صدقني .. لست وحدك ... يوجد سبعة منك

[ريتــا]

كاتب النص الأصلي : باشق مجروح

ستي الله يقويكي

وتعيشي و تجيبي مقالات حلوة
ودراسات أحلى
بتمنى الدراسات تكون اما ذات طابع علمي بحت
او ازا دخل فيها الدين ما يقتصر على وجهة نظر دين واحد او طائفة واحدة

تسلم يا رب
راح تكون الدراسات ذات علمي بحت
و هيك راح يصير
الدراسات الي موجودة عندي مبنية على نظريات عديدة
و ما راح تكون مقتصرة ع دين واحد
هاي الاشياء معروفة بجميع الاديان و معترف فيها
و اغلبها ما راح يكون فيها الا دلائل علمية



اعذرني ع اللخبطة بالرد
قلة النوم مأثرة

مشكور ع الرد مرة تانية

[bboobb]

اموضوع حلو ويستاهل النقاش لانو خلط عدة مفاهيم وبيعمل فضول عند الناس لمعرفة تكوين هالبني ادم اللي هو نحنا على كل حال بالقران ربنا بيقول ( قل الروح من امر ربي ) فما بفكر بهالا مر كتير بس بقية ماتبقى فيها وجهة نظر مختلطة بمفاهيم صوفية ربما ابتعدت عن المفهوم الحقيقي فالصوفية تعتمد على الغموض في التعبير عن ماتريد وكيف تريد وماذا تريد . حدا فهم شي

[afrakosh]

كل الافكار تحتمل الصدق و الكذب
و الاراء و الافكار التى تتعلق بمسئلة الانسان و اقسامه و اجسامه
عديدة و لكنى احتاج الى ادله اكثر من هذا كى اقتنع بفكرة ما

و لكن شكرا عل الموضوع و على الفكرة

فى انتظار المزيد

[Remember Me]

ولي وجعني راسي

[واحد_سوري]

موضوع حلو كتير بتمنى المتابعة انا قريت عن هيك شي بكتاب اسمو مفتاح الثيوصوفيا

[فلسطيني ولا تقرف]

كاتب النص الأصلي : ريتــا

وقد أثبت العلم الحديث ( متأخراً جداً !) أن وراء المادية والعقائد العقلية والكفران بالغيبيات عالماً حقيقياً روحياً له قوانينه وأخلاقه ، ان الاعتقاد في الروحانيات معناه التيقن بوجود عالم الغيب بما يحويه من أجسام مختلفة الشكل والتركيب وكذلك الاعتقاد التام في الروح الأعظم خالق السماوات والأرض سبحانه وتعالى .. ان التعمق في الروحانيات يؤدي بالانسان إلى التدين الصحيح وفهمه على أسس سليمة .. وعلى هذا فإن العلم الذي يكتشف كل يوم خفايا ما كان يجهله الانسان سوف يصل به في النهاية إلى أبسط الحقائق التي مرت بالانسان على مر السنين .. والتي نادت بها جميع الأديان السماوية وهي الدعوة إلى التوحيد والايمان اليقيني بالله الخالق المدبر لهذا الكون العظيم ..


* هل للانسان أكثر من جسم ؟ و ماهي هذه الأجسام السبعة ؟

كيف بعرف حاليا احد التوجهات السائدة والي عم يزيدو اتباعها يوميا وخاصة تحت اطار ما يعرف بفلسفة العلم, هي انو الانسان جسم وبس, وكل تصرفاته وحتى مشاعره تنبع من طبيعة المواد التي تركب جسمه ليس اكثر, فالانسان مرتبط بجسمه "الارضي" - او هو هذا الجسم لا غير - ارتباطا وثيقا وكل ما يفعله هو انعكاس لطبيعة هذا الجسم... وعشان هيك دايما كانت حاجاتنا البشريه التافهة هي الي بتحركنا, والروح بحسب هذا التوجه ما هي الا محصله لكل ما يركب الجسم, والفكر هو عبارة عن التحركات المختلفه للماده في هذا الجسم.....

