أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر > حصاد المواقع

إضافة موضوع جديد  إضافة رد
 
أدوات الموضوع
قديم 21/10/2009   #1
شب و شيخ الشباب i m sam
عضو
-- زعيـــــــم --
 
الصورة الرمزية لـ i m sam
i m sam is offline
 
نورنا ب:
Jul 2008
مشاركات:
1,245

افتراضي سابقة في مسائل الشرف


أقدمت إحدى العائلات في قرية قترانية ( النفطية ) التابعة لناحية القحطانية في الحسكة, على طرد ابنتهم البالغة من العمر حوالي عشرين عاما من البيت بعد اكتشاف أمر حملها من شاب كانت على علاقة غير شرعية معه, وطلبت العائلة من ابنتهم ( ك. ر ) الالتحاق بالشاب الذي تبين أنه من مدينة القحطانية.
وذكر مصدر مقرب من العائلة بأن العائلة فضلت طرد الفتاة على قتلها وأنهم قالوا لها بأن تتحمل مسؤولية ما فعلت, وتعد هذه الحادثة من النوادر من طبيعتها في مسائل الشرف في الحسكة, إذ لم يسبق أن أقدم الأهل على ترك الفتاة التي تقوم بهكذا فعل دون عقاب كان في غالب الأحيان القتل, وتأتي هذه الحادثة بعد فترة من إلغاء المادة ( 548 ) التي كان القاتل يحتمي بها وبما في نصها من أعذار مخففة من العقوبة على القاتل بالمرسوم رقم 37 للعام 2009.

شوكوماكو - 2009-21-10
القامشلي - عامر خ مراد

اذا لم نعش جميعا متآخين كشعب واحد ....
فان كل واحد منا سيموت وحيدا

بجيب الريح تتلعب معك

www.3tbatt.blogspot.com
  رد مع اقتباس
قديم 21/10/2009   #2
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


معقول كتير يكون في علاقة بين الغاء المادة وبين الحادثة المذكورة..
على كل حال الزمن بيظهر والاحصاءات السنة القادمة رح تظهر حقيقة التطور اللي حصل..
شكرا على الموضوع

طائر واحد يكفي لكي لا تسقط السماء
فرج بيرقدار
  رد مع اقتباس
قديم 21/10/2009   #3
شب و شيخ الشباب I_Love_Syria
عضو
-- زعيـــــــم --
 
الصورة الرمزية لـ I_Love_Syria
I_Love_Syria is offline
 
نورنا ب:
Nov 2008
المطرح:
بالشام قريباً
مشاركات:
1,019

افتراضي


على فكرة في كتير عائلات مابتستعمل اسلوب القتل وبتطبل وبتزمر بالقصة
يعني في شخص كتير قريب مني يعني أكتر من صديق عرفو انووحدة من العيلة كانت تنام مع شب وانو في شغلات كتير كانت تعملها كرمال هالشب لا قتلوها ولاعلقو مشنقتها كلشي ساوو إنو سفروها برات البلد كرمال إنو يختصرو العي والأخد والعطى وهلأ هي عايشة عند أخوها مع العلم إنو العائلة كتير ملتزمة
فالموضوع كلو مرتبط بالجهل والتخلف
الفكرة إلي بدي احكيها إنو متل ردات الفعل هي بتصير كتير وأكتر من القتل بس لأنو الناس بتفضل ماتحكي فيها لهيك ما بنسمع غير بالجرائم



أنا الدمَشقي لو جرحت جسدي .... لسال منه عناقيد وتفاح
  رد مع اقتباس
قديم 21/10/2009   #4
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي


اي احسن ما تندبح بس بجوز الحياة البدها تعيشها هلق رح تخليها تتمنى لو أنها أندبحت

للأسف في شغلات الواحد بيوقف قدامها مكتوف اليدين
يعني وين بدها تروح و الجنين الجايي مين بدو يطعميه و شو مصيرو

ما حدا بيعرف ...

