ما في أمل

[hanny dagher]

طبعا هون بهالموضوع هادا ايها الاخوة والاخوات السادة والسيدات عبادين الله وعبادين العزة واللات ان كنتو بتطبخو بسمنة بلدية اصيلة او بسمنة فرزات وان كان حشيشكن اصلي من ابو حشيشة او كنتو من جماعة تعليك القات
وان كنتو موجودين بالوطن العربي او موجودين بالولايات بجاه سعدو الحبيب وطبقة حبايبه الستات تشوفو السعادة كيف ما التفتو بالحياة والممات ولللللللللللللللللللليييي يييييييييييييييييشششششششش شششش

هون يا احبة بما انو ما في شي اشتغلو بهالفترة (هوي في شي اشتغلو بس انا ضاربها طناش وتنبلة وما الي نفس اشتغل شي ) فحبينا اتسلى هيك بكم شغلة عالسريع نرجع فيها ايام التحشيش لكن بطريقة تانية وهيي طريقة النقل وليس طريقة الابداع الشخصي سالوني كيف ؟
ايوا سالتوني كيف
هادا كان يا مكان بقديم الزمان كان في شي اسمو التلفزيون العربي السوري وكان متميز ببرامجو الممتعة والشيقة والقوية اللي بتدخل لقلوب المشاهدين بسرعة وصعب تطلع منو وكان المواطن السوري مستغني عن الدش والستالايت يقعد يحط هالتلفزيون السوري ويتفرج علي ما يغير المحطة ابدا لانو بالتلفزيون السوري كان كل شي موجود يعني احدث برامج اطفال في واحدث برامج المسابقات في وكان في برنامج كوميدي real tv (يعني تلفزيون الواقع ) كمان هادا كان موعدو للمو متزكر كل نهار الساعة تمانة ونص المسا (اكيد كلكن تزكرتو هلأ )
المهم بيوم من الايام وكان شهر رمضان فالتلفزيون السوري نزل مسلسل على طلب من ابو حشيشة لدعم الحشيش المسلسل (هوي مو مسلسل بقدر ما كان مقاطع ابو تلت اربع دقايق بالنهار ) من تمثيل بسام كوسا وفايز قزق (الله يزكرهن بالخير ) وكان المسلسل لدعم الحشيش جملة وتفصيلا

المسلسل اسمو ما في امل (طبعا في كتار منكن بيتزكرو )

المهم هلأ انو هون رح اكتب حلقات هالمسلسل بحوار بين زلميين
تجاوزا رح نسميهن فلان وعلتان (مع الاحترام للاساتزة بسام وفايز كان ممكن سمي الشخصيتين باساميهن بس ما كتير خرطت مشطي الفكرة )
المهم رح نسمي كل حلقة بحلقتا


قلنا الله والقلب مجروح واللي جارحني يا ويلي هو حبيب الروح
وشنغليلة شنغليلة الله يعينو على هالليلة

وروح يا داعور

[hanny dagher]

سؤال لئيم

علتان : الله لا يوفقو ما الئمو الله لا يعطيه العافية شو لئيم الهي تفرجيني في يوم بجاه النبي

فلان: لك مين هاد؟

علتان: الله لا يوفقو شو نجس

فلان: هي شبك شبك عم تبربر هيك وعم تدعي على مين عم تدعي؟

علتان : عم تحكي معي؟

فلان : اي معك شبك شو صاير معك احكي

علتان : على واحد

فلان : بعرف على واحد بس يعني شو مساوي معك؟

علتان :هادا يا سيدي هلأ انتي فاضي احكيلك ؟

فلان: اي ولو احكيلي شو علي اذا كان انتي ما فضفضفت وريحت وحكيت اللي بنفسك
لصديق عمرك لمين بدك تحكي

علتان: هادا يا اخي رحنا اشتركنا بهاي المسابقات عالهوا قلنا لحالنا بما انو اكلين هوا بلكي منروح ومننتفعلنا بقرشين نضاف

فلان : اي شو علي ما في حدا احسن من حدا بعدين بعرفك انتي زكي وفلهوي وهيك بتلقطها عالطاير

علتان : عالطاير؟ الله لا يعطي العافية طير الجائزة الكبرى طيرها هادا ابن ال...........

