أخوية هالإيام

[Spector]

كاتب النص الأصلي : TheLight

مبدئيا ما حدا ترك
بس قلبي قامطني

انسان عبقري بجدارة حسون
شكرا لنكش هالموضوع يسلمو انامليك يا فراشة

[وائل 76]

كاتب النص الأصلي : فراشة

اسفة كتير على النكش
بس وائل خلاني ارجع دور على مواضيع نيرفانا ..ولقيت هالموضوع المميز
كل اللي حكو هون قالو كلام رائع وخاصة نيرفانا وذا لايت


اسفة مرة تانية

معقول فراشة وصلنا لهون ؟؟؟؟؟
ما باقي فينا حدا قادر يكتب شي يجمعنا ؟؟؟؟؟؟؟
معقول وصلت فينا الامور لننكش المواضيع القديمة و نعيش بس على ذكرى الايام الحلوة هون باخوية ؟؟؟
كنت عارف انو نحنا ضعاف وما بنقدر نحتفظ بشي بنحبه بس ما كنت متخيل انو ضعفنا وصل لهون !!!!!!!!!!!!

[The morning]

كاتب النص الأصلي : فراشة

اسفة كتير على النكش
بس وائل خلاني ارجع دور على مواضيع نيرفانا ..ولقيت هالموضوع المميز
كل اللي حكو هون قالو كلام رائع وخاصة نيرفانا وذا لايت


اسفة مرة تانية

اي فراشه و انا هيك صار معي ...
هي لفتتلي انتباهي قبل بس انو مو قد هالمره ......
هي لnirvana
و هي الك فراشه
و هي لوائل ........

[nour333]

كاتب النص الأصلي : Nirvana

كان عبالي نحكي بشي غير هالموضوع .. بس هوي هوي ما في غيرو ..
كيف بدو يكون في غيرو وهو على حالو ما تغير فيو شي ..
شو في ببالكم شي نعملو ..
بنحط ايدنا بايد بعض .. ولا نكمل خناق ..
صار الكل على الباب واقف رجل ورا ورجل قدام .. نصو بقول شو دخلني خليها تخرب ونصو التاني بقول خلينا ..أخوية منيحة .. منشوف شو رح يصير ..

انا عملت لفة لا بأس بها بالأخوية وعرفت كيف كان مستواها .. وجد شي بيرفع الراس، وجد حلو انو في ناس هالقد فهمانة، وما تفهموني غلط بس جد رائع انو في ناس حتى اعتقلوها كانو اعضاء هون .. راح تستغربو .. بس انا بقلكم ليش .. اذا اعضاء متل هيك صادقين مع انفسهم واصحاب مبدا ورأي كانو يشاركو بأخوية .. اذن اخوية كانت شي حقيقي ... مو بس صف كلام ..

يا ريت كلنا نقدر نكون صادقين وأصحاب مبادئ وبشر مرتبطين مع اللي حولينا ومو منعزلين ومنفصلين.. نقدر ندافع عن اللي النا بفكرنا بعملنا بانتاجنا .. وأكيد مو بالمشاكل والسب ..

ما تقللو من قيمة النت .. هالموقع فيو يعمل كتير وخصوصا انو موقع كبير وشامل كما ومضمونا ومو سهل أبداً .. وعلى الأقل نحنا نوحد جهودنا ليبقى هالموقع نضيف ومرتب وعلى مستوى.
وما رح احكي عن أبعاد تانية يمكن بهمني احكي فيها بس مو وقتها..

عفكرا مو لازم يكون كل شي سياسة وادب وثقافة بس .. حلو يكون في كمان أخبار الفنانين والرياضة والسقيفة والصالون وكل شي ... بس كمان نحترم كل قسم منهم ..

وفينا نحترم بعضنا شوي أكتر يعني بلا ما كل واحد ماشي على جبينو مكتوب .. مسيحي مسلم ... سوري سعودي .. سني شيعي .. الخ ..
ويا أخي الرد اللي مو عاجبك اعمل حالك مو شايفو .. انا بعرف الواحد بعصب وبيستفز وانا كمان هيك .. بس نحاول على الأقل .. ونحاول ما نتلفظ بالقليلة ألفاظ ما بتناسب المكان ..

بعدين في المواضيع هاي اللي فيها اشتباكات، بكون في واحد ما بعرف من وين جاي .. وبكون في اعضاء محترمين من اخوية .. يا جماعة الأخوية المحترمين ما تنزلو مستواكم لتردو على هالأشخاص .. لانو بالنهاية اللي رح يحس مو هني .. اللي راح يحس هني اعضاء الأخوية .. اخوتكم التانيين ..

