مقتل رضيع بالغازات المسيلة للدموع ...بدمشق!!!

[الحب الازرق]

اليوم .. الاحد 2 ايلول ... توفي الرضيع **** بسبب اطلاق عناصر حفظ النظام للقنابل المسيلة للدموع وبشكل كثيف لتفريق اهالي مزرعة نصري - جوبر للتمكن من هدم منازلهم من اجل فتح طريق...
المؤسف ان الرضيع انتظره والده منذ عشر سنين
اي الاب لم يرزق باطفال منذ عشر سنين وهذا الولد هو الثاني بعد طفلة عمرها سنة ونصف وعمر الطفل لا يتجاوز الشهر ....
من المسؤول عن موت الرضيع ... ابن ذلك الصيدلاني المحبوب من الحي كله ..
الا يمكن تنظيم الامور بشكل منطقي لاخلاء السكان ...
الا يمكن التعويض بشكل مناسب حتى لا تتكرر تلك الحوادث المؤسفة من موت رضيع او قتل شرطي او اصابة ضابط شرطة .

[COSTA]

ممكن مصدر الخبر

[ABO SUHAIL]

اخ اخ
شو بدو الواحد يحكي ليحكي
الدني سايبي بكل محل
وهادا الولد اذا ما مات هلق رح يموت بعد كام سنة بشي معتقل

بس خيو انو شو كان عما يساوي الولد هنيك؟ يعني كان قاعد ببيتو ووصل الدخان عالبيت اما كان بالصدفة هنيك؟
ولو سمحت بدنا نعزب معنا شوي بس خرج المصدر!

[البركان.]

ياحرام والله بيزعل هل الأب شو موقفوا كيف حاسس ياحرام

[Remember Me]

الله لا يعطيون العافيه

الله يحرق قلبون متل ما حرقو قلب هالأب المسكين

[الحب الازرق]

كاتب النص الأصلي : ABO SUHAIL

اخ اخ
شو بدو الواحد يحكي ليحكي
الدني سايبي بكل محل
وهادا الولد اذا ما مات هلق رح يموت بعد كام سنة بشي معتقل

بس خيو انو شو كان عما يساوي الولد هنيك؟ يعني كان قاعد ببيتو ووصل الدخان عالبيت اما كان بالصدفة هنيك؟
ولو سمحت بدنا نعزب معنا شوي بس خرج المصدر!

اي نعم كان ببيتو ودخان القنابل المسيلة للدموع انتشرت لمسافة 200 متر بسبب الهوا
يعني الغازات دخلت عالبيوت ..
اما مصدر الخبر فبحسن اقلك انو والد الطفل صديق
ربما ينشر الخبر في الغد

[الحب الازرق]

والد الطفل اعرفه بشكل شخصي ...
تزوج منذاكثر من عشر سنين ... رزق بطفلة بعد زواجه بتسع سنين ايمن سنة ونصف
ومنذ شهر كانت الفرحة تملأ حياته بعد ولادة طفله الثاني
والان ..........

[COSTA]

كاتب النص الأصلي : الحب الازرق

ربما ينشر الخبر في الغد

واذا ما انتشر الخبر ؟؟؟

[ABO SUHAIL]

كاتب النص الأصلي : COSTA

واذا ما انتشر الخبر ؟؟؟

بس سؤال صغير
انت ما بتصدق غير الشغلات الي بتنشر بالاعلام تبعنا؟
ولهلق اسا ما مرت عليك ولا قصة بتشيب الراص وما طلعلة حس بالوسائل الاعلام؟

[COSTA]

كاتب النص الأصلي : ABO SUHAIL

بس سؤال صغير
انت ما بتصدق غير الشغلات الي بتنشر بالاعلام تبعنا؟
ولهلق اسا ما مرت عليك ولا قصة بتشيب الراص وما طلعلة حس بالوسائل الاعلام؟

