سؤال منطقي .... من أوجد الخير والشر - صفحة 2

يارا · 01/09/2006

مرحبـا انا اعتقد ان الجواب يكمن بآية في القرآن الكريم . . قوله عزّ وجلّ :

"الذي خلق الموت والحياة ليبلوكم أيكم أحسن عملاً"

والمقصود إنو اللـه خلقنـا ليختبرنـا ويشوف مين راح يمشي على الطريق الصحيح اللي هوي طريق الخير
هلء هاد شي خطر هيك على بالي فجأةً بس راح ارجع لموضوعك أسير التشرد

~YAFA~ · 01/09/2006

الله خلق الخير والشر

وخلق الليل والنهار والابيض والاسود والملاك والشيطان وما فيها تناقض بالمرة

اوجد الشر واوجد الخير والانسان له حق الاختيار على ما هي الفطرة ربنا ما بيغصب حدا على الاختيار واعطاه لخير والشر عشان هو يختاار

طنش تعش · 01/09/2006

خيو انا جاهل دينيا بس بيقولو متل ماقال الاكترية....وبوافق غروب الشمس قصدي شروق القمر
عاانو الله خلق غريزة بالانسان وهي الشر والخير وعالانسان انو يختار فاذا كان اختيارو الخير فهاد بيقربو من الله .....وبيكون اختار الاعمال الصالحة ومن هالحكي...

أسير التشرد · 01/09/2006

بشكركم كلكم على المرور والمشاركة بالسؤال والاجابة...

من خلال قرائتي لبعض الردود لاحظت انو بعض الاعضاء عم يقول ان الانسان مولد ع الفطرة بالخير
رح اوضح اكتر متل ما بنعرف ان الوجود هو خير والعدم هو قبيح بمعنى ادق شر... فوجود الانسان هو خير والخير هو باطن والشر هو ظاهر...
هلأ اليوم تناقشت مع شخص بهالسؤال وما توصلنا إلى أي نتيجة سألتو بالبداية انو الله هو خير بذاته وهو مطلق الخير ولا يخرج منه الشر لأنو رح يتنافى مع ذاته الخيرة ومع العدل الالهي...
لكن من وجد الشر؟؟ جاوبني قال انو خلق الله الانسان وهذا العمل هو خير والانسان بطبيعته خير ولو ترك في طبيعته لاختار الخير... ووجود الشر هو من عمل الانسان يعني الاله مالو اي دخل بوجود الشر أو خلق الشر ...(شباب المعتزلة بيقولو انو الله خلق الخير وخلق الشر) نقطة للتوضيح
لكن الخير هو الاصل والشر ظاهر... قول المعتزلة...
طبعاً لما قال انو الانسان هو مصدر الشر بأعمالو ... قلت كيف إذا الانسان مصدر الشر بأعمالو وافعالو هذا ما بيكون قصور بإرادة الله ... لانو هو اللي خلق الانسان وكل شي بيصدر من الانسان بيكون الله هو المسؤول عنو؟ المهم يا احبة انا بصراحة فتت بالحيط ورح اكمل بعدين
وبشكر كل اللي شاركوا بالموضوع امراة من ورق ووائل وبنت الاكارم وشروق القمر وطنش تعش ويارا وري مي وبطلب منكم كمان تعصروا شوي تاني مخكم لحتى نوصل لأجابة شافية للسؤال المنطقي

ري مي · 02/09/2006

انا لساتني مصرة على رايي
الله خلق البشر
وخلق الملائكة
الملائكة من نار او من نور (هيك شي مو؟؟)
والبشرمن طين
أبليس من الملائكة ولكنه شرير
مع انو المعروف عن الملائكة انهم كلهم خير
هيدا مو قصور بإرادة الله
هوي بدو يفرجينا انو كل شي بهالدني (حتى الملائكة) فيها المنيح وفيها الشرير
لحتى نحنا نعرف نختار شو بدنا
وبعدين الشر بمفهومنا يمكن هوي مو شر بمفهوم الذات الإلهية
بمعنى أنو: الله الخير المطلق بمفهوم البشر..... ولكن نحنا شو منعرف عن الله؟؟ لحتى نقول هالحكي يعني

Abu ToNi · 02/09/2006

يت جماعة بتحبوا تسمعوا راي بهاد الموضوع

الله لم يخلق الانسان بل الانسان هو من خلق الله

أسير التشرد · 02/09/2006

اقتباس:

كاتب النص الأصلي : gabriel

يت جماعة بتحبوا تسمعوا راي بهاد الموضوع

الله لم يخلق الانسان بل الانسان هو من خلق الله

طيب مين اللي خلق الخير والشر ؟ برأيك

عياش · 03/09/2006

الخير هو كل عمل يسير بنا نحو الذات الالهية وتحقيق تألهنا والشر هو كل عمل لا يوصل إلى الذات الالهية(يبعدنا عن السمو الروحي والارتقاء نحو الكمال) بالتالي العمل ذاته قد يكون خير أو شر المشكلة في التوجه هل هو للاعلى(رقي) أم للأسفل(دنو)

ta_06 · 03/09/2006

بسم الله الرحمن الرحيم "و لنبلوكم بشيء من الخوف و الجوع و نقص من الأموال و الأنفس و الثمرات " صدق الله العظيم

Abu ToNi · 04/09/2006

اقتباس:

كاتب النص الأصلي : أسير التشرد

طيب مين اللي خلق الخير والشر ؟ برأيك

الخير والشر هنن وجهان لعملة واحدة وهي العملة هس النفس الانسانية

انفس الانسانية صنفت الاشياء اللي بتعتبرها مقبولة بجانب الخير أما الأشياء المغايرة فهي لجانب الشر .

Abu ToNi · 04/09/2006

اقتباس:

كاتب النص الأصلي : عياش

الخير هو كل عمل يسير بنا نحو الذات الالهية وتحقيق تألهنا والشر هو كل عمل لا يوصل إلى الذات الالهية(يبعدنا عن السمو الروحي والارتقاء نحو الكمال) بالتالي العمل ذاته قد يكون خير أو شر المشكلة في التوجه هل هو للاعلى(رقي) أم للأسفل(دنو)

فيها وجهة نظر بس بحب اقول لك الخير ما هو الكمال

Abu ToNi · 04/09/2006

اقتباس:

كاتب النص الأصلي : ta_06

بسم الله الرحمن الرحيم "و لنبلوكم بشيء من الخوف و الجوع و نقص من الأموال و الأنفس و الثمرات " صدق الله العظيم

لك شو جاب هاد الحكي هون

أسير التشرد · 04/09/2006

اقتباس:

كاتب النص الأصلي : gabriel

الخير والشر هنن وجهان لعملة واحدة وهي العملة هس النفس الانسانية

انفس الانسانية صنفت الاشياء اللي بتعتبرها مقبولة بجانب الخير أما الأشياء المغايرة فهي لجانب الشر .

يعني قصدك انو النفس البشرية هي التي اوجدت مفهوم الخير والشر؟

أسير التشرد · 05/09/2006

اقتباس:

كاتب النص الأصلي : ta_06

بسم الله الرحمن الرحيم "و لنبلوكم بشيء من الخوف و الجوع و نقص من الأموال و الأنفس و الثمرات " صدق الله العظيم

شو داخل هالآية بالسؤال ؟
واذا عندك اي تفسير او رابط للآية مع السؤال يا ريت تتفضل ونستفيد منك ونكون لك من الشاكرين..

Abu ToNi · 05/09/2006

اقتباس:

كاتب النص الأصلي : ري مي

اسير فيه عبارة بتوقيعك كتير حلوة
لا تحدثني عن الحب دعني اجربه بنفسي
بتسمحلي استعيرها؟؟؟

خديها آجار أو استثمار

Abu ToNi · 05/09/2006

اقتباس:

كاتب النص الأصلي : أسير التشرد

يعني قصدك انو النفس البشرية هي التي اوجدت مفهوم الخير والشر؟

أو بالأحرى هي ميزت بين الخير والشر

راديا · 05/09/2006

الانسان هوي اللي بيعطي قيمة للاشيا ازا كانت خير او شر ايه؟؟؟؟
انطلاقا من شي ما يكون هاد الانطباع و لكل محمول مدلوووول
ما درستوها هي بس هاد السؤال داخل في نطاق اللغة و كيفية اكتسابها
ف موضوعكم و سؤالكم متشعب الاراء لذلك لازملكم بحث كتييييييييييييير و تمحيص

Abu ToNi · 05/09/2006

اقتباس:

كاتب النص الأصلي : راديا

الانسان هوي اللي بيعطي قيمة للاشيا ازا كانت خير او شر ايه؟؟؟؟
انطلاقا من شي ما يكون هاد الانطباع و لكل محمول مدلوووول
ما درستوها هي بس هاد السؤال داخل في نطاق اللغة و كيفية اكتسابها
ف موضوعكم و سؤالكم متشعب الاراء لذلك لازملكم بحث كتييييييييييييير و تمحيص

طب نحن هون شو عمنعمل ما عمنبحث وندور

أنا برجع بقول لكم الله لم يخلق الانسان بل الانسان هو من خلق الله .