حبيت أشاركم هالفكرة .. يمكن تلاقي قبول وايجاب عندكم .. لنقدر نركز باخوية مو بالخناق مع ناس أساسا ما بتهمهم الأخوية ..

يعني الفكرة من نكوشتي لهالموضوع انو كل يوم بنقول وين ايام اخوية وشو صار بحال اخوية ويا ترى من هون لل 2015 شو رح يصير بحال اخوية وهل اخوية بتمشي للأسوأ ام الاعضاء ببالغو لأنن بحنو للماضي

[leonardo_dicabreo]

كاتب النص الأصلي : nour333

يعني الفكرة من نكوشتي لهالموضوع انو كل يوم بنقول وين ايام اخوية وشو صار بحال اخوية ويا ترى من هون لل 2015 شو رح يصير بحال اخوية وهل اخوية بتمشي للأسوأ ام الاعضاء ببالغو لأنن بحنو للماضي

انتي عندك خبر انه هالموضوع صارله 3 سنين ! !

بالنسبه لسؤالك 2015 , موت يا حمار ! !

هلا احنا ممكن نلاقي ساعه نستخدم فيها الي ما يتسما (النت) بس بكره

مو رايحين انلاقي دقيقه عشان نستخدمه ! !

قال 2015 قال ! !

هاموش: في رد من الردود للمشرف GOVERNMENT ارجعي واقرأيه

بعاتب فيه nervana يوميها كان لسه يا

دوب ! !

تحياتي

[nour333]

كاتب النص الأصلي : leonardo_dicabreo

انتي عندك خبر انه هالموضوع صارله 3 سنين ! !

بالنسبه لسؤالك 2015 , موت يا حمار ! !

هلا احنا ممكن نلاقي ساعه نستخدم فيها الي ما يتسما (النت) بس بكره

مو رايحين انلاقي دقيقه عشان نستخدمه ! !

قال 2015 قال ! !

هاموش: في رد من الردود للمشرف GOVERNMENT ارجعي واقرأيه

بعاتب فيه nervana يوميها كان لسه يا

دوب ! !

تحياتي

مو هيك القصة بس اوقات بتحضر فيلم بالابيض والاسود يعني بالخمسينات بكونو يتحسرو ع الماضي وكيف الناس هالايام
بس انا بقول بدل ما نتحسر ع الماضي او نمرض واحنا بنفكر بمستقبلنا ليه ما نعمل شي للحاضر ونعيشو بالمعنى الحقيقي
انا متلا الصبح بفوت ع اخوية بكون دور ع مواضيع قوية للمناقشة صار صعب كتير تلاقي هيك مواضيع بجوز الافكار كلها استهلكت وما عاد في شي جديد بس انا بتمنى فوت واتحير بشو بدي بلش من كتر الشغلات لجديده وبلك بيطلع معك شي جديد

[متمردة]

لما قريت الموضوع أول مرة ما انتبهت عالتاريخ ، وما استغربت ولا حسيتو مكتوب من ال 2006
لأنو هاد الشي اللي عم يصير هلأ !! ب 2009 !!

اذا كانت أخوية بالنسبة للمتغربين هيه مكان للجوء إلى الوطن ، فهي بالنسبة الي- اللي عايشة بقلب الوطن- مكان للهروب من الوطن..
وما بتخيل في فرق بيناتنا

بس النقطة المشتركة ..انو أخوية هيه مكان لكلانا

للأسف مؤخراً ، من بعد حجب الموقع ، حسيت انو الموقع مغير ..صاير بيشبه المواقع التانية شوي من بعد ما كان مختلف 100% ، لكن من الخارج فقط .!!
أنا عم بحكي هالكلام لأني بحب أخوية ..وما بحب أي شخص ما بيعرف شو يعني أخوية انو يدنس الموقع .
بس هيك عم يصير
حاولت عزي حالي واقنع حالي انو هي فترة قصيرة وبتعدي ..بعدين رح يرجع الموقع متل ما كان .
وعلى قولة جبران " إن أدران الجسد لا تلامس النفس النقية" ..ما بعرف شو دخل هالقول ..بس هيك حسيت
حسيت انو أخوية نقية من الداخل ..
واللي خلاني حس هالإحساس هني مؤسسين الموقع ، والكادر الإداري كلو

هي هيه !!
وأدران الجسد هني الأعضاء اللي ما بيعرفو قيمة أخوية وشو هيه
والجسد هو.....أخوية!

