يا أخي زهقنا سياسة غيروا الخطاب شوي

ظل جيفارا · 16/12/2007

تحياتي للجميع قبل البدء
أصدقائي خلينا نحكي شوي هيك حكي بعيد عن الشعارات وبعيد عن اللغة الأكاديمية في السياسة
خلونا نحكي هيك كشوية شباب سكرانين او خلينا نقول بأول السهرة وعم يحكوا يعني بعيدا عن المنابر
يعني بصراحة انتوا شايفين انو بمجتمعنا في مشكلة ساسية كتير ضخمة صح وانا معكن وانا معكن كتير في عندك ضغوطات خارجية كتير ضخمة وفي مشكلة عويصة اليوم بالبلد من ناحية الفعل السياسي واهم شي الأحزاب السورية بشقيها معارض وجبهوي
هيدول الجماعة عندهن مشكلة كتير ضخمة في تعزيز الثقة بينهم وبين الشباب السوري ولحتى نكون اكتر وضوحا خلينا نقول الجماعة عندهن مشكلة ضخمة بألية الخطاب المهترئ تبعهن اللي عم يخاطب جيل السبعينيات اللي صار فينا نقول ايقنا إنو كان أكثر ثقافة من جيلنا .
يا سيدي الجماعة قاعدين عم يحكوا باللغة الأكاديمية السياسية تبعتهن وقاعدين عم يحكوا سياسة بينما صدقوني الشباب السوري بس تلحق وتقلوا نشاط سياسي بيحمل شنطة المدرسة وبيركض او حتى شنطة الجامعة يعني خلص كلمة فعل سياسي نشاط سياسي بناء حر هيدي الكلمات كلها صار مصادر خوف وقلق وازعاج للشباب السوري
بينما بالجهة التانية في شغلات لسا بتعجبوا للشب السوري اللي الله ما بيقدر يفهموا بس في شغلات لسا بتعجبوا واللي هي الثقافة معليش يمكن ينطوا الشباب يقولولي لأ ما هيك بس هيدا الواقع وخلينا نجتزأ من الثقافة جزء ونضخمه جدا واللي هو الثقافة الموسيقية ونتاجها من الموسيقى الحقيقية " مارسيل خليفة - الرحابنة بكل ما انتجوا - فيروز - جوليا وهيدا الفن اللي فينا نقول هو موسيقا النخبة الثقافية "
هلأ ليش هيدي الأحزاب المهرتكة ما بتبدأ من هيدي النقطة لحتى تغير الشباب يا اخي بيضل الواحد يأدمن على السياسة احسن بكتير من الفراغ اللي ممكن ينتج أدمان على شغلات اللي ما بحبها ... فهمتوني
طيب ليش هيدي الاحزاب بدل ما بمؤتمراتها وندواتها سواء منها اللي بالمركز الثقافي أو اللي بشي بيت مهرهر بشي ضيعة بعيد عن عيون الأجهزة الأمنية ليش ما بتكون هيدي النشاطات ثقافية فنية أدبية وهيك بتقدر تجذب اكبر عدد ممكن من الشباب لحتى يصيروا اكثر اطلاعا والإطلاع كل ما كتر كل ما وسع مدارك وعلى الأقل بيصير في حراك بشكل من الأشكال بالبلد بدل هالفراغ اللي صاير ...
ولا شو رأيكن انتوا ؟
تحياتي الحارة
ظل جيفارا

بنفسجة · 18/12/2007

والله انا رايي اني زهقت سياسة لهيك صلي فترة ما فتت لهون
بس مو لهي الدرجة انو نحول السياسة كلها الى جلسات موسيقا يعني من كلشي لازم شي
بعدين حسابك بعدين قلتلي مؤتمرات بالمراكز الثقافية لهلا زاعجك مدير المركز الثقافي

ظل جيفارا · 19/12/2007

اقتباس:

كاتب النص الأصلي : بنفسجة

والله انا رايي اني زهقت سياسة لهيك صلي فترة ما فتت لهون
بس مو لهي الدرجة انو نحول السياسة كلها الى جلسات موسيقا يعني من كلشي لازم شي
بعدين حسابك بعدين قلتلي مؤتمرات بالمراكز الثقافية لهلا زاعجك مدير المركز الثقافي

