ليش اخترت هالإسم وهالتوقيع بالذات؟؟ فوت وخبرنا؟

[bki]

كاتب النص الأصلي : almurtaja

بالنسبة للاسم هادا اسمي الحقيقي وأنا معجب جدا باسمي مو بقلك المتل مدري بيت الشعر

جرد حسامك يا فتى فالمرتجى قد أتى


أما التوقيع فحسب حالتي النفسية بحط شي حكمة أو قول مأثور هيك شي يعني

سلام المرتجى, حلو اسمك بس أنا بعرف إنو مابيسموا بال التعريف, يعني اسمك مرتجى مو المرتجى, فكيف خطر ع أهلك يسموك المرتجى, إلك التحية وإلن السلام.

عجبتني حكمة الوسادة والضمير واللي بدو ينام. ومطرحك عجبني كمان

[bki]

كاتب النص الأصلي : SHIVA

بالنسبة للاسم : كان من زمان اسمي هون هاكونا متاتا و انا كتير بحب هالحكمة لانو نغمها لزيز
هلق اسمي هون shiva ع اسم اله الدمار ( الشامل ) الهندوسي
بالنسبة للتوقيع .............
عبارة عن كم مصطلح بيضحك من هنا و هناك
ـــــــــــــــــــــــــ ـــ
عالهامش : الشباب اللي بدون يعرفو شو قصدي ب نظرية نيوتن الاربعين , ما الكون الا انو تبعتو برايفت و انا بقلكون

مرحبا باشا, شو مشان معنى هاكونا متاتا, وع فكرة حلو اسم shiva بس دموي شوي, ههههههههههههه, أما مشان نظرية نيزتن الأربعين, بس للشباب ممكن تشرحها و ع البرايفت؟؟؟؟؟؟??

[aourir]

مرحب شباب أنا رح اقول لكم ليش أخترت هالاسم لأني أنحدر من أصول بربرية(أمازيغية) جزائرية واسمي اسم قرية وهي تعتبر مسقط رأس أجدادي
وأما فيما يخص التوقيع اقتبسته من احدى الكتب

[bki]

كاتب النص الأصلي : aourir

مرحب شباب أنا رح اقول لكم ليش أخترت هالاسم لأني أنحدر من أصول بربرية(أمازيغية) جزائرية واسمي اسم قرية وهي تعتبر مسقط رأس أجدادي
وأما فيما يخص التوقيع اقتبسته من احدى الكتب

بس شو معنى اسم هالقرية أو اسمك, طبعاَ اذا كان عندك معلومة بهالخصوص.

أنا كثير عجبني توقيعك, شكراً ع المرور

[Romance Queen]

انا اخترت الاسم لأني ببساطة رومانسية
و توقيعي مقطع من قصيدة لنزار قباني غناها مطربي المفضل كاظم الساهر و هي رسالة لحدا
و اللي بالانجليزي حلمي طبعا , مفهومة (يتحرر وطني)

[passerby_intime]

passerby بتعني بالعربي عابر سبيل
intime هي بالأصل هيك >> in time وبتعني بالعربي بالوقت المناسب
ولقبي بالكامل بيعني بالعربي ( عابر سبيل بالوقت المناسب ) passerby_intime
وهو كناية عن شخص يساعد غيره بالوقت المناسب يعني مثل سوبرمان إلا شوي صغيرة
أما توقيعي ما بدو حكي واضح لحالو >> مو هيك الحقيقة والواقع مثل ما ذكرت بالتوقيع؟
وأنا سبق وقلت شو معنى اسمي >>

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[bki]

كاتب النص الأصلي : Romance Queen

انا اخترت الاسم لأني ببساطة رومانسية
و توقيعي مقطع من قصيدة لنزار قباني غناها مطربي المفضل كاظم الساهر و هي رسالة لحدا
و اللي بالانجليزي حلمي طبعا , مفهومة (يتحرر وطني)

مشكورة ستنا الكريمة ع هالمرور, والله يرحم ترابو لنزار قباني.

