كيفَ كانْ اللقاء الاول لأبيكَ بأُمك ؟

[ارسلان]

كاتب النص الأصلي : اسبيرانزا

بابا قبل ما يتجوز كان حبّيب كبير ....روميو بالبلدى كدة
لكن لما تجاوز الثلاثينيات خالّه جدتى تسئلوا على بنت ملتزمة ومحترمة ....وكانت ماما من نصيبوا
خطبها وعاشوا سوا قصة حب ملتهبة من بعد الجواز

الحمدلله أن عاشا قصة الحب الملتهبة بعد زواجهما
والا لكانت نهاية روميو
كـ روميو شكسبير
*

فخُلقتِ
بطعم اسطورة

[fernanda bachchan kfoury]

انا ازا سالت البابا مارح اخلص منو بس دايما بزكرو بهديك الايام

بس الماما دايما بتحكيلنا وكان اللقاء بيناتن من خلال خالت الماما وقت الماما زارت خالتا البابا كان بيعرف زوج خالتا
فسال عنا وتعرف عليها و ع اهلها وهيك

برغم انو التنين بسلك التعليم ( مدرسين ) الا انو القدر ماجمعن بمجال عملن

[ارسلان]

كاتب النص الأصلي : اللامنتمي

" الآن .. أتذكرُ طفولتي

كُنتُ الطفلَ الوحيد لأهلي لأعوام

كانَ أبي يعملُ ليلاً وَ يخدمُ الوطنَ نهاراً , كانَ يؤدي خدمة َ العلم " الجيش "

لا أذكرُ مَشهَداً واحداً في حَياتي أنه وبَّخني أو صَفعني

سَـعادتي يَتمناها أيُّ طفل

رغمَ أنَ وضعه ُ المادي مُتواضع إلا أن كُلَ الأشـياءِ التي تـُفرحُ الأطفال كانتْ لدَّي ,. "

لا أدري يا أرسلان ربما أعود لـِ أكمل ما لم أفصح عَنهُ بعد , ما لم أجرؤ أن أكتبهُ بعد

شفافية ُ روحك لامستْ شِغافَ القلبِ يا رفيق

فساعدني على البوح في البوح ,.

أنت باب هذا البيت يا صديق
وحديثك نفخات حياة

[ارسلان]

كاتب النص الأصلي : tuaij

kanet mama saf 7adi 3ashar w baba jam3a kan y3tya droos 5ososi ,,math,,l2no baba kan shater kteer w hy 2ssa ma bt7b t2ola l2no btzkra b madi mo2lm bl ryadyat ,,m3 eno akeed kant kteer sahleh then..

وكنتِ حاصل جمعهما

[ارسلان]

كاتب النص الأصلي : Damask Rose

بتزكر ماما قالتلي انو عادي..ماحست انو شي غريب..لانهم تزوجو زواج تقليدي..يعني من وهن زغار كانو يقولو فلانة لفلان..فبالنسبة الهم حياة وبدها تمشي

أنقذهم الله من وجع القلب

ربما

[ارسلان]

كاتب النص الأصلي : دلوعة سوريا

و الله مابعرف ... بس المهم بالنهاية

كنت انا احد ثمرات هالحب الصادق

اللي ما بعرف كيف بدء

لا بداية للحب ايتها الثمرة
أمك غصنٌ ممتدٌ في اللابداية الى اللانهاية
وأبيكِ مكتشفٌ عظيم

[ارسلان]

كاتب النص الأصلي : rana31

عندما قرأت عنوان الموضوع لفت نظري استعمالك لحروف الجر اذ أنك أقرنت اللام بالأب والباء بالأم

أي أنك حتمت ان المبادرة من الأب وكأنه من سعى به القدر ولكنك في آخر جملة قرنت بينهما بحرف العطف الواو
الذي يفيد الجمع والمشاركة وهذا ما استسغته أكثر

كان اللقاء حسب ما روي وما وقع بين يدي من قصاصات غرامية بين جنبات الجامعة
درسا ذات التخصص و كان اللقاء الأول في حفل تكريم المتفوقين

أنت لست مستقبلهما فحسب بل حاملة ماضيهما .. حافظي على رسائلهما حتى الموت

أنت قارئة لبيبة تستشف المعنى قبل أن يكتمل نموه ويظهر
بأي عضوٍ تُبصرين !!