والله يا صديقتي انا برأيي انو نشتغل موسيقى احسن ما نشتغل شغل ممكن بأوضاع متل هيك ما يجيب نتيجة بالعكس ممكن يصير فيه خراب بيوت .....
ومشان مدير المركز الثقافي ما فيني بصراحة انا لسا ما كتبت اللي صار معي بالمركز الثقافي بأخوية ولهيك حاسس اني كتير مزعوج و لازم لمح ولو تلميحات قليلة
تحياتي الحارة

kholoud talal · 20/12/2007

مو لها الدرجة السياسة برد ليها اصولها وقواعدها والسياسة هي الي بتسير البلد

ظل جيفارا · 20/12/2007

اقتباس:

كاتب النص الأصلي : kholoud talal

مو لها الدرجة السياسة برد ليها اصولها وقواعدها والسياسة هي الي بتسير البلد

انا ما قلت انو الأحزاب السياسية تنحل انا قلت تغير الخطاب للتعامل مع الشباب اللي فقد الثقة بالسياسة
تحياتي الحارة

kholoud talal · 21/12/2007

اقتباس:

كاتب النص الأصلي : ظل جيفارا

انا ما قلت انو الأحزاب السياسية تنحل انا قلت تغير الخطاب للتعامل مع الشباب اللي فقد الثقة بالسياسة
تحياتي الحارة

معك حق مفيش وسيلة للاقناع والتحاور مع الشباب عشان ترجع لهم التقة دي

ظل جيفارا · 21/12/2007

اقتباس:

كاتب النص الأصلي : kholoud talal

معك حق مفيش وسيلة للاقناع والتحاور مع الشباب عشان ترجع لهم التقة دي

ولهيك كان موضوعي كله
يعني مشان الشباب ما يروح لمحلات تانية ما بدنا اياه يروح عليها إبر مثلا حبوب وهيدي الشغلات الما بعرف شو هيي
تحياتي الحارة
ظل جيفارا

kholoud talal · 22/12/2007

اقتباس:

كاتب النص الأصلي : ظل جيفارا

ولهيك كان موضوعي كله
يعني مشان الشباب ما يروح لمحلات تانية ما بدنا اياه يروح عليها إبر مثلا حبوب وهيدي الشغلات الما بعرف شو هيي
تحياتي الحارة
ظل جيفارا

ايه فهمتك ظل جيفار
سلام اليك

ظل جيفارا · 23/12/2007

اقتباس:

كاتب النص الأصلي : kholoud talal

ايه فهمتك ظل جيفار
سلام اليك

ع راسي
تحياتي الحارة
ظل جيفارا

اية الرحمان · 27/12/2007

الخطاب ارث عزيزي جيفارا كيفك والله اشتقتلك

هالخطاب ماراح يغيروه لانو شايفين انو الشعب ماعم يفهم شي بس عم يصفق يعني هالخطاب عاجبهن اعوج مستقيم عم يصفقولو فلشو يتغير ماحدا طلب تغيرو
ماعم يفهمو بس ما عم يسالو ليش
لانو خايفين قال احسن شي نصفق عند كل نقط و الى السطر وخلص بالنهاية نحنا
راح نفهم احسن من الحكومة اكيد لالالالالالالالالالالالال الالالالا

عم امزح شباب جد احسن خطاب ابسطهم الخطاب المنمق المزوق ما بيفهمو حدا بس بحكم القوي عالضعيف بدو غصب عنو يصفق ويبتسم
جيفارا برافو والله موضوع الخطاب شيق بس للاسف ماراح يتغير ويالي بغيرو بيقضو عليه مثال بين قوسين نحنا بالجزائر كل الرؤساء يالي غيرو الخطاب ووجهوه للشعب بلغة الشعب قضي عليهم للاسف يعني ....................مافي حل غير تغيير جدري
شباب الثورة هي الحل غير هيك مافي والثورة انواع يعني مو تشيل حزام متفجر وتفرقع حالك وتقول انا ثوري في ثورة فكرية ادبية علمية يعني شباب كل واحد بميدانو فارس وفيه يغير وشوي هون وشوي هنيك راح تحسو بالتغيير وادا ما حسيتو فيه راح يعيشوه ولادكم
تحياتي

**abosleman** · 27/12/2007

تحياتي للجميع قبل البدء
أصدقائي خلينا نحكي شوي هيك حكي بعيد عن الشعارات وبعيد عن اللغة الأكاديمية في السياسة
خلونا نحكي هيك كشوية شباب سكرانين او خلينا نقول بأول السهرة وعم يحكوا يعني بعيدا عن المنابر

اقتباس:

