أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > درجة تانية > ملطوشات

إضافة موضوع جديد  إضافة رد
 
أدوات الموضوع
قديم 30/08/2009   #1
شب و شيخ الشباب albasha_ew
شبه عضو
-- اخ حرٍك --
 
الصورة الرمزية لـ albasha_ew
albasha_ew is offline
 
نورنا ب:
Jul 2007
المطرح:
مصر
مشاركات:
54

إرسال خطاب Yahoo إلى albasha_ew
افتراضي ممنوع الدخول لغير الفاشلين + 18


طبعا انا عارفك يا لى بتقف بالماوس على الموضوع علشان تعرف فيه بس

صدقنى هايكون فيه حاجة ممكن تفتحلك ولو شعاع نور صغير فا ماتقفلوش.


كانوا بيقولوا ان الفشل اول طريق النجاح ودا عرفته بعدين وانت كمان طول ماانت ماشى
معانا هاترعفه ان دا كلام صحيح دا مش بس كلام

خلى بالك دا مش موضوع تعدى عليه وخلاص دا تعب ومجهود مش دا مجهود ياعمى سعيد

ندخل في الموضوع علطول.

مادام دخلت الموضوع دا تبقى زى حالاتنا فاشل
يافاشل يافاشل
نتكلم بجد شوية



ياترى انت نفسك فى ايه قول واحنا نحققلك احلامك


لو حد قالك الكلام دا ممكن تصدقه؟

وليه لاء؟
طبعا انت بتقول انا فاشل
بس انا باقولك ياراجل لا بلاش الكلام اى نعم احنا كلنا عارفين دا بس بلاش تصدم نفسك

بيقول محمد مسعودى في كتابه كن ايجابيا "ابحث عن التغيير الايجابى داخل ذاتك لماذا تقبع في مكانك لماذا ترضى ان تسير مع او خلف هذا الجموع مطئطىء الرؤس دون ان يكون لك وجود .....عليك ان تؤمن انك تملك طاقات ابداعية فعالة تستطيع ان تحقق من خلالها الكثير من الانجازات الرائعة"

هو مستحيل انك تحقق احلامك انت شايفها كدا صح


انا عارف ان مافيش اى كلام هاينفع ويخليك تغير موقفك انا عارف ياعم ومجرب
مافيش شغل ولا فى فلوس ولا فى اى حاجة تدعو للتفائل ولا تنمية بشرية ولابرمجة لغوية ولا اى جنى حتى يقدر يخرجنا من الحالة المنيلة دى انا مجرب انت هاتقولى

بس في حاجة اخير ممكن نعملها وليه لاء مادام هيه كدا كدا مافيهاش عمار ولافيها فايدة مش هاتفرق لما نجرب حاجة اخيرة
هاتقولى هانفشل هاقولك ايه الجديد ياعم يعنى احنا دلوقتى ناجحين ما هو احنا مبلطين في الفشل يعنى مش هانخسر حاجة لما نجرب.
طبعا هاتسالنى وتقولى نجرب ايه؟
هاوقلك مش عارف بس يلا نشوف


انا كنت باكلم واحد صاحبى ربنا موسعها عليه وماشاء الله عقبالكوا كدا بيدرس علم نفس عن سر النجاح وازاى انجح في انى الاقى شغل او انجح في الدراسة او الناس اللى بتنجح في حياتهم وعلاقاتهم بيعملوا ايه.

فقالى : بص يامان انت مش هارغى كتير بس شوف اللى نجحوا نجحوا ازاى واتعلم منهم اى باللغة الفصحى والكلام الكبير صغ من كل نجاح قوانين عامة لكى تصل بك الى المراد
طبعا بغض النظر انا فهمت اللى قالوا ولا لاء :]]
بس قولت نجرب وليه لاء احنا ولايهمنا:nunu0000:


وقلت يلا نبدأ فلقيت واحد خطير جدا كان اشهر علماء زمانه وكان رجال نبغة ودى اجزاء من حياته

