سؤال صغير(كل البنات يفوتوا)

[وهج البراءة]

أول شي مساء الخير

حبيت اطرح هالموضوع لشوف مين بيوقف معي (ما بعتقد في بنت رح توقف مع اي شب)

ليش الشباب بيحبوا يتسلوو ع البنت ؟؟؟؟
وبيعيشوها بحب بالآخر يطلع كذبة
صحي في حب صادق
ال انو احنا البنات قلبنا كبير وابيض
وبنخلص بالحب لو شو ما صار بنكون وفيين لهالشخص اللي بنحبوا
بس بالآخر يجرحنا وبكل سهولة بيحكي ما عمري حبيتك
بيكسرونا بكلمة فكرهن سهلة وبنتقبلها هيك طيب ليش بس حدا يفهمني بلكي انا جدبة وما بفهم؟؟؟؟ او انو هاد شي عادي وبنتعود عليه؟؟؟؟
يمكن هو كشب فيه ينسى بسرعة بس احنا لو شو ماصار ما بننسى حب حبيناه من كل قلبنا صح ولا انا
غلطانة؟
ما بعرف طلع هالحكي وحابة وحابة ناقش هالشي معكن
اقرأو هالقصة وانتو احكموا


لماذا خلقت حواء من ادم وهو نائم..؟؟؟حين خلق الله ادم عليه السلام كان هو أول بشري وُجد .. كان يسكن الجنة و بالرغم من كل ما هو موجودٌ هناكاستوحش ...
فحين نام خلق الله حواء من ضلعه ....!!!
يا تُرى ما السبب ؟؟!!...
لِما خُلقت حواء من آدم و هو نائم ؟؟!!!
لِما لم يخلقها الله من آدم و هو مستيقظ ؟؟!!
أتعلمون السبب ؟؟يُقال إن الرجل حين يتألم يكره، بعكس المرأة التي حين تتألم تزداد عاطفةً و حباً !!...
فلو خٌلقت حواء من آدم عليه السلام و هو مستيقظ لشعر بألم خروجها من ضلعهو كرهها، لكنها خُلقت منه و هو نائم .. حتى لا يشعر بالألم فلا يكرهها..
بينما المرأة تلد و هي مستيقظة ، و ترى الموت أمامها ، لكنها تزداد عاطفة ...
و تحب مولودها ؟؟ بل تفديه بحياتها ...
لنعدْ إلى آدم و حواء ..
خُلقت حواء من ضلعٍ أعوج ، من ذاك الضلع الذي يحميالقلب ...
أتعلمون السبب ؟؟لأن الله خلقها لتحمي القلب .. هذه هي مهنة حواء .. حماية القلوب ..
فخُلقت من المكان الذي ستتعامل معه ..
بينما آدم خُلق من تراب لأنه سيتعامل مع الأرض ..
سيكون مزارعاً و بنّاءً و حدّاداً و نجاراً ..
لكن المرأة ستتعامل مع العاطفة ... مع القلب .. ستكون أماً حنوناً ..
وأختاً رحيماً .. و بنتاً عطوفاً ... و زوجةً وفية ..
خرجنا عن سياق قصتنا ..
لنعدْ ....
الضلع الذي خُلقت منه حواء أعوج !!!!
يُثبت الطب الحديث أنه لولا ذاك الضلع لكانت أخف ضربة على القلب سببت نزيفاً ،فخلق الله ذاك الضلع ليحمي القلب .. ثم جعله أعوجاً ليحمي القلب من الجهة الثانية ..
فلو لم يكن أعوجاً لكانت أهون ضربة سببت نزيفاً يؤدي - حتماً - إلى الموت ...
لذا ....
على حواء أن تفتخر بأنها خُلقت من ضلعٍ أعوج ..!!
و على آدم أن لا يُحاول إصلاح ذاك الاعوجاج ، لأنه وكما أخبر النبي صلى الله عليه وآله و سلم ،إن حاول الرجل إصلاح ذاك الاعوجاج كسرها ..
و يقصد بالاعوجاج هي العاطفة عند المرأة التي تغلب عاطفة الرجل...
فيا ادم لا تسخر من عاطفة حواء ...
فهي خُلقت هكذا ..
و هيجميلةٌ هكذا ...
و أنتَ تحتاج إليها هكذا ..
فروعتها في عاطفتها ..
فلا تتلاعب بمشاعرها ....
و يا حواء ، لا تتضايقي إن نعتوكِ بناقصةعقل ...
عاطفتكِ الرائعة التي تحتاجها الدنيا كلها ...
فلا تحزني.....
أيتها الغالية ...... فأنتِ تكادِ تكونين المجتمع كله ..
فأنتِ نصف المجتمع الذي يبني النصف الآخر

