أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 20/11/2006   #1
شب و شيخ الشباب TheLight
مشرف
 
الصورة الرمزية لـ TheLight
TheLight is offline
 
نورنا ب:
May 2006
المطرح:
عند ساركوزي اللعين..
مشاركات:
3,091

افتراضي ازدواجية شخصية الانسان العربي؟؟



حالات غريبة من الفصام ومظاهر غريبة من التصرف وأشكال شاذة من العلاقات مع المجتمع....كل هالامور بتميز وبجدارة شخصية الإنسان العربي بعلاقاته مع المحيط متمثلا بمجتمعه وعائلته واقاربه.....
بنقدر نقول بوجود شي اسمو ازدواجية شخصية الانسان العربي؟؟؟
هل كل الحالات والامثلة يللي بنشوفها وبنسمعها كل يوم غير كافية على اثبات هذه الازدواجية؟؟؟
هل بيكون الانسان ذو شخصية ازدواجية وقت بيمنع عن سواه يللي بيسمح لنفسه فيه؟؟؟
هل تكون شخصيته ازدواجية وقت بيبيح لنفسه وبيحرم على غيره؟؟؟
بدنا أمثلة....؟؟؟؟
في عشرات الامثلة يللي بتبدا من علاقة الانسان العربي مع اقرب المقربين اليه وصولا لأي كان بمجتمعه....

أي عدَوا لنشوف....
ممنوع اختي تمشي مع شب بس انا بيحق لي كل يوم صاحب صبية واقيم معها علاقة جنسية...
مسموح انو بفترة شبابي كون مقطع موصل وما خلي بنت وما نام معها بس يوم يللي بدي اتجوز لازم نقي اطهر وأشرف بنت ما باس تمها الها امها...
بتحول لوحش بس حتى يقرب ع أي شي بيخصني بس بنفس الوقت ما بتردد اني هاجم غيري
بدافع عن ديني بكل شراسة وكأني أحد الصحابة او أحد تلاميذ المسيح...وأنا بعيد كل البعد عن تعاليم ديني بحياتي اليومية
بطالب بحقوقي بالاجازات بوظيفتي وأنا بنفس الوقت ما بقدم عشر يللي مطلوب مني....وفوقها بهرب كل يوم قبل ما يخلص لدوام....ويوم يللي بكون بدائرة حكومية وما بلاقي الموظف بيجن جنوني.....
بطالب الدولة أنها تعطيني كل شي وبشتمها يوم بتقصر معي وبنفس الوقت بتذمر يوم لازم ادفع الضريبة...
بشتم الدولة والحكومة لأنهم عم يسرقونا وما بتردد للحظة أني اسرق أي واحد بيفوت ع دكاني....
بسب ع شوفير سيارة يوم بيزمرلي لأني قطعت الشارع بدون ما اطلع ع الجسر وبعد بدقيقتين بكون عم سب ع واحد عمل نفس الشي وبتهموا انو متخلف....
ببكي يوم بشوف طفل عم يموت بفلسطين او بالعراق بس بهلل وبزقف لما بيموت طفل اوروبي او امريكي بتفجير بمحطة مترو...

أنو ليش؟؟؟؟

I am quitting...
  رد مع اقتباس
قديم 20/11/2006   #2
شب و شيخ الشباب COSTA
عضو
-- مستشــــــــــار --
 
الصورة الرمزية لـ COSTA
COSTA is offline
 
نورنا ب:
Jun 2006
المطرح:
بالبار عم اشرب واسكر وارقص وحشش وشوف حياتي
مشاركات:
3,428