ودى من قصص النجاح والتفوق لشخص من اشخاص حفروا اسمهم على كتاب التاريخ


هو اسمه الحسين ابن عبد الله بن على بن سينا ولقبه الشيخ الرئيس

الراجل دا كان ابوه والى بخارى يعنى العملية مزهزهة والاشية معدن يعنى لو احنا منه كنا نمنا وعشنا حياتنا بالطول والعرض انما هو كان شديد الفضول بالعلم والعلماء الذين ياتون الى منزل والده وعندما بلغ 10 سنوات كان قد حفظ القران الكريم وتعلم اللغة العربية

بل وطلب من والده ان يدرس الفقه وبعد ان الم بالفقه كان حزينا فسأله والده عن السر فقال لابوه انه يريد ان يدرس حساب الهند وان الخوارزمى كتب كتاب عن الرياضيات يريد ان يقرأه لكنه لايجده فدله ابوه الى احد اصحابه ولما علم هذا الرجل بشغف ابن سينا للعلم فقرر ان يدرس له الرياضيات واتمها وتجب مدرسه منه وما اكتفاش بكدا

فكان في يوم جاء الى المدينة رجل اسمه عبد الناتلى وهو فقيه في الفلسفة والمنطق والرياضيات والطبيعة فألح على ابوم ان يستضيفه ليعلمه وكان سنه صغيرا فقال له ابوه ان تلك الاشياء صعبة على الكبار اصلا فهمها فما بال الصغار
ولكن ياترى ايه اللى حصل دا اللى هانعرفه وهاتشوفوا الراجل دا قدر يوصل لايه .بعد مانشوف رايكوا لحد هنا ونكمل بعدين
ولكن عاوزين نحط شوية قوانين هنا وهى

1-اذا كان هناك امامك تل تريد ان تتسلقه فلا تظن ان الانتظار سيجعله ينخفض لك او يصبح حجمه اقل ابدا من الان ولا تنتظر فالوقت لاينتظر احد


2-لاجدوى من قولك انا ابذل قصارى جهدى عليك ان تنجح في فعل ماهو لازم "تشرشل" ما تبررش فشلك اعرف انت غلطت في ايه وحاول تانى وتالت لحد ماتنجح

من لايهوى صعود الجبال...... يعيش ابد الدهر بين الحفر

3-كان العالم ابراهام ماسلو العالم النفسى يعالج احد الاشخاص الذي يعتقد انه جثة فقال له هل الميت ينزف فقال له فوخزه بدبوس فنزف فقال الرجل الان عرفت ان الجثة تنزف (ابراهيم الفقى) انت سجين اعتقاداتك لو مقتنع انك فاشل ومؤمن بدا عمرك ماهتنجح حتى لو لقيت المصباح السحرى .

4-لاتخف من الوصول الى الكمال فلن تصل اليه ابدا يعنى لو انت قلت انا عملت اللى عليه كدا اهو دا انا كدا رضا والفشل مش منى يبقى انت غلطان راجع تصرفاتك شوف افعالك فعلا توصلك للى انت عاوزه ولا لا يعنى لو انت رايح اسكندرية تمسى في طريق السويس وتسوق وتتعب وتقول انا تعبت على الاخر وعملت اللى عليا لازم اوصل بقى لسكندرية طب ازاى انت ماوجهتش مجهودك للمكان الصح.
طول ما انت متوكل تعلى الله وبتعمل وبتتقن عملك وبتحسن الظن بالله صدقنى هاتلاقى كل الخير
نلتقى ان شاء الله في المرة الجاية
  رد مع اقتباس
قديم 04/09/2009   #2
شب و شيخ الشباب albasha_ew
شبه عضو
-- اخ حرٍك --
 
الصورة الرمزية لـ albasha_ew
albasha_ew is offline
 
نورنا ب:
Jul 2007
المطرح:
مصر
مشاركات:
54

إرسال خطاب Yahoo إلى albasha_ew
افتراضي حارب الفشل


السلام عليكم ورحمة الله
وحشتونى ياجماعة الكام ساعة دول ياترى انتوا لسه فاشلين زى مانتوا يااااااااااه

لدلوقتى على كلا وانا كمان بس ادينا ماشيين على نصيحة الناس بتوع النجاح دول شكلهم هايغرقونا ربنا يستر.
الجماعة بتوع النجاح بيقولوا ايه يلا نشوف

في كتاب اسمه سر النجاح بيقول الكاتب:السعادة مفهوم جميل يتمنى تحقيقه كل الناس لكن معنى السعادة دا بيختلف من شخص لاخر.







