أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > منتديات عامة > الصـــــــــــالون > التشريفات

إضافة موضوع جديد  إضافة رد
 
أدوات الموضوع
قديم 06/05/2009   #1
شب و شيخ الشباب i m sam
عضو
-- زعيـــــــم --
 
الصورة الرمزية لـ i m sam
i m sam is offline
 
نورنا ب:
Jul 2008
مشاركات:
1,245

افتراضي عيد الشهداء


اليوم 6 أيار هو عيد الشهداء بسوريا ولبنان
فكل عام وانتم بالف خير

ولزيادة العلم رح حط كم معلومة :
بدا الامر بعام 1915 عندما بداية الثورة العربية الكبرى وتجمع المثقفين مراسلة فرنسا وانكلترا لمساعدة الثورة او النزول على شواطئ لبنان لطرد العثمانيين . على أثرها قام والي الشام جمال باشا المدعو بالسفاح بمحاكمات صورية أعدم على أثرها الكثيرون وكان العدد الأكبر في يوم 6 أيار 1915 وذلك بين العاصمتين بيروت ودمشق وانتهى مسلسل الاعدامات في 1917
شهداء 21 أب 1916
  • عبد الكريم الخليل، من الشياح قرب بيروت
  • محمد المحمصاني، من بيروت
  • محمود المحمصاني، من بيروت
  • عبد القادر الخرسا، أصله من دمشق ومقيم في بيروت
  • نور الدين القاضي، من بيروت
  • سليم أحمد عبد الهادي، من قرية عرّابة بفلسطين
  • محمود نجا العجم، من بيروت
  • الشيخ محمد مسلّم عابدين، مأمور أوقاف اللاذقيّة من دمشق
  • نايف تللو، من دمشق
  • صالح حيدر، من أهالي بعلبك
  • علي الأرمنازي، من حماه
شهداء 6 أيار 1915 في دمشق
  • شفيق بيك موفق العظم, من دمشق
  • الشيخ عبد الحميد الزهراوي، من حمص
  • الأمير عمر الجزائري، حفيد الأمير عبد القادر الجزائري من دمشق
  • شكري بك العسلي، من دمشق
  • عبد الوهاب الإنكليزي، من دمشق
  • رفيق رزق سلّوم، من حمص
  • رشدي الشمعة، من دمشق
شهداء 6 أيار 1915 في بيروت
  • باترو باولي، من التابعية اليونانيّة، مقيم في بيروت
  • جرجي الحداد، من جبل لبنان
  • سعيد فاضل عقل، من الدامور بلبنان
  • عمر حمد، من بيروت
  • عبد الغني العريسي، من بيروت
  • الشيخ أحمد طبارة، إمام جامع النوفرة في بيروت
  • محمد الشنطي اليافي، من يافا بفلسطين
  • توفيق البساط، من صيدا
  • سيف الدين الخطيب، من دمشق
  • علي بن عمر النشاشيبي، من القدس
  • محمود جلال البخاري، من دمشق
  • سليم الجزائري، من دمشق
  • أمين لطفي الحافظ، من دمشق
شهداء أخرون

وهناك العديد من الشهداء الأخرين منهم:
  • لخوري يوسف الحايك، من سن الفيل قرب بيروت، أُعدم في دمشق يوم 22 آذار سنة 1915م.
  • نخلة باشا المطران، من أهالي بعلبك أغتيل قرب أُورفه بالأناضول في 17 تشرين الأول سنة 1915م.
  • الشقيقان فيليب وفريد الخازن من جونية بلبنان أُعدما ببيروت يوم الثاني من أيار سنة 1916م.
  • عبد الله الظاهر، من عكار، أُعدم ببيروت يوم الأول من آذار سنة 1916م.
  • يوسف الهاني، من بيروت، أُعدم ببيروت في نيسان سنة 1916م.
  • محمد الملحم، شيخ عشيرة الحسنة، أُعدم بدمشق في أوائل سنة 1917م.
  • فجر المحمود، من عشيرة الموالي، أُعدم بدمشق أوائل سنة 1917م.
  • شاهر بن رحيل العلي، من عشيرة التركي، أُعدم بدمشق على أثر إعلان الثورة العربية.
  • الشيخ أحمد عارف، مفتي غزة، وولده، من مدينة غزة أُعدما في القدس الشريف سنة 1917م.
  • الشقيقان أنطوان وتوفيق زريق، من طرابلس، أُعدما بدمشق سنة 1916م.
  • يوسف سعيد بيضون، من بيروت، أُعدم بعاليه بلبنان يوم العاشر من شهر آذار سنة 1916م.
أسف للاطالة بس حسيت انو من حقهم وواجبنا اذكر الاسماء مو مجرد أرقام