؟؟؟؟؟؟
(خلينا نشوف بقى شو ردكن ع الموضوع)

[سارة$$$]

حكيك حلو وصحيح
بس طبعا برجع للانسان نفسو وطبعا كل واحد رح يفوت رح يحكي انو مافي منو ومن اخلاصو
سواء بنت اوشب (يعني كل واحد مر بقصة وانجرح رح يتهم الطرف التاني)
وانا معك اغلب قصص الحب ضحيتها البنت مهما كانت الظروف حتى لو كان هالشي مو بارادة الشب
يعني غصب عنو يمكن بتكون اكتر تاثر لانو هيك هي يمكن لانها عاطفتها وقلبها رقيقة
يمكن لانها احيانا كتير قلبها اللي بحكمها

[MaTyA]

مسا النور

انا بتفق معك انو البنات نصف المجتمع وبالتالي الشباب هني النصف الاخر
بس يعني بختلف معك انك عم تحكي بـ اسلوب الشمل يعني عم تشملي الكل

انا برايي انو النسب متفاوتة ، والقصة كلها على بعضها نسبية ، يعني في بنات صادقات بالحب وبامور غير الحب وفي بنات لاء ونفس الشي الشباب في منهن صادقين وفي منهن لاء ، وانتي بتقولي انو الشباب دغري بينسو اللي حبو وانو البنت لاء ، فـ برايي انو هون كمان في نسب متفاوتة لانو في بنات ما بتحب اصلا لتنسى الحب يعني بتكون بس هيك بتتسلى او في تفكير للاسف انو بس بدهم يتزوجو انو عم يدعو بيحبو بس لانو بدهم يتزوجو واذا بيلاقو احسن من هالشب اللي صاحبوه بيبدلوه بسهولة ( بيأسفني هالتفكير عند البعض ) وفي بنات عنجد متل ما قلتي ما بتنسى حب حبتو ، ونفس الشي الشباب ، في شباب بينسو بسهولة وفي شباب بيتاثرو من خيانة وغدر وبينجرحو اكيد وما بينسو ...

بس عاد القصة صفت انو وين نسبة الوفاء للطرف الاخر اكتر ( عند الشباب ولا البنات؟؟)
لا حدا يفكر يجاوب لانو اي جواب نسبي بتقولو فيه نسب بدون احصائيات جدية بيكون جواب خاطئ

تحية

[Odell]

الرجل حين يتألم يكره، بعكس المرأة التي حين تتألم تزداد عاطفةً و حباً


نحنا عشان هيك بنجرحكم
مشان تحبونا اكتر

[afrakosh]

الموضوع جميل جدا على فكرة
و بجد حاجة انا فرحانة انى عرفتها
وانتى بجد كاتبة الموضوع بشكل جميل



و عايزة اقولك ان حواء سبب انها بتنجرح كتير هوه انها بتحب الحد الغلط ببساطة

و عايزة اقولك ان مش ابنات ب همه الى بيعانوا من المشكلة دى

كتير من الولاد الى بيعرفوا بنات بيبقوا نفسهم يلاقوا واحد على حسب تعبيرهم ( محترمة)


يعنى الناس كلها بتدور على الحب الحقيقى

لكن يمكن احنا بنتجرح لما بنحب الحد الغلط علشان هوه مابيكونش بيحبنا اصلا
لان الحب درجه اعلى من الود و الرحمه ولما يكون الانسان ده لا بيودنا ولا بيرحمنا
يبقى من السذاجة انحنا نفتكر انوا بيحبنا



:h art:

[MaTyA]

كاتب النص الأصلي : Odell

الرجل حين يتألم يكره، بعكس المرأة التي حين تتألم تزداد عاطفةً و حباً


نحنا عشان هيك بنجرحكم
مشان تحبونا اكتر

ايوه ، اقنعتنا يا رجل

[afrakosh]

كاتب النص الأصلي : Odell

الرجل حين يتألم يكره، بعكس المرأة التي حين تتألم تزداد عاطفةً و حباً


نحنا عشان هيك بنجرحكم
مشان تحبونا اكتر

سبب وجيه

[وهج البراءة]

صح حكيكن
انا مو قصدي كل الشباب في شباب هيك وفي بنات هيك وفي فئات تغلب ع التانية ..تعودنا انو الشب اكتر اشي اللي بيجرح منشان هيك البنات ياخدوها عادة هلأ لأنهم يجرحوا
بالنسبة إلي ما بعمري بفكر اجرح حدا لأني انا انجرحت بما فيه الكفاية وما بدي عيّش حدا باللي انا عشته بس مو مشكلة تعودت ع الصدمات وبتعود ع اللي بيجي..