ازاى : يعنى السعادة ممكن تيجى من النجاح في تربية الاولاد دا بالنسبة لام او ادارة البيت دا بالنسبة للزوجة او النجاح في الدراسة دا بالنسبة لطالب او الحصول على عمل وفلوس دا بالنسبة لينا كلنا لان العملية مقشفرة انا عارف.
والنهاردة في طريقنا للتخلص من النحس اقصد من الفشل هانتكلم عن الافكار
كان الجماعة بتوع على النفس بيقلولنا في حاجة اسمها المخططات schema
بمعنى ان كل واحد عنده مجموعة من المخططات كل مخطط بيحتوى على مجموعة من الاوامر
زى اقوم الصبح وافطر واروح ادور على شغل واكل بعد الظهر دا مثلا مخطط
مخطط تانى يوم الجمعة بنصلى وبنزور ابن خالتى اللى شغال في المرور يمكن ربنا يكرمنا وشغلنى على تاكسى
كدا يعنى.
والمخططات دى احنا اللى بنعملها والدكتور الرائع محمد احمد شلبى استاذ علم النفس بكلية الاداب له كتاب مفصل عن دا وبيقول ان المخططات دى بنكونها من العادات اللى بنعود نفسنا عليها

يعنى لو انت كل يوم بتقوم الظهر وتاكل وتنام وعاوز بعد كدا تدور على شغل انت دا هايبقى صعب بالنسبالك ليه يامان اقولك لانك برمجت نفسك على حاجة لو غيرتها هاتحس بالتعب وبالغربة والخوف ودا ممكن تشوفه في القصة الرائعة بتاعت المعلم كينيث بلانشارد اللى بعنوان من الواد اللى حرك حتة الجبنة بتاعتى يامنطقة.







هاتشوف فيها ان التغيير بيخوف الناس دا لانه بيتنافى مع عاداتهم اللى اتكونت بناءا على افكارهم هى عملية ملخبطة انا عارف ماحدش فاهم وانا قلت كدا بردوا بس باختصار شديد
""""عود نفسك على النشاط وخلى تفكيرك ايجابى من التغيير بمعنى انك تقوم دلوقتى تدور على شغل بدل ماكنت هاتاكل او هاتنام علشان تغير ولما يكون عندك افكار ايجابية عن التغيير يعنى تقول لنفسك ان شاء الله هالاقى شغل وفى احسن محل عصير فيكى يابلد دا هايحفزك انك تقوم وتسيب من ايدك العدس علشان ربنا يكرمك وتاكل فول""
بيقول ارسطو : نحن نتاج مانفعله بتكرار الجودة اذا ليست عملا بل عادة
عود نفسك على النجاح.








دا الموجز احنا هانكمل ولكن بعد مانشوف المعلم ابن سينا الشيخ الرئيس اشهر علماء عصره وعلماء العالم.
" لما دخل الحاج عبد الله على ابنه الحسين (ابن سينا) لقى حاجة غريبة انه قاعد بيشرح لمعلمه الناتلى العلامة في الطبيعيات والفلسفة والمنطق فاستعجب وسال الناتلى عن دا فقاله ابنك ذكى وله مستقبل دا شرحلى مسائل ياعم كانت محيرانى







وبعد كدا كان ابن سينا ماشى في الشارع فالقى واحد مصاب الناس ملمومة واليه فاودوه المستشفى فلما دخل انبهر بالمكان وبدأ يسأل الاطباء ويستفسر منهم حتى اراد ان يدرس الطب وقال لابوه ابوه طبعا اتخنق منه وقاله انت كل شوية هاتطلعلى في حاجة لكن فرح ابوه بجد وقاله اوكى يامان هاخليك تدرس وتاخد بالكالوريا.