اي والله هات لنشوف صبلنا كاسة عرق

يعني بصراحة انتوا شايفين انو بمجتمعنا في مشكلة سياسية كتير ضخمة صح وانا معكن وانا معكن كتير في عندك ضغوطات خارجية كتير ضخمة وفي مشكلة عويصة اليوم بالبلد من ناحية الفعل السياسي واهم شي الأحزاب السورية بشقيها معارض وجبهوي

اقتباس:

لحد هون كلام لا خلاف عليه

هيدول الجماعة عندهن مشكلة كتير ضخمة في تعزيز الثقة بينهم وبين الشباب السوري ولحتى نكون اكتر وضوحا خلينا نقول الجماعة عندهن مشكلة ضخمة بألية الخطاب المهترئ تبعهن اللي عم يخاطب جيل السبعينيات اللي صار فينا نقول ايقنا إنو كان أكثر ثقافة من جيلنا .

اقتباس:

لحظة بس... هون في نظرية بالعكس انو الشغلة بلشت من خطاب جيل السبعينيات اللي توجه للشباب السوري بدون مراعاة احتياجات الجيل الثقافية يعني كانت متل افكار جامدة دفعت الشباب للهرب منها وهاد سبب رئيسي بالدرجة الثقافية للجيل البعض اتقوقع وصارعبارة عن آلة تبريد لحفظ الخطاب السبعيني والبعض وهدول نسبة لا يستهان فك هالخطاب المجمد وإضافو عليه افكار وقيم بتختلف مع افكار جيل السبعينيات وهاد الشي اللي ماسمح لجيل الشباب السوري المثقف من الظهور امام جيل السبعينات واللي ظهروا ماعاد ظهروا او تجمدا من جديد

يا سيدي الجماعة قاعدين عم يحكوا باللغة الأكاديمية السياسية تبعتهن وقاعدين عم يحكوا سياسة بينما صدقوني الشباب السوري بس تلحق وتقلوا نشاط سياسي بيحمل شنطة المدرسة وبيركض او حتى شنطة الجامعة يعني خلص كلمة فعل سياسي نشاط سياسي بناء حر هيدي الكلمات كلها صار مصادر خوف وقلق وازعاج للشباب السوري

اقتباس:

هلئ هون متل ما قلت من شوي بس بدي ضيفسؤال كونك حكيت عن طلاب المدارس والجامعات شو هو النشاط السياسي الموجود او المطروح من قبل جيل السبعينيات للشباب ؟؟؟؟
اتأكد انو هالنشاط اللي عم يواكبوه ماعم يواكبوه منشان الثقافة واللي ماعم يواكبه هنن الجيل المثقف

بينما بالجهة التانية في شغلات لسا بتعجبوا للشب السوري اللي الله ما بيقدر يفهموا بس في شغلات لسا بتعجبوا واللي هي الثقافة معليش يمكن ينطوا الشباب يقولولي لأ ما هيك بس هيدا الواقع وخلينا نجتزأ من الثقافة جزء ونضخمه جدا واللي هو الثقافة الموسيقية ونتاجها من الموسيقى الحقيقية " مارسيل خليفة - الرحابنة بكل ما انتجوا - فيروز - جوليا وهيدا الفن اللي فينا نقول هو موسيقا النخبة الثقافية "

اقتباس:

ما بعرف انا هون ما فهمت شو بتقصد بالضبط .... انو الشباب السوري المثقف سياسيا هو اللي بيسمع هالنخبة الموسيقية ولا الشباب المثقف موسيقيا هو اللي بيسمعن !!؟؟انا بفترض انو اي انسان طبيعي بغض النظر عن ثقافتو رح يسمع هالنخبة الثقافية متل ما قلت

هلأ ليش هيدي الأحزاب المهرتكة ما بتبدأ من هيدي النقطة لحتى تغير الشباب يا اخي بيضل الواحد يأدمن على السياسة احسن بكتير من الفراغ اللي ممكن ينتج أدمان على شغلات اللي ما بحبها ... فهمتوني
طيب ليش هيدي الاحزاب بدل ما بمؤتمراتها وندواتها سواء منها اللي بالمركز الثقافي أو اللي بشي بيت مهرهر بشي ضيعة بعيد عن عيون الأجهزة الأمنية ليش ما بتكون هيدي النشاطات ثقافية فنية أدبية وهيك بتقدر تجذب اكبر عدد ممكن من الشباب لحتى يصيروا اكثر اطلاعا والإطلاع كل ما كتر كل ما وسع مدارك وعلى الأقل بيصير في حراك بشكل من الأشكال بالبلد بدل هالفراغ اللي صاير ...
ولا شو رأيكن انتوا ؟