[MaTyA]

كاتب النص الأصلي : وهج البراءة

صح حكيكن
انا مو قصدي كل الشباب في شباب هيك وفي بنات هيك وفي فئات تغلب ع التانية ..تعودنا انو الشب اكتر اشي اللي بيجرح منشان هيك البنات ياخدوها عادة هلأ لأنهم يجرحوا
بالنسبة إلي ما بعمري بفكر اجرح حدا لأني انا انجرحت بما فيه الكفاية وما بدي عيّش حدا باللي انا عشته بس مو مشكلة تعودت ع الصدمات وبتعود ع اللي بيجي..

اي بس حبيبتي ما تخلي نظرة او بالاحرى طابع الغدر مترسخ بذهنك
يعني حلو انك تعرفي انو مو الكل رح يغدرو فيكي متلا وانو مو لكل رح يجرحوكي

يعني لا تاخدي فكرة مسبقة انو الكل سواسية ( هالكلمة ذكرتني بـ باشق )
يعني خلي عندك حذر وبنفس الوقت اذا شفتي انسان بيستحق الثقة ( غير المطلقة ) اوثقي شوي صغيرة بس

[وهج البراءة]

بالعكس مش ما مخليه شي ببالي ابدا
صرت ماخدة كل شي بهدوء وما في شي بيأثر فيي

تسلمي صعبة كتير
رح روح هلأ عندي امتحان بكرا
ادعووووولي

[ِAbu Alzooz]

صحي في حب صادق

لا ..................

[مسلم محب]

الحب الحقيقي يكون بعد الزواج وباقي تلك المشاعر هي بدايه السقوط _الحب هو رقيه الزنا
الاعلام سيطر على عقول الشباب فاصبح الشاب والشابه يريدون ان يحبوا وينحبوا ويضحوا من اجل ذلك الحب الوهمي(بماذا ؟ الله اعلم) الذي زرعته الافلام والقصص فعندما يلتقي شاب بفتاه ومن اول نظره يعجبوا ببعض(هههه الحب من اول نظره)والسبب ان كل واحد منهم يريد ان يحب فهو جاهز ذهنيين لهذا الامر
اذا جلس شاب مع فتاه يقول دعات الانحلال عنا متخلفون ...رجعيون ..انها خلوه بريئه واذا عبث بها يستمرون بالدفاع ويقولون ماذا حدث (شباب وبلعلوا)ماذا حدث ما زالت عذراء ...واذا فقدت عذريتها يستمرون في الدفاع بفخر وبقولون ضحت ؟ انها ضحت باغلى ما تملك من اجل حبها ..واذا اصبحت قرص ياكل منه الجميع؟..يستمرون بالدفاع ودموع التماسيح تتساقط مشيرين اليها انها ضحيت الحب النبيل ..هذا هو مسلسل الدعاره تحت مسمى الحب واقول لكل اخت فاضله احذري ليس من الشباب بل احذري من نفسك واقول هذا مسلسل له مجموعه حلقات تبدأ بابتسامه وتنتهي بمهانه فاتركيه وابتعدي عنه فانت العفيفه الطاهره بحيائك وبارك الله في نساء المسلمين
قال عليه السلام استوصوا بالنساء خير والسلام على من اتبع الهدى

[المحارب العتيق]

كاتب النص الأصلي : وهج البراءة

صح حكيكن
انا مو قصدي كل الشباب في شباب هيك وفي بنات هيك وفي فئات تغلب ع التانية ..تعودنا انو الشب اكتر اشي اللي بيجرح منشان هيك البنات ياخدوها عادة هلأ لأنهم يجرحوا
بالنسبة إلي ما بعمري بفكر اجرح حدا لأني انا انجرحت بما فيه الكفاية وما بدي عيّش حدا باللي انا عشته بس مو مشكلة تعودت ع الصدمات وبتعود ع اللي بيجي..