لااخفكيم سرا انا مش عارف اعبر عن هذا العالم الرائع بكل المقاييس وماتفتكروش انه عاش حياة سعيدة لانه بعد ان تفوق في دراسة الطب واصبح من الاطباء المهرة احب بنت اسمها مسعدة بنت الاسكافى بتاع القرية وكان هايطير من الفرح وقاله لامه ففرحت به لكن لم تشأ الظروف ان يرتبط بها








لان ابوه حرصا على مصلحته صرف الاسكافى من ابلد واعطاه مايلزمه حتى لايؤثر ذلك على مكانة ابن سينا ومرض الامير فاعالجه ابن سينا وعرض الامير عليه مايريد فطلب ان يطلع على مكتبته وبعد فترة توفى ابوه الذى بمثابة حصن الامان بالنسبة له وسبقه وفاة الامير الذى كان يحب ابن سينا واتهم في حرق مكتبته واخذ يتجول من بلد الى بلد مجبر من حاقدين ومن كارهين ومن ظلم الى ان وصل الى انه تولى رئاسة الوزراء في احد البلاد وكتب كتب في الفلك والمنطق والفلسفة والرياضيات والموسيقى واللغة.

ولودخلتوا على ويكيبديا هاتعرفوا مؤلفاته بالكامل وهاتشوفوا كم المجالات التى دخل فيها ابن سينا وافضل من المتخصصين فيها

ومن المواقف: انه سافر هربا من جرجان وهى ماكانتش بلده بس كان مسافر اليه مضطهد من الامير محمود بن سبكتكين وذهب الى جرجان وبردوا اضهد فذهب الى همذان وعالج قريب الامير شمس ثم عالج الامير شمس حتى ولاه الامير رئيس وزراء الدولة ومن حسد الجميع حتى القادة الذى منعهم من اخذ المال الكثير من الناس فثاروا عليه حتى حبسوه وامروا الاكير ان يقر اما باعدامه او يقيلوه

فرفض الامير ولكن وافق على سجنه كحل وسط تخيلوا بالرغم من ان ابن سينا مسجون الا انه ماقعدش يندب حظه ويلعن الايام بل كان يقرأ في العديد من الكتب ويأتيه ابو عبيدة صديقه ليمليه كتاب الشفاء الذى كان يضم المنطق والطبيعيات والرياضيات والالهيات وبعد كدا طلع من سجنه ورجع رئيسا للوزراء مرة تانية.

لما يكون عند يقين وامل وثقة فى الله هاتتقدم دايما ودا اللى كان مؤمن بيه ابن سينا وكل الناجحين عندهم شييء قوى عندهم اهداف
وموقف بسيط من المواقف ان استاذة ابن سينا لما احتاره في عقليته ونبوغه قالوا انه بيستعين بالجان.. ودا لانه بيجيب ادوية غريبة وبيكتشف حاجات اول مرة نسمع عنها.

فقالهم بكل بساطه: الاطباء لم يفكروا ان بيحثوا عن جديد ولا عن علاقة الطب بالعلوم الاخرى مثل الكيمياء والنباتات ومعتمدين بس على اللى يعرفوه مابيفكروش يعرفوا جديد.
ودا يبين ان ابن سينا كان دائم البحث لايقف عن حائط ويستسلم له







هذا هو ابن سينا علامة عصره

وهنا هانحط شوية قوانين:
1-يقول عالم النفس الشهير وليام جيمس نحن لانغنى لاننا سعدا بلا لاننا سعداء حين نغنى ويشرح ذلك ستيف تشاندلر بانه الشعور بالسعادة ياتى بعد البدء في العمل المحبب وليس قبله اى عمل وانت هاتكون ان شاء الله سعيد







وبيقول زيج زيجلر النجاح مثل صعود السلم ولذلك لاتجد احد يصعد السلم ويداه في جيوبه

2- تعلم الاصرار زى ابن سينا ولو قريت قصته هاتلاقى انه اضطهد من كل بلد الى بلد وسجن ولكن بالرغم من دا كان متمسك بالله ومحسن الظن ولم يجعل احد يعيقه عن هدفه