قلبتها قواعد واستعارات

اوك ..
أنا شخصياً ما فيني غير رأيي بأخوية
ورح تضل بنظري المثال لكل المواقع السورية !!
وأفضلهم على الإطلاق !!

أخوية ما رح تتغير ..لأنو بذرتها صالحة
أخوية رح تضل متل م هيه ..والبذرة الغير صالحة ..إما رح تصير صالحة أو رح تموت !

ويحيا الحشيش
والسلام عليكم ورحمة سعدو وبركاتو

[BL@CK]

كاتب النص الأصلي : متمردة

للأسف مؤخراً ، من بعد حجب الموقع ، حسيت انو الموقع مغير ..صاير بيشبه المواقع التانية شوي من بعد ما كان مختلف 100% ، لكن من الخارج فقط .!!
أنا عم بحكي هالكلام لأني بحب أخوية ..وما بحب أي شخص ما بيعرف شو يعني أخوية انو يدنس الموقع .
بس هيك عم يصير
حاولت عزي حالي واقنع حالي انو هي فترة قصيرة وبتعدي ..بعدين رح يرجع الموقع متل ما كان .
وعلى قولة جبران " إن أدران الجسد لا تلامس النفس النقية" ..ما بعرف شو دخل هالقول ..بس هيك حسيت
حسيت انو أخوية نقية من الداخل ..
واللي خلاني حس هالإحساس هني مؤسسين الموقع ، والكادر الإداري كلو

يتميّز موقع أخوّية عزيزتي بوجود نسبة من السورييّن النخبوييّن . (النخبة) , كرأي شخصي بحت موقع أخوية يتميّز بهاي النخبة شاء الكل أم أبى .

لما منكون بدائرة فيا خمس موظفين أربعة شرفاء و واحد إبن حرام رح يكون عمل هالدائرة نظامي 100 % أم لما بصير عدد الموظفين 100 و نفس الاربعة الشرفاء رح تطلع معاملة من بين كل ألف نضيفة , يوم ورا يوم رح يبدو يطفشو الشرفاء بهالدائرة .. و يبقو تلاتي , بس لح نوصل ليوم يصيرو الكل شرفاء .

على هازا فيكي تسقطي المثال السابق على موقع أخوية سوريا . و السلام ختام

[Nassima]

كاتب النص الأصلي : متمردة

بس النقطة المشتركة ..انو أخوية هيه مكان لكلانا
للأسف مؤخراً ، من بعد حجب الموقع ، حسيت انو الموقع مغير ..
أنا عم بحكي هالكلام لأني بحب أخوية ..وما بحب أي شخص ما بيعرف شو يعني أخوية انو يدنس الموقع .

عني أنا حسيت روحي ضايعه ما الي مكان غير الأخوية حتى النت ما كان الو لزمه بلاها.

اوك ..
أنا شخصياً ما فيني غير رأيي بأخوية
ورح تضل بنظري المثال لكل المواقع السورية !!
وأفضلهم على الإطلاق !!

الأخوية غير كل المواقع و المنتديات أنا بعتبرها موسوعه لكل شيء
مع اني ما بعرف فيها حدا بس بنفس الوقت بشتاق لكل حد فيها و بتونس بالردود مع اني مش أنا صاحبت الموضوع بزعل لزعل أفرادها و بفرح لفرحهم حتى اني لما قريت الموضوع مابعرف ليش .....و الله اني بكيت.
أخوية ما رح تتغير ..لأنو بذرتها صالحة
أخوية رح تضل متل م هيه ..والبذرة الغير صالحة ..إما رح تصير صالحة أو رح تموت !
ما في شك في هالكلام و ان شاء الله دايمة هالأخوية كره من كره و أحب من أحب ان شاء الله ترجع مثل مكانت لأنو في ناس هون بجد بجد بيحبوكي .

ويحيا الحشيش
و يحيا الحشيش

تحياتي لكل أفراد الأخوية و ان شاء الله بنفرح برجوع الغايبين و بنتشرف بمعرفتهم نحنا كمان

[الحب حياة]

ليش رح تتركينا بعد شي 20 يوم ؟؟

حتى اذا رحتي ذكراكي بأخوية باقية لين ما ترجعي تتطلي ..

تحياتي إلك ..