اقتباس:

يا اخي هالكاس دوخني ماعاد عم اعرف مين بتقصد بالاحزاب المهرتكة ؟؟ فيا ياريت تبقى توضحلي هالفكرة مع ما سبق ذكره لعل وعسى افهم واتعلم ...مع اني بشوف انو اللي بدو يوسع ثقافتو مانو بحاجة لحدا يوجهو وممكن اي مجموعه من الشباب تعمل نشاط ثقافي وفني ولو كان بدائرة صغيرة

تحياتي الحارة
ظل جيفارا

وتحياتي إلك ظل جيفارا

وبتمنى اني كون عم استوعب عليك شو قاصد بالموضوع لاني حسيت حالي دخت وطلعت لبرا كتير

ظل جيفارا · 30/12/2007

اقتباس:

كاتب النص الأصلي : abosleman

اقتباس:

اي والله هات لنشوف صبلنا كاسة عرق

شو معلم لسا ما حكينا عن العرق سكرنا وين الكاسة ؟؟؟؟

اقتباس:

لحظة بس... هون في نظرية بالعكس انو الشغلة بلشت من خطاب جيل السبعينيات اللي توجه للشباب السوري بدون مراعاة احتياجات الجيل الثقافية يعني كانت متل افكار جامدة دفعت الشباب للهرب منها وهاد سبب رئيسي بالدرجة الثقافية للجيل البعض اتقوقع وصارعبارة عن آلة تبريد لحفظ الخطاب السبعيني والبعض وهدول نسبة لا يستهان فك هالخطاب المجمد وإضافو عليه افكار وقيم بتختلف مع افكار جيل السبعينيات وهاد الشي اللي ماسمح لجيل الشباب السوري المثقف من الظهور امام جيل السبعينات واللي ظهروا ماعاد ظهروا او تجمدا من جديد

كل قصدي من هالحكي المعفشك انو جيل السبعينات كان بيقدر يتحمل صريخ وزعيق الأمين العام لشي حزب - اي حزب - اكتر بكتير من مقدرتنا على تحمل هيك صريخ وزعيق مو لإنو لحنا مو مثقفين او ما بنهتم بس لإنو تجربة ضخمة اللي عشناها في ظل احزاب التصفيق والصفير والصراخ وما استفدنا شي والمثقف لا يلدغ من جحر مرتين

اقتباس:

هلئ هون متل ما قلت من شوي بس بدي ضيفسؤال كونك حكيت عن طلاب المدارس والجامعات شو هو النشاط السياسي الموجود او المطروح من قبل جيل السبعينيات للشباب ؟؟؟؟
اتأكد انو هالنشاط اللي عم يواكبوه ماعم يواكبوه منشان الثقافة واللي ماعم يواكبه هنن الجيل المثقف

هون بقى وصلنا لنقطة النشاط السياسي بالنسبة لطلاب الجامعات ويا فرحتي انا طالب جامعة وشايف الحرتوكات الحلوة اللي عم تصير صدقني

اقتباس:

ما بعرف انا هون ما فهمت شو بتقصد بالضبط .... انو الشباب السوري المثقف سياسيا هو اللي بيسمع هالنخبة الموسيقية ولا الشباب المثقف موسيقيا هو اللي بيسمعن !!؟؟انا بفترض انو اي انسان طبيعي بغض النظر عن ثقافتو رح يسمع هالنخبة الثقافية متل ما قلت

هون بكل بساطة قصدي انو هيدي الموسيقى فعليا ما عم يسمعها غير المهتمين بالحراك الثقافي " بأي شكل من اشكاله " يعني غير هيدول الناس خلص موسيقى علي الديك ونانسي وهيفاء عجبتهن ومشي الحال

اقتباس:

يا اخي هالكاس دوخني ماعاد عم اعرف مين بتقصد بالاحزاب المهرتكة ؟؟ فيا ياريت تبقى توضحلي هالفكرة مع ما سبق ذكره لعل وعسى افهم واتعلم ...مع اني بشوف انو اللي بدو يوسع ثقافتو مانو بحاجة لحدا يوجهو وممكن اي مجموعه من الشباب تعمل نشاط ثقافي وفني ولو كان بدائرة صغيرة