افتراضي


اقتباس:
ممنوع اختي تمشي مع شب بس انا بيحق لي كل يوم صاحب صبية واقيم معها علاقة جنسية...
مجتمع ذكوري
اقتباس:
مسموح انو بفترة شبابي كون مقطع موصل وما خلي بنت وما نام معها بس يوم يللي بدي اتجوز لازم نقي اطهر وأشرف بنت ما باس تمها الها امها...
هاد عدم الثقة و وجود الشك في تركيبة مخنا
اقتباس:
بتحول لوحش بس حتى يقرب ع أي شي بيخصني بس بنفس الوقت ما بتردد اني هاجم غيري
انانية وحب السيطرة
اقتباس:
بدافع عن ديني بكل شراسة وكأني أحد الصحابة او أحد تلاميذ المسيح...وأنا بعيد كل البعد عن تعاليم ديني بحياتي اليومية
اقتباس:
بطالب بحقوقي بالاجازات بوظيفتي وأنا بنفس الوقت ما بقدم عشر يللي مطلوب مني....وفوقها بهرب كل يوم قبل ما يخلص لدوام....ويوم يللي بكون بدائرة حكومية وما بلاقي الموظف بيجن جنوني.....
تنبلة وقلة حس بالمسؤولية
اقتباس:
بطالب الدولة أنها تعطيني كل شي وبشتمها يوم بتقصر معي وبنفس الوقت بتذمر يوم لازم ادفع الضريبة...
حتى لو طالبت الدولة ما رح تعطيك
ومتعودين نهرب من الضرايب لانو منحسها عم تروح لجيبةالمسؤولين
اقتباس:
بسب ع شوفير سيارة يوم بيزمرلي لأني قطعت الشارع بدون ما اطلع ع الجسر وبعد بدقيقتين بكون عم سب ع واحد عمل نفس الشي وبتهموا انو متخلف....
منشوف القشة بعين غيرنا وما منشوف الخشبة بعينا
اقتباس:
ببكي يوم بشوف طفل عم يموت بفلسطين او بالعراق بس بهلل وبزقف لما بيموت طفل اوروبي او امريكي بتفجير بمحطة مترو...
عنصرية
اقتباس:
أنو ليش؟؟؟؟
مشان تسأل عرفت ليش


سيدي الرئيس ......... تحية وبعد
اتسمع الاحرار حين يسألون.......
امرتين الشهداء يقتلون ...........
اطفالنا في المهد بعد يحلمون....
من ينقذ الاحلام حين ينعسون...
[thread=51430][COLOR=red]تعالي نرتوي الحب لسنا سوى ظلال وغبار[/COLOR][/thread]
[B][COLOR=seagreen]شيطان انا واقف على الباب .................................. هوايتي ان ارقص مع الذئاب[/COLOR][/B]
[B][COLOR=#2e8b57][COLOR=blue]اذا اردت ان تقول الحقيقة بغير وقتها .................... فاعلم انك في نظر الكل خائن[/COLOR] [/COLOR][/B]
  رد مع اقتباس
قديم 20/11/2006   #3
شب و شيخ الشباب R A M I
شبه عضو
 
الصورة الرمزية لـ R A M I
R A M I is offline
 
نورنا ب:
Sep 2006
مشاركات:
61

افتراضي


اي بشرفي نحن العرب مو عرفانين وين الله حاططنا ..

أمثلتك واقعية و متكررة بشكل شبه يومي ..

بس فعلا بيبقى السؤال أنو ليش .................................................. .!!؟؟
  رد مع اقتباس
قديم 27/11/2006   #4
شب و شيخ الشباب COSTA
عضو
-- مستشــــــــــار --
 
الصورة الرمزية لـ COSTA
COSTA is offline
 
نورنا ب:
Jun 2006
المطرح:
بالبار عم اشرب واسكر وارقص وحشش وشوف حياتي
مشاركات:
3,428

افتراضي


اقتباس:
كاتب النص الأصلي : R A M I عرض المشاركة
اي بشرفي نحن العرب مو عرفانين وين الله حاططنا ..

أمثلتك واقعية و متكررة بشكل شبه يومي ..

بس فعلا بيبقى السؤال أنو ليش .................................................. .!!؟؟
عم تسأل ليش؟؟

انا بقلك

حيونة
  رد مع اقتباس
قديم 29/11/2006   #5
صبيّة و ست الصبايا امرأة من ورق
مشرف متقاعد
 
