نكهة دمشق(شامي حتى العضم)

[f_fattal]

مساء الخير اخوية:
اليوم حبيت شارك معكن بموضوع يمكن بلا طعمة بس هيك متل العادة سآلة....الموضوع عن اهم المناطق في دمشق وشعورك الاول لما بتفوت عليها ..........
الميدان:تشعر وكأنك في مسلسل باب الحارة وخصوصي لما بتشوف ابو عرب حيدر يا ريت بقدر صورلكن ياه وتشوفو اللبس الفلكلوري عن جد كأنو ابو شهاب ...
الشاغور:المفروض اش يحكيلنا عن الشاغور هو ابن الشاغور معلوماتي ضحلة عن الشاغور
البرامكة:من قبل كم شهر كانت منطقة البرامكة مكان بلم جميع المحافظات يعني خليط سوري منوع
ابو رمانة و المالكي:هون بقه بتحس حالك فايت على دنيا غير دنيا الصبايا غير والشباب غير هون بتحس بشعور الطبقية الحقيقي اقل بيت بعشرين مليون واصغر سيارة بمليونين ...المشايخ هون 10 نجوم ....والناس السبور كمان 10 نجوم.....
ساروجة وعين الكرش وشارع بغداد: هون حارتي ومنطقتي بتلاقي الناس الأكابر يلي الواحد فيهن قاعد ببيت ورتوا عن والدوا او...ومدبر حالو كيف ما كان وهو بالحقيقة طفران بس لسة محافظ على شوية برستيج قدام الناس واهل المنطقة 90% شوام ...
التجارة: منطقة متنوعة فيها الراقصات والفنانات وال...والناس يلي بايعينها مع الخيل يا شقراء ....
قصاع وباب توما والقشلة وباب شرقي : هون بتحس بدنية تانية العجوز الأكابرية والصبية متل الفلة... الموضة.... البرستيج..يعني شغل ضوجان ...بحس كأني ببيروت ...
ما بدي طول عليكن يا ريت نتشارك بالموضوع وكل واحد يحكيلنا عن منطقتو اكتر ويعرفنا عليها اكتر......

[volanis]

هلا حبيبي انا من الصالحية الاصل و يلي تابع مسلسل ليالي الصالحية بيعرفها تمام شو هي الصالحية
بس انا ساكن بلمزه الغربية كنت طبعا انا برا سوريا هلاء
بلمزه الغربية فيها الاغلبية من سكان الشام و جد كتير بحبا هلمنطئة لانو كتير هادية و ناسا محترمين
بس بتلائي بلمزه خليط من كل المحافظات حتى الجنسيات مثلا
الشيخ سعد المزاويين الاصليين و العراقيين و لبنان
ال 86 هي ئصة تانية و كانك برا سوريا بتلائي فيها الاغلبية من الساحل و السويداء بس سكن عشوائي بشكل غريب يعني ممكن تمر ليوم من شارع و بكرة تلائيه تسكر لانو بيعمرو غرفة
عندك ورا اوتوستراد المزة و مشفى الرازي بئا هادا فلكلور لانو سكان المزه الاصليين لساتون محافظين على العادات من اللبس و اسلوب الحياة
بلنهاية الشام و سوريا احلى بلد بلعالم
بس في الي استفسار بخصوص انك كتبت عن القصاع و باب توما كانو بيروت من الموضه و البرسنيج شوف حبيبي لبنان يلي بروح الها زيارة بيروح للمناطق السياحية يلي فيها مناظر حلوة و مطاعم فخمة يعني ما بتشوف فيها الا الضوجان و البرستيج و الصبية الحلوة
بس تاكد تمام لو بتروح متلي سياحة على شي بلد و بتزور كل البلد من الاحياء الفئيرة للغنية لعرفت شو هي بيروت و شو بتلم و بتعرف انو مجرد اسم و بس و تاكد تمام انو الست الكبيرة بي سوريا المئدرة و المحترمة و فيها وقار و احترام بتشرف الف الف ست كبيرة من اي بلد تاني
و لا تفكر ابدا انو في جمال من بعد جمال الصبية السورية لانو فيها الاخلاق و الجمال و صفاء الروح و احترام الشريك مين ما كان يكون صديق او زميل او لاخص زوج
صدقني عزيزي غلط كبير انك تشبه سوريا لبلد تانيه لان ما حدا بيشبهنا لانو نحنا الافضل