3-هاتلاقى ناس تمنعك عن هدفك زى ماقابلهم ابن سينا في حياته وكانوا كتير ولكن هوا ماكانش شايفهم هو كان شايف هدفه علشان كدا احنا فاكرين ابن سينا مش فاكرين اعدائه ولانعرفهم لكن تفتكر ايه اللى كان هايحصل لو انشغل ابن سينا بيهم؟







4- استعد للتغيير ليس كل جديد ضار ابن سينا سبب شهرته انه ابتكر في الطب الادوية المبنية على علم وعلاقة بالكيمياء وجرب النباتات لصنع الادوية لدرجة ان اكتشف مخدر للعمليات الجراحية مثل نبات الزوان والشليم

5- بيقول ستيفن كوفى :تحت عادة كن ايجابيا ولا تكن سلبيا "الايجابية تقتضى ان يعترف الشخص بخطئه ويصححه فور علمه به فان تعلم منه درسا مفيد يكون بذلك قد حول فشله هذا الى نجاح ويذكر مقولة واطسن مؤسس شكرة اى بى ام للكمبيوتر (ان النجاح يقف في نهاية طريق طويل يبدأ عادة بالفشل)




6- يقول الفيلسوف اليونانى ارسطو : الانسان كائن يبحث عن الاهداف :يصبح لحياته معنى فقط حين يثابر ويجاهد من اجل بلوغ اهدفه, ماتلعنش الظروف مين عارف الظروف دى جتلك ليه مايمكن جت علشان تشتغلها وتنجح او تتعلم منها فا تتجنب الفشل المرة الجاية

وفى طريقنا هانشوف قصص لناجحين اخرين
وتذكروا ان النجاح بيبقى في كل حاجة في العمل في الدراسة في تربية الابناء في ادارة العلاقات الاجتماعية او الاسرية
وخليك على ثقة ويقين وحسن ظن بالله انك اذا ماعملت واتقنت فستجد خير الجزاء من رب العالمين الذين يقول " ولايظلمون نقيرا"
واسف للاطالة







من يتهيب صعود الجبال...يعيش ابد الهر بين الحفر
ابدا الان ولاتنظر فالوقت لاينتظر احد
ونتقابل ان شاء الله في المرات الجاية مع قصص الناجحين
  رد مع اقتباس
قديم 06/09/2009   #3
صبيّة و ست الصبايا firdaous
عضو
-- قبضاي --
 
الصورة الرمزية لـ firdaous
firdaous is offline
 
نورنا ب:
May 2009
المطرح:
في همسة الجنون بداخلي..
مشاركات:
431

افتراضي


متشكرة جدا يا الباشا .. و صحيح الحياة تسلق .. و بعدين بالعزيمة و الارادة القوية و الثقة باننا ممكن نعمل أية حاجة فاية وقت غبجد حنعمل اية حاجة فاية وقت و مفيش حاجة اسمها مستحيل

تحية

وجد الحكام في الدنيا لينفوا وجود المستحيل

ما عداهم ...كل مافي الدنيا جميل

www.thihia.blogspot.com

أخوية للحياة..و الحياة للأخوية

الحرية لأسرى الحرية
  رد مع اقتباس
قديم 10/09/2009   #4
شب و شيخ الشباب albasha_ew
شبه عضو
-- اخ حرٍك --
 
الصورة الرمزية لـ albasha_ew
albasha_ew is offline
 
نورنا ب:
Jul 2007
المطرح:
مصر
مشاركات:
54

إرسال خطاب Yahoo إلى albasha_ew
افتراضي


احلى سلام لاجمل ناس
وحشتووووووووونى انا عارف انى اتأخرت عليكم بس كنت محتار في الشخصية اللى ممكن نتكلم عنها كمان اختيار الموضوع من المواضيع الكتيرة