وبيحرر أرضنا من الدنس يارب, بس في شغلة, اسمك ع قد مانو بسيط, ع قد مانو معقد. إنو ملكة, شغلة كبيرة هي ع فكرة

[bki]

كاتب النص الأصلي : passerby_intime

passerby بتعني بالعربي عابر سبيل
intime هي بالأصل هيك >> in time وبتعني بالعربي بالوقت المناسب
ولقبي بالكامل بيعني بالعربي ( عابر سبيل بالوقت المناسب ) passerby_intime
وهو كناية عن شخص يساعد غيره بالوقت المناسب يعني مثل سوبرمان إلا شوي صغيرة
أما توقيعي ما بدو حكي واضح لحالو >> مو هيك الحقيقة والواقع مثل ما ذكرت بالتوقيع؟
وأنا سبق وقلت شو معنى اسمي >>

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

ياسيدي الله يعطيك ألف ألف ألف عافية, ومايحيج حدا لمنيتك إنتي وهداك طرزان أفندي وسوبر مان.

مشان الأرابن ارفع طلب ببريد المنتدى وبنشوف شو فينا نعمل

[passerby_intime]

كاتب النص الأصلي : bki

ياسيدي الله يعطيك ألف ألف ألف عافية, ومايحيج حدا لمنيتك إنتي وهداك طرزان أفندي وسوبر مان.

مشان الأرابن ارفع طلب ببريد المنتدى وبنشوف شو فينا نعمل

هلئ مابين سوبرمان وبين طرزان فيه فرق بين الأرض والسما >> الأول متحضر بس التاني همجي ومالنا مصلحه معو
ومنشان منيتي .. يمكن إنته ما تحتاج شي لأنو الله عاطيك ومستغني >> احمد ربك
بس فيه ناس كثير يمكن .. يعني.. إنو يكون لازمها شي ومنشان هيك عملت أنا حالة الجاهزية القصوى عندي على نمبر ون تحسبا للطوارئ والمتضررين
أما منشان طلب ببريد المنتدى >> أنا دايما بيني وبين أصحاب المقامات العالية الطريق مقطوع على طول وما بعرف أحكي مع حدا فوق لأنو رقبتي بتوجعني
وألف شكر لك ,, موضوع جميل

[bki]

كاتب النص الأصلي : passerby_intime

هلئ مابين سوبرمان وبين طرزان فيه فرق بين الأرض والسما >> الأول متحضر بس التاني همجي ومالنا مصلحه معو
ومنشان منيتي .. يمكن إنته ما تحتاج شي لأنو الله عاطيك ومستغني >> احمد ربك
بس فيه ناس كثير يمكن .. يعني.. إنو يكون لازمها شي ومنشان هيك عملت أنا حالة الجاهزية القصوى عندي على نمبر ون تحسبا للطوارئ والمتضررين
أما منشان طلب ببريد المنتدى >> أنا دايما بيني وبين أصحاب المقامات العالية الطريق مقطوع على طول وما بعرف أحكي مع حدا فوق لأنو رقبتي بتوجعني
وألف شكر لك ,, موضوع جميل

شكلها رقبتك صارت توجعك من الفرجة لتحت يا سوبرمان


رفتنا أخوي

[passerby_intime]

كاتب النص الأصلي : bki

شكلها رقبتك صارت توجعك من الفرجة لتحت يا سوبرمان
رفتنا أخوي

بس أنا حاليا رقبتي سليمة والحمد لله طالما إني بعيد عن أصحاب الكراسي العالية وعن الأخد والرد والقبول والصد
بعدين وحياة جارتنا إني ما كثير بيهمني الطوابق السفلية بقدر ما بيهمني نوعية أصحابها ومستوياتهم الفكرية والعاطفية والرياضية وأكثر تطلعاتي وتطليعاتي على مستوى نظري الله وكيلك
ثم أنّ الفرجة لتحت ما بتوجع الرقبة بتوجع غير شي >> قصدي بتوجع العيون والجيوب
أما سوبرمان رح نخليها للعضو يلي أخد اللقب قبلي وما شاء الله فيه سوبرمانات كتار على مستوى رفيع بهالمنتدى وما رح ننافسهم .. بيكفيني شرف إني باشتغل عالساكت ومن دون هوبرا.

والله يزيدك شرف أخي >> ناطرين تشرفنا بشي موضوع من عنا لنقوم بالواجب

[ليلى]

شكرا ع الموضوع الحلوو ...

اسمي الحقيقي ليلى و بحبه كتير...بس ما لقيت قيس حدا شافو مر من هون شي ؟ ...
و توقيعي اللي بالعربي جيبته من منتدى ما بتذكر انو بس عجبني منشان هيك كتبتو و تاني اللي ببلغاري يعني:
" قابلتك في حياتي... بس بهالحظة انت بعيد عني...