نحن ننتظر الضياء و لكننا نرى الظلام

---------------------------------------------------------------

ذو العينين البراقتين ......... الذي يقرر المصائر .............


DaRkNeSs LoRd

Lord Of DarkneSs

Lord Of The Sweet Sadness
  رد مع اقتباس
قديم 21/10/2009   #5
شب و شيخ الشباب I_Love_Syria
عضو
-- زعيـــــــم --
 
الصورة الرمزية لـ I_Love_Syria
I_Love_Syria is offline
 
نورنا ب:
Nov 2008
المطرح:
بالشام قريباً
مشاركات:
1,019

افتراضي


حكيك مزبوط بس كمان المفروض الواحد قبل مايتصرف هيك تصرف إن كان الشب أو البنت يحسبوها مزبوط ويكونوا قد المسؤولية يعني مو المهم إني عيش اللحظة بس, وطز طزين امشي ياترين شو بيصير بعدين
  رد مع اقتباس
قديم 21/10/2009   #6
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي


اقتباس:
حكيك مزبوط بس كمان المفروض الواحد قبل مايتصرف هيك تصرف إن كان الشب أو البنت يحسبوها مزبوط ويكونوا قد المسؤولية يعني مو المهم إني عيش اللحظة بس, وطز طزين امشي ياترين شو بيصير بعدين
يا اخي انا معك انن غلطانين ... بس انو غلطن مو مشكلة لألهن بس لأ لكل المجتمع يعني هلق هاي اذا ضلت حامل رح يجيها ولد هالولد اكيد رح يعيش بي أسوأ ظروف بظل انعدام الأب و الأم و بجوز يتبع اساليب منحرفة للمعيشة
بيصفي مشكلة الو و لغيرو
يعني بالعربي هاد اسمو تأثير الفراشة الإجتماعي

و الله يستر من هالشغلات
  رد مع اقتباس
قديم 21/10/2009   #7
شب و شيخ الشباب Government
مشرف
 
الصورة الرمزية لـ Government
Government is offline
 
نورنا ب:
Aug 2006
المطرح:
وين مابدك ..
مشاركات:
6,927

إرسال خطاب MSN إلى Government إرسال خطاب Yahoo إلى Government
افتراضي


بصراحة شي حلو .. بغض النظر ازا كانو عاملين شي خوفا من المرسوم اللي التغى او لأ
بس هادا بدل عند وعي كتير عند هالعيلة .. ولو كل العيل عنا بتصير هيك لكنا صرنا شغلة كبيرة

وياريت كل هالخلق تعمل متل ماعملت هالعيلة + انو في الف طريقة لمعاقبة البنت غير القتل
ونتايجن بتكون اكيد احسن من القتل والدبح المتخلف

اللــي طــــالع الجحش ع المأدنة .. بنزلـــو

  رد مع اقتباس
قديم 21/10/2009   #8
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


اقتباس:
كاتب النص الأصلي : I_Love_Syria عرض المشاركة
حكيك مزبوط بس كمان المفروض الواحد قبل مايتصرف هيك تصرف إن كان الشب أو البنت يحسبوها مزبوط ويكونوا قد المسؤولية يعني مو المهم إني عيش اللحظة بس, وطز طزين امشي ياترين شو بيصير بعدين
بتعرف.. فعلا.. أحيانا بستغرب كيف بنت بهيك جو بتكون قادرة على اقامة علاقة من هاد النوع.. طبعا بغض النظر عن تعاطفي معها..
بس بستغرب كتير.. كيف بيتجرأو..
  رد مع اقتباس
قديم 22/10/2009   #9
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


اقتباس:
كاتب النص الأصلي : Nay عرض المشاركة
اقتباس:
كاتب النص الأصلي : I_Love_Syria عرض المشاركة
المفروض الواحد قبل مايتصرف هيك تصرف إن كان الشب أو البنت يحسبوها مزبوط ويكونوا قد المسؤولية يعني مو المهم إني عيش اللحظة بس, وطز طزين امشي ياترين شو بيصير بعدين
بتعرف.. فعلا.. أحيانا بستغرب كيف بنت بهيك جو بتكون قادرة على اقامة علاقة من هاد النوع.. طبعا بغض النظر عن تعاطفي معها..
بس بستغرب كتير.. كيف بيتجرأو..
أنا بستغرب كتير.. بس من شغلة تانية

إنو كيف هالشباب والبنات اللي عندهن جرأة على ممارسة حقهن بالحب.. ما عندهن معرفة ووعي كيف يتعاملوا مع قصة الحمل!!