ومتأسف سلفا اذا هاي الاشياء بتجرح حدا, حبيت اوصل المعلومه مش اكثر

[ريتــا]

اول شي بشكر كل الي مروا و ردوا ع الموضوع ,,
تاني شي اخ فلسطيني
خيي , هاي منها توجهات سائدة
ولا هي مفاهيم بعيدة عن الدين و عن المنطق
هيدا علم قائم بحد ذاته
علم الروحانيات
و الي بيتفرع منو علم الطاقة
الي هوي طلع منو هالحكي
الحكاية و ما فيها
انو هاي الاجسام عبارة عن مستويات طاقة
ما بعرف اذا بدي اشرح الامر راح ضلني سنة اشرح فيه
راح وضحلك مثال ما بعرف اذا راح تفهم عليي
هلأ الانسان
لما بيكون بيصلي , بيكون بقمة الراحة و الاسترخاء
هيدا الشي ناتج عن انتقالنا او ارتباطنا مع الجسم ةالاثيري
مثل تاني
لما الواحد يفيق على صلاة الفجر
او بشكل عام يفيق الفجر
و لما يصلي الفجر
بتلاقيه طول النهار نشيط و عندو طاقة
هيدا الحكي الو علاقة بالي نقلتو الكون

كل شي بيصير معنا الو سبب
و كل شي العلماء فسروه من القرآن
اشيا كتيرة لو تعمقنا فيها بتوضحلنا تركيب الانسان اكتر
و الحاجات البشرية الي انت قلت انها بتحركنا
ناتجة من شي
من العقل الغريزي
الي هو بيتحكم بكل حاجاتنا البشرية و بكل عواطفنا وب كل هاي الاشيا
هلأ المووضوع معقد شوي و انا غشيمة شوي بحكاية الشرح
راح ابقى نزل مواضيع تانية
يمكن تقدر توضح هاي النظريات اكتر
ع العموم شكرا ع ردك

[منشد2006]

أنا بشكر صاحب الموضوع على هذا الموضوع الرائع
أنا بصراحة بحب الكلام هاد ومقتنع فيه تمام
وبحاول أقنع الناس بس ما بيقتنعوا
يمكن لأنهم لسا عايشين في الجسم الأول والتاني بس و
ما وصلوا لفكرة الأجسام الأربعة أو الخمسة أو الستة
وبحيي صاحبة المشاركة هاد وأتمنى لها دوام التميز والإبداع


منشد2006

[HashtNasht]

هذا الجسد الطيني ( الأرضي ) هو واحد من سبعة أجسام لها درجات مختلفة من الكثافة أو الذبذبة وهو أثقلها ( أي أقلها ذبذبة ) وهو الوحيد الذي يقع في نطاق رؤيتنا .. أما الباقي فكل منها يكون في مستوى أثيري في درجة ذبذبة مختلفة .. والروح الحقيقية توجد داخل هذه الأجسام السبعة والتي تحجب الروح بدرجات متفاوتة .

وكلما تقدم الانسان روحياً فإن ضميره يمر من المستوى الأثيري المنخفض صعوداً إلى المستوى الأعلى ، وبذلك يتضح أكثر نور روحه وتسمو أفعاله وأخلاقه ( وهذا ملاحظ عند بعض العلماء والعارفين حيث تجد وجهه مشرقاً بالنور والضياء وما هذا إلا انعكاس بسيط لنور روحه وضياءها ) .

انا شخصيا ما بعتقد انو سبب اشراق وجوه بعض العلماء و العارفين بالنور الضياء هو انعكاس نور الروح ...انا بميل لنظرية جيليت ...يعني اغلب الظن انو الشباب بيستخدمو ا Gillette M3POWER NITRO و بعدين شوية DENIM BLACK و شوفي الاشراق ...يعني ما شي فوق الاثيري بكتير ..شو جاب للجاب !!!!!
شوفيلي هالاشراق ..بالله ما احسن من الاثيري !!!

[ريتــا]

كاتب النص الأصلي : منشد2006

أنا بشكر صاحب الموضوع على هذا الموضوع الرائع

أنا بصراحة بحب الكلام هاد ومقتنع فيه تمام
وبحاول أقنع الناس بس ما بيقتنعوا
يمكن لأنهم لسا عايشين في الجسم الأول والتاني بس و
ما وصلوا لفكرة الأجسام الأربعة أو الخمسة أو الستة
وبحيي صاحبة المشاركة هاد وأتمنى لها دوام التميز والإبداع