[bki]

كاتب النص الأصلي : passerby_intime

>> ناطرين تشرفنا بشي موضوع من عنا لنقوم بالواجب

شو عندكن ضيافة يابو؟؟؟؟ ملبس في؟؟ وشكليطة كمان؟؟؟ ازا مافي لجيب معي, بنتشرف بزيارتكن والله

[bki]

كاتب النص الأصلي : ليلى

شكرا ع الموضوع الحلوو ...

اسمي الحقيقي ليلى و بحبه كتير...بس ما لقيت قيس حدا شافو مر من هون شي ؟ ...
و توقيعي اللي بالعربي جيبته من منتدى ما بتذكر انو بس عجبني منشان هيك كتبتو و تاني اللي ببلغاري يعني:
" قابلتك في حياتي... بس بهالحظة انت بعيد عني...

اسم ليلى, اسم حلو, ومهم بالتراث العربي. اسمعنى إنك مرضانة بعيد الشر عن قلبك, وماعقلبك غير العافية. وإنو كل الدخاترة عجزو فيكي لتصحي وماكنتي تصحي, صحيح هالشي؟؟؟؟

وتوقيعك مرتب ع فكرة, انكان عربي ولا بلغاري, كلو تمام

أهلين فيكي والله


والله لازم نجيب ضيافة للي عم يمروا علينا, يعني أيام أعياد ومابعرف شو. يالله بكرة وأنا جاي بجيب معي

[passerby_intime]

كاتب النص الأصلي : bki

شو عندكن ضيافة يابو؟؟؟؟ ملبس في؟؟ وشكليطة كمان؟؟؟ ازا مافي لجيب معي, بنتشرف بزيارتكن والله

ضيافتنا عربية أصيلة شرواكن بالخير تماما >> لما الضيف بيشرفنا منحطو بعيوننا صدر البيت إلو والعتبة إلنا
(مو مثل طنطات هالإيام يلي نافشين ريشهن مثل الطواويس وما بيعرفو يستقبلو حدا )
ومثل ما إنته استقبلتنا بأريحية وكرم أخلاق .. لما بتزورنا بتشوف الضيافة على أصولها >> على كيف كيفك وحياة يللي خلقك .. بحبشلك شوي من بعد أمرك بملف مواضيعي لتعرف وين هي ضيافتنا وشو شكلها
وعلى راسي الطيبين والله
مية أهلين خال

[سوا ربينا]

انا بالنسبة لاسمي ....

يعني سوا ربينا ... انو مع بعض تربينا .. بس هلأ بينط وبيقلي مع مين ... ما تربيت مع حدا غير مع حالي ....
وبعدين قالولي انو في اغنية لفيروز اسمها سوا ربينا ....(شكلها لطشت الاسم مني ..)
والتوقيع ... بكتب حسب الوع

[bki]

كاتب النص الأصلي : passerby_intime

ضيافتنا عربية أصيلة
مية أهلين خال

الله محييك يارب.
والله دعوتك ع العين والراس, ومابتشوفني غير صرت بدياركم العمرانية, بس هاليومين كنت مشغول شوي فماحبيت فوت هيك رفع عتب لعندكن, يابنام عندكن يابلاها.

وع راسي خال

[bki]

كاتب النص الأصلي : سوا ربينا

انا بالنسبة لاسمي ....

يعني سوا ربينا ... انو مع بعض تربينا .. بس هلأ بينط وبيقلي مع مين ... ما تربيت مع حدا غير مع حالي ....
وبعدين قالولي انو في اغنية لفيروز اسمها سوا ربينا ....(شكلها لطشت الاسم مني ..)
والتوقيع ... بكتب حسب الوع

أهلين عمي سوا.
بتعرف إني بخاف من اسمك, هاد يا سيدي ملا إنت. فيروز بعد ماسرقت الإسم منك, سرقو التلفزيون السوري, البرنامج العام وعمل برنامج بهالإسم بيطلع الإثنين لأو الثلاثء بالعشرة ونص وهي موعد نهاية مسلسل السهرة هديك الإيام وسهرتنا كأطفال كمان. فكنت كل ماشوف هالكلمة, سوربينا بخاف وروح ركض ع فرشتي. وع كبر عرفت شو معنا روس ربينا. ( إنو كنا جيران بعض ) هيك شي يعني. فعراسي حارتك يا مخوفاتي حارتي.


بس شو مشان توقيعك فوتني بالحيط. إنو مين فات بالأول إنتي ولا هيي؟