إنو يا خيي.. ما في داعي توصلوا لهون.. في ألف طريقة قبل ما تصير القصة بتشلّق الأهل.. أو تصير بدها كورتاج ومدري شو!!


إنو شو بكن!! احسبوا يا خيي.. العمى بقلبكن.. ما بتعرفوا تعدّوا إيام!!


ربما كان عدم الاتفاق أقصر مسافة بين فكرين. (جبران النبي)
  رد مع اقتباس
قديم 22/10/2009   #10
شب و شيخ الشباب بقـ انسان ـايا
عضو
-- زعيـــــــم --
 
الصورة الرمزية لـ بقـ انسان ـايا
بقـ انسان ـايا is offline
 
نورنا ب:
Aug 2006
مشاركات:
1,682

افتراضي


ممممم المشكلة انو هيك حالات بالدولة الاسلامية الها عقاب وعقابها ربنا موضحو .. هي شغلة مفروغ منها
نجي لشغلة تانية وهي الاهم ... ما تقنعني ولا بقنعك ما حدى بيعمل هيك من الباب للطائة يعني الدنيا كما تدين تدان والدنيا اخد وعطا ومتل ما بتعمل ببنات العالم بيجي يوم يعملو العالم بخواتك متل ما عملت ببنات العالم

هي شغلات مو شغلة وشغلة تانية او تالتة ما بعرف لم احنا نقرأ هيك خبر او نسمع بهيك خبر ... بيتبادر لعقولنا انو
شو بدهم يعملو بالولد وشو اهلها بدهم يعملو فيها واللزي منو وبننسى نقول شو وصلها لهالمواصيل ...

وقلة الكلام افضل بمليون مره بهيك قصة وكل انسان بيعرف حالو وبخصوص الجرأه فازا كان ابن حرام الشب والبنت ما بتجرأ بيوقعها وبيوقع ابوها كمان ... في مليون طريقة ... احنا مش بصدد نحكي عن طرق اسقاط البنات ...


شكرا الك ...

راحت الحردانه (قمله رجعت سيبانه ) ^_^
  رد مع اقتباس
قديم 22/10/2009   #11
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


اقتباس:
كاتب النص الأصلي : بقـ انسان ـايا عرض المشاركة
ممممم المشكلة انو هيك حالات بالدولة الاسلامية الها عقاب وعقابها ربنا موضحو .. هي شغلة مفروغ منها
نجي لشغلة تانية وهي الاهم ... ما تقنعني ولا بقنعك ما حدى بيعمل هيك من الباب للطائة يعني الدنيا كما تدين تدان والدنيا اخد وعطا ومتل ما بتعمل ببنات العالم بيجي يوم يعملو العالم بخواتك متل ما عملت ببنات العالم

هي شغلات مو شغلة وشغلة تانية او تالتة ما بعرف لم احنا نقرأ هيك خبر او نسمع بهيك خبر ... بيتبادر لعقولنا انو
شو بدهم يعملو بالولد وشو اهلها بدهم يعملو فيها واللزي منو وبننسى نقول شو وصلها لهالمواصيل ...

وقلة الكلام افضل بمليون مره بهيك قصة وكل انسان بيعرف حالو وبخصوص الجرأه فازا كان ابن حرام الشب والبنت ما بتجرأ بيوقعها وبيوقع ابوها كمان ... في مليون طريقة ... احنا مش بصدد نحكي عن طرق اسقاط البنات ...


