هلق بدي مساعدة و عاجلة من بعد اذنكن

[TheLover-_-]

يا جماعة في بالشام و حلب معهد اسمو New Horizon هيدا معهد كومبيوتر حكولي عنو كتير و نصحوني فيه و انو شهادتو من Microsoft و من هالحكي.
المهم انا حابب اعرف كل شي بالتفصيل عن هالمعهد يعني الكورسات و طريقة التدريس و التكلفة و الواحد ئديش بدو حتى يخلص و لما بيخلص شهادتو شو رح تنفعني يعني شهادتو رح تأمنلي شغل اذا انا ما معي شهادة معلوماتية.
يعني هون بدي النصيحة منكن لان حياتي كلها واقفة على شو بدي ادرس و شو بدي اشتغل.

و كمان بدي عزبكن معي بدي اعرف معلومات عن كلية الميكانيك العام و كلية ميكانيك السيارات و الاليات الثقيلة و كلية الطيران بالجامعة السورية يعني اللي بدي اعرفو كمان بيتعلق بالشهادة اللي رح احصل عليها شغلها ماشي او لا؟


و انا بكون ممنون كتير الكن اذا بتخدموني و بتعطوني معلومات صحيحة.......


تحياتي

[شوط ياقمر]

شوف ياريس .. شهادة ان ديزاين .. بمقابة شهادة حضور .. فقط لاغير .

انو يابا .. انتي حضرت الدورة .. وبلمعية مية أهلا وسهلا . بس .

أما يلي ئايلّك . الشهادة من مايكروسوفت .. فا .. حط رجلك بضهرو .. وئلو بلا لعي .

فا الشهادة مابتفيدك بفرنك .. ماهوي مافي معهد بسوريا الحبيبة .. الشهادة تبعتو معترف عليا . بدك شهادة تستفاد منّا مستئبلاً .. فا عليك بمكتب الجزيرة .. بس أضرب دورة بتكلفك فوء الـ 150 ألف .

هي يلي انا على معرفة به . أما مكانيك . ومحركات ودوزان .. فا .. سوري .. ماعندي علم .

وهلا

[TheLover-_-]

هيي الشهادة حسب ما حكيلي مانها ان ديزاين هيي شهادة ام سي اس اي و هي بالفعل انا سمعان عنها كتير ..
بس حتى اوصل لل ام سي اس اي لازم اعمل شهادة الان ديزاين
بس ما كنت متأكد انو هالمعهد موجود بسوريا و ما بعرف شي عنو اذا كان موجود مشان هيك حطيت الاستفسار.
على كل حال ميرسي الك ...
تحياتي

[..AHMAD]

هلئ كنقطة اولى ... المعهد جيد جداً من ناحية الطاقم التدريسي

بس لوضحلك نقطة

الشهادة .. حبر عورق مش اكتر
ما عندك خبرة .. وما عندك حب لهالشغلة اللي بدك تدرسها ... ازا بكون معك مليون شهادة بجيبتك وباليد واحد ... كلهن ما بيفيدوك

لاتعتمدلي كتير عشهاداتك .. ركز عخبرتك يا عين عمك ....
يعني الدراسة الاكاديمية بالمعاهد السورية صايرة ( يعني كانت ولا زالت ) فاشوش هالايام .
بالنسبة لشهادة الMCSE فهي مانها الا عبارة عن ضحك عاللحي .. وشغلي هالجهاز واطفيلي هالجهاز اكسل وورد ... الخ الخ الخ ... وشوية شغلات تافهة بقا نصيحة مني الك .. بلالك ياها .. كب عملة عالفاضي


بالنهاية .. عمحاكيك من منطلق اني بدرس هنيك صرلي سنتين ( رح تقول كيف عمينتف بريشهن .. وهوي عميدرس هنيك .. لانو ببساطة تدريسهن للديزاين سوبر بيرفكت )

ويا هلا

[TheLover-_-]

كرا للنصايح منيح ما اتسرعت و سجلت......
تحياتي

[..AHMAD]

يعني هلئ نصيحة اخيرة من اخ لابن خالتو

بدك شي الو علاقة بالديزاين ... نيو هورايزون

بدك شي الو علاقة بالشبكات والنتووركينج وهيك قصص ... معهد اوبتيما - معهد الخوارزمي - ومعهد الحضارة

هدول التوب بمجال الشبكات

وروح شايفلك عالحضارة

[TheLover-_-]

طيب لو بدي عذبك معي ممكن تعطيني شوية معلومات عن هالمعاهد............
تحياتي

[ِAbu Alzooz]