شريك لسا الكاس ما شربناه ههههههههههههههههه
خيو قصدي في هالأحزاب كل هيدي الناس اللي بتصرخ وبتصرخ وبتصرخ بمؤتمراتها
اما اللي بدي يزيد ثقافته ما بحاجة حدا يدله على الطريق لأ صديقي انا بخالفك الرأي كتير مع احترامي الشديد بس احيانا الواحد بيكون ماشي بطريق معين وبيتعرف على صديق اكثر ثقافة ممكن يمهدله الطريق ليوسع معارفه اكتر وممكن حوار يدور وينطرح اسم كتاب معينين وهو يشتهي يقرألهن وهيك بس لأ لحاله بحياته ما بيصير

وتحياتي الحارة اخونا

وتحياتي كمان للثورية هههههههه اللي فوق ستي انا قصدي من الموضوع كله غير الثورة وما بس قصدي الأحزاب اللي بتحط حالها بموقع السلطة قصدي كل الناس المشتغليين بالسياسة خطابهن لازمله تغيير ضخم
تحياتي الحارة
ظل جيفارا

**abosleman** · 30/12/2007

خيو خلينا نبلش خطوة خطوة
اول شي بخصوص كاسة العرق انشاالله بنجتمع وبنشربها
تاني شي هلئ انت عم تحكي عن الجيل المثقف جيلنا المثقف هاد جبان او هي تقيلة خلينا نقول انو ماعندو
دافع.... جيل السبعينات كانت دوافعو اقوى المرحلة اللي عاش فيها علمتو الصبر
ويعني النشاط السياسي او ايا كان النشاط فهو لا يطاق ولا يحتمل بتحسو موجهة لحدا غيرك
وهما فيه تمسيح الجوخ وبيع الحكي وكلو محسوبيات وهالحكي عن تجربة صغيرة
وبالنسبة لموضوع الموسيقى في كتير عالم بجيلنا هاد بتسمع بس لتشوفها العالم انها بتسمع وما بالضرورة تكون ثقافتن متل ما بتتخيل هدول شايف منن كتير هون ما بقصد انو كلامك غلط بس انو مافيك تقول عن كل واحد بيسمع مرسيل انو مهتم بالحراك الثقافي
وهاد الشخص نفسو اللي عم تحكي انو اتعرف على واحد مثقف ورافقوليزيد ثقافتو معك بس إذا ما عندو الدافع ليزيد ثقافتو صدق رح يبعد عن هالشخص اللي اتعرف عليه
وبالنهاية لا بد من تغيير الخطاب والفكر الخطابي والثقافي
وتحياتي إلك

الحر · 30/12/2007

هلئ أنت لما قلت أنو خلونا نفوت مواضيع موسيقية و التزمت ب الرحابنة و فيروز ومرسيل وجوليا فقط ساويت التباس لأنو
هدلون الجماعة توجهاتون سياسية قبل ما تكون فنية وهو بالمناسبة يعني في دراسة بريطانية أكدت على أنو السباسة والأخبار بتأثر على نفسية الشباب بشكل سلبي بس نحنا علينا هون بسوريا السياسة مهمة أكتر شي لأنو بلأصل ما في وعي سياسي نسبتون صغيرة يعني ف نحنا لأزم نكون وعي عندون عن طريق أفكارنا السياسية مو عن طريق الغناء لأنو في عالم ما بيطلعو على الرحابنة سو من جهة انو نكتجية ظراف. شي حلو لأنو الرحابنة عم يألفو مشان يضحكونا

Wa3ad · 31/12/2007

شوف خيي .. النشاط السياسي بسوريا ميت .. وم بس بسوريا بكل البلاد العربية . يعني في طبقة وحدة هيي يلي متحكمة بكل شي
انا شخصيا ما بقتنع بهاي يلي بيسموها الديموقراطية ..بالحد الأدنى عنا .. لأنها غير موجودة ولسه الشعوب ما بتعرف شو يعني ديموقراطية .. نحنا شعوب بحاجة للتثقيف والتعليم والتوعية.. نحنا ناس تتحكم فنا الغرائز والطوائف والقوميات .. الله بيعين علينا
بالنسبة للوضع بسوريا .. أنا بقدر قلك وبكل ثقة انو الوشع بسوريا تغير سياسيا مرتين .. مرة بعد ثورة حافظ الأسد والمرة التانية بعد حركة الإخوان .. هادا شي أثر عالكل .. اثر على كل السياسات وعلى كل التعاملات .. بدك تخلي السياسة غنى ليش لأ. ههههههه اعملها غني بس انتبه وقتها بدك تعمل أحلى وأصعب وأطول نوتة مشان تقدر تغني منيح .. لأنو السياسة لعبة صايرة الشاطر بس يلي عم يقدر يكمل فيها ..