شكرا الك ...
اهم شغلة بدي قلك ياها.. انو نحنا ولحسن الحظ مو بدولة اسلامية .. يعني قوانيننا كلها قوانين وضعية "من وضع الانسان" مو قوانين إالهية.. باستثناء قانون الاحوال الشخصية السوري
بمعنى اخر عقوبة الزنا أو عقوبة الحمل سفاحا مو مستمدة من القرآن ولا من التشريع الاسلامي..

مشان شو وصل لها المواصيل.. يمكن مننسى أحيانا الكبت الجنسي الفظيع ومننسى الفراغ وقلة الوعي عند الناس..
ومشان شو بدو يصير بالولد بتوقع هاد أول شي لازم يخطر على بالنا.. لأنو هاد الولد هوي البريء الوحيد بالقصة كلها
  رد مع اقتباس
قديم 23/10/2009   #12
صبيّة و ست الصبايا ritka
عضو
-- قبضاي --
 
الصورة الرمزية لـ ritka
ritka is offline
 
نورنا ب:
Sep 2008
المطرح:
canada
مشاركات:
485

افتراضي


اقتباس:
بصراحة شي حلو .. بغض النظر ازا كانو عاملين شي خوفا من المرسوم اللي التغى او لأ
بس هادا بدل عند وعي كتير عند هالعيلة .. ولو كل العيل عنا بتصير هيك لكنا صرنا شغلة كبيرة

وياريت كل هالخلق تعمل متل ماعملت هالعيلة + انو في الف طريقة لمعاقبة البنت غير القتل
ونتايجن بتكون اكيد احسن من القتل والدبح المتخلف
ازا كانو عاملين اللي عاملينو خوفا مش اكتر .. هالشي ما بيدل ع وعي عند العيلة .. ولكن بيدل انو اللغي الو مفعول
شغلة تانية .. يا اخي خلينا نقول انت.. ع سبيل المثال يعني.. كشخص متدين بدك تعاقب بنتك.. عاقبها بس ما تقسى عليها و تخليها تتمنى انو تموت بدل العيشة اللي عم تعيشها بعد ما لغو هالمرسوم

اقتباس:
ما تقنعني ولا بقنعك ما حدى بيعمل هيك من الباب للطائة يعني الدنيا كما تدين تدان والدنيا اخد وعطا ومتل ما بتعمل ببنات العالم بيجي يوم يعملو العالم بخواتك متل ما عملت ببنات العالم
عم يقلك انو كانت على علاقة "غير شرعية" معو.. مو اغتصبها لحتى يخاف ع خواتو !
اقتباس:
شو بدهم يعملو بالولد وشو اهلها بدهم يعملو فيها واللزي منو وبننسى نقول شو وصلها لهالمواصيل ...
ما فهمت عليك .. اني مواصيل يعني؟
النقطة الي بدك توصلها.. انو قلة ترباية البنت كانت سبب "بهدر الشرف" اللي صارت بعدين متلا؟

اقتباس:
مشان شو وصل لها المواصيل.. يمكن مننسى أحيانا الكبت الجنسي الفظيع ومننسى الفراغ وقلة الوعي عند الناس..
لك اني مواصيل؟ حسب ما فهمت انو مواصيل البنت تقيم علاقة مع شب
انو كبت جنسي اللي بيخلي البنت تمارس حقها بالحب؟..
بعتزر سلف ازا فهمت بالمقلوب

سأكتب جملة أغلى من الشهداء و القبّل:
"فلسطينية كانت.. و لم تزل!"