[f_fattal]

كاتب النص الأصلي : volanis

هلا حبيبي انا من الصالحية الاصل و يلي تابع مسلسل ليالي الصالحية بيعرفها تمام شو هي الصالحية
بس انا ساكن بلمزه الغربية كنت طبعا انا برا سوريا هلاء
بلمزه الغربية فيها الاغلبية من سكان الشام و جد كتير بحبا هلمنطئة لانو كتير هادية و ناسا محترمين
بس بتلائي بلمزه خليط من كل المحافظات حتى الجنسيات مثلا
الشيخ سعد المزاويين الاصليين و العراقيين و لبنان
ال 86 هي ئصة تانية و كانك برا سوريا بتلائي فيها الاغلبية من الساحل و السويداء بس سكن عشوائي بشكل غريب يعني ممكن تمر ليوم من شارع و بكرة تلائيه تسكر لانو بيعمرو غرفة
عندك ورا اوتوستراد المزة و مشفى الرازي بئا هادا فلكلور لانو سكان المزه الاصليين لساتون محافظين على العادات من اللبس و اسلوب الحياة
بلنهاية الشام و سوريا احلى بلد بلعالم
بس في الي استفسار بخصوص انك كتبت عن القصاع و باب توما كانو بيروت من الموضه و البرسنيج شوف حبيبي لبنان يلي بروح الها زيارة بيروح للمناطق السياحية يلي فيها مناظر حلوة و مطاعم فخمة يعني ما بتشوف فيها الا الضوجان و البرستيج و الصبية الحلوة
بس تاكد تمام لو بتروح متلي سياحة على شي بلد و بتزور كل البلد من الاحياء الفئيرة للغنية لعرفت شو هي بيروت و شو بتلم و بتعرف انو مجرد اسم و بس و تاكد تمام انو الست الكبيرة بي سوريا المئدرة و المحترمة و فيها وقار و احترام بتشرف الف الف ست كبيرة من اي بلد تاني
و لا تفكر ابدا انو في جمال من بعد جمال الصبية السورية لانو فيها الاخلاق و الجمال و صفاء الروح و احترام الشريك مين ما كان يكون صديق او زميل او لاخص زوج
صدقني عزيزي غلط كبير انك تشبه سوريا لبلد تانيه لان ما حدا بيشبهنا لانو نحنا الافضل

شكرا الك اخي العزيز ......انا لم اقصد اطلاقا ان اشبه سورية او اي منطقة فيها ببلد اخر ولكني اخذت التعبير مجازا يعني المتعارف عليه ان بيروت عاصمة الموضة وانا شبهت القصاع بها لأن الناس هناك بمنتهى الأناقة والموضة ولكن اذا التشبيه لم يكن بمكانه الصحيح فأنا اسحبه دونما تردد وفعلا دمشق لم يخلق الله مثلها ولا تزعل ولا على بالك اوكي وانا يا اخي العزيز كما قلت من البداية شامي حتى النخاع........................

[Syrian__Angel]

هئ ما قلت قبل !! كنت قايل حتى العضم .. هلأ صرت حتى النخاع

[f_fattal]

كاتب النص الأصلي : Syrian__Angel

هئ ما قلت قبل !! كنت قايل حتى العضم .. هلأ صرت حتى النخاع

هلأ انت لاحقتيني على النكشة يعني بس فهميني شو فرقت معك النخاع والعضم بالله عليك شو فرقت؟؟؟؟؟بس ماشي الحال حتى العضم احلى انا ماكتير بحب النخاعات بس اللحم بعضمو صحبة معو ........لك احلى ملاك انت ولعيونك.......