بس طمنونى الاول حد فيكوا لقى شغل.... ماشاء الله ولا واحد

طيب هو النجاح بعيد ولا احنا اللى شايفينه كدا انا اقولكوا عن حاجة حقيقة كان في واحدة عجوزة حفيدها ايده اتزنقت تحت عربية وبدأ يصرخ وماكانش فى حد فاجرت بسرعة وماتعرفش ازاى حركت العربية وطلعت ايده ولما سالها واحد كان متخصص في التنمية التنمية البشرية بعد ما الجرايد كتبت عنها لقاها بتعيط ولما سألها عن السبب فقالتله انها كانت فاكرة ان اللى حصل دا كان من المتستحيل انه يحصل فهل ياترى الكلام دا حصل في حياتها وانها كانت شايفة حاجات كتي مستحيل انها تحصل مع انها كانت ممكنة



ليه لاء ولو جينا نتكلم عن موضوع زى الاصرار
هانقول ياترى انت لما فشلت فاكر ولا نسيت ياترى انت حاولت تانى ولما حاولت وفشلت حاولت تالت ورابع ولا قلت كدا عنب كفاية واتعرفت على الفشل وصاحبته وقلت اللى تعرفه احسن من اللى ماتعرفوش
طيب بلاش دا انت حلمك ايه اساسا هدفك ايه طيب ياترى هو هايحققلك السعادة هاتبقى مبسوط لما تحققه ؟
طيب لما هو كدا انت لسه قاعد ليه عاجبك وضعك الحالى انت شايف ان هدفك مايستحقش التعب .
ليه هو مش اللى بيبنى بيت لازم يتعب في الطوب ويقف في الطابور علشان يجيب الاسمنت ويروح ياخد قرض علشان يجيب اكل للعمال والبنايين ويروح يدور على واشطة علشان تجيبله كام سيخ حديد من عند الباشمهندس
اى نعم هو في الاخر الحاكية بتخسر وبيضطر يسيب البيت للعمال في مقابل اجرهم بس بيتعب صح بيتعب ولا لاء.



لكن قمة المتعة انك تتعب في سبيل هدف شريف انت ناوى تحققه والسعادة مابتبقاش في تحقيق الهدف بس والوصول ليه دى دى القمة انما السعادة بتبقى مستمرة طول الطريق اللى موصل للهدف والمعنى دا هاتلاقوه في كتاب من حرك قطعة الجبنة بتاعتى لما احد ابطال القصة بيفكر انه يتحرك يدور على الجبنة على عكس صديقه اللى قعد يتحسر على الجبنة اللى خلصت لقى صاحبنا اللى بدأ يتحرك انه احس بالسعاةد اثناء بحثه خاصة انه كسر الخوف من التغيير .
وبالنسبة للاصرار كان بيقول دكتور ابراهيم الفقى عن والت ديزنى المشهور انه



تعدى في بحثه عن بنك يمول مشروعه الى 104 بنك وهناك اخرون بيقولوا 203 بنك فا لو الراجل دا كان ياس ماكانش عمل اللى وصله دا.
ابدأ انت كسلت ومليت وزهقت لا خلى املك في الله كبير مادام هدفك شريف ونزيه وجميل ليه تتنازل عنه وانا اخترت كلمة شريف لان ممكن يكون واحد ناوى يسرق محل الدهب اللى في الحتة ومايصدق يسمع كلامى ويقول فعلا لاتؤجل عمل اليوم الى الغد ولما يتمسك يقولهم انى انا اللى حمسته وهو ماكانش ناوى يسرقوا دلوقتى.
خليك مصر على هدفك شايفه قدامك بتفكر فيه بتكتبه ولو دورت هاتلاقى ان العالم الرائع دكتور زويل كان من صغره في معلق على باب غرفته كلمة دكتور احمد زويل وهو لسه صغير.



عمرك ماهتلاقى حد ناجح الا وقد تسرب اليأس الى نفسه لكنه لم يهزمه بل تخطاه وابعده عنه اكيد هايجيلك شك في اى مرحلة وتقول انا هانجح ولا لاء انا قد النجاح انا استاهله .
طبعا بالشكل دا احنا مانتساهلش حاجة بس ربنا يكرم وان شاء الله لما نتوكل على ربنا صح اكيد هايتغير الحال وهانتوقف لفاصل بسيط هانشوف فيه رحلة واحد من اروع من اعطوا دروسا في الاصرار وفي المثابرة وفى التحدى ونتقابل بعد الفاصل.