طلقة حب و طلقة نار و نسّم يا هوا بلادي :)

you are unique, just like every one else !
  رد مع اقتباس
قديم 23/10/2009   #13
شب و شيخ الشباب بقـ انسان ـايا
عضو
-- زعيـــــــم --
 
الصورة الرمزية لـ بقـ انسان ـايا
بقـ انسان ـايا is offline
 
نورنا ب:
Aug 2006
مشاركات:
1,682

افتراضي


اقتباس:
كاتب النص الأصلي : ritka عرض المشاركة
عم يقلك انو كانت على علاقة "غير شرعية" معو.. مو اغتصبها لحتى يخاف ع خواتو !
ما فهمت عليك .. اني مواصيل يعني؟
انتي بتعرفي قصة السقى ...؟؟؟ يلي كان كل يوم يمر على البيت ويملى جراري المي يلي كانت بالبيت والسقى كان معرفو .... وبنهاية لحكاية
انذكرت ههي الكلمة ... دقة بدقة لو زدتها لزادها السقة ...

كود:
النقطة الي بدك توصلها.. انو قلة ترباية البنت كانت سبب "بهدر الشرف" اللي صارت بعدين متلا؟
شوفي هلا انتي اعلم مني بطريقة ترباية البنات بصفتك بنت يعني تعي احكيلي هلا شو افضل الطرق لترباية الشباب بحكيلك مليون طريقة وكل الطرق بتأدي لانو الشب يمر بمرحلة الجهل والمراهقة بسلام وبدون اخطاء كبيرة
كود:
 لك اني مواصيل؟ حسب ما فهمت انو مواصيل البنت تقيم علاقة مع شب
انو كبت جنسي اللي بيخلي البنت تمارس حقها بالحب؟.. 
بعتزر سلف ازا فهمت بالمقلوب :D
المواصيل يلي عم نحكي عليها هي يلي وصلولا "الزنا.. "

وبخصوص حقها بالحب الحب شغلة والجنس شغلة مختلفات ومتناسقات او بمعنى تاني متلازمات ..

بس اكيد الكل بيقدر يفصل بيناتون يعني مو معقول والله ازا اليوم حبيت لازم بعد ما احب انزل على الجنس !!!!!

شكرا الك ..
  رد مع اقتباس
قديم 23/10/2009   #14
شب و شيخ الشباب بقـ انسان ـايا
عضو
-- زعيـــــــم --
 
الصورة الرمزية لـ بقـ انسان ـايا
بقـ انسان ـايا is offline
 
نورنا ب:
Aug 2006
مشاركات:
1,682

افتراضي


اقتباس:
كاتب النص الأصلي : Nay عرض المشاركة
اهم شغلة بدي قلك ياها.. انو نحنا ولحسن الحظ مو بدولة اسلامية .. يعني قوانيننا كلها قوانين وضعية "من وضع الانسان" مو قوانين إالهية.. باستثناء قانون الاحوال الشخصية السوري
بمعنى اخر عقوبة الزنا أو عقوبة الحمل سفاحا مو مستمدة من القرآن ولا من التشريع الاسلامي..

مشان شو وصل لها المواصيل.. يمكن مننسى أحيانا الكبت الجنسي الفظيع ومننسى الفراغ وقلة الوعي عند الناس..
ومشان شو بدو يصير بالولد بتوقع هاد أول شي لازم يخطر على بالنا.. لأنو هاد الولد هوي البريء الوحيد بالقصة كلها

اصلا المشكلة كلها بالولد ول بالنسبة للشب ما في عليه شي لا بتطير عذريتو ولا شي البنت لو طارت عذريتا صحتين بما انو حبت تسلك هالطريق فصحتين على قلبا تتهنى...

يعني المشكلة كلها بتقع بالاخر بضهر الولد فلهيك الترباية الاساسية للبنت والشب هي يلي بتخلينا نتجنب هيك امور ...

شكرا الك ..
  رد مع اقتباس
قديم 23/10/2009   #15
صبيّة و ست الصبايا Black Orchid
عضو
-- قبضاي --
 
الصورة الرمزية لـ Black Orchid
Black Orchid is offline
 
نورنا ب:
Apr 2009
المطرح:
غيرتو
مشاركات:
419

افتراضي


وياريت كل هالخلق تعمل متل ماعملت هالعيلة + انو في الف طريقة لمعاقبة البنت غير القتل



ليش شو عملت هالعيله , رموا بنتن بالشارع , البنت غلطانه بس بهالوقت هي بحاجه لمساعده.

