الغير مرئي The invisible

[hanny dagher]

كيف الشباب

في فلم جديد رح ينزل ب 4 الشهر بالسينما اسمو الغير مرئي او The invisible
فكرة الفلم شب بيكون كتير محبوب بالجامعة وبيتعرض لحادث وبيموت بس هوي ما بيعرف حالو انو ميت يعني بيروح بيتابع حياتو عادي وبيتفاجا انو العالم ما عم تلتكش في وما عم ترد علي وقت بيحكي بيتفاجا انو كل شي بيساوي ما بيتغير (يعني بيبنو لقطة بالفلم انو بيمسك دفتر وبيضربو على الحيط بس خلال ثانية بيطلع بيلاقي الدفتر ما تحرك من محلو ) بعدين بيكتشف انو ميت وبيصير يدور على مفتاح لحل قضية موتو

طبعا هلأ انتو عم تتساءلو ليش ما حطيت الموضوع بالسينما والافلام اي جاييكن بالحكي

مبارح كنت سهران عند ولاد عمي بتجي بتحكي معاهن رفيقتن بتحكيلن قصة غريبة
مشان سهل القصة رح سمي رفيقة ولاد عمي (ك) و رفيقتها (ر)

المهم (ك) و (ر) بيروحو لعند العرافة وطبعا كلنا منعرف شو معنات العرافة
بتجي العرافة بتقلها ل (ر) (من غير معرفة مسبقة )
انتي عندك رفيقة من وقت ما كان عمركن عشر سنين صار معاكن حادث سيارة ورفيقتك انكسرو اجريها وصار معاها خلل بالدماغ وماتت وحادث السيارة صار لانو الشوفير كان سكران وقلبت السيارة عن الطريق السريع
هلأ لهون القصة صحيحة وبتاكيد من (ر) انو مزبوط كان عندها رفيقة وماتت بحادث سيارة وبنفس التفاصيل

لكن الغريب بالقصة
انو العرافة قالتلها ل (ر) انو رفيقتك ما ماتت دغري ضلت شهرين بعد موتها وهيي ما بتعرف انو ميتة وكانت بيناتكن بس انتو ما تحسو عليها وهيي كانت تستغرب انو ليش ما حدا يحكي معاها او يطلع عليها وحاولت تتصل فيكن وما قدرت وهيي بعد عشر سنين اسعتها موجودة بس حزينة كتير لانها وحيدة وعم تفكر تاخد واحد من اهلها ابوها او امها لعندا


هات لنشوف شو رايكن بهالموضوع مين بيامن بهيك شغلات ومين لاء

تعليق على الموضوع علقتو اليوم الصبح انا وعم خبر ليلى القصة على التلفون قلتلها اي انا بالله ما بآمن لحتى
آمن بهيك قصة
هاتو لنشوف انتو شو عندكن

[يمان Rooooonaldo]

انو up

ليش هيك مغبرين الشباب هوني ...

شنو حاسو بدو يصير شغل انو هاني

[يمان Rooooonaldo]

عكفرة الي رجعة ... بدي اعمل طوشة ولوشة لسا هوني ما بثقبل الا ليوصل الموضوع ل 10 صفحات

[Echo]

بصراحة انا عادة ما بآمن بهالقصص لانو بالنسبة الي هيك نوع من القصص مرتبط بوجود عالم تاني او حياة تانية...وهالعالم بشكل او بأخر مرتبط بوجود الله...وانا من ناحيتي ما كتير بأمن بفكرة وجود الله بالشكل يللي بينحكا عنو بالدين...
بس يللي حبيت زيدو او قولو هو قصة سمعتها عن أبي...ومنشان حطكن بجو القصة..رح خبركن انو ضيعة أبي فيها قلعة...هلق القلعة مهدمة وباقي منها جزء...المهم...أبي عندو أخ اكبر منو ويللي هو عمي الكبير وعندو ابن عم كمان لسى اكبر من عمي الكبير...

المهم انو عمي وابن عمو لأبي بيحكولي هالقصة...

اول ما بلش ابي يحكي وكان عمرو صغير يعني بيجوز سنتين او تلت سنين...كان عمي وابن عمو لأبي ييقعدو ع سطح بيت جدي...وسطح بيت جدي مانو اعلى سطح بالضيعة متل سطح بيت هاني بضيعتهن بس من هالسطح الواحد بيقدر يشوف بقايا القلعة...

وبلا طول سيرة..بمرة من المرات كان ابي مع عمي وابن عمه قاعدين العصريات ع سطح بيت جدي وكان عم يتناقشوا وابي عم ينطوط حواليهن...وفجأة بيقلهن...هاي القلعة نحنا عمرناها...هون بتجيهن الصفنة وبيندارو عليه...بيقولولو...مين انتو....بيقلهن نحنا...اي نحنا كنا نشتغل بايد وناكل بايد وكانو يجلدونا.....

طبعا هالقصة اكيد صارت والكلمات منقولة بحرفيتها لانو الكلمات كانت كتير قوية وفجة ولحد هلق عمي وابن عمو بيقولوها بحذافيرها متل ما انا كتبتها فوق بالعريض...

هلق اذا افترضنا انو ابي ما كان يحضر تلفزيون وما كان يتابع افلام متل فيلم اللامرئي لانو ع ايامهن ما كان في تلفزيونات...واذا افترضنا انو ما كان لسة بيقرا بكتب بتحكي عن التقمص...وما كان لسة بعمر يسمحلو انو يختلق هيك قصة....فهل فينا نقول انو التقمص موجود؟؟؟

اذا كان الجواب مظبوط...فقصة هاني مظبوطة...ومعناتها في الله...وبالتالي أكلنا هوا....