فلان: لك خلصنا شو رجعنا عالدعاوي قلي شو صار معك على مين عم تدعي؟

علتان: عالمذيع يخربيتو على هالسؤال شو لئيم لئيم

فلان :بس انا بعرفك مثقف وفهيم زكي وواصل للاعدادية وبتقدر تنفد حالك بقى شو هادا السؤال اللئيم اللي ما عرفت تجاوب علي؟

علتان :لك يعني هوي بالاول كان هيك ماشي بشكل معقول وعم يعطيني اسئلة سهلة

فلان: متل شو هالاسئلة؟

علتان :يعني هوي بلش باسئلة خفيفة : ما هي المسافة بين المشتري والارض اين تقع جزر الماو الماو وكم عدد السكان الاصليين الن من هو مخترع التلسكوب ما هو الموطن الاصلي لذبابة تسي تسي .................. يعني يعني

فلان : هاي الاسئلة بسيطة ما فيها شي

علتان :بعدين بلش يصعب الاسئلة شوي

فلان :يعني عن شو كانت هالاسئلة؟

علتان :يعني بلش يسالني ما هو عدد الخلايا المسؤولة عن الافعال االلا ارادية في الدماغ وما هي نسبة نمو الشعر عند الاناث في جزر الكاريبي وما هو عدد الاهداف اللي تسجلت بكاس العالم 1962 وما هو عدد قتلى الحرب العالمية الاولى وبعض المعادلات الرياضية من الدرجة الخامسة ......................يعني امور من هالنوع

فلان :انت ما بينخاف عليك بتدبر راسك ثم انو هاي الاسئلة عادية

علتان :اي وانا هيك توقعت بالاول يعني كنت متل ما بيقولو متل الزبدية الصيني من وين ما نقرتي عم رن

فلان : حلال عليك وبعدين ؟

علتان :وشو بعدين وشو بعدين الله لا يوفقو الله لا يوفقو بجاه النبي على هالسؤال اللئيم

فلان :هي هي علينا شو رجعنا على الدعاوي مرة تانية خلص قلي شو صار والله نطفتلي
قلبي

علتان: هادا يا سيدي بعد ما نفدت حالي ومشيت لاخر المسابقة اجا وسالني هداك السؤال اللئيم

فلان :وشو هادا السؤال بقى؟

علتان :سالني وقلي انتي كمواطن عربي أبا عن جد بتعرف وين الله حاطك ؟

فلان: يلعما شو هالسؤال اللئيم هاد

علتان :اي والله شايف على هالسؤال

فلان : وانتي شو قلتلو

علتان :شو بدي قلو صفنت صفنت بلشت ابكي

فلان: عالجائزة اللي راحت

علتان :لا والله على هالسؤال اللئيم

فلان :اي والله يخربيتو شو لئيم يلعما ما بتخطر على بال الجن الازرق قال وين الله حاطك قال

[اممي]

يلعن ابوك يال5 ميغا
كان بدي نزل الحلقة تحت الي الكتابة ...يعطيك العافية شريك
بس انا بدي اعمل موضوع نزل فيه كل الحلقات
يعني اذا عندك وقت فينا نسق انت تكتب النص وانا نزل الفلم

[handsome]

يا ويلاه عالفخامة
وسعدو انو ما كنت سمعان بهالبرنامج من قبل .
بس تسالي عالاخر
روح خيو شايفلك
سعدو يقويك ويدملك حشيشتك وحشيشة فلان وعلتان

وقرقع متي لقلك

[Reemi]

انا ناطره حلقة الشارع العربي

[Gazita]

بما انو كل المسلسلات السورية بتزورنا.. فليش هيدا ما زارنا شي نهار.روح الهي يوفقك هنو حشيشة ما خطرت قبل هيك على بال محشش.اي بجاه النبي حطولناالشفوي شنو ما بفهم كتير بالكتابي.بدي اسمع اللهجة

[اممي]

كاتب النص الأصلي : Gazita

بما انو كل المسلسلات السورية بتزورنا.. فليش هيدا ما زارنا شي نهار.روح الهي يوفقك هنو حشيشة ما خطرت قبل هيك على بال محشش.اي بجاه النبي حطولناالشفوي شنو ما بفهم كتير بالكتابي.بدي اسمع اللهجة

لعيون سعدك ...من بكرا بهالمطرح راح ينزل كل يوم شي حلقة ....ولاتحاولو
مافي امل ,او امل مافي

[اممي]

