الديانات. ونصير ندعيله بانه الله يهديه ويرجعلو عقله ويمشيه على الصراط المستقيم، ويوصل النقاش لدرجة انو نبرر وجود امور تافهة، متل الشاخصة اللي حكيت عنها سابقا، بهالطريقة..لمجرد انو مذكور فيها اسم الله..وكأنو اذا انا ماكنت مشيك على سيارتي.. وبمجرد اني قريت هالشاخصة فمارح يصرلي شي، يعني حتى لو فتت بستين حيط.. بصراحة..بدي قلك يعني تخنت..وهيك عم نبتعد عن التفكير والنقاش المنطقي.. ومن خلال كلامك عم تأكد تماما السبب الاول لتسميتنا دول العالم الثالث... مع العلم بإني في ردي الاول ماذكرت دين معين وانما قلت الدين، يعني أي دين، فليش ربطت هالقصة فورا بالاسلام؟؟
بالمناسبة.. بزمناتي كنت حافظ 13 جزء من القرآن غيباً
على راسي انت وكل اهل ساروجة، وكل الناس خير وبركة
تحياتي

معلش أخي اتحمليني أنا زكرت الدين الإسلامي بالموضوع لأنك أنت كنت حافظ من القرآن 11 جزء عن غيب هاد سبب زكري للإسلام
تاني شي لو مرقت معك آية عندما كنت عم تقرأ القرآن في آية بتقول ((و إذا سألك عبادي عني فإني قريب أجيب دعوة الداعي إذا دعان فاليستجيبو لي و ليؤمنو ))
يعني بالنسبة لأنك أنت أخ مسلم فبتعرف أنو الدعاء واجب إلى الله في كل شيء و أنا لأني مسلم أتكلم عن الإسلام أما باقي الديانات ما ذكرتها لأني أحترمها و أخاف أني أذكر شيئ عنها لعدم خبرتي فيها و لكن أخواننا المسيحيين لديهم ضوابط دينية يمشون عليها تدل على الخلق الحسن و كل الأديان خير و بركة وبعتذر لأني مافهمت عليك كما زكرت أنا الصراحة اكتشفت فيك يا حبيبي أنو معدنك طيب و بتمنالك كل خير و بتمنالك جياة سعيدة مارح قلك الله يوفقك و يسرلك أمورك لأنو أنت بتعرف اتيسر أمورك من غير تدخل الرب (طبعا حسب اقتناعك بالموضوع )
و شكرا إلك و أعتذر لو أزعجتك بأي كلمة بالآخر أنت حبيب القلب و أخ بأخوية و بغيرها

[بسام الادعشري]

اخي samsoum انا اسفة لأني ما فهمتك مزبوط من الأول
بصراحة انا معك من ناحية انو ما منعمل كل عملة اكبر من الثانية ونقول هيك الله راد
يعني ممكن انا لا سمح الله اكفر هلق وقول الله هيك كتبلي
هو صحيح الله هيك كتب بس مو معناها انو سبحانه غيرلي فكري وخلاني اكفر ..لا
ومعنى كلمة الله هيك كتب الله بيعرف انو هيك بدو يصير ) عندو القدرة انو ما يخليه يصير
بس اذا ما خلاني اكفر وما خلاني اغلط ما بيعود في قيمة للحساب يوم الحساب لأنو الأنسان
مخير وغير مسير من هي الناحية,( بس مو من كل النواحي )
ومع هيك انا ضد ضد ضد العلمانية
وبكرر اسفي لسوء فهمي الك ولوجهة نظرك



انا بحيي اخي ابو عقييد على شعورو بالمسؤولية تجاه دينو وكمان على دمو الحامي
والله نحنا محتاجين هيك دم لحتى اندافع على ديننا يلي عم ينهان

[LOSKOV]

والله هاد العضو معو حق .. بس لسى في شي 100 سبب ما حطون

بعدين لازم دول العالم السابع مو التالت

[waleeeeeedo]

الموضوع كآآآآآآآآآآآآآآآآآآآآآآآآ آن عن سبب تسمية {دول العالم الثالث}
+
+
+ ثم انزلقتم إلى الحديث عن الأديان ..... وكل منكم عقد حاجبه وإيده على سلاحه .... كأنه في مواجهة مصيرية ... أكون أو لا أكون ...

يا أعضاء .... استهدوا بالله وخلو نقاشكم حبي وطبيعي ... ولا تأخذكم العزة والتعصب ... فهي من الجاهلية


ودمتم ،،،،،،،

[waleeeeeedo]

باعتقادي ان ما مرت به منطقتنا من أزمات وما تمر به حاليا هو العامل الأساس في ما وصلنا اليه

[أبو عقييد]

كاتب النص الأصلي : waleeeeeedo

الموضوع كآآآآآآآآآآآآآآآآآآآآآآآآ آن عن سبب تسمية {دول العالم الثالث}
+
+
+ ثم انزلقتم إلى الحديث عن الأديان ..... وكل منكم عقد حاجبه وإيده على سلاحه .... كأنه في مواجهة مصيرية ... أكون أو لا أكون ...

يا أعضاء .... استهدوا بالله وخلو نقاشكم حبي وطبيعي ... ولا تأخذكم العزة والتعصب ... فهي من الجاهلية


ودمتم ،،،،،،،

عفوا يا حبيب ياريت ترجع اتراجع الردود تنتبه على كلامنا يلي كتبناه و تكتشف من خلالو أنو كان نقاشنا ودي و بكل أحترام و بكل محبة أولا و آخرا نحنا أخوية
أنظر رد الحبيب (الآلهة)
أنظر رد الحبيب (samsoum)
أنظر رد Madmax
أنظر رد
الحمد لله كل الردود كانت محترمة و مافيها خناق ولا معاركة ولا شي أولا و آخرا الشباب هون محترمين آراء غيرهن حتى لو مو مقتنعين فيها و انا أولهم محترم كل رد بهي المشاركة و بحطها على راسي حتى لو ما اقتنعت فيها.

بس أنت كنت معصب يمكن تحياتي لك

[blacky]

وليد عم بيحكى صح اللى بيحصل معكو هو نفس اللى بيحصل فى الوطن العارابى كما يقول ابو الزبائد