عدم التعميم

[maged-syrian]

مرحبا للجميع
طبعاً بالفترة الاخيرة ... نجد أن التعميم أصبح منتشر بشكل كبير ... حيث اننا نجد مايقوم به بعض الاشخاص من جنسية معينة من أفعال غير قانونية محفزاً للتعميم على بني جلدة هؤلاء الاشخاص ... وهذا الغلط بعينه
انا كمواطن سوري مقيم بالسعودية ... عندما ارى مواطن سعودي يقوم بافعال غير قانونية ,, أو خادشة للحياء العام ,, للأسف أقوم فوراً بالتعميم ... وأقول هذا نموذج عن المواطن السعودي ... تيقنت أن هذا الغلط بعينه .. حيث أن بعض الأعمال الشاذة من قبل افراد لايجوز ابداً تعميمها على مجتمع بأكمله .. كما يقول المثل " أصابع ايدك مو متل بعضها" .. كل مجتمع به الصالح وبه الطالح ... وباعتبار ان البعض ترعرع على ثقافة التعميم .. فتجد أن الشر يعم والخير يخص .. والحقيقة أن العكس هو الصحيح ... الشر يخص والخير يعم هذا المفروض ..
بنجي من الناحية الدينية : الله سبحانة وتعالي قال " ولاتزر وازرة وزر أخرى " بمعنى آخر لااحد يحمل أخطاء الاخر ..
عندما نجد بعض من جنسية معينة يقومون بفعل فاحش أو فعل منافي للحشمة .. فلايعقل أن تعمم أفعالهم على بني جلدتهم ..اتمنى تحكيم العقل بعدم التعميم,
السعوديين والسوريين و اللبنانيين والمصريين كغيرهم من الجنسيات ليسوا ملائكة..فان افتعل السعودي او غيره جرم يجب على الجنسيات الاخرى عدم التعميم.

انا كفرد وجدت أن التعميم خطر كبير على العلاقات العامة حيث أن المصالح تكون مشتركة وبما أن التعميم يؤدي الى نشر الحقد والكراهية هذا الشيء يودي الى توقف المصالح وتوقف الاعمال وتوقف التعاملات بين البشر

انا اتكلم عن الوضع الحالي .. الله جعلنا شعوب وقبائل لنتعارف .. "أن أكرمكم عند الله أتقاكم"

ايضاً اريد ان اتكلم عن موضوع السعوديين قليلاً .. حيث أن كلامي الذي بالاعلى ينطبق عليهم ... لذلك أتأمل خيراً أن يتوقف التعميم بالمواضيع التي تخص السعودية ... ومقولة أطهر أرض وأنجس شعب هي مقولة مصطنعة الهدف منها التعميم على شعب باكمله ...


أرق التحيات

[W.E.G.A]

طيب شوف يا معلم

انا معك تمام بانه لا للتعميم

وهاد الشي اصلا سبب انتسابنا لعصابة وحدة

لا للتعميم شو مشان

بس بدي قلك شي يعني صحيح لكل شي نسبة وتناسب

بس كمان دايما الواحد بياخد فكرة عن الشي من النسبة الغالبة

يعني مثلا لما بقلك الدكتور نسبة فشل العميلة 70 % غير لما بقلك نسبة الفشل 20 %

صح

يعني انت بتحم الحكم الاولي من النسبة الغالبة

مو بايدك هيك الانسان ليحكم على شي لازم اما يجرب او يسمع من حدا مجرب

وهون تكمن المشكلة

يعني تقييم الانسان رح يعتمد اعتماد مباشر على المرجعية الي رح يكونها براسه الشخص الي مجرب

فهمت علي

يعني انا مثلا مرة سالني صديقي مصري ( انتو بتكرهو المصريين ليه )

قلتلو مين قلك قالي الكل بقولو هيك

قلتلو يا حبيبي انا مابقدر اقلك هيك انا ما عاشرت مصريين وحشيين

فالمصريين عندي ممتل اي اشخاص تانين

فما بعرف انت منين جبت هي المعلومة

يعني اختصار كل فرد من خلال تصرفاته الفردية رح يعطي فكرة عن مجتمعه

يعني انا لو مابعرف الصومال وتعرفت على صومالي محترم

رح قول الصوماليين محترمين كتير

ولو شفت واحد هيك وواحد عكسه رح قول

الصوماليين فيه المنيح وفيهن العاطل

وهيك كل ما زادت مرجعيات عنهن رح يتحدد رايي فيهن اكتر

مابعرف اذا علكت كتير

بس يعني بعرفك قلبك كتير

[Government]