بالعكس يا ابو سهيل
الشغلة مو صدق او ما صدق
بس انو في كتير وسائل اعلام ومو شرط محلية انما عربية واجنبية وبتنقل هيك اخبار
+
المنطقة يللي عم يحكي فيها منطقة مخالفات .. يعني اكيد واكيد بكون صرلون شي عشر سنين مأنذرين السكان انو طلعو بدنا نفتح طريق ... لك ياعمي روحو بدنا نساوي طريق العجقة عم تزيد بالبلد وهنن عم يعمرو بزيادة .. لك يا عمي اطلعو انتو مخالفين ... والعجقة وصلت لاخر الشام ولاوتوستراد المزة .. وهنن مطنشين عم يشربو متة ...
طيب شو الحل ؟؟؟
وشو الثمن ؟؟
مشان هيك بدنا المصدر مشان نحكي ونبق البحصة .....
وما يطلع الخبر بالاخر .... شي سولفة من سوالف هالعالم
فهمت عليي ... لانو وصلت العجقة لعندي

[ABO SUHAIL]

كاتب النص الأصلي : COSTA

بالعكس يا ابو سهيل
الشغلة مو صدق او ما صدق
بس انو في كتير وسائل اعلام ومو شرط محلية انما عربية واجنبية وبتنقل هيك اخبار
+
المنطقة يللي عم يحكي فيها منطقة مخالفات .. يعني اكيد واكيد بكون صرلون شي عشر سنين مأنذرين السكان انو طلعو بدنا نفتح طريق ... لك ياعمي روحو بدنا نساوي طريق العجقة عم تزيد بالبلد وهنن عم يعمرو بزيادة .. لك يا عمي اطلعو انتو مخالفين ... والعجقة وصلت لاخر الشام ولاوتوستراد المزة .. وهنن مطنشين عم يشربو متة ...
طيب شو الحل ؟؟؟
وشو الثمن ؟؟
مشان هيك بدنا المصدر مشان نحكي ونبق البحصة .....
وما يطلع الخبر بالاخر .... شي سولفة من سوالف هالعالم
فهمت عليي ... لانو وصلت العجقة لعندي

هلق وصلت الفكرة
وانا من اول الشي سألت كمان عن المصدر
بس وقت قال انو معرفة شخصية قلت معقول كتير

ومن ناحية العجقة والسيارات والمخالفات
يعني شو بدو يحكي الواحد ليحكي
بدو يقول انو حرام هالزلمي الي حط تعب وشقا عمرو كلو ببيت مخالف رخيص لانو ما معو حق بيت نظامي
لما الحق عالي عمر هادا البيت
لما الحق عالحكومي الي ما بتعرف شو بدا , بتساوي الف شغلة وبعد ما تهد الف بيت بتقول لاء ما مشي الحال هيك خلينا نعمل غير طريق
لما الدراسات تبعيت شبكة المرور الي وقت عملوا قالو انو بتكفي لمدري كام سنة والعالم من وقت ما خلصو هالطرقات بيضلو ساعات واقفين بالعجقة
خيو بس تكون البلد عوجا من كبيرا لصغيرا ما فينو الواحد يحط الحق عحدي
بس المشكلة انو ما بتروح غير عالصغير اي ما بيقدر يحكي شي
يعني وقت الفقير بيسرق 50 ليرة بيبحسو , ولما الكبير بيسرق 50 مليون ليرة بيرفعو
يعني هيي معادلة صعبي شوي , بس مافي غيرا عما يتطبق

وبالاخير ما رحت غير عابو هالولد الي مات , لانو الولد كولد ارتاح
بس الحصرة عالاهل

شو بدو يحكي الواحد ليحكي
مافي غير بيريح الراص
وانت اعلم
سلامات خيو

[brave heart2]

كاتب النص الأصلي : COSTA

ممكن مصدر الخبر

ما في داعي للمصدر اساسا وسائل الاعلام ممنوعة من الدخول

والاعتصامات والتصادمات يلي عم بتصير اما المحافظة بتاريخ الليوم ما تصورت حوالي 3000 شخص

اعتصمو واشتبكو مع قوى الامن .... والمصادر هنة اهالي المنطقة

دخلو قوات حفظ النظام واخلو بالبيوت بالاجبار وتم هدمها دون تعويض



الى متى ........... الى متى الظلم والصمت ....