ظل جيفارا · 01/01/2008

اقتباس:

كاتب النص الأصلي : abosleman

خيو خلينا نبلش خطوة خطوة
اول شي بخصوص كاسة العرق انشاالله بنجتمع وبنشربها
تاني شي هلئ انت عم تحكي عن الجيل المثقف جيلنا المثقف هاد جبان او هي تقيلة خلينا نقول انو ماعندو
دافع.... جيل السبعينات كانت دوافعو اقوى المرحلة اللي عاش فيها علمتو الصبر
ويعني النشاط السياسي او ايا كان النشاط فهو لا يطاق ولا يحتمل بتحسو موجهة لحدا غيرك
وهما فيه تمسيح الجوخ وبيع الحكي وكلو محسوبيات وهالحكي عن تجربة صغيرة
وبالنسبة لموضوع الموسيقى في كتير عالم بجيلنا هاد بتسمع بس لتشوفها العالم انها بتسمع وما بالضرورة تكون ثقافتن متل ما بتتخيل هدول شايف منن كتير هون ما بقصد انو كلامك غلط بس انو مافيك تقول عن كل واحد بيسمع مرسيل انو مهتم بالحراك الثقافي
وهاد الشخص نفسو اللي عم تحكي انو اتعرف على واحد مثقف ورافقوليزيد ثقافتو معك بس إذا ما عندو الدافع ليزيد ثقافتو صدق رح يبعد عن هالشخص اللي اتعرف عليه
وبالنهاية لا بد من تغيير الخطاب والفكر الخطابي والثقافي
وتحياتي إلك

تحياتي الحارة عزيزي ابو سليمان
اتفقنا وهيدا الأهم انو الية الخطاب المهترئ لازم تتغير .وهيدا شي حلو
اما بموضوع الشباب حاليا والفرق بينهن وبين شباب السبعينيات يا سيدي فيك برياحة تقول الجماعة اكثر خوفا وجبنا من جيل السبعينيات وفي عندهن نقطة مهمة هيي انعدام الرغبة والدافع
وبإعتبار مو كل واحد بيسمع مارسيل بيكون مهتم فأنا معك مية بالمية بس انا قصدت العكس انو خلينا نسمع الناس شي مختلف شوي يمكن يتعلق فيه وتوصله الكلمة ويمكن يتغير نمط تفكيره من تغير موسيقته
هيدا الشي اللي قصدته
وتحياتي الحارة صديقي .
ظل جيفارا

ظل جيفارا · 01/01/2008

اقتباس:

كاتب النص الأصلي : Wa3ad

شوف خيي .. النشاط السياسي بسوريا ميت .. وم بس بسوريا بكل البلاد العربية . يعني في طبقة وحدة هيي يلي متحكمة بكل شي
انا شخصيا ما بقتنع بهاي يلي بيسموها الديموقراطية ..بالحد الأدنى عنا .. لأنها غير موجودة ولسه الشعوب ما بتعرف شو يعني ديموقراطية .. نحنا شعوب بحاجة للتثقيف والتعليم والتوعية.. نحنا ناس تتحكم فنا الغرائز والطوائف والقوميات .. الله بيعين علينا
بالنسبة للوضع بسوريا .. أنا بقدر قلك وبكل ثقة انو الوشع بسوريا تغير سياسيا مرتين .. مرة بعد ثورة حافظ الأسد والمرة التانية بعد حركة الإخوان .. هادا شي أثر عالكل .. اثر على كل السياسات وعلى كل التعاملات .. بدك تخلي السياسة غنى ليش لأ. ههههههه اعملها غني بس انتبه وقتها بدك تعمل أحلى وأصعب وأطول نوتة مشان تقدر تغني منيح .. لأنو السياسة لعبة صايرة الشاطر بس يلي عم يقدر يكمل فيها ..

يا صاحبي انا معك النشاط السياسي ميت ولاحظ رغم موته ما تزال هذه الاحزاب تستخدم نفس الخطاب للتعامل مع الشارع
يا صاحبي : انا ما قلت نلغي السياسة او نحولها لشي تاني بس انا قلت إنو لازم الخطاب تتغير طريقته وانا ما قلت بس غنى انا قلت الخطاب يصير ثقافي يستهدف رفع السوية الثقافية بدل ما يستهدف رفع درجة الوعي السياسي اللي ح تكون مبنية ع فالصو بدون ثقافة كاملة
وتحياتي الحارة
ظل جيفارا