ماعبعرفك يازلمة

[ملاك السعودية]

انا كفرد وجدت أن التعميم خطر كبير على العلاقات العامة حيث أن المصالح تكون مشتركة وبما أن التعميم يؤدي الى نشر الحقد والكراهية

الله يعطيك العافيه ماجد على هالموضوع

وان شاء الله الكل يفهمه ويطبقه وأولهم انا

تحياتي
ملاك

[مسطول على طول]

شي طبيعي أبو شريك حتى داخل المجتمع الأسرائيلي في ناس ولاأحلى بس الأغلبيه للأسف في عندهم نزعه من التطرف

بالنسبه للتعميم طبعاً مابيصير فكل شعب في لمنيح والعاطل ...

كاتب النص الأصلي : ملاك السعودية

الله يعطيك العافيه ماجد على هالموضوع

وان شاء الله الكل يفهمه ويطبقه وأولهم انا

تحياتي
ملاك

تتحورقي ياملاك و يبعتلك سبعه سوى .. نار ومي وبارود وهوى ودين وغضب الوالدين ..


أنتي هون عندك مشكله هون جماعه اغلبهم مابيحبو الزعماء العرب ومن بينهم بشار الاسد أو أبو متعب وحضرتك كل ماتشوفي كلمه على المجتمع أو الساسه السعوديين بتنطي متل حمصة كي خيتو هون مافي زعيم ولاسياسي وحدى دقنو مشطه وقت يشلو عليكم شي طبيعي شنو السعوديه لاعب رئيسي بالمنطقه اكيد مو متل موريتانيه ولا الصومال وخناقاتك مع الشباب على شي فاضي ... على فكره في شباب وبنات سعوديين هون وكتار بس مابيحشورو أنوف بكلشي لانو بيعرفوا أنو شبيبه بتشلي ( بنحكي) ع النظام تبعنا اكتر بكتير من أي نظام تاني

[maged-syrian]

مابعرف اذا علكت كتير

بس يعني بعرفك قلبك كتير

له يازلمة .. لاتقول هالحكي مرة تانية
مشكور على مشاركتك القيمة

ماعبعرفك يازلمة

يازلمة قلنا نغير الجو شوي ...
لنشوف شو أخرتها مع شعوب العالم الثالث

الله يعطيك العافيه ماجد على هالموضوع

وان شاء الله الكل يفهمه ويطبقه وأولهم انا

تحياتي
ملاك

اهلا وسهلا .... وانشالله تكون بادرة خير النا والك

شي طبيعي أبو شريك حتى داخل المجتمع الأسرائيلي في ناس ولاأحلى بس الأغلبيه للأسف في عندهم نزعه من التطرف

بالنسبه للتعميم طبعاً مابيصير فكل شعب في لمنيح والعاطل ...

هو فكرة التعميم غلط من اساسها ... انا كنت كل ماشوف واحد باكستاني بيعمل غلط فوراً بعمم وبقول عنه باكستاني ... نفس الشي مع البنغالي ... والهندي و و و الخ وهاد الشيء غلط كبير باعتبار في ناس من نفس الجنسية والله بتنحط عالراس ...

مو معقول كل اللبنانيين 14 اذار !!!
مو معقول كل الامريكان يؤيدون بوش واعماله التدميرية !!
مو معقول كل السعوديين مفسدين في الارض وبطرانين !!

حتى لو كانت النسبة 99% ... فلايجوز ان نظلم النسبة المتبقية 1%

ارق التحيات

[حلبي]

الموضوع هام جدا و هذه الفكره جيدة لنشر الحب بين الناس

أقترح:
لأثراء الموضوع يمكن لكل أخ أن يحكي عن حدث ما حصل له أو موقف جميل مر عليه من معاملة حسنة من قبل ناس اَخرين في خارج سوريا أو داخل سوريا

و أنا متأكد أن الأمثلة كثيرة

فقط بعد أذن صاحب الموضوع الأخ ماجد

أخوكم حلبي