جبهة الصمود والتصدي مو حايالله

[owrfalie]

أول شي الرقيب على الرادار شاف أجسام غريبة عم تحلق داخل الأجواء السورية (هاد إذا كان بالأصل قاعد في مركزوا مو عم يلعب ورق ويقرقع متة)راح خبر الضابط تبعوا ( هاد إذا كان الضابط موجود مو هربان من الدوام ) قلوا الأخير لا تعمل شي لأخبرك ولاك قام الضابط خبر قائد كتيبتوا في مزرعتوا ويادوب نشف حالوا لأنوا سيادتوا عم يتسبح بالمسبح تبعوا فجاوبوا هي مو شغلتنا لا تعمل شي لأخبرك ولاك راح خبر قائد منطقتوا (هاد إذا علق معوا الخط ) راح قائد منطقتوا وقف الحفلة تبعوا يلي عاملها لأبنوا الله يخليلوا ياه بمناسبة نجاحوا بالصف العاشر قام بلغ الأركان بالعاصمة بفندق خمس نجوم لأنن عاملين غداء عمل لوفد عسكري رفيييييع المستوى فقاموا الشباب من على الطاولة بعد ما عتذروا من الوفد الرفييييع قاموا يتدارسوا الوضع فقرروا أن يتصدوا للعدوان الغاشم ويطلقوا كم طلقة في الهواء وهكذا بدأ ت الأوامر تعطى بالتسلسل العكسي وشغلوا الشباب المضادات الجوية من هون جاء الخبر : ان الدفاعات الجوية اجبرت طائرتين اسرائيليتين على الفرار .
بس نسيت أن أخبركم أنه في هذه الأثناء كانوا الطيارين عم يتعشوا ببيوتهم
لكان نحن جبهة الصمود والتصدي مو حايالله