اذا لم نعش جميعا متآخين كشعب واحد ....
فان كل واحد منا سيموت وحيدا

بجيب الريح تتلعب معك

www.3tbatt.blogspot.com
  رد مع اقتباس
قديم 06/05/2009   #2
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اليوم هاد بيعنيلي شخصيا اكتر من عيد الجلاء حتى
نظرتي للشهداء ما بتختلف عن نظرة الإغريق لآلهة جبل الأوليب
باستثناء ان الشهداء اساطير عاشت مععنا
بينما الآلهة الاغريقية اساطير عاشت على قمة جبل مهجور

شرف للأرض انها ارتوت من دماء الشهداء


رايحة تزور
كوخ مسحور
  رد مع اقتباس
قديم 06/05/2009   #3
صبيّة و ست الصبايا nour333
عضو
-- زعيـــــــم --
 
الصورة الرمزية لـ nour333
nour333 is offline
 
نورنا ب:
Nov 2006
مشاركات:
1,010

افتراضي


تحية لأرواحهم اللي بترفرف بالجنه
بقولو جلجامش ضل يبحث عن عشبة الخلود
بس الشهيد هو الوحيد اللي قدر يوصل للخلود الابدي

*هنا يرقد جبر من بطن امو للقبر

*بحب اللي بحبو المنسف
  رد مع اقتباس
قديم 06/05/2009   #4
صبيّة و ست الصبايا Reemi
مشرف متقاعد
 
الصورة الرمزية لـ Reemi
Reemi is offline
 
نورنا ب:
Dec 2005
المطرح:
WHATEVER
مشاركات:
13,241

افتراضي


الرحمة لشهدائنا الأبطال


مثبت


شو هالعمر اللي مش باقي شي
لولا الوقت الولا خلى شي
خلالي طريقي و رح أمشيه


- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 07/05/2009   #5
شب و شيخ الشباب باشق مجروح
عضو
-- مستشــــــــــار --
 
الصورة الرمزية لـ باشق مجروح
باشق مجروح is offline
 
نورنا ب:
Dec 2005
مشاركات:
5,511

إرسال خطاب MSN إلى باشق مجروح إرسال خطاب Yahoo إلى باشق مجروح
افتراضي


وردة لشهداء سوريا ولبنان ..
يا ريت منتعلم من هالعظماء شوية حب لهالبلد .
ويا ريت بـ لبنان بيرجعو بيتذكرو كل شهداء هاليوم بدل اختصار كل الدولة بشخص شهيد واحد .
ورغم انو ما بدي سيئ لهالشهيد بس ما بعتبر استشهادو اختياري ولا بيوصل لمستوى عظماء 6 أيار .
المجد والخلود لشهدائنا العظماء .

صديقي الله .
لا أحسدك على معرفتك مصير كل منا .
لأنك قد تبكي على مصير حزين بينما صاحبه سهران يضحك.
وتعرف الفرح قبل وقوعه فلا ترى مثلنا لذة المفاجأة.
....
  رد مع اقتباس
قديم 07/05/2009   #6
شب و شيخ الشباب saman
عضو
-- مستشــــــــــار --
 