"توماس اديسون مخترع المصباح الذى ضرب مثلا رائعا في كيفية الاصرار والمثابرة في كيفية التوجه الى الهدف وعدم الملل ولا اليأس.




هو مواليد 1847 في مدينة ميلانو بولاية اوهايو بالولايات المتحدة انا كاتبلكوا العنوان علشان اذا حد حب يشترى مصابيح ولا حاجة .



اديسون
طلع من المدرسة لان المدرس كان دايما بيوصفوا بالغباء فافصله المدير وقال ان دى مش مدرسة للمعاقين عقليا وطبعا لان امه كانت واثقة فيه راحت للمدرس واتخانقت معاه وقالتله بكل ثقه " لو انك كنت تملك نصف مداركه لكنت حسبت نفسك محظوظا" ادى الامهات ياجماعة مش ام تقولك كل شوية يافاشل ورحمة سيدك ماهتفلح وتذل فى الواحد.
وبدأ تعلمه امه لحد ماحب العلوم وللحالة الفقيرة للاسرة اشتغل بائع جرايد في القطارات زى يوسف شاهين كدا في فيلم باب الحديد .



اديسون وهنرى فورد وواحد ماعرفوش

لكن بالرغم من دا عمل معمل ليه في عربية البضائع بتاعت القطر وبدأ يفكر لحد ماقامت الحرب الاهلية فافكر انه يشترى طابعة صغيرة في القطر يطبع فيها الورق مستعين بالاخبار اللى بتيجى للمحطات وفعلا حصل ووزع منها مايفوق 200 نسخة يوميا لكن حصل ان في احدى الايام اهتزت عربة القطار فاتكسر المعمل واطرد من السكة الحديد بعد ما ادوله الترييحة اللى هي.

ولكن بعد كدا اشتغل بالتلغراف وكان عمره 15 او 16 سنة ولان كان مشغول



بالاختراعات بتاعته فكان دا مسببله مشكلة لانه لازم يرد على التغرافات ويستقبلها فا قال اشغل مخى المطوا بتاعتنا لكن الفلوس مش بتعاتنا
طبعا هو ماعملش كدا هو اخترع جهاز اسمه المكرر الالى يرد بالنيابة عنه زى المسجل كدا ومش بس كدا دا علشان يكبر مخه من استقبال الاشارات اخترع جهاز يسجل الاشارات كتابتا وباعه بعد كدا بمبلغ 40.000 وقد كمان يخلى الخط الواحد يستقبل اكتر من رسالة في نفس الوقت بعد ماكانش بيستقبل الا رسالة واحد بس وبالفلوس دى عمل مصنع وبدا في رحلته اللى هانكملها المرة الجاية"
ايه اللى اتعلمناه من الرغى دا كلوا:
1- خلى هدفك قدام عينيك ماتحودش عنه ركز على تحقيقه ولو فشلت كرر المحاولة مرة تانى وتالت لحد ماتوصله بيقول تشرشل " ان الجهد المتواصل وليس الذكاء او القوة هو مفتاح اطلاق قدراتنا الكامنة



2- بيقول برايان تريسى صاحب كتاب علم نفس النجاح ان هناك قانون اسمه التدريب وهو علشان تحل عادة ايجابية محل اخرى سلبية عليك ان تفكر فيها كثيرا حتى تصبح عادة لان الناجحين لا يفكرون في النجاح انها اصحبت عادة
ودا زى ماتكون متعود انك تمشى 2 كيلو وكل يوم بتزود عليها كام متر لحد ماتوصل انك ممكن تمشى كل شهر اكتر من اللى قبله وهكذا
3-الاصرار والتوكل هما اساس النجاح ولو بصيتوا لتوماس اديسون هاتلاقوا انه بالرغم من انه اطرد من المدرسة الا انه اطلع وقرا واشتغل في الجرايد وبالرغم من انه اطرد من السكة الحديد الا انه اشتغل بالتلغرافات وابتكر فيها ولسه هانشوف ياما وياما من اصرار اديسون العبقرى



4-خليك واثق انك تستاهل النجاح وليه لاء هما الناجحين يختلفوا عنك في ايه ولا هاتستنى لما تلاقى حلمك بيستمتع بيه واحد غيرك والبيت اللى كان نفسك فيه ساكن فيه واحد تانى.