ودمتم...

[زغلول]

بصراحة انا مرة حضرت فلم اسم مدينة الملائكة قبل سنتين او تلت سنين مو متزكر بالزبط بس قصتو
متل القصة الي حكاها هاني تقريبا وحسيت انها كتير قريبة من الواقع
وكتير بسمع عن قصص متل هيك انو فلان مات بس روحو موجودة وما بعرف شو ...

بس الله اعلم ان هي صح ولا غلط

[Government]

يعني اللي مابدو يامن بالله يدو يصدق هيك شغلات
انا من جهتي بامن بالله
بس مابامن بهيك شغلات

مع اني تمخولت واندهشت منا وعجبتني فكرة الفلم وتشوقت لاني اشوفو بس يعني صعبة تصير
وماخرج الواحد يامن فيا ولا 1%


بس طبعا هي فكرتا كـ فلم حلوة بس انو بالواقع ماخرج يتامن فيا بالمرة

[Government]

لا وبعدين في نقطة
انو كل هالقصة التحشيشية هي
برواية مييييين ؟


عرافة


وصلنا لكن

[hanny dagher]

انو شو فطنكن على الموضوع

فكرة الفلم (او فكرة القصة اللي صارت مع (ر) ) غير تماما عن فكرة التقمص
التقمص انو الروح بس يموت الشخص تنتقل لطفل حديث الولادة وتسكن في وتعيش حياة تانية

الفكرة هون انو الشخص اللي عم يموت ما عم يعرف حالو انو ميت يعني عم يحس حالو انو عايش كجسد وروح اصليين بالوقت نفسو العالم ما عم تشوفو لانو مفكرتو ميت

يعني بدكن تفكرو فيها مو انو روح بجسد تاني
بدكن تفكرو فيها انو روح وجسد الشخص الميت عم يكونو حوالينا بس نحنا مانا شايفينن وما عم نسمعن وهني عم يحاولو يتصلو فينا ليخبرونا انو هني ما ماتو وانو هني عايشين معنا

ولي الفكرة لحالا بتخوف


حكومة اي عرافة شبك بس اللي بيسطلك بالموضوع انو عرفت كيف صار الحادث وعرفت مين كان بالحادث وكل واحد شو صرلو بالضبط وبدون ما تعرف البنت معرفة مسبقة

[يمان Rooooonaldo]

هي فائدة النكوشة عفكرة هاد الفلم طالع قبل هالمرة لانو انا شايف هيك شي بنفس الكريقة ابو الهن

[Government]

حكومة اي عرافة شبك بس اللي بيسطلك بالموضوع انو عرفت كيف صار الحادث وعرفت مين كان بالحادث وكل واحد شو صرلو بالضبط وبدون ما تعرف البنت معرفة مسبقة

يعني هلأ بربك اللي مابامن بالله
بالله بذات نفسو ..

بدو ينسطل بعرافة


ان شاء الله تقلي اسماء عيلتي كلا وشلون ماتو وشلون عاشو لاجري ..

[Ichigo]

انا اصدق ان الاموات يضهرون لبعض الاشخاص او يساعدوهم ومن بعد يكتشفو ان الشخص اللي ساعدهم مات من سنين بس في هذه الحكاية لا اصدق اولا لاني لااؤمن بما تقوله العرافات فهذا مجرد خزعبلات وتخاريف اضافة لماذا تبقى الروح بعد شهرين من موتها تتجول ولا تعرف انها ماتت هذا لا نراه الا في الافلام والقصص لدى انا لا اصدق.

[hanny dagher]

كاتب النص الأصلي : Ichigo

انا اصدق ان الاموات يضهرون لبعض الاشخاص او يساعدوهم ومن بعد يكتشفو ان الشخص اللي ساعدهم مات من سنين

ذكرتيني بقصص المكتبة الخضراء

حتى قصص انو الاموات يرجعو ما بصدقا

[Ichigo]

كاتب النص الأصلي : hanny dagher

ذكرتيني بقصص المكتبة الخضراء

حتى قصص انو الاموات يرجعو ما بصدقا

هاهاهاها ضحكتني اذا انت لاتصدق هذا رايك بس لا تذكرني بالمتعصبين

[SABE]

فلم الحاسة السادسة لبروس ويليس !! حدا حضرانو ؟

[hanny dagher]

كاتب النص الأصلي : SABE

فلم الحاسة السادسة لبروس ويليس !! حدا حضرانو ؟

شو اسمو بالانكليزي the sixth sense هيك ؟
بس شو قصتو ؟

[BL@CK]

كاتب النص الأصلي : Ichigo

انا اصدق ان الاموات يضهرون لبعض الاشخاص.

شلون يعني بضهرو .. يعني متل ما إخوتنا اللبنانين بضهرو و لا كيف ..!

[Ichigo]

كاتب النص الأصلي : BL@CK

شلون يعني بضهرو .. يعني متل ما إخوتنا اللبنانين بضهرو و لا كيف ..!

يضهرون بالياء وليس بالباء يعني برز يبرز

[abosleman]

كاتب النص الأصلي : SABE

فلم الحاسة السادسة لبروس ويليس !! حدا حضرانو ؟

امم حضران الفلم ويمكن كانت قصتو واقعية

عالعموم بالنسبة إلي التقمص شايفو بالواقع ومو بحاجة افلام

بس انو الارواح بتعيش هيك وبتضل معنا فترة ماعم تدخل مخي الصغير

هلئ ممكن الارواح تسكن بشي غير الكائنات الحية ؟