كاتب النص الأصلي : Gazita

امبارح دمعو عيوني لما اتذكرت انو فاضلي 20 يوم وانقطع فترة طويلة عنكم
بقى افتكروني

[الاء النور]

خيو انا جزائرية بس انا بسوريا هلا عم ادرس بالجامعة وصح بحس انو ناس اخوية فهمانة وعم تحكي صح لهيك اشتركت وحبيت سوريا اكثر من خلال هذا المنتدى

[Nay]

كاتب النص الأصلي : BL@CK

يتميّز موقع أخوّية عزيزتي بوجود نسبة من السورييّن النخبوييّن . (النخبة) , كرأي شخصي بحت موقع أخوية يتميّز بهاي النخبة شاء الكل أم أبى .

لما منكون بدائرة فيا خمس موظفين أربعة شرفاء و واحد إبن حرام رح يكون عمل هالدائرة نظامي 100 % أم لما بصير عدد الموظفين 100 و نفس الاربعة الشرفاء رح تطلع معاملة من بين كل ألف نضيفة , يوم ورا يوم رح يبدو يطفشو الشرفاء بهالدائرة .. و يبقو تلاتي , بس لح نوصل ليوم يصيرو الكل شرفاء .

على هازا فيكي تسقطي المثال السابق على موقع أخوية سوريا . و السلام ختام

مزبوط بلاك.. هلق نخبويين كلمة مبالغ فيها حتى بأفضل حالات اخوية.. ممكن برأيي نقول متميزين او منفتحين او متحريين..
بس المشكلة انو برايي مافي اشراف حقيقي على الموقع.. وانا بحس لما بينزل موضوع جدي وعميق في ناس كتير بتخجل تحط فيو رد اذا ما كان على مستوى الموضوع..
وبالاخوية صار مد بشري وكترو الاعضاء على حساب النوعية.. والحل سهل بالنسبة لصاحب الموقع بس هوي مبسوط بالوضع او مو فرقانة معو على الاغلب

[BL@CK]

كاتب النص الأصلي : Nay

مزبوط بلاك.. هلق نخبويين كلمة مبالغ فيها حتى بأفضل حالات اخوية.. ممكن برأيي نقول متميزين او منفتحين او متحريين..
بس المشكلة انو برايي مافي اشراف حقيقي على الموقع.. وانا بحس لما بينزل موضوع جدي وعميق في ناس كتير بتخجل تحط فيو رد اذا ما كان على مستوى الموضوع..
وبالاخوية صار مد بشري وكترو الاعضاء على حساب النوعية.. والحل سهل بالنسبة لصاحب الموقع بس هوي مبسوط بالوضع او مو فرقانة معو على الاغلب

فينا نعتبرون نخبة من بين الأعضاء اللي هون , مانا قضية بس هازا الحل السهل البسيط الممتنع إلنا ست سنين و ستاوتلاتين يوم عم نفكر ودبحنا بعض ما عما يطلع معنا حل سهل بسيط ,

فا يستر عالملايكي وشوشيني هيك بيني و بينك شو هوي ..

[Nay]

المشكلة انو الكل يا بلاك لكل امزعوجين الا صاحب القرار مو فرقانة معو حتى مالو متنازل يورجينا وجهو.. مع فائق احترامي ومحبتي لانو هوي اللي اهدانا الاخوية .. يعني حتى لو ضلينا نحكي من هلق لعشر سنين ونلاقي حلول وصاحب القرار ما عم يتحرك.. ما رح يصير شي..

[leonardo_dicabreo]

كاتب النص الأصلي : nour333

مو هيك القصة بس اوقات بتحضر فيلم بالابيض والاسود يعني بالخمسينات بكونو يتحسرو ع الماضي وكيف الناس هالايام
بس انا بقول بدل ما نتحسر ع الماضي او نمرض واحنا بنفكر بمستقبلنا ليه ما نعمل شي للحاضر ونعيشو بالمعنى الحقيقي
انا متلا الصبح بفوت ع اخوية بكون دور ع مواضيع قوية للمناقشة صار صعب كتير تلاقي هيك مواضيع بجوز الافكار كلها استهلكت وما عاد في شي جديد بس انا بتمنى فوت واتحير بشو بدي بلش من كتر الشغلات لجديده وبلك بيطلع معك شي جديد

مزبوط هاد هوه بالزبط الي بصير , يعني تبعون الخمسينات بدهم يرجع الزمن فيهم

وتبعين
ال 2000 نفس الشي ! !

بس انه الأفكار أستهلكت , تسؤ , ما أظن لأنه الافكار متجدده والمشاكل كتيييييير
متجدده ! !
ممكن تفسريها بـــ ملل , او قلة وقت , أو أو ووو ! !