5-هاتفشل ودا وضع طبيعى وكان اينشتين بيقول من لم يفشل لم يجرب شيئا في حياته لكن المهم بعد الفشل وكان فى واحد بيقول مش ان الناجح مش هو اللى مابيفشلش ولكن هو اللى يقدر يقوم تانى بعد الفشل

<DIV id=ame_noshow_post_1252570459_1 style="DISPLAY: none">
  رد مع اقتباس
قديم 10/09/2009   #5
شب و شيخ الشباب albasha_ew
شبه عضو
-- اخ حرٍك --
 
الصورة الرمزية لـ albasha_ew
albasha_ew is offline
 
نورنا ب:
Jul 2007
المطرح:
مصر
مشاركات:
54

إرسال خطاب Yahoo إلى albasha_ew
افتراضي


ياسلام دا انا اللى اشكرك يا فيردوس وكلامك مظبوط وردك جميل انا باشكرك على ردك الجميل.
  رد مع اقتباس
قديم 11/09/2009   #6
صبيّة و ست الصبايا firdaous
عضو
-- قبضاي --
 
الصورة الرمزية لـ firdaous
firdaous is offline
 
نورنا ب:
May 2009
المطرح:
في همسة الجنون بداخلي..
مشاركات:
431

افتراضي


و الله العظيم اول ما قريت لك أول موضوع عرفت ان عندك عزيمة و اصرار بالحياة مالوش مثيل برااااااااااافووو و يا فرحتنا بك و انت بتشركنا عزيمتك و اصرارك
  رد مع اقتباس
قديم 13/09/2009   #7
شب و شيخ الشباب عربي عربي
عضو
-- أخ لهلوب --
 
الصورة الرمزية لـ عربي عربي
عربي عربي is offline
 
نورنا ب:
Nov 2008
المطرح:
لسا ما طلعتش من راسي !, ماشي انا حاليا موجد بكوكب الارض
مشاركات:
320

افتراضي


3amal ra2e3 jedan, bs mesta'3reb leh mafesh rodod kter
  رد مع اقتباس
قديم 15/09/2009   #8
صبيّة و ست الصبايا safafita
عضو
-- أخ لهلوب --
 
الصورة الرمزية لـ safafita
safafita is offline
 
نورنا ب:
May 2009
المطرح:
خارج الطقس أو داخل الغابة الواسعة وطني
مشاركات:
182

إرسال خطاب MSN إلى safafita بعات رسالي عبر Skype™ ل  safafita
افتراضي thanks


yaslamou wallah mawdou3 bijanin ilisrar wi lirada tari9a anajah wincha alah rah ni3mil bidouk anasaih .wakaman itafaol mihtaginlo ktir
  رد مع اقتباس
قديم 16/09/2009   #9
صبيّة و ست الصبايا مملكة الورود
عضو
-- أخ لهلوب --
 
الصورة الرمزية لـ مملكة الورود
مملكة الورود is offline
 
نورنا ب:
Sep 2009
المطرح:
مملكة الورود
مشاركات:
152

افتراضي


هلا والله ايه والله
موضوع حلو كتير ومليئ بالعبر والقيم
يسلمو

اذا اردت النجاح فستيقظ باكرا........
وابتسم .........
واغلق ابوابا حديديه على الماضي الذي لم يبقى منه الا التجارب..........
وانتظر غد مشرق ملؤه الأمل على المستقبل الذي لم يأتي .........
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 21:23 (بحسب عمك غرينتش الكبير +3)


Powered by vBulletin® Copyright ©2000 - 2022, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.18960 seconds with 12 queries