ليش الشب أحسن من البنت

[gabo]

ليش الشب أحسن من البنت

• مكالمة تلفون تنتهي في ثلاثين ثانية
• لقضاء خمسة أيام إجازة لست بحاجة سو لشنطو واحدة فقط
• عندما تغير محطات التلفزيون لست بحاجة إلى التوقف عند كل مشهد فيه شخص يبكي
• مانك محتاج تشيل معك جزدان مليان شغلات تافهة وين ما تروح
• بتقدر تاخد دوش وتكون جاهز في عشر دقايق
• ثلاث قطع من الملابس تكلف ألف ليرة سورية فقط (أكيد مفهومة)
• إذا وصل عمرك للثلاثين ولسع ما تجوزت عادي ما حدا بيقول شي
• الشعر الأبيض يعطيك شخصية
• إذا حضرت حفلة وكان شخص تاني لابس نفس تيابك مومشكلة
• مانك محتاج تتذكر أعياد ميلاد أصدقائك
• ولا حاجة

[zen]

ما في داعي لشرح كل هالاسباب
هوي احسن منها لانو شب
يعني شب

[Maher 4x4]

موضوع صار مطروح كتير

منلخّص كل شي بأنّو الشب ما بيعيبو شي

[gabo]

معكون حق ياشباب ماكان لازم عزب حالي

[sweetbaby]

اي تضربو اصلا انتو عم تحكو من غيرتكن

[gabo]

كاتب النص الأصلي : sweetbaby

اي تضربو اصلا انتو عم تحكو من غيرتكن

طيب أنا معك بس قليلي شي شغلة مانها صح لحتى زت حالي عن السطح هلق

[Maher 4x4]

كاتب النص الأصلي : sweetbaby

اي تضربو اصلا انتو عم تحكو من غيرتكن

طولي بالك بنت العم عم نمزح يعني كل شي ألو نكهتو

[sweetbaby]

كاتب النص الأصلي : Maher 4x4

طولي بالك بنت العم عم نمزح يعني كل شي ألو نكهتو

ماحلو هالمزح ابن العم

اي كللو غلط

[gabo]

كاتب النص الأصلي : sweetbaby

ماحلو هالمزح ابن العم

اي كللو غلط

لأ صح ومية صح وبلا نكهة كمان بس إنتي قليلي شي شغلة مانها صح لحتى زت حالي عن السطح هلق

[sweetbaby]

كاتب النص الأصلي : gaby swed

لأ صح ومية صح وبلا نكهة كمان بس إنتي قليلي شي شغلة مانها صح لحتى زت حالي عن السطح هلق

اقل شي
انو بتقتلو حالكن ع شاننا

[gabo]

كاتب النص الأصلي : sweetbaby

اقل شي
انو بتقتلو حالكن ع شاننا

قاتلين حالنا مشانكون وبدون شانكون

[hanny dagher]

يعني وبالله على شو بدنا نقتل حالنا عليكن ماني عرفان

يعني والله انتو شغلتكن شغلة مفكرين حالكن كتير هيك شغلة رفع وانتو ما بتسوو فرنك مصدي

[gabo]

كاتب النص الأصلي : hanny dagher

يعني وبالله على شو بدنا نقتل حالنا عليكن ماني عرفان

يعني والله انتو شغلتكن شغلة مفكرين حالكن كتير هيك شغلة رفع وانتو ما بتسوو فرنك مصدي

قال مصدي موبس مصدي ومبخوش كمان ماعدا يلي بالي بالك

[لاوديسا]

لك ولي عليكن
هلا تاكدت انو بدكن كتير حتى تصيرو متلنا مو احسن
لك يا ريتك ذكرت شي عليه القيمة حتى قلك معك حق
كل اللي ذكرتو اسمها قشور وما بتعيب البنت ولا بتخليكن احسن منها
وحتى اجي معك اذا انتو احسن مننا بها الشغلات لك يا سيدي حلال عليكن تتهنو ربي
خليكن انتو احسن بالقشور واتركولنا المضمون
لك بيكفيكن شغلة وحدة حتى بتاكد انو نحن احسن منكن وهيي انو نحنا اللي منحمل فيكن ونحن اللي منربيكن و منكبركن و منعلمكن و منوعيكن وبالاخير منزوجكن بدك لسى كمان في كتير ولا بيكفيك
لك ولي عليك روح ارمي حالك نت السطح ولا قلك بلاها لانو ماحدا راح يزعل عليك غير البنت يعني امك واختك وحبيبتك منشان هيك بلاها وبعيد الشر عنك
تحياتي للكل

[اما اما]

لان الشباب بيعملو اشياء كتيرة لاكن المهر حق البنت يجيها وتحمل

[zen]

