|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
22/09/2006
|
#1 | ||||||
|
عضو
-- قبضاي --
|
الانتقاد..... شي بيسطح
مرحبا صبايا وشباب..
في خصلة بالإنسان بتسطح خاصة إزا كانت قويّة والواحد عاملا شغلته... وهية الانتقاد بئى أنا مسطوووووووووووحة    من هالشغلة لإنه عندي زميلة مضطرة اتعامل معا بشكل يومي وروحا وألبا تنتقد... على:شوفي هيّ شو لابسة!!! هلأ هي ألوان لابئة على بعضا؟!.... شوفي هي إلا ساعتين عم تبرم على الموبايل! ما بيصير هالحكي شو نحنا وين آعدين...(مع جحرة قاتلة عن بعد) ليش فلانة غايبة... دخيل الله شو بتغيب... زاتاً عم نستغرب منّا إزا داومت وإزا حدن وقع بتفرط عليه وإزا حدن حكاله كلمة لخبط فيها بتعلئ عليه ما في كلمة غير بيتعلأ عليها وما في لبسة غير بينعملي مسح طبوغرافي عليها من فوق لتحت... ما بيسلم من لسانا الهوا الطاير ولا مرّاء الطريئ... إلتلا مرة كلمة خفيفة إنه حاجتا لإنه الله بيحاسبا... آم كل ما علئت تزكرت وآلت يالله ليش هيك بعلأ أنا كتير!! بس بترجع ريما لعادتا القديمة هلأ لا شك إني مسطوووووووووحة   ... شو عم بعمل؟ بسمع التعليئ وبسكت أو بؤول لا تعليق أو بعمل حالي مو سمعانة... بس وأت بيكون التعليئ بيسطح عن جد ما بئدر!! بدجلّا الكلام دج... وبإلا هي حرية شخصية الواحد بيلبس متل ما بده وبيعمل شو ما بده طالما محترم حاله واللي حواليه!!!! (بؤولا بطريئة واضح فيها إني مو موافقة على تصرفا)المشكلة ما بحب ساوي بيني وبين أي حدى موقف ما حلو وبنفس الوأت بستنى منه يكون مزوء... بس ما عم يكون!!!! والمشكلة التانية إني بصبر وبصبر وبصبر وبعدين بنفجر والله يجيرنا!!! والمشكلة التالتة إني ما بعرف إتعامل مع حدن بطريئة منيحة أو حتى محايدة وأنا كاشفه عمايله!! وأكيد متل ما بتعلئ على الغير إدامي بتعلئ عليي من ورا ظهري! ما بعرف من وين الواحد بيعطي لحاله الحئ إنه يعلئ على غيره أو ينتقده لمجرد يوصله رسالة استهزاء: (إنت واحد ما بتفهم) أنا بشوفا قمة في إلة الزوء وعدم احترام للزات والاستهتار بالغير... خصلة كتيـــــــــــــر رزيلة... بدي إخلص من الموضوع... فشــــــــــــــــو برأيكن الحل؟ ناطرة ردودكن.... ميرسي كتير
Let the rain come down and wash away my tears
Let it fill my soul and drown my fears Let it shatter the walls for a new sun |
||||||
|
|
22/09/2006
|
#2 | ||||||
|
مسجّل
-- اخ طازة --
|
أختي لوتوس أنا رأيي أنك تصارحيا أنك عم تضايقي منا من هالموضوع و تقليلا أنو هاد غلط و هي خطيئة رح تتحاسبي عليا بكرة و إذا هيي شايفة أنو في غلط بالعالم فما تفكر أنو هيي الصح و حتى لو كانت صح فإلا ما يجي يوم و تغلط و ساعتا ما حدا رح يتركا و الكل رح يرد على حكيا اللي كانت تحكيه .
مـــاذا يــــــــــــــــنفع الإنسان لو ربح العالم كله و خسر نفسه ؟؟
|
||||||
|
|
|
22/09/2006
|
#3 | ||||||
|
عضو
-- قبضاي --
|
كتير بشكرك على مشاركتك بوسي
 المشكلة ما بلائيا حلوة أول لحدن كيف يتصرف وصار في سن المفروض بيحمل مسؤولية تصرفاته... مو حلوة مشان الي إدامي... بكتفي بالتلميح أو التصريح الموضوعي... وعملت الشغلتين... وما مشي الحال... هلأ عم تعلئ وتتطلع عليي لشاركا الحكي.. بهز كتافي لفوق كنوع من الرفض وبإلا: "ما بحب التعليئ"... بس عادي... تتوالى المواقف وتتوالى التعليقات.. الله يهديها!! والأدهى والأمر إنها شكتلي مرّة بحزن عن الصبايا إنه ما عاد إدرت تتحمل تعليآتن عليها!!!!!!!  والله كانت عيوني رح تطلع من الدهشة وشد شعري من القهر  إنه كل الناس تؤول هالحكي إلا إنتي!!!!! |
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 07:51 (بحسب عمك غرينتش الكبير +3)