وين اعضاء مجلس الشعب ... ومحافظ دمشق الملقب حاليا بشارون



كاسك يا وطن

[ABO SUHAIL]

وفاة طفل بالشهر الأول من عمره اثناء عمليات هدم قامت بها المحافظة في منطقة باب شرقي

باشرت محافظة دمشق صباح الأحد عمليات الهدم في المناطق الواقعة ضمن تنظيم شرقي باب شرقي_الطريق الموازي للدباغات الحديثة دون اعتبار للمواطنين المتواجدين في المنطقة خاصة غير المستحقين السكن البديل" ، وذلك رغم كل المحاولات والجهود التي بذلت لوقف العملية.

وكان أهالي المناطق الواقعة ضمن تنظيم شرقي باب شرقي في مزرعة نصري وجسر الحارث ومسجد أقصاب قد واصلت مظاهرات عدة لفترة الشهرين الماضين مستغيثين بجهات حكومية عدة كمحاولة لوقف عمليات الهدم لكن دون أي جدوى !!! وبناء عليه توجهت سيريانيوز مباشرة إلى مكان الهدم للمتابعة، فما إن وضعنا قدمنا أول الطريق حتى تجمعت مئات العائلات حولنا واستنجدوا بنا لوقف الهدم وكأننا الجهة صاحبة القرار ليشرحوا ويصوروا لنا معاناتهم ومأساة الموقف.
ومن فورنا توجهنا إلى داخل احد المنازل لنجدها فارغة وموحشة بعد رحيل سكانها عنها حيث علمنا من السكان بأن أحد الأطفال الذين أسعفوا إلى المشفى " إثر القاء القنابل المسيلة للدموع " ويدعى محمد وهو ابن الصيدلي مأمون مرتضى .. قد فارق الحياة ، ونظرا لسوء حال والديها لم نستطع من التحدث إليهما.

"صباحية مباركة"
هكذا بدأ شادي أحد سكان المنطقة وصفه لصباح المحافظة بطريقتها الخاصة، حيث قطعت المحافظة الكهرباء عن المنطقة الساعة السادسة صباحا ثم قدمت سيارات "الجرافات والشرطة والإسعاف"، وحوطت المنطقة بسور من رجال كتيبة النظام وكأن هناك كمين".
ويضيف شادي"فيما بدأت الجرافات بالاقتراب من المنطقة حتى ضج السكان مستنكرين قرار المحافظة المفاجئ، فضرب الضباط أحد السكان لتبدأ بذلك المعركة حيث ألقى رجال الشرطة القنابل المسيّلة للدموع لإبعاد الناس، فيما سارعت الأهالي لنقل الأطفال إلى المشافي".

حديث العائلات طال ونحن ما نزال عند أول الطريق دون أن نراقب مشهد الهدم مباشرة وتوقعنا أن المبالغة طغت على حديثهم لكن المفاجأة كانت عندما اقتربنا إلى المكان لنجد الجرافات تقتلع الأشجار من جذورها والبيوت من أعماقها ورجال الشرطة موزعة على كل جانب ومسلحة "بالعصا والهراوة" بينما يواصل السكان نقل أمتعتهم والدموع تغلغل عيونهم "مرددين" لو كنا عدو لعاملونا برحمة أكثر!!! وبصراحة كان المكان "أشبه بالحمام المقطوعة مائه"

"دون إذن... ولا دستور "
نضال احد سكان المنطقة قال لنا "لقد اقتحموا البيوت دون إذن أو دستور وذلك لسحب "عدادات الماء وساعات الكهرباء"وخلعوا وكسروا الأبواب وكل هذه الأفعال دون علم مسبق بذلك، ولم نأخذ الحيطة فالأمتعة والأثاث ما زالت في البيوت لذلك باشرنا على نقلها فورا خوفها من تهديمها تحت عجلات الجرافات ".
وتابع نضال "وبكل أسف شعرت اليوم حقا بمعاناة الفلسطينيين أثناء تهجيرهم من منازلهم وطردهم من مأواهم الوحيد".