منشد2006

مرحبا ,,
الشكر الك , مش الي
انا دايما بحكي انو الشي الي الناس ما بتفهموا ما راح يقتنعوا فيه
و بعدين الناس بتحب تشوف كل شي و تلاقي دلائل ملموسة ع كل شي
ما حدا ممكن يفهم هاي الدراسات و يآمن فيها ع المظبوط الا اذا كان دارسا
بس هيانا عرضنا افكارنا ع الناس
يمكن يقتنعوا,,
و متل ما قلت , اغلب الناس ما بيصدقوا هالكلام لانون ما عندون تطور روحي ,
ع العموم شكراً ع مرورك و ردك

[ريتــا]

كاتب النص الأصلي : hashtnasht

انا شخصيا ما بعتقد انو سبب اشراق وجوه بعض العلماء و العارفين بالنور الضياء هو انعكاس نور الروح ...انا بميل لنظرية جيليت ...يعني اغلب الظن انو الشباب بيستخدمو ا Gillette M3POWER NITRO و بعدين شوية DENIM BLACK و شوفي الاشراق ...يعني ما شي فوق الاثيري بكتير ..شو جاب للجاب !!!!!
شوفيلي هالاشراق ..بالله ما احسن من الاثيري !!!

ههههههههههههه
هلأ شوف , انا قلت انو اشراقة الوجه بتجي نتيجة التطور الروحي عند الانسان, انا مثلا ما بستعمل جيليت بس وشي في اشراقة الحمد الله يعني
و انا بعتقد انو هيدا سبب للتطور الروحي عندي ,
و كمانا ما ضروري كل واحد وشو منور خلص معناها انعكاس لتطور الروح عندو
يمكن هيك الله خالقو
او يمكن تاثير جيليت
ما بعيدة
اني واي
ما الي اخلاق ناقش هلأ اكتر
و شكلك انت كمانا مقتنع اقتناع تام بنظرية جيليت
يلا مش مشكل
شكرا ع مرورك

[saman]

2- ( الجسم الأثيري ) : وهو أخف من الجسم الأرضي ويطابقه في هيئته خلية بخلية ، ويمكن طرح هذا الجسم خارجاً ومؤقتاً عند النوم أو بالارادة ويكون متصلاً بالجسم الأرضي بواسطة ما يسمى - الحبل الفضي - ( يشبه إلى حد كبير الحبل السري للانسان عند ولادته ) ويمكن لذوي موهبة الجلاء البصري رؤية هذا الجسم ، وعند الموت ينفصل هذا الجسم عن الجسم الأرضي بانقاطع الحبل الفضي المتصل بينهما ، وهذا الجسم يعيش بعد الموت في المرحلة الأولى للسماوات وهو عالم البرزخ حتى يوم القيامة .

بالفعل وهادا الجسم نفسو يلي بيكون بالحلم ...
يعني لما الواحد بيشوف حالو بالحلم انما هو عم بيشوف جسمو الأثيري مو جسمو الحقيقي ....
مشكوووورة عالموضوع الرائع ..
وبالفعل انا قريت كتييير راسات على هدول الاشياء واقتنعت فيها ....
ميرسي مرة تانية

[ريتــا]

اها صح , الانو الجسم الاثيري هو المسؤول عن التخيلات و الاحلام
يعني لما بتشوف حالك او غيرك بالحلم هيدا عبارة عن الجسم الاثيري
صح الحكي الي حكيتوه
و الحبل الفضي عبارة عن حبل وهمي
اني واي
شكرا كتير ع مرورك و ردك
و يعطيك العافية

[BL@CK]

صدقيني هالحكي كلو ضحك عاللحا ..

[Gazita]

الموضوع بدو قعدة ورواق وخصوصا انو بيحمل جانب من اسرار الرقم سبعة في تقسيم الجسم .مشكورة ريتا .

[واحد_سوري]

بنصحكون بكتاب مفتاح الثيوصوفيا ل : هيلينا بتروفنا بلافاتسكي....

رح حاول نزلو بالمنتدى لأنو كتير ألو علاقة بالحكي تبع ريتا

[ريتــا]

بلاك, كل واحد و اله رأيه و اذا رأيك هيك ما راح اقدر اقنعك بالعكس
شكرا ع كل حال على مرورك
GAZITA , تسلمي على مرورك و يعطيكي العافية يا رب
واحد سوري , ما قريتو هيدا الكتاب بس لما تبقى تنزله راح اقرا
شكرا كتير لألك