كاتب النص الأصلي : sweetbaby

اقل شي
انو بتقتلو حالكن ع شاننا

مين ضحك عليكي وقللك هالحكي

يااااحرام شو بتزعلي

[شام 2006]

يا جماعة ليش الهجوم على البنت ....
ما هي البنت والام والاخت والزوجة والحبيبة وكل شي حلو بهالكون شو حياة الواحد بون حبيبة يحبها وبدون ام يقعد بحضنها ويبكي على حجرها ويشكيلها هموموا وهي ام ولادك وزوجتك اللي اذا كل الناس تركوك هي الوحيدة اللي بتوقف معك .
ما في فرق بين البنت والشب لكل شي محاسنه ومساوءه والبنت بنت والشب شب طالعوا هالافكار البالية من عقولكون وخليكون واعيين لك حتى الرسول ( ص ) مجد المرأة وساواها ابلرجل هالافكار اللي عبتنادي فيها الامم المتحررة افكارنا وأخذوها من ديننا ونسبوها لأنفسهم اصحوا من سباتكم .
وشكرا"...............

[Maher 4x4]

يا لطيف يا لطيف أنّو الشغلة صارت عن جد ...كنّا عم نمزح !!

طيّب بما أنها عن جد رح أحكي هلأ عنجد ...

هلأ لا الشباب أحسن من البنات ولا البنات أحسن من الشباب ، كل جنس و ألو خاصّياتو ، يعني البنات بيقدروا يكونوا متل الشباب بس في أشياء ما بيقدرو يعملوها لأسباب فيزيولوجية خلقية فيهون (( هيك الله خلقهون ))

أنا كتبت كلمة بردّي بالأوّل أنّو ((الشب ما بيعيبو شي )) هالكلمة كتبتها عن مزح أمّا عن جد ف هالجملة غير دقيقة أبداً علميّاً وعمليّاً ... يعني معقول مثلاً واحد مجرم وهالشي ما بيعيبو
بس أنّو أكيد هالجملة اللي اخترعها ماكان دقيق بكلامو يعني كان قصدو مثلاً أنّو الشب أذا اشتغل عامل تنظيفات هالشي ما بيعيبو ... طبعاً و الشغل مو عيب ... وما في شي بيعيبو الواحد غير أخلاقو تصرفاتو....

هلأ تقللي وحدة من هالبنات في شي وحدة بتقبل تشتغل عاملة تنظيفات بالشوارع ؟!!(( يعني بالمشرمحي زبّالة )) آآآآآآ؟

طيّب في شي وحدة بتقبل تشتغل بميكانيك السيارات ميكينسيانة يعني (( بدها تقول ولي شحم وزيت وكيف بدّي....لألألألألأ أنا موهون بنوب بينتزع اللوك تبعي ولي ))

ومثلاً في شي وحدة بتقبل أنّو يصير في خدمة جيش ألزاميّة للبنات ؟!! وقليل من البنات بيروحو ع كلّيات الجيش للتطوّع و بيكون ألهون ظروف معيّنة أو أحلام معيّنة ...

بالوقت اللّي بالمجتمعات المتقدّمة البنت ممكن تشتغل أي شي (( وبيقولوا أنّو المرأة مهضوم حقها بهالمجتمع )) أي قسماً عظماً أنّو مجتمعنا هلأ مو ماسكو غير النسوان وكل شي هنّي المفضّلين فيه ...

من ناحية الجوهر هاد حسب التربية ... يعني كيف الشب أو البنت مربّايين ببيت أهلون مو القصة بالجنس أو النوع (( هههه يعني كلب أجلكون ربّي من زغرو متل العالم والناس بيطلع كلب صالح ))

بس هون في شغلة ما لازم ينكروها البنات أنّو ألهون تصرّفات غريبة موجودة عندهون بكثرة ... يعني فينا نسمّيها((حماقات )) وهالتصرّفات دايماً متركّزة بأغلب بنات مجتمعنا للأسف و بتوقّع مقولة (( البنت بنص عقل )) أجت من هالتصرّفات ... وطبعاً هالمقولة غير صحيحة أيضاً ... بس أنّو البنت لأنّو انخلقت بطبيعتها حسّاسة ف بالضرورة و بالأمكان تتأثّر بسلبيّات المجتمع المحيط أكتر من الشب ف بيطلع معها حماقات كتيرة ممكن تخلّي الناس تقول عنها غبيّة و بنص عقل بس هيي بالحقيقة ما بتفرق عن الشب و بأمكانها تحقق أشياء أكتر منّو ..

وحبّيت قول للكل بالأخير
(( مافي شي ثابت بالهالدنيا )) بتمنّى أنو الكل يحلل هالأمور بطريقة علمية مو بس بالعاطفة

وتحيّاتي للكل