الصورة الرمزية لـ saman
saman is offline
 
نورنا ب:
Aug 2006
المطرح:
اليأس !
مشاركات:
2,220

إرسال خطاب MSN إلى saman إرسال خطاب Yahoo إلى saman
افتراضي


اقتباس:
بدا الامر بعام 1915 عندما بداية الثورة العربية الكبرى وتجمع المثقفين مراسلة فرنسا وانكلترا لمساعدة الثورة او النزول على شواطئ لبنان لطرد العثمانيين .
بعيداً عن العواطف ...
وبعيداً انو انا ضد الاعدام بمختلف اشكالو واسبابو ...
بس هي الجملة ... يا ترى بتدل انن كانوا عم يتعاملوا مع دولة اجنبية ... يعني بتدل انهن كانوا عملاء او شي ؟؟
انا ما عم سيئ الهن ... بس معلوماتي ضئيلة عنهن للاسف ... والشي يلي بيدرسونا ياه بكتب التاريخ بالمدارس .. انا ما بثق فيه ....
ازا حدا عندو معلومات او رأي .. يتفضل ... هون او بموضوع منفصل منشان ما نحوّر محتوى الموضوع ...
و

الكلُّ سفّاح و ابنُ سفّـاح
.
القومُ أبناء القومِ يا صــاح
.
عندهم الدّينُ زهقُ أرواح
.
والذّبحُ للنّاس نهجُ إصْلاح
  رد مع اقتباس
قديم 07/05/2009   #7
شب و شيخ الشباب suryoyo
مشرف
 
الصورة الرمزية لـ suryoyo
suryoyo is offline
 
نورنا ب:
Dec 2005
المطرح:
اطلال المدينة الفاضلة
مشاركات:
5,118

افتراضي


الف وردة لكل شهيد ضحى من اجل الحرية ....

و يا ريت نقتدي بأرواحهم الوطنية العالية

أدعى الناس الى الشفقة ذلك الي يحول أحلامه الى الفضىة و الذهب.. جبران خليل جبران

اذا كان العالم اشتراكيا بالفطرة و رأسماليا بالفطرة و ربما قوميا بالفطرة ... فهل يا ترى كان رجعيا بالفطرة ؟

لن نبق اسرى الماضي ...
  رد مع اقتباس
قديم 07/05/2009   #8
صبيّة و ست الصبايا بنفسجة
عضو
-- مستشــــــــــار --
 
الصورة الرمزية لـ بنفسجة
بنفسجة is offline
 
نورنا ب:
Jun 2007
المطرح:
ضيعة تشرين
مشاركات:
5,641

افتراضي


النبل والكرم
من انبل واكرم ممن ضحى بروحه وجسده ليبقى الوطن

ياوطني يسعد صباحك
متى الحزن يطلق سراحك
الابتسامة النبيلة هي التي تخرج من قلب يبكي هكذا انا قررت
((((*(*(*(*(*(*(*عصابة الملوك *)*)*)*)*)*)*) ))))
  رد مع اقتباس
قديم 07/05/2009   #9
صبيّة و ست الصبايا sona78
عضو
-- مستشــــــــــار --
 
الصورة الرمزية لـ sona78
sona78 is offline
 
نورنا ب:
Jun 2008
مشاركات:
1,993

افتراضي


وردة الارواحن .. وارواح يلي اجو بعدون .. وما اكترون

يسلمو سام ع المجهود .. للصراحة اول مرة بعرف اسماءالشهداء كلهون

قلي لي احبك
كي تزيد قناعتي اني امرأة
قلي احبك
كي اصير بلحظة .. شفافة كاللؤلؤة
  رد مع اقتباس
قديم 07/05/2009   #10
شب و شيخ الشباب ..AHMAD
مشرف
 