[butterfly]

بدك القصة حسب أيا جهة
كل واحد من بيناتن كان يحكيلنا .. أنو التاني طبقو

[إبريل]

كاتب النص الأصلي : ارسلان

أنت لست مستقبلهما فحسب بل حاملة ماضيهما .. حافظي على رسائلهما حتى الموت

أنت قارئة لبيبة تستشف المعنى قبل أن يكتمل نموه ويظهر
بأي عضوٍ تُبصرين !!

ألا بالبصيرة تُقرأ كلماتك
فكيف تتعجب !!

الرسائل بالحفظ حتى نحتج بها اذا لزم الأمر ..

[sona78]

كاتب النص الأصلي : MadMax

طيب .......
و من بعد ما عرفتوا ..؟؟

لا ما عرفنا
لهيك لما حبينا ما خليناهون يعرفو هني كمان !!!!
اجا متل القضاء المستعجل
ههههههه

[ارسلان]

كاتب النص الأصلي : butterfly

بدك القصة حسب أيا جهة

كل واحد من بيناتن كان يحكيلنا .. أنو التاني طبقو

وظني ان يدا ثالثة كانت تُحيكُـ تطبيقهما
في الخفاء

هون ما بنقبل الا القصص الصحيحة موثوقة المصدر

[هشام ابو شرار]

وحياة ابي ما بعرف...تخيل حتى على العرس ماعزموني؟

[ارسلان]

روق أخي
أكيد كنت انت بشي مشوار
وبالتأكبد اتصلو برقمك .. و ظهر ان الهاتف خارج التغطية
قولك المنطقة يلي كنت فيها بيصلها ارسال !!!

[sandra]

كانوا أهلي جيران وبنفس الوقت أمي رفيقة عمتي
وعلاقة بابا وماما خلال كل هالمدة كانت عادية جداً
بيوم من الأيام بتجي ماما عند عمتي وكانت حاطة مكياج ( يعني بلا فضايح ظل فوق عيونها بس مو أكتر)
وهيك بابا شافا ووقع يا حرام
وطلبا وتزوجو وجابو ولاد متل القمر

وما زال السؤال المحير هو عن لون الظل فوق عيون ماما
بابا بيقول أخضر ماما بتقول أزرق .... وعمتي كانت تسكت ... بس عن جديد قالت لون بنفسجي

[saman]

وما زال السؤال المحير هو عن لون الظل فوق عيون ماما
بابا بيقول أخضر ماما بتقول أزرق .... وعمتي كانت تسكت ... بس عن جديد قالت لون بنفسجي

ستك ادرى

[واحد_سوري]

و الله أنا أبي و أمي تعرفو على بعض بالمسنجر

يعني الوالد كان مدمن انترنت
منشان هيك عملها اضافة و تعرفو على بعض

سقى الله على مسنجر أيام زمان...........

[ارسلان]

كاتب النص الأصلي : sandra

كانوا أهلي جيران وبنفس الوقت أمي رفيقة عمتي
وعلاقة بابا وماما خلال كل هالمدة كانت عادية جداً
بيوم من الأيام بتجي ماما عند عمتي وكانت حاطة مكياج ( يعني بلا فضايح ظل فوق عيونها بس مو أكتر)
وهيك بابا شافا ووقع يا حرام
وطلبا وتزوجو وجابو ولاد متل القمر

وما زال السؤال المحير هو عن لون الظل فوق عيون ماما
بابا بيقول أخضر ماما بتقول أزرق .... وعمتي كانت تسكت ... بس عن جديد قالت لون بنفسجي

النظرة رصاصة حب

ذكرتيني بموشح للست فيروز

"كل السيوفِ قواطعٌ ان جُردتْ وحُسامُ لحظِكَ قاطعٌ في غمده "

أنا بأكد أن لون الظل كان أخضر

فمن أصيب بالرصاص لن ينسى صوت احتكاكها بلحمه ودمه

وأبيكِ
لن ينسى لون أول الحُب

[ارسلان]

كاتب النص الأصلي : واحد_سوري

و الله أنا أبي و أمي تعرفو على بعض بالمسنجر

يعني الوالد كان مدمن انترنت
منشان هيك عملها اضافة و تعرفو على بعض

سقى الله على مسنجر أيام زمان...........

وبث الفرح على اليوتيوب
وحياتهم خالية من الفيروسات
وأنجبو طفل بيشبه الهوتميل