|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
08/05/2007
|
#37 | ||||||
|
عضو
-- زعيـــــــم --
|
أولا مرحبا
تاني شي الاسلام ما انتشر كراهية يعني ما كانت توصل للقتل وانو غصب بدك تسلم في اية بالقرآن شو بتقول " لا اكراه في الدين " والنهي يفيد التحريم نقطة تانية مش كل واحد حط عمة وحكى باسم الاسلام بنعتبرو مرجعنا ما بدي متدينين يزعلو ! بس انا شخصيا مش باخد حكي من اي مفتي ... الوضع في العراق مخربط كتير والقصة مش قصة مسلم ومسيحي .. قصة عالم متخلفين بيحكو باسم الدين وبيقتلو كل حدا قدامهم مش بس مسيحين مسلمين وتنساش السنة بتقتل الشيعة والشيعة بتقتل السنة وملاحظة بسيطة : انك تنجبر تتحول من سني لشيعي أو العكس مش سهل لأن في بين المذهبين خلافات جوهرية والجهتين بيكرهو بعض عالمسبحة ! بالاخر انا ضد انو انسان يجبر انسان ع اشي ما بدو ياه باسم شو ما كان لان بيكون اسم هيك حكي وقاحة وتعدي .. وكل وا حد حر بدينو وبفكرو وتقبل احترامي
إلى أين أذهب؟
ليست مفاتيح بيتي معي.. ليس بيتي أمامي وليس الوراء ورائي.. وليس الأمام أمامي،، إلى أين أذهب؟؟ ---------------------------------------- غزة على بالي LaMoUsH سابقا |
||||||
|
|
08/05/2007
|
#38 | ||||||
|
شبه عضو
-- أخ لهلوب --
|
النزعات الطائفية اللي عند العرب بين مسلمين ومسيحيين
وخصوصا الحالة اللي موجود فيها العراق واللي رايحة للأسوأ كل يوم عن يوم هادا كلو شغل استعماري اميركا واسرائيل بيغذوا الطائفية مشان تنشهنا وتضعفنا ولو إنو صايرين عم يفشلو ببعض محاولاتهن مؤخرا ( بسبب الفشل الإعلامي وجعجتهن الفاضية ضد الإرهاب بالشرق الأوسط ) اللي صار بلبنان من سنتين لإسا ( من مقتل الحريري يعني ) كلو تدبير اسرائيلي أمريكي والدلائل الكتيرة بتثبت هادا الحكي ( وخاصة آخر تقرير فرنسي اللي بيقول انو الموساد مسؤول عن اغتيال الحريري) المسألة الطائفية مش متأصلة فينا لإنو إحنا عنصريين إحنا مش عنصريين وكل حياتنا عايشين سوى مسيحية ومسلمين ودروز بسلام ومبسوطين وبالنهاية كل واحد فينا حاسس حالو انو عربي بس مشكلتنا الوحيدة انو ناقصنا شوية بعد نظر ووعي اكتر من اللي عنا مشان نقدر نميّز بشكل دقيق مين هوي العدو الحقيقي
ولدت هنا وأموت هنا .. الأرض لنا
|
||||||
|
|
|
09/05/2007
|
#39 | ||||||
|
عضو
-- أخ لهلوب --
  |
انا جيت اقرأ الموضوع!
بس شفت اسم الكاتبه! نيري بطرس/ليري بطرس مقريتوش! حدا بعرف ليش؟ وانا صغير اتعلمت في درس العبري عن ملك اجتو رساله من حدا يطلب انو يكون شاعر الملك! وكتبلو شعر في الرساله! فالملك قرا اول سطر ومزق الراسله سألوه ليش مزقت الرساله؟ قلهم: انا لما اطلب من الخدم يحضرولي بيض مسلوق،بلزمش اوكل كل البيضه عشان اعرف اذا هي مسلوقه ولا لا. للي ما فهم،نفس الاشي هذي المقاله،بلزمش اقراها كلها عشان اعرف نية كاتبها وأذا كاتبها قاعد بحكي اشي صح ولا بخفش وبخبص ومش عارف وين الله حاطو!  |
||||||
|
|
|
09/05/2007
|
#40 | ||||||
|
شبه عضو
-- اخ حرٍك --
 |
شباب رح احكي كلمتين بسيطين , هالشي عم يصير رح يضل يصير طالما في شي اسمو حكم باسم الدين وهالشي محصور حاليا ع الدين الاسلامي لانو هوي الدين الوحيد الي عبيعمل لنفسو انظمه وسياسات واحزاب فعاله , بس ازا بترجع لورا مثلا بتشوف انو المسيحيين بلبنان عملو اكتر من هيك بحق المسيحيين والدروز وكانو ميليشيات اضرب بعد من اسلم تسلم , وكمان الاسلام عمل فتاوى كبيره بحق الدروز ( الي انا منن اصليا بس انا علماني ) , انو قتلن وسبي نسائن وهالحكي قالو ابن تيميه ووجه وحرض علين كتير , ف لو بتشوف وبترجع بتلاقي كل دين بظروف اقتصاديه تعباني وسياسيه متغيره رح يصير معو هيك , وبتشوف شغلي انو ازا هالدين المقدس الي لازم يكون الكمال بالعالم عم يتطبق غلط بتلاقي انو الغلط منو , من الدين بكل مكان وزمان وما بعرو الدين دفع امه للامام , ولهيك بحب قلكن يا جماعه الله محبه ورحمه الله جوا كل واحد منا وكل واحد الو الله تبعو .