الصورة الرمزية لـ امرأة من ورق
امرأة من ورق is offline
 
نورنا ب:
Apr 2006
المطرح:
عوراق طيارة ورق
مشاركات:
2,968

افتراضي


السبب الاساسي هوي برأيي واحد بس داخل ضمنو شوية اسباب وعقد ومشربكة كلها ببعض

هالسبب هوي انفقاد الخصوصية والفردية تماما يعني الواحد منا بيصير عمرو مية سنة ولسه الماما والبابا والاخوات والجيران وااهل الضيعة والمدينة كلها بدها تتدخل بكل صغيرة وكبيرة بحياتنا وبدها تحكم على كل تصرف بحياتنا مهما كان صغير او كبير اذا كان مناسب او لأ وطبعا مناسب بالمعنى انو بيناسب المجتمع وافكارو بغض النظر عن انو مناسب او لأ لشخصية الانسان....... بكلمة تانية في انعدام للفردية بمجتمعنا وسيطرة المجموعة الكاملة عالفرد وطبعا كل شخص فينا عندو حاجة للاحساس بانو هوي شخص الو خصوصيتو بمعنى انو يحس بال أنا ومن هون بيطلع تناقضات بلاوي

هلأ هالشي بينولد عنو احساس عند الشخص انو هوي ابن المجموعة اكتر ماهوي شخص منفرد وبالتالي المجموعة لازم تكون ملزمة فيه يعني مثلا لازم حتى لو ماشتغل ابدا انو المجموعة (الدولة هون) تعطيه راتبو كاملا وتأمنلو الاجازات كاملة والخ الخ...... كمان بينتج عنو انو بحس انو لازم يدافع عن هي المجموعة بشراسة حتى لو حاسس انو مابنتمى الها فكريا او عقائدية (وهون بنشوف الاستقتال بالدفاع عن دين او طائفة او حزب او منطقة او اي مجموعة بنتميلها بشكل مباشر)

وكمان بينتج عن هي الحالة الرعب من كلام الناس علينا..... وهون هي الشغلة بتتداخل مع العقلية الذكورية بقى بالعقلية الذكورية الحكي بيطلع بس عالجنس اللطيف المعتر ولهي الشب بيقطع وبيوصل وبيعمل السبعة وزمتها بس لما الشغلة بتوصل للحرملك تبعو (من اخت لخطيبة لزوجة ) بيكون ممنوع عليها تعمل اي شي ممكن يجيب حكي الناس

كأني طقيت حنك كتير ماهيك؟؟

لاتمشي حيث يأخذك الطريق
بل امشي حيت لاطريق
واترك اثرا

عملك فتلة باللغات ياحبيب
  رد مع اقتباس
قديم 29/11/2006   #6
صبيّة و ست الصبايا butterfly
مشرف
 
الصورة الرمزية لـ butterfly
butterfly is offline
 
نورنا ب:
Jan 2006
المطرح:
قلب الله
مشاركات:
14,333

افتراضي


عنا مشكلة تحديدا متل ما قالت أمرأتي الورقية ..
بمفهوم الأنسان ( بكل جوانبه .. انثى ذكر طفل بالغ ... كهل ... معاق )

الأنسان عنا ... حريتو مستباحة .. يعني فيك ببساطة انك تتعدى عحرية الأخر ... ببساطة ابتداءا من انك تصنفو
منيح - عاطل
شريف - غير شريف
فلتانة - حبابة
وطبعاً غالبا بمقاييس ما حدا بيعرف شو أساساً ..
أنو ليش العيب عيب ؟ لأنو عيب

عنا مشكلة مع كل شي مختلف
يعني : السليم رافض المعاق ..
الذكورة والأنوثة
الأجيال مع بعضا ..
الدين ... والسياسة ... هلم جراً ..
هلق شو السبب ؟
مزيج كتير كتير كتير كبير ...
أول شي نحنا شعب عبر العصور ما فارقنا الحرب ... شعب دايما مستنفر .. أو على أبواب الاستنفار
يعني يا عم نحارب يا ناطرين الحرب لهيك دايما بخانة المدافع عن نفسو من الأخرين

تاني شي وبدكون ما تزعلو مني ... هيك تربينا ..
البنت ما بتخالط الشب .. والمسيحي ما بيروح عمدارس الأسلام ...
والأنسان عدو ما يجهل ...