الصورة الرمزية لـ ..AHMAD
..AHMAD is offline
 
نورنا ب:
Jan 2008
مشاركات:
4,906

افتراضي


ما قدرت قول رحمة الله ... لأنهن ما استشهدو كرمال الله

بس فيني قول

رحمة الوطن تهبط ع كل شهيد ... فيهن

وبلكي رحمة هالوطن تهبط علينا ، حاجتو شهدا

  رد مع اقتباس
قديم 07/05/2009   #11
شب و شيخ الشباب ..Jimy
عضو
-- قبضاي --
 
الصورة الرمزية لـ ..Jimy
..Jimy is offline
 
نورنا ب:
Aug 2006
المطرح:
بمدينة الياسمين..بس حياتي بالوادي
مشاركات:
731

افتراضي


اقتباس:
كاتب النص الأصلي : saman عرض المشاركة
بعيداً عن العواطف ...
وبعيداً انو انا ضد الاعدام بمختلف اشكالو واسبابو ...
بس هي الجملة ... يا ترى بتدل انن كانوا عم يتعاملوا مع دولة اجنبية ... يعني بتدل انهن كانوا عملاء او شي ؟؟
انا ما عم سيئ الهن ... بس معلوماتي ضئيلة عنهن للاسف ... والشي يلي بيدرسونا ياه بكتب التاريخ بالمدارس .. انا ما بثق فيه ....
ازا حدا عندو معلومات او رأي .. يتفضل ... هون او بموضوع منفصل منشان ما نحوّر محتوى الموضوع ...
و
لا ابدا عزيزي سامان..
التعامل مع دولي اجنبية مانو عمالي في حال كان بلدك محتل ..
وعمدى التاريخ كان المقاومين بيطلبو الدعم من الدول المجاورة أو الصديقة أو يلي ممكن تساعدن..


حتى يوم جلاء المستعمر الفرنسي.. كان الانكليز الهن دور كبير فيه..
(كمان انا معلوماتي مبهمي وشوي ضئيلي)



وتحية لشهدائنا

At the end everything will be OK..
If it's not OK..
So...it's not the end.

"Sa'do I Trust In U"
It's Kind Of Revolution
A m a r t a
  رد مع اقتباس
قديم 07/05/2009   #12
شب و شيخ الشباب mhsen77
عضو
-- زعيـــــــم --
 
الصورة الرمزية لـ mhsen77
mhsen77 is offline
 
نورنا ب:
Nov 2008
المطرح:
بين البيت و الشغل ما عم افضى لشي تاني
مشاركات:
1,497

إرسال خطاب MSN إلى mhsen77 إرسال خطاب Yahoo إلى mhsen77
افتراضي


لا اقل من وقفة اجلال و احترام لاشخاص ضحوا بارواحهم في سبيل الوطن و في سبيل ما آمنو به





شكرا سام على هالتذكير الراقي باسماء هؤلاء العظام
في اسماء كتير عنا بحمص بنسمع فيها بس بتوقع قليلين بيعرفوها متل عبد الحميد الزهراوي و رفيق رزق سلوم
و اليوم انا بس عرفت شو تاريخ هالاسماء هي
  رد مع اقتباس
قديم 07/05/2009   #13
شب و شيخ الشباب سيجارة
عضو
-- قبضاي --
 
الصورة الرمزية لـ سيجارة
سيجارة is offline
 
نورنا ب:
Oct 2008
المطرح:
IN HILL
مشاركات:
441

إرسال خطاب Yahoo إلى سيجارة
افتراضي


رحمة الله عليهم
ولكن للأسف لحد هلأ ما أثمرت دماؤن أي شي
هي من وجهة نظري
لأنو لحد الآن ما تحررنا فالاستعمار ما زال موجود ولكن بشكل آخر

سوف أعلن عليك الحب
وأختم على ذاكرتي بالشمع الأحمر........

ادخلو بصمت واخرجوا بصمت حتى تنطفئ تلك الشعلة الزرقاء .
  رد مع اقتباس
قديم 07/05/2009   #14
شب و شيخ الشباب ابو نجبوعضو مساهم
-- مستشــــــــــار --
 
الصورة الرمزية لـ ابو نجبو
ابو نجبو is offline
 
نورنا ب:
Dec 2006
المطرح:
瓷器..china
مشاركات:
2,011

إرسال خطاب MSN إلى ابو نجبو
افتراضي


تحية اكبار و اجلال لارواحهم الطاهرة....

اللي بيتو من قزاز .....يبيعو فوراً ...أريحلو

.........

غيبة السبع ...خلّت للندل هيبة

.....

يعني ان لم تكن زئباً....ضروري تكون خروف..!!!!
  رد مع اقتباس
قديم 07/05/2009   #15
شب و شيخ الشباب سوا ربينا
عضو
-- مستشــــــــــار --
 
الصورة الرمزية لـ سوا ربينا
سوا ربينا is offline
 
نورنا ب:
Oct 2007
المطرح:
انا والاردن بقلب بعضنا
مشاركات:
2,815

إرسال خطاب MSN إلى سوا ربينا
افتراضي


تحية شرف لكل شهيد وتحية شرف لكل نقطة دم لشهيد روت فيها الارض...