اتهامات للمحافظة بتخصيص البيوت البديلة للبعض "دون ان يستحقوها"
وبينما وقفنا نتأمل المواطنين عن بعد وهم منهمكون بنقل أمتعتهم وقد طغى عليهم ورغم ظروفهم القاسية روح المحبة والتعاون ومساعدة بعضهم بعض، اقتربت السيدة أم محمد وقالت "القرارات على "عينا ورأسنا" لكن لو عدلوا في ذلك، فقد لعب موظفوا المحافظة لعبة "دنيئة" عندما خصصوا بيوت لأحدهم دون أن يستحقوه، ليحصلوا على رشاوي بالمقابل" وكل هذا جرى من تحت الطاولة فأين العدل في ذلك وما علينا أن نقول إلا حسبنا الله ونعم الوكيل".

المحافظة تمنح الغير متخصصين سكن الإيواء بالآجار
قصدنا مدير التخطيط والتنظيم العمراني في محافظة دمشق م.عبد الفتاح أياسو فقال لنا "وجهنا إنذارات عدة مسبقة إلى سكان المنطقة وكان من المفروض أن يكون تاريخ الهدم قبل 10 أيام لكننا منحنا السكان مزيد من الوقت، وقد توجهنا يوم أمس إلى المنطقة حيث أخليت بنسبة 70 % من السكان".
وأوضح أياسو "بلغ عدد متخصصين السكن البديل للمحور بالكامل أي منطقة التنظيم والإستملاك 312 مستحق و 140 مستكمل الأوراق الثبوتية بينما بلغ عدد الغير" متخصصين 140 من كامل المحور أي بنسبة 70 % مستحق و 30% غير مستحق وتابع " ونظرا للأشخاص الغير مستحقين أقرت المحافظة حل بديل وهو عبارة عن منح عقود آجار للأشخاص الغير مستحقين بمبلغ رمزي مقدراه شهريا 1000 ل.س ولمدة 6 أشهر في منطقة الحسينية ريثما تستطيع العائلات تأمين مآوى جديد لها".
كما أصدرت المحافظة بتاريخ 29/8/2007 القرار رقم 6294 والذي ينص على تخصيص المنذرين في الأبنية البرجية التي ستعمر ضمن منطقة التنظيم على أن يتم تسليم المنازل في الأبنية البرجية خلال عامين من تاريخ العقد.
واشار اياسو إلى أن "التعاقد سيتم في بداية عام 2008 حيث انتهت الدراسة الأولية ولم يبق إلا مرحلة التدقيق النهائي والتي من المتوقع أن تنتهي في الشهر العاشر من هذا العام فيما ستستمر عمليات الهدم ليوم آخر لإنهاء كافة العمليات في المنطقة".

مها القحف - سيريانيوز

[الحب الازرق]

وهاي نشروا الخبر ..
انا عم احكي شلون مات طفل عمرو اشهر بالغازات السامة .. وما عم اكتب لدافع عن الناس يلي انهدمت بيوتها
بس للمعلومات العامة الزحمة يلي عم تحكي عنها سببها عدم التنظيم والقيام بمشاريع فاشلة
مثال :
ساحة العباسيين اكتر من اربع شهور وهن عم يرصفوا حجر اسود . ولسه ماحدا بيعرف ايمتا بيخلصوا
يعني لو عملوها اسفلت كانت خلصت باسبوع
وشو عاملين نصب تذكارية للخلفاء العباسيين
يعني لو استشرت الخلفاء نفسهم كانوا قالولن زرعوها شجر
برجع وبقول :الموضوع عن طفل عمرو شهر مات بالغازات السامة .. طبعا الولد كان ببيت بعيد 100 متر واكتر عن منطقة الهدم ..يعني بيتو مالو علاقة بالهدم ....

[ARCH-WAEL]

حسبي والله و نعم الوكيل أحسن شي ...


الله يرحمه برحمتو الواسعة ...و يرحمنا جميعــــاً ...


و











سلام