تالت شي ... أنو نقد الأخرين والتدخل فيون .. بيأشعرني أني منيح .. هي أسما بعلم النفس ( إسقاط )
يعني وقت بقول عن X أنو عاطل .. هادا دليل أنو أنا y منيح

وبرجع حاج .. طقيت حنك كتير عقولة الغالية



انك " فقير إلى الآخر " كما هو فقير إليك " وأنك محتاج إلى الآخر ، كما هو محتاج إليك
الأب جورج

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


  رد مع اقتباس
قديم 29/11/2006   #7
شب و شيخ الشباب الإمبراطور
عضو
-- أخ لهلوب --
 
الصورة الرمزية لـ الإمبراطور
الإمبراطور is offline
 
نورنا ب:
Aug 2006
المطرح:
فوق العرش
مشاركات:
190

Thumbs up


اقتباس:
كاتب النص الأصلي : كوستا عرض المشاركة
عم تسأل ليش؟؟

انا بقلك

حيونة

حلوة منك كوستا !!
بس مش معك في كلمة مجتمع ذكوري ، يمكن أضبط تقول مجتمع مريض نفسياً مصاب بإنفصام في الشخصية
و لا عزاء ...

هَذهِ هيَ وَصِيَّتِي لَكُمْ : أَنْ يُحِبَّ بَعْضُكُمْ بَعْضاً كَمَا أَنَا أَحْبَبْتُكُمْ.
  رد مع اقتباس
قديم 30/11/2006   #8
شب و شيخ الشباب COSTA
عضو
-- مستشــــــــــار --
 
الصورة الرمزية لـ COSTA
COSTA is offline
 
نورنا ب:
Jun 2006
المطرح:
بالبار عم اشرب واسكر وارقص وحشش وشوف حياتي
مشاركات:
3,428

افتراضي


اقتباس:
كاتب النص الأصلي : الإمبراطور عرض المشاركة
حلوة منك كوستا !!
بس مش معك في كلمة مجتمع ذكوري ، يمكن أضبط تقول مجتمع مريض نفسياً مصاب بإنفصام في الشخصية
و لا عزاء ...
برجع بقلك حيونة

بعيد عنك
  رد مع اقتباس
قديم 30/11/2006   #9
صبيّة و ست الصبايا The morning
مشرف متقاعد
 
الصورة الرمزية لـ The morning
The morning is offline
 
نورنا ب:
Sep 2006
المطرح:
Chicago
مشاركات:
7,423

سوريا


كمان منرجع للنركز شوي و تروق الحشيشه ........................

من يومها صار القمر أكبر :)

______

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 30/11/2006   #10
صبيّة و ست الصبايا nanoo33
شبه عضو
-- اخ حرٍك --
 
الصورة الرمزية لـ nanoo33
nanoo33 is offline
 
نورنا ب:
Nov 2006
مشاركات:
53

Exclamation


هاي
شكرا ع الموضوع اللي كتير كتير بيدايقني بالواقع و عنجد انا رح جن من الازدواجية اللي دابحتنا مو معقولة
و كمان عنا شغلة الكذب و التخباية و اللت و الحكي على بعضنا كلو بيرجع لنفس النتيجة يعني مو بس الشب بيصاحب و ما بيرضى اختو تتطلع بحدا لا حتى هوي بيسوي حالو ملاك و واعي وعايش زمانو صح و شيخ الشباب
و البنات عنا بيصاحبو بس ما بيبطلوا حكي على البنات التانيين يلي يمكن ما بيسوو ربع الي بيسووه هني
حتى العلاقات البريئة هيك يعني اذا بنت بتحب شب و هوي بيحبا بس يشوفو بعضهم قدام الناس بيسوو حالون ما بيعرفو بعض انو ليش هالتخباية ما كنت اعرف
اما عن علاقة الواحد بوظيفتو ف هاي شغلة بتدبح بس ما رح احكي فيا لان بنجلط اذا بحكي فيا و بتخيل الموظفين الي عنا كيفون بلا حياة بتحس انو جايبون شحط ع الدوام و بينصطلو مع انو لازم يتحركو بس عنا كلو بالعكس
بس اللي صاير انو كلنا عايشين بهاي الازدواجية لان اذا ما كنت هيك رح تكون كانك جاي من كوكب تاني
الله يساعد الناس

الحب
قصيدة جميلة مكتوبة على القمر الحب مرسوم على جميع اوراق الشجر
الحب منقوش على ريش العصافير و حبات المطر
لكن اي امرأة في بلدي اذا أحبت ترمى بخمسين حجر!!!
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 04:00 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.10674 seconds with 14 queries