ونقاشكن هاد ما رح يعطي نتيجه لانو ما فيك تحكم ع كل المسلمين ع هالتصرفات الحاليه . وما فيكن تصلو لنتيجه عامه . وبس الله رحمه , وازا رح يقلي قتيل رح قلو ما بدي ياك .
A LeGeNd iN My oWn TiMe
|
||||||
|
|
|
09/05/2007
|
#41 | ||||||
|
عضو
-- أخ لهلوب --
|
يا ناس الحلال انا مسلم وفي بالبلاد اللي انا عايش فيها مسيحيين ودروز وبدو وحاكمنا يهود!
(عرب 4  لييييييييييييش عمرو ما صار بينا أشي؟ بالعكس ولله بنحترم بعض وبنحب بعض وكلو ماشي تمام التمام! بس في سوريا أو مصر بصير مشاكل بين المسلمين والمسيحيين؟ عشان في ناس فاظيه! بدل ما تروح تشتغل وتتعلم وتتربا وتتثقف! بدها تناقش وتثرثر على هذا دينو في الخطأ الفلاني وهذا دينو في الخطأ الفلاني! يا عالم اتركو المسلمين بحالهم لكم دينكم ولي دين! خلص كل واحد يمشي مثل ما بدو بنلتقي يوم القيامه! يوم لا ينفع مالٌ ولا بنون! |
||||||
|
|
|
09/05/2007
|
#42 | |||||||
|
شبه عضو
-- اخ حرٍك --
|
اقتباس:
ولك انت زلمي بتفهم وع راسي من فوق لك يلعن عرض الطائفيه لك الخبز صار فيو طائفيه .  |
|||||||
|
|
|
09/05/2007
|
#43 | |||||||
|
عضو
-- زعيـــــــم --
|
اقتباس:
وانت عايش بمناطق ال 48 يعني مش بمناطق الاشتباكات الوضع عندكو جدا مستقر ... انا عايشة بالضفة الغربية أصلا بالخليل وساكنة رام الله عشان الدراسة والوضع بعيد كل البعد عن الاستقرار والناس مش (فاظية) وبيخلاش الأمر من خلاف بين المسلمين والمسيحية ! ليش ؟ لأن في من المسلمين ناس متطرفين وبيتعاملو مع المسيحية كأنهم كفار وكأنهم عالم بدون أخلاق وفي من المسيحين ناس متطرفين بيتعاملو مع المسلمين ع أساس انهم اعداء وانهم حشرات بدائية رسولهم بدوي !! المشكلة بعقلياتنا المتعنتة والغبية ... اما بالنسبة لاتركو المسلمين بحالهم ! كمان المسلمين يتركو التانيين بحالهم احنا مش قاعدين هاديين وهم " مع اني ضد موضوع احنا وهم " اجو يتبلو علينا ! احترامي ! وفش عربي " فاظي "!!!!!!!!!!! |
|||||||
|
|
|
10/05/2007
|
#44 | |||||||
|
مشرف متقاعد
|
اقتباس:
بوجود الوعي اكيد ما رح يعنطف الموضوع الى اي مكان , و الحديث ياللي دار في السابق دليل على هالشي ... شكرا على مرورك ... 
في البدء لم يكن اول افعال الله انتشارا نحو الخارج , , بل طي , انقباض .....