مو نصيحة يلعن دين أوبتما

دورة الفوتوشوب لهلق ما كملوها

صرنا 6 تشهر مبلشين فيها

[jina2009]

انا عملت فيه كورسين انجليزي ونصحوني فيه وهو فعلا منيحبالنسبة للانجليزي اما بالنسبة للكومبيتر ماعندي فكرة بس اساتذتو كتييير مناح امريكان وتدرسيون ممتاز وانا فعلا ستفدت
والشهادة اللي بتاخدها مثل ماقالولك هي شهادة حضور واكمال المهاج بس مو اكتر من هيك وهو معهد موجود بكتير من البلاد العربية مصر والسعودية وكتيير بلاد بالعالم

[BL@CK]

المعهد ممتاز و إلو أكتر من فرع بأكتر من دولة بغض النظر عن الشهادة .. فا روح و القلب داعيلك .. و في لطلاب كلية الإقتصاد - حلب حسم 25 % ..


( ما عندي فكرة أزا في حسم لطلاب غير كليات , بس عم أحكي عن كليتي ) ..

[M_R]

حبيبنا انا كنت اشتغل بالNew Horizons تبع الشام بقسم المبيعات
لح قلك هلأ المعهد من حيث طاقم التدريس منيح كتير انا عملت فيه دورات كمان
هلأ من ناحية الشهادة فهي عبارة عن شهادة حضور لا أقل ولا أكتر يعني بتاخدها إذا حققت نسبة حضور بنسبة 80%
هلأ انت بس قلي شو الدورة يلي بدك ياها واسآل عن الأستاذ لقلك اذا تسجل فيها أو لاء لانو في أساتذة مناح وفي أساتذة كتير مناح
وإذا اعتمدت قلي بركي بحاول جبلك حسم على الدورة يلي بدك ياها
وشغلة كمان انو أحيانا المعهد بيشغل العالم يلي درسوا عندوا اذا لقوك كتير منيح وأحيانا كان يجينا شركات تحط اعلانان بالمعهد مشان نحنا نرشحلون حدا عندون
انت شوف وادروس وضعك منيح وخبرني
وقلي كمان شو اسمو يلي رحت على المعهد وقابلتو اذا متذكر لاحكيلك معو
وانا بالخدمة ان شاء الله

[Barleb]

حطيت ايدك .. خلينا نقول عـ الجرح

بـ خصوص دورة الـ MCSE هلا أسبوع الجاي انا بدي ابدا هنيك دورة A+ + networking

و بعدها حاطط بـ بالي الـ MCSE

هلا متل ما قالك أحمد .. الخبرة بتفيدك أكتر من الشهادات .. مع انو الشهادة فيك تعتبرها بداية الطريق مو أكتر

بـ خصوص حكي شوط يا قمر انو يلي بيقلك mcse و معترف فيها من مايكروسوفت لا تصدقو .. هل حكي نوعاً ما صحيح

الشهادة يلي بتاخدها من المعهد هيي شهادة حضور فقط .. بس المعهد بيقدملك تسهيلات انو تطلع تقدم امتحان بـ بيروت أو الأردن و تاخد فيها الشهادة و مصدقة من مايكروسوفت

هلا دورة الـ MCSE + الأ متحانات يلي بدك تقدمهن هني 7 .. و كل أمتحان بدك تدفع عليه 100 دولار

أجمال التكلفة تقريباً 130000 و عـ الضبط 128000 .. هي اذا نجحت بـ امتحاناتك كلها .. يعني كل أمتحان بـ ترسب فيه ضيف للمجموع 100 دولار

هلا المعهد ما بيعملك خبير شبكات .. وما بيعلمك شبكات 100% .. ما بيخليك مهندش شبكات .. بيخليك تاخد الشهادة تبع هندسة الشبكات

بدك تشتغل و تتعب عـ حالك .. و تضل متابع ...

بتمنى كون فدتك .. تحياتي

[hamido1979]

كاتب النص الأصلي : ..AHMAD

يعني هلئ نصيحة اخيرة من اخ لابن خالتو

وروح شايفلك عالحضارة

الحضارة لأ انا كنت استاذ بالحضارة

و بالنسبة لل MCSE اذا عندك خبرات شبكات و لغة منيحة ادرسها لحالك و روح ع لبنان او الاردن و قدم امتحانات متل ما عملت انا و معي الشهادات من مايكروسوفت و هلأ موظف بمايكروسوفت

و اذا بدك تسجل بمعهد روح نصيحة عال SBS ممتاز

ومتل ما فادوك الشباب بلا خبرة الشهادة و لا شي

و بدعيلك بالتوفيق