إذا كان حبي للاردن عنصرية... فليشهد العالم اني اكبر عنصري

-------------------------------
N 1 H 1>>No One Have One

ماحدا لحدا >>>يا حبيبي (:
  رد مع اقتباس
قديم 04/08/2009   #16
شب و شيخ الشباب i m sam
عضو
-- زعيـــــــم --
 
الصورة الرمزية لـ i m sam
i m sam is offline
 
نورنا ب:
Jul 2008
مشاركات:
1,245

افتراضي


اقتباس:
كاتب النص الأصلي : saman عرض المشاركة
بعيداً عن العواطف ...
وبعيداً انو انا ضد الاعدام بمختلف اشكالو واسبابو ...
بس هي الجملة ... يا ترى بتدل انن كانوا عم يتعاملوا مع دولة اجنبية ... يعني بتدل انهن كانوا عملاء او شي ؟؟
انا ما عم سيئ الهن ... بس معلوماتي ضئيلة عنهن للاسف ... والشي يلي بيدرسونا ياه بكتب التاريخ بالمدارس .. انا ما بثق فيه ....
ازا حدا عندو معلومات او رأي .. يتفضل ... هون او بموضوع منفصل منشان ما نحوّر محتوى الموضوع ...
و
آسف على النكش والتأخير بالرد لكن لليوم بس لقدرت احصل على مصدر أأقدر اوضح الفكرة وبصراحة كان تقصير مني بالأساس اني ما حطيت المعلومات الكاملة لذلك واجابة على هالسؤال يقول الرئيس فارس الخوري في أوراقه وذلك بعد اعدام القافلة الثانية في 6 أيار وصدور الكتاب الاحمر من جمال باشا السفاح لتبرير حكم المحكمة والاعدام وتفنيدا لما ورد في كتاب السفاح وهنا أقتبسمن كتاب أوراق فارس الخوري الكتاب الأول الصفحة 157 :

" إن هذه الوثائق لا تحوي أسبابا كافية لتبرير حكم الاعدام.وإذا قوبلت مع نصوص قانون الجزاء لا نجد واحدة منها تصلح لأن تكون مستندا للحكم بالموت إذ إن الاتصال المزعوم بين واحد من الشهداء المرحوم شفيق بيك المؤيد وبين سفير فرنسا أو قنصلها لم يثبت الا بصور مكاتيب صادرة عن السفير أو القنصل وليس هنالك وثيقة خطية من شفيق بيك أو شهادة شخصية تثبت عليه اتصاله مع أجانب بهذا الشكل , زد على ذلك أن هذه المخابرة على فرض صحتها لم تقع في زمن الحرب مع فرنسا -حرب الدولة العثمانية مع فرنسا- بل وقعت قبل سنة 1913 يوم كانت فرنسا صديقة للدولة العثمانية , وليس فيها اغراء لدولة أجنبية على حرب الدولة وقتالها .... بل كانت عبارة عن طلب التوسط لدى السلطنة لإنالة العرب حقوقهم أو لاجراء الاصلاحات المقترحة في بلادهم.... وفوق ذلك هذه الوثيقة تناولت شفيق بيك لوحده وليس فيها ذكر لغيره...."

رح حاول اعمل موضوع متكامل عن هالمناسبة هي بأقرب فرصة بس خفت الوقت ما يسعفني لذلك فضلت نزل هالرد اولا ... والشكر لمرسيل لانها نصحت بكتاب "اوراق فارس الخوري"
  رد مع اقتباس
قديم 04/08/2009   #17
شب و شيخ الشباب ِAbu Alzooz
عضو
-- مستشــــــــــار --
 
الصورة الرمزية لـ ِAbu Alzooz
ِAbu Alzooz is offline
 
نورنا ب:
Jul 2005
المطرح:
السما السابعة
مشاركات:
3,586

افتراضي


الرحمة الهون

*** لنصير مزبلة و بدون تاريخ ***

"محمد الماغوط "

حطم سيفك , تناول فأسك , و اتبعني و ازرع السلام و المحبة في كبد الأرض

"رسالة الرب بعل إلى شعبه السوري "

عالوعد يا كمون


أخوية ... أبو وليام على طول الدرب
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 12:51 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.13332 seconds with 12 queries