يا الهي كتير صعبه................... هونها..............
  رد مع اقتباس
قديم 23/10/2009   #16
صبيّة و ست الصبايا sona78
عضو
-- مستشــــــــــار --
 
الصورة الرمزية لـ sona78
sona78 is offline
 
نورنا ب:
Jun 2008
مشاركات:
1,993

افتراضي


هوي يمكن حكي الاخ عن شرع الله بهالموضوع موضحو
بس وحق لربك .... انو مليون شغلة موضح الله عقوبتها .. وما حدا داير ع تنفيذها
شو قايل الله بالسرقة ؟
وشو قايل بالظلم
وشو قايل بقتل النفس من دون حق
والله ما بذكر انو الله قايل شي اسمو جريمة شرف
وحتى هي الله عمل عليها شروط كتير صعبة .. اول شي روح جيب اربع شهود ع الزنا وبعدين تعا عمول بشرع الله
بس من شان الله نفسو ... ما تستخدمو كلامو بالنص .. متل لا تقربو الصلاة ... وانكحوا ما طاب لكن مثى وثلاث ورباع
هيدون الهون تتمة بكلام الله .. متلهون متل جرم الزنا

حلنا نخلص من موضوع الشرف يلي ما الو غير محل واحد .. بين الاجرين
وبلكي فعلا الحادثة الها علاقة بتغيير القانون .. عل وعسى

قلي لي احبك
كي تزيد قناعتي اني امرأة
قلي احبك
كي اصير بلحظة .. شفافة كاللؤلؤة
  رد مع اقتباس
قديم 23/10/2009   #17
صبيّة و ست الصبايا Nay
عضو
-- زعيـــــــم --
 
الصورة الرمزية لـ Nay
Nay is offline
 
نورنا ب:
Sep 2007
المطرح:
هون مو بعيد كتير
مشاركات:
1,334

افتراضي


اقتباس:
كاتب النص الأصلي : ritka عرض المشاركة
ازا كانو عاملين اللي عاملينو خوفا مش اكتر .. هالشي ما بيدل ع وعي عند العيلة .. ولكن بيدل انو اللغي الو مفعول

الشي أكيد ما بيدل على وعي العيلة بس أنا دايما بقول انو بمجتمعاتنا الدولة بقوانينها بتفرض الوعي وبالتدريج على الناس.. متل ما عم يصير بتركيا اللي بعتبرها اهم مثال للنظام العلمان بالدول الاسلامية..
الدولة فارضة التحضر على الشعب بالصرماية وعذرا للتعبير.. وهيك اللي بدو يصير بخصوص جرايم الشرف ببلدنا.. الناس بدها تتصرف بتحضر كمان بالصرماية وعذرا للتعبير مرة تانية.. ورح تعمل حساب لجريمة القتل أكتر من قبل..


لك اني مواصيل؟ حسب ما فهمت انو مواصيل البنت تقيم علاقة مع شب
انو كبت جنسي اللي بيخلي البنت تمارس حقها بالحب؟..
بعتزر سلف ازا فهمت بالمقلوب
1-المواصيل الي قصدتها انا هيي مواصيل .. انو الصبية تعمل علاقة بتعرف مسبقا انو مجتمعها بيرفضها وانو رح يسببلها مشاكل هادا جهل.. بغض النظر عن موقفي الشخصي من الجنس قبل الزواج
2-ولما بدها البنت تحب وتمارس جنس لازم تكون قادرة على الخروج من الورطة اللي رح توقع فيها..
3- ممارسة الجنس بدون استخدام وسائل وقاية والوصول الى حمل وانجاب طفل "ابن حرام" وعذرا للتعبير كمان مرة.. هادا منسميه عادة مواصيل مأساوية..
والخلاصة: بهيك مجتمع لازم البنت تعد للمليون وتكون واعية وحذرة من ردة فعل أهلها ومن ردة فعل الشب اللي شاركتو جسدها رغم انو هوي كمان ابن نفس البيئة المكبوتة واللي نادرا يكون رد فعلو حضاري تجاه حبيبتو..