أذا كان كل كلامك هو وجهة نظري وأنا شب فوين المشكلة
يظهر أنو المساواة يلي بتنادي فيها البنت سبقتنا بهالموضوع
بس الأكيد انو مافي محب بيقصد يجرح حبيبو

[sireen]

اطلعي

ليش الشباب بيحبوا يتسلوو ع البنت ؟؟؟؟

عشان معظم الشباب الوسخين بيبحثوا عن انسان ضعيف والمراة ضعيفة بطيبتها وبرقتها فبيستغلوا هاي النقطة
فقط للتسلية والي بيجرح بقصد بيكون عمره ما عرف الحب عشان لو عرفوا كان حافظ عليكي منه

ليش بس حدا يفهمني بلكي انا جدبة وما بفهم؟؟؟؟
لا انتي بتفهمي ونص بس يمكن لو حصل معك هيك طبيبة قلبك عماكي خليكي تختار الرجل الخطىء والي
ما عنده نية الزواج والمحافظة بس بدو يضيع ما تبقى من وقته الضايع

انو هاد شي عادي وبنتعود عليه؟؟؟؟

لا طبعا مش عادي هدا التصرف كله غلط ولو انجرحتي مرة اوعك ترجعي تفتح باب قلبك لحدى من السفهاء
واعرفي شغله انه الحب هو كيف التنين بيقدرو يتعايشوا معه بشكل الصح يعني في علاقات ناجحة لو سؤالك انه عادي كان الدنيا مسخرة صارت

يمكن هو كشب فيه ينسى بسرعة بس احنا لو شو ماصار ما بننسى حب حبيناه من كل قلبنا صح ولا انا
غلطانة؟

شوفي لو حبك بجد هاي والله العظيمممممممم راح يعيش ويموت على انه يرجع يشم ريحتك وترجعي حولي
ولو ما حبك اي ما بتشغلي لحظة من حياته

بالنهاية صدقيني الشغلة بتعود على اختيارك وقديش مستوى وعيك ونضجك وصدقيني عيشي حياتك بشكل الطبيعي
لانه الا ما تقرع اجراس ابوابك بانسان صادق من جديد
ولا تحزني ولا على بالك بلعكسسسسسسسسسسسسسسس لازم تشكريه لانه التجارب غالية كتير وهو اعطاكي تجربة هتفيدك كل حياتك

[وهج البراءة]

تسلمي سيرين كتيييييييير نصياحك حلوة
وان شاء ما بتروح هيك إلا ما فادتني جد
سلمي مرة تاني
وكل سنة وأعضاء اخوية سالميين يا رب

[Damask Rose]

بصراحة كلامك جدا جدا حلو
ومافيي قلك الا انك ضربتي الوجع
بصراحة هالسؤال بسألو كتير لحالي حتى انا ورفقاتي كتير بنتناقش فيه
ليش نحنا البنات بنهتم اكتر بينما هم الشباب مابتفريء معهم... ان شاالله نموت قهر.. شو ممكن يقولو؟؟؟ (( خلص حب وراح)) مش هاد الي بصير هالايام؟؟؟؟
وبتعرفي؟؟
بلشت اخاف انو يمكن مافي حب هالايام
والله بتمنى الايام تثبتلي عكس هيك انو ماعاد الي ثقة بحدا

وعلى فكرة بتشكرك عالموضوع الحلو
يسلمو ايديكي حبيبتي

[THE_unforgiven]

صاير في بغيبتنا عقول متوجع راسها بالتفكير ..بشغلات أكبر منها ... الله يوفقكون اللي ما بيفهم بالموضوع ليش بيدحش انفو فيه .... لك ما حدا بيعرف شو معناة حب .,... حب ... بمعنى الحب ... الحب إذا بدي اشرحلكون عنو ... ما بخلص ... الحب رح اختصرو بكلمة ... مانو جنس وبس ... مانو حكي وبس ... مانو اشتياق وبس ... الحب ... تضحية وتقدير ظروف الآخر ... ومحاولة إسعادو ... ومحاولة نشر السلام ... وبس

[وهج البراءة]

يا خيي احنا ما قلنا شي
بس في كتيير ما بقدروا هالشي
اي بنعرف انو الحب تضحية للطرف التاني بس ما بعتقد بزمنا هاد في واحد بيحكي او بيهموا الطرف التاني
يمكن بيسعدو بس كم يوم شهر شهرين ولا سنة وبعدين خلص مل منو بينتقل لتاني صح ولا غلط؟؟لا تحكي غلط لأنو اي صح وكتير بتصير
على العموم انت شايف هيك يمكن لأنك عم تمر فيه او انك مخلص للي بتحبها وما عم تتسلى عليها بس غيرك لأ
مش شايف اللي انت شايفه
بعدين ان شاء الله ما في زعل بينا بيظل وجهة نظر

تسلم ع مشاركتك