في البدء لا بد ان الله انسحب , انطوى , ميسرا بذلك ولادة العالم ..... في البدء كان الكلمة ..... مملكتي ليست من هذا العالم ..... |
|||||||
|
|
|
10/05/2007
|
#45 | |||||||
|
مشرف متقاعد
|
اقتباس:
يا معلم المعلومة صحيحة و 100 % و هالشي هو جزء من معاناة المسيحيين العراقيين يوميا , و اذا انت ما بتعرف او ما سمعت بهالشي هذا لا يعني انو ما عم يحصل !!! ..... |
|||||||
|
|
|
10/05/2007
|
#46 | |||||||
|
مشرف متقاعد
|
اقتباس:
الهدف من الموضوع كان هو تسليط الضوء على معاناة المسيحيين العراقيين ياللي ما الهم علاقة بكل ياللي عم يحصل ( صراع على السلطة , نفوذ المليشيات ) , و عم ياكلوها من كل الاطراف و بدون سبب مقنع سوى انو مختلفين عنهم دينيا ..... شكرا الك على ردك المنطقي .... |
|||||||
|
|
|
10/05/2007
|
#47 | |||||||
|
مشرف متقاعد
|
اقتباس:
واجب الاجيال الجديدة و الصاعدة انو تعرف هالحكي , و انو تتعلم تتقبل الآخر بطريقة صحيحة مبنية على الاحترام المتبادل و معرفة انو واجب الجميع هو بناء هالاوطان و العيش قيها بطريقة تكفل حياة محترمة و رغيدة لكل اولاد هالوطن ..... شكرا على المرور ... |
|||||||
|
|
|
10/05/2007
|
#48 | |||||||
|
مشرف متقاعد
|
اقتباس:
طمن حالك ياللي كاتب المقال عرفان وين الله حاطو بس السؤال هو انو هل نحنا بنعرف وين الله حاططنا ؟؟!!! ..... |
|||||||
|
|
|
10/05/2007
|
#49 | |||||||
|
مشرف متقاعد
|
اقتباس:
يا اخي الموضوع ما كان هدفه هو الحكم على كل المسلمين لانو اي حكم من هالنوع بيندرج تحت باب الغباء و اللامنطقية , كل دين أو طائفة فيه الصالح و الطالح ..... لكن ياللي عم يصير انو الدين الاسلامي عم يستعمل هالايام ( متل ما قلت ) لتنفيذ مخطط سياسي مبني على جثث الآخرين ..... بكل الاحوال ياللي قلته كان هو الزبدة ..... الحل هو مع النظام العلماني القاضي بفصل الدين عن الدولة , و بنفس الوقت لازم نتعلم نعيش مع بعض بكل احترام و محبة لانو نحنا بالنهاية ابناء وطن واحد و هدقنا لازم يكون فقط هو لإعمار هالاوطان ..... تحياتي ..... |
|||||||
|
|
|
10/05/2007
|
#50 | |||||||
|
مشرف متقاعد
|
اقتباس:
يا معلم اذا سمحت و لانك ما بتعرف الوضع بسوريا ( هيك مبين من حديثك ) فياريت ما ترمي التهم على سوريا بدون معرفة ..... يا سيدي اذا كان في دولة عربية مافيها طائفية فهي سوريا و ان وجدت فهي موجودة في عقول بعض المريضين النفسيين لا اكثر و لا اقل , وياللي الحمدالله خلصنا منهم و من امثالهم في السابق و بعثتاهم اللى مزبلة التاريخ ..... و لتاني مرة مبين انك ما قرأت الموضوع بشكل منيح ولا تابعت الردود حتى !!!!! ..... الموضوع مو لمهاجمة الدين الاسلامي , الموضوع لتسليط الضوء على هالارهابيين الساقطين التافهين ياللي ابتلى العالم بهم و صاروا بيمثلوا مرض العصر ياللي لازم القضاء عليه لنقدر نعيش ...... يعني اذا كان ولا بد و انو لازم تكتب فبرأيي انو الافضل كنت تكتب عن عدم انتماء هالسفلة للدين الاسلامي و تفرجي انت كمسلم شقد تعاليم دينك بعيدة عن الوحشية و البربرية ياللي عم يستعملوها هالكلاب ..... |
|||||||
|
|
|
10/05/2007
|
#51 | |||||||
|
مشرف متقاعد
|
اقتباس:
بحترم كتير كتير صراحتك و شجاعتك و تفكيرك الراقي ,هالحكي هو الواقع اليومي , فعلا المشكلة هي بعقلياتنا الغبية و عدم قدرتنا على تقبل الآخر بطريقة مساوية لنفسنا ..... تحياتي و بهديك كوشة ورد ..... |
|||||||
|
|
|
10/05/2007
|
#52 | |||||||
|
عضو
-- أخ لهلوب --
|
اقتباس:
بسم الله الرحمن الرحيم
إذا زلزلت الأرض زلزالها* و أخرجت الأرض أثقالها* وقال الإنسان ما لها* يومئذ تحدث أخبارها* بأن ربك اوحى لها*يومئذ يصدر الناس أشتاتا ليرو أعمالهم* فمن يعمل مثقال ذرة خيرا يره* و من يعمل مثقال ذرة شرا يره . |
|||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 19:26 (بحسب عمك غرينتش الكبير +3)