  رد مع اقتباس
قديم 23/10/2009   #18
شب و شيخ الشباب بقـ انسان ـايا
عضو
-- زعيـــــــم --
 
الصورة الرمزية لـ بقـ انسان ـايا
بقـ انسان ـايا is offline
 
نورنا ب:
Aug 2006
مشاركات:
1,682

افتراضي


للاسف الشديد من قرائتي للردود عم لاحظ انو احنا بنحكي على الموضوع كأنو شي عيب او كأنو قادرين على تحمل المسؤولية او لا انتو نسيتو انو هالامر "حرام" رح احكيلكم شغلة ازا مخافة الله ما منعتك من ممارسة الجنس معناها روح شوفلك دين تاني بيسمحلك تزني و...الخ

المشكلة انو احنا ما بنعطي الشباب حقوقهم وبدنا ناخد منهم حقوقنا ونسينا حق الخالق علينا جميعا ...

احنا ما بنعطي الشب حقو بأنو يتعلم ويعرف الصح من الغلط ... احنا بنعلمو انو هادا الامر عيب . نقطة وانتهى طيب انا لم كانو يفتحو موضوع او اسأل سؤال برات الطريق"بنظرهم" كانو يخجلو يجاوبوني ويحكولي عيب بس تكبر ولم الانسان يكبر بيكون واقع بمليون مطب وواقع لشوشتو بالحرام ولليوم بيحكولك عيب ... طيب انا مش من حقي انو اتعلم بالاول لحتى بالنهاية تجي حضرتك وحضرتك تحاسبوني"العائلة" ..؟؟؟!!!!
المشكلة العويصة انو بيبتعدو عن تعليم ابنائهم كل صغيرة وكبيرة وبيخلو الشارع يتكفل بتعليم ابنائهم الامور المتعلقة بكلمتهم "عيب" وبالتالي من الشارع واليه ... شو بدو يطلع واحد اتثقف بلغة الشارع ..؟؟ وتعلم من الشارع ..؟ اكيد بالنهاية بدو يطلع رئيس دولة او وزير او شي من هالقبيل لحتى يستمر في عملية تجهيل وت*** الشعب ..

لهيك يا جماعة انا بنظري الحل كلو هو عند الام والاب ... ولسبب بسيط ...
احنا بنتعلم بالمدارس ومن ورى التعليم بنفوت جامعات وبنبلش نشتغل بشغلات احنا تعلمناها واكيد ما في حدى بهي الدنيا تعلم محاسبة وراح فات دكتور جامعة بالاحياء ..!! يعني بالتالي كل انسان بيتعلم شغلة بيمشي فيها ...
طيب لم الام تزرع الخير والاخلاق بابنها من مصغرو بتتوقعو يطلع الولد مقطع موصل مو مخلي ولا بنت من شرو ..؟؟
اكيد لا يعن كل هالامور تحصيل حاصل .. ازرع بتحصد...

وما ننسى "الام مدرسة اذا اعددتها اعددت شعبا طيب الاعراق"
وكلامي عن الام ما بيخليني استثني الاباء لانو الاب هو يلي رح يمنع حدوث اي شي للطفل الام بتربي وبتحن على الولد وبتمشي معو بالحسنى والاب بيورجي الولد انو الغلط الو حساب ... كلام كتير وقليل
وبتمنى لم اي شخص يحكي عن هالموضوع يحكي بمنطق حرام او حلال وما يحكي بالقصة بانو عيب وانو الاهل شو عملو وشو بدهم يعملو ... ولحتى نوصل لحل بدنا نعرف شو الاسباب يلي وصلت لهي المواصيل ...
شكرا الكم .. اسف كتير على الاطالة ..
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 01:19 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.13504 seconds with 12 queries