تعا ولا تجي

دخلك بدي اسالك يعني شو معناها لما بتحكي فيروز بالغنية تعا ولاتجي شلون زابطة معها يااخي؟
-بتزبط بتزبط مافيها شي
-طيب فسرلي كيف زابطة معها
-راح فسرك بمثال كيف بدي قلك يعني اي هادا ياسيدي لما الدولة الميمونة بترفع الرواتب للمواطن الكريم شو بتكون عم تقلو؟
-شو؟
-بتكون عم تقلو تعا اشتري وهي يعني التعا
-هاها طيب واللاتجي؟
والاتجي ياسيدي ان المواطن الكريم لمابيروح ليشتري بيلاقيان اكل كم هالقد وبتكوت الاسعار مرتفعة شي 3 مرات قد رفع الرواتب بيكون لاتجي
-يعني والله خجلان منك والله مافهمت فيك تفسرليها بمثال تاني
-طيب هاد ياسيدي لما بيقولو صار عنا حرية راي وبيطلبو من هالناس يقولو راين و يفشو خلقها شوبيكونو عم -شو؟
-يقولو تعو كتبو يعني تعا
طيب ولما بيجو بتقوم الرقابة الموقرة شو بتعمل بيقصو لساناتهم وبتكسرلهم ايدهم هي بقا معناتها اللاتجي
فهمت علي؟
اي والله هلق فهمت عليك صح تاري فيروز عم تحكي مزبوط والجماعة مطبقين الغنية بالتمام وخصوصا المقطع الي بعدو اسماع اسماع
تعاولا تجي وكد...
-لا وحياتك اهنن مزبطين الغنية التانية
-اي وحدة
مافي حدا لاتندهي مافي حدا
-

[لاوديسا]

والله شغلة الله يقويك ابو الهن .. صحيح انا مابحب الحشيش واللي بيتعاطو معو
لك بس طلع حتى التحشيش مستويات .. واذا كان التحشيش بهالرقي فيا سلام عليك شو خليتني حبو
حشش حشش
بصراحة الكتابة احلى من الشوف كازيتا
بس اكيد بتدعمها ويعطيك العافية اممي
راح تابعكن

[اممي]

اسسسسسسسسسسسع صار فيني نزل ايو 20 ميغا
وهي احلى سؤال لئيم لتعرف الله وين حاططكن

[اممي]

وهي تعا ولاتجي

[Nirvana]

لك يسلملي بسام كوسا وفايز قزق والبيت العتيق وابريق الشاي .. وفوق الكل معلم الحشيش الأول هاني .. يسلمو دياتو ..

والحشيش .. ورجعتلنا ايام الحشيش معلم ..

عفكرا .. من البرامج المفضلة عندي على الاطلاق ..

[Nirvana]

كتيييييييييييييييييييير مبسوطة انكم حتنزلو الحوار والحلقات ..

[اممي]

كاتب النص الأصلي : Nirvana

لك يسلملي بسام كوسا وفايز قزق والبيت العتيق وابريق الشاي .. وفوق الكل معلم الحشيش الأول هاني .. يسلمو دياتو ..

والحشيش .. ورجعتلنا ايام الحشيش معلم ..

عفكرا .. من البرامج المفضلة عندي على الاطلاق ..

شو مشان تظربو بشكلكن كلكن يعني انا بنزل المشاهد والرفيق هاني بينشكر
ياسيدي هاد الوضع الزعما بياخذ كل تبع هالشعوب الكادحة ..بس تظربو مرة تانية
باي

[ِAbu Alzooz]

لك يقبرني ربك يا ابو الهن لو في متلك شي تنين تلاتة بس

[Nirvana]

كاتب النص الأصلي : اممي

شو مشان تظربو بشكلكن كلكن يعني انا بنزل المشاهد والرفيق هاني بينشكر
ياسيدي هاد الوضع الزعما بياخذ كل تبع هالشعوب الكادحة ..بس تظربو مرة تانية
باي

طول بالك عمو .. انتا مو معتزل التحشيش .. هاني كان معتزلو فشي طبيعي تكون رجعتو بدها طنة ورنة ..
شو قليلة رجعة معلم الحشاشين ..
بعدين شو زاعجك .. غيراااااااااااااااااااان

يا عمي شكرا وحياة سعدو اللي جمعنا بهالقعدة الحلوة .. شكرا

[اممي]

كاتب النص الأصلي : Nirvana

طول بالك عمو .. انتا مو معتزل التحشيش .. هاني كان معتزلو فشي طبيعي تكون رجعتو بدها طنة ورنة ..
شو قليلة رجعة معلم الحشاشين ..
بعدين شو زاعجك .. غيراااااااااااااااااااان

يا عمي شكرا وحياة سعدو اللي جمعنا بهالقعدة الحلوة .. شكرا

لك ياسيتي انا عملت كالهشي +نطرة ابو نص ساعة مشان كل trak مشان رجعة هالغالي
بس شو بدنا بهالحكي مافي اكل طلعت بالغلط مافي امل

[hanny dagher]

خلينا مروقين انتي وياها والا والله العظيم بعمل عمايل ها
وخيو اممي روق شو انا شو انت
يللا شدلي الهمة انا كتابة وانت صوتا
كل نهار منزلن حلقتين جداد