لمحبّي الأكشن ...

EyOs · 24/11/2006

أبدأ بالتنويه ( مع أنو التنويه بكون لآخر شي ) : الوقائع اللي رح تنكتب أدناه هي من الواقع يعني إما كنت فيها شاهد عيان أو منقولة عن شاهد عيان .....
ــــــ دكتور في أحد الكليات الحديثة العهد ذاع صيته أنه نزيه جداً ، طبعاً متل ما بنعرف هيك دكتور بيلقى ترحيب من قبل الطالب الشاطر وبيلقى الكره من قبل الطالب الكسول ، وبما أنه هذول الأخيرين هنّي أكثرية اتفقوا على أنه يغيروا الدكتور على طريقتهم فقاموا بتهديدو بالقتل ، وبما أنو المنطقة مشهودلها بسوابق ضمن هالمجال اضطر الدكتور إلى مغادرة الكلية بعد ما قضى فيها كم سنة ..... لهيك إذا كنت متضايق من شي دكتور انتسب لهالكلية وحس بالأكشن من خلال الدراسة ...... ويا دار ما دخلك شر ........
ــــ كمان صار قصة لأحدث وأسرع طريقة للتعارف على بنت ......
كنّا في الكليّة مبسوطين فإضطرت وحدي من صديقاتي أنو تروح على البيت لأمر ضروري .... هلأ شو اللي صاير عنّا بالكليات أنو عملو لكل كليّة باب حديد وحطّو عليه حارس معو سلاح مشان يحمي الطلاب من أي شخص بدّو يفوت يعمل مشاكل .... ( ملاّ تدبير ) المهم طلعت البنت وأخذت تكسي من هدول اللي بيوقفو على باب الكليات .... وقت مشى الزلمي وعند أول إشارة مرور اندار ( فتل إلى الوراء ) على البنت لورا وعطاها وردة وقال : تفضلي يا حلوة شمّي الورد

، ردت عليه البنت بعياط وقالت : شو !!!!

لو سمحت كفّي الطريق ، إجا قال : خذيها أحسن ما كبها

..... قالتلو شكراً

، وراح جاعط صوت المسجلة عى الأخير ( ممكن كان ببالو أنها رح تصيّح ) ، هلأ أكيد معروف كيف صار أحساس البنت المهم كفّا الشب طريقو ولو ما كانت البنت ذكيّة وتحلت بالهدوء كانت النهاية رح تكون حزينة جداً ، بس المشكلة حتى الحظ ما لعب دورو ، وصلو أول حارتها ولقو الطريق محفور بسبب الأشغال ، مما اضطر السوّاق ياخذها من طريق أبعد . طلّعت البنت من الشباك وسلمت على شخص هي ما بعمرها شايفتو ولحسن الحظ هالمرة رد عليها السلام بس لأنها بنت إجا السواق وطّا الصوت وهدّا السرعة ، حطت البنت نغمة على الموبايل على أساس أنو حدا عم بيدق وبهالأثناء السواق كان عم يرمق البنت بنظرات شهوانيّة بشعة ، عرض عليها أكثر من مرة تاخذ رقم موبايلو بس هيّ رفضت وهي عم بتقول : خلص كل مرة رح شوفك بالكلية وتوصلني . وما وصلت البيت وحدا يعرف حدا . حتى إنها اضطرت إنو تنزل بعيد عن البيت مشان مايعلّم على البيت ويراقبها .... (عذراً على التفاصيل ... بس لسى تفاصيل أكثر من هيك ) كم يوم رح تضل هالبنت بالبيت من دون طلعة ؟؟؟

أنا بحمد الله على اني لساتي بخير حتى الآن بهالمدينة وانشاء الله بتتصلح الأمور فيها أو ما بتضطروا أنو تروحو عليها بحياتكم ........

يتبع عن